ਵੈੱਬ ਡੈਸਕ- ਅੱਜਕੱਲ ਫੈਸ਼ਨ ਦੀ ਦੁਨੀਆ ’ਚ ਬਾਈਕਰ ਜੈਕੇਟ ਮੁਟਿਆਰਾਂ ਵਿਚ ਸਭ ਤੋਂ ਜ਼ਿਆਦਾ ਲੋਕਪ੍ਰਿਯ ਹੋ ਚੁੱਕੀ ਹੈ। ਇਹ ਜੈਕੇਟ ਨਾ ਸਿਰਫ਼ ਸਟਾਈਲਿਸ਼ ਹੈ, ਸਗੋਂ ਹਰ ਮੌਕੇ ’ਚ ਵੱਖ-ਵੱਖ ਲੁੱਕ ਦੇਣ ’ਚ ਸਮਰੱਥ ਹੈ। ਪਹਿਲਾਂ ਇਸ ਨੂੰ ਮੁੱਖ ਵਜੋਂ ਬਾਈਕ ਰਾਈਡਿੰਗ ਜਾਂ ਐਡਵੈਂਚਰ ਦੌਰਾਨ ਪਹਿਨਿਆ ਜਾਂਦਾ ਸੀ ਪਰ ਹੁਣ ਇਸ ਨੂੰ ਟ੍ਰੈਂਡ ਕੈਜ਼ੂਅਲ, ਪਾਰਟੀ, ਆਊਟਿੰਗ ਅਤੇ ਇੱਥੋਂ ਤੱਕ ਕਿ ਸੈਮੀ-ਫਾਰਮਲ ਲੁੱਕ ਲਈ ਵੀ ਅਪਣਾਇਆ ਜਾ ਰਿਹਾ ਹੈ। ਮੁਟਿਆਰਾਂ ਇਸ ਨੂੰ ਆਪਣੀ ਪਰਸਨੈਲਿਟੀ ਨੂੰ ਬੋਲਡ ਅਤੇ ਕਾਨਫੀਡੈਂਟ ਵਿਖਾਉਣ ਲਈ ਚੁਣ ਰਹੀਆਂ ਹਨ। ਬਾਈਕਰ ਜੈਕੇਟ ਦੀ ਖ਼ਾਸੀਅਤ ਇਸ ਦਾ ਲੈਦਰ ਫੈਬ੍ਰਿਕ ਹੈ, ਜੋ ਚਮਕਦਾਰ, ਮਜ਼ਬੂਤ ਅਤੇ ਰਾਇਲ ਅਪੀਅਰੈਂਸ ਦਿੰਦਾ ਹੈ।
ਹੋਰ ਜੈਕੇਟਾਂ ਦੇ ਮੁਕਾਬਲੇ ਇਸ ’ਚ ਜ਼ਿਆਦਾ ਡਿਟੇਲਿੰਗ ਹੁੰਦੀ ਹੈ। ਇਸ ’ਚ ਵੱਡੇ ਲੈਪਲ ਕਾਲਰ, ਮਜ਼ਬੂਤ ਜ਼ਿਪਰ, ਮੈਟਲ ਬੱਕਲਜ਼, ਕਈ ਪਾਕੇਟਸ ਅਤੇ ਸਲੀਵਜ਼ ’ਤੇ ਐਡਜਸਟੇਬਲ ਸਟ੍ਰੈਪਸ ਵਰਗੇ ਫੀਚਰਸ ਮਿਲਦੇ ਹਨ, ਜੋ ਇਸ ਨੂੰ ਕਾਫੀ ਅਟ੍ਰੈਕਟਿਵ ਬਣਾਉਂਦੇ ਹਨ। ਇਹ ਜੈਕੇਟ ਕ੍ਰਾਪਡ ਸਟਾਈਲ ’ਚ ਵੀ ਉਪਲਬਧ ਹੈ। ਸਾਈਜ਼ ਦੀ ਰੇਂਜ ਵੀ ਕਾਫੀ ਵਿਸਥਾਰ ਵਾਲੀ ਹੈ। ਇਹ ਐਕਸਟਰਾ ਸਮਾਲ ਤੋਂ ਲੈ ਕੇ ਐਕਸਟਰਾ ਲਾਰਜ ਤੱਕ ਆਸਾਨੀ ਨਾਲ ਮਿਲ ਜਾਂਦੀ ਹੈ। ਕਲਰ ਆਪਸ਼ਨਜ਼ ’ਚ ਬਲੈਕ ਸਭ ਤੋਂ ਜ਼ਿਆਦਾ ਪਸੰਦ ਕੀਤਾ ਜਾਂਦਾ ਹੈ, ਕਿਉਂਕਿ ਇਹ ਕਲਾਸਿਕ, ਵਰਸੇਟਾਈਲ ਅਤੇ ਹਰ ਆਊਟਫਿੱਟ ਦੇ ਨਾਲ ਪਰਫੈਕਟ ਮੈਚ ਕਰਦਾ ਹੈ। ਇਸ ਤੋਂ ਇਲਾਵਾ ਗ੍ਰੀਨ, ਬਲੂ, ਲਾਈਟ ਬ੍ਰਾਊਨ, ਰੈੱਡ ਅਤੇ ਬ੍ਰਾਊਨ ਵਰਗੇ ਸ਼ੇਡਜ਼ ਵੀ ਟ੍ਰੈਂਡ ’ਚ ਹਨ ਪਰ ਬਲੈਕ ਦਾ ਕ੍ਰੇਜ਼ ਵੱਖਰਾ ਹੀ ਹੈ।
ਸਟਾਈਲਿੰਗ ਦੀ ਗੱਲ ਕਰੀਏ ਤਾਂ ਮੁਟਿਆਰਾਂ ਇਸ ਨੂੰ ਕਈ ਤਰੀਕਿਆਂ ਨਾਲ ਟ੍ਰਾਈ ਕਰ ਰਹੀਆਂ ਹਨ। ਕੈਜ਼ੂਅਲ ਲੁੱਕ ਲਈ ਬਲੈਕ ਬਾਈਕਰ ਜੈਕੇਟ ਦੇ ਨਾਲ ਸਕਿਨੀ ਜੀਨਸ, ਵ੍ਹਾਈਟ ਜਾਂ ਗ੍ਰਾਫਿਕ ਟੀ-ਸ਼ਰਟ ਅਤੇ ਸਨੀਕਰਜ਼ ਦਾ ਕੰਬੀਨੇਸ਼ਨ ਸਭ ਤੋਂ ਕਾਮਨ ਹੈ। ਸ਼ਾਰਟਸ ਜਾਂ ਮਿਨੀ ਸਕਰਟ ਦੇ ਨਾਲ ਪਹਿਨ ਕੇ ਵੀ ਲੁੱਕ ਖੂਬਸੂਰਤ ਲੱਗਦੀ ਹੈ। ਫਾਰਮਲ ਟੱਚ ਲਈ ਇਸ ਨੂੰ ਟ੍ਰਾਊਜ਼ਰ, ਬਲਾਊਜ਼ ਜਾਂ ਸ਼ਰਟ ਦੇ ਉੱਪਰ ਸਟਾਈਲ ਕੀਤਾ ਜਾ ਰਿਹਾ ਹੈ। ਠੰਡ ਦੇ ਦਿਨਾਂ ’ਚ ਸਵੈਟਰ ਜਾਂ ਹੂਡੀ ਦੇ ਉੱਪਰ ਓਪਨ ਰੱਖ ਕੇ ਪਹਿਨਣਾ ਕਾਫੀ ਟ੍ਰੈਂਡੀ ਲੱਗਦਾ ਹੈ। ਕੁਝ ਮੁਟਿਆਰਾਂ ਇਸ ਨੂੰ ਫਰੰਟ ਓਪਨ ਰੱਖ ਕੇ ਵੀ ਸਟਾਈਲ ਕਰਦੀਆਂ ਹਨ, ਜਿਸ ਨਾਲ ਅੰਦਰ ਦਾ ਟਾਪ ਜਾਂ ਡਰੈੱਸ ਹਾਈਲਾਈਟ ਹੁੰਦੀ ਹੈ।
ਅਸੈਸਰੀਜ਼ ’ਚ ਮੈਚਿੰਗ ਬਲੈਕ ਐਂਕਲ ਬੂਟਸ ਜਾਂ ਲਾਂਗ ਬੂਟਸ, ਬਲੈਕ ਸਨਗਲਾਸਿਜ਼ (ਗੌਗਲਸ ਸਟਾਈਲ) ਅਤੇ ਸਿੰਪਲ ਜਿਊਲਰੀ ਦੀ ਵਰਤੋਂ ਲੁੱਕ ਨੂੰ ਕੰਪਲੀਟ ਕਰਦੀ ਹੈ। ਹੇਅਰ ਸਟਾਈਲ ’ਚ ਓਪਨ ਵੇਵੀ ਹੇਅਰ, ਹਾਈ ਪੋਨੀਟੇਲ ਜਾਂ ਮੈਸਡ ਬੰਨ ਸਭ ਤੋਂ ਜ਼ਿਆਦਾ ਪਸੰਦ ਕੀਤੇ ਜਾ ਰਹੇ ਹਨ। ਬਾਈਕਰ ਜੈਕੇਟ ਦਾ ਸਭ ਤੋਂ ਵੱਡਾ ਪਲੱਸ ਪੁਆਇੰਟ ਇਹ ਹੈ ਕਿ ਇਹ ਮਲਟੀਪਰਪਜ਼ ਹੈ। ਦਿਨ ’ਚ ਕੈਜ਼ੂਅਲ ਆਊਟਿੰਗ ਹੋਵੇ ਜਾਂ ਸ਼ਾਮ ਦੀ ਪਾਰਟੀ, ਇਹ ਹਰ ਜਗ੍ਹਾ ਫਿੱਟ ਬੈਠਦੀ ਹੈ। ਇਹ ਨਾ ਸਿਰਫ਼ ਫੈਸ਼ਨ ਸਟੇਟਮੈਂਟ ਹੈ, ਸਗੋਂ ਕਾਨਫੀਡੈਂਸ ਬੂਸਟਰ ਵੀ ਹੈ। ਕੁੱਲ ਮਿਲਾ ਕੇ ਬਾਈਕਰ ਜੈਕੇਟ ਅੱਜ ਦੀ ਜੈਨਰੇਸ਼ਨ ਦੀ ਫੇਵਰੇਟ ਬਣ ਚੁੱਕੀ ਹੈ, ਜੋ ਟ੍ਰੈਂਡੀ ਹੋਣ ਦੇ ਨਾਲ-ਨਾਲ ਪ੍ਰੈਕਟੀਕਲ ਵੀ ਹੈ।
ਮਹਿੰਗੇ ਬਿਊਟੀ ਪ੍ਰੋਡਕਟਸ ਨੂੰ ਮਾਤ ਦੇਵੇਗਾ 'ਦਹੀਂ ਅਤੇ ਵੇਸਣ' ਦਾ ਇਹ ਘਰੇਲੂ ਪੈਕ, ਚਿਹਰੇ ਦੀ ਗੰਦਗੀ ਹੋਵੇਗੀ ਸਾਫ਼
NEXT STORY 
