ਵੈੱਬ ਡੈਸਕ- ਡਰੈੱਸ, ਮੇਕਅਪ ਅਤੇ ਜਿਊਲਰੀ ਵਾਂਗ ਹੀ ਅਸੈਸਰੀਜ਼ ਵੀ ਔਰਤਾਂ ਅਤੇ ਮੁਟਿਆਰਾਂ ਦੀ ਲੁੱਕ ’ਚ ਅਹਿਮ ਭੂਮਿਕਾ ਨਿਭਾਉਂਦੀਆਂ ਹਨ। ਇਨ੍ਹਾਂ ਅਸੈਸਰੀਜ਼ ’ਚ ਬੈਗ, ਸਨਗਲਾਸਿਜ਼, ਸਟੌਲ ਅਤੇ ਵਾਚ ਸਭ ਤੋਂ ਜ਼ਿਆਦਾ ਪਸੰਦ ਕੀਤੇ ਜਾਂਦੇ ਹਨ ਪਰ ਜੇਕਰ ਬੈਗ ਦੀ ਗੱਲ ਕਰੀਏ ਤਾਂ ਇਸ ਤੋਂ ਬਿਨਾਂ ਔਰਤਾਂ ਦੀ ਲੁੱਕ ਅਧੂਰੀ ਲੱਗਦੀ ਹੈ। ਬੈਗ ਨਾ ਸਿਰਫ ਲੁੱਕ ਨੂੰ ਸਟਾਈਲਿਸ਼ ਬਣਾਉਂਦਾ ਹੈ, ਸਗੋਂ ਜ਼ਰੂਰਤਾਂ ਨੂੰ ਵੀ ਪੂਰਾ ਕਰਦਾ ਹੈ। ਔਰਤਾਂ ਅਤੇ ਮੁਟਿਆਰਾਂ ਬੈਗ ’ਚ ਮੇਕਅਪ ਦਾ ਸਾਮਾਨ, ਕੈਸ਼, ਚਾਬੀ, ਮੋਬਾਈਲ, ਨੋਟਬੁੱਕ, ਪੈੱਨ, ਡਾਇਰੀ ਅਤੇ ਹੋਰ ਜ਼ਰੂਰੀ ਸਾਮਾਨ ਆਸਾਨੀ ਨਾਲ ਕੈਰੀ ਕਰ ਲੈਂਦੀਆਂ ਹਨ। ਬਾਜ਼ਾਰ ’ਚ ਅੱਜ ਮੁਟਿਆਰਾਂ ਕੋਲ ਬੈਗ ਦੇ ਢੇਰਾਂ ਆਪਸ਼ਨਜ਼ ਮੌਜੂਦ ਹਨ। ਵੱਡੇ ਟੋਟ ਬੈਗ ਤੋਂ ਲੈ ਕੇ ਛੋਟੇ ਕਲੱਚ ਤੱਕ, ਹਰ ਸਾਈਜ਼ ਅਤੇ ਡਿਜ਼ਾਈਨ ਉਪਲਬਧ ਹੈ। ਇਨ੍ਹਾਂ ’ਚ ਮਲਟੀਕਲਰ, ਪਲੇਨ, ਫਲੋਰਲ ਪ੍ਰਿੰਟਿਡ, 3-ਡੀ ਡਿਜ਼ਾਈਨ, ਲੈਦਰ, ਫੈਬਰਿਕ ਅਤੇ ਹੋਰ ਬੈਗ ਸ਼ਾਮਲ ਹਨ।
ਸਾਈਜ਼ ਦੀ ਗੱਲ ਕਰੀਏ ਤਾਂ ਆਊਟਿੰਗ, ਸ਼ਾਪਿੰਗ ਜਾਂ ਪਿਕਨਿਕ ਲਈ ਮੁਟਿਆਰਾਂ ਵੱਡੇ ਬੈਗ ਪਸੰਦ ਕਰਦੀਆਂ ਹਨ, ਜਿਨ੍ਹਾਂ ’ਚ ਜ਼ਿਆਦਾ ਸਾਮਾਨ ਆ ਸਕੇ। ਉੱਥੇ ਹੀ, ਪਾਰਟੀ ਜਾਂ ਫੰਕਸ਼ਨ ਲਈ ਛੋਟੇ ਅਤੇ ਸਟਾਈਲਿਸ਼ ਕਲੱਚ ਜਾਂ ਸਲਿੰਗ ਬੈਗ ਟ੍ਰੈਂਡ ’ਚ ਹਨ। ਬੈਗ ਦੀ ਸਟ੍ਰਿਪ ਵੀ ਵੱਖ-ਵੱਖ ਸਟਾਈਲ ’ਚ ਆਉਂਦੀ ਹੈ। ਕੁਝ ’ਚ ਫੈਬਰਿਕ ਦੀ ਸਟ੍ਰਿਪ ਤੇ ਕੁਝ ’ਚ ਚੇਨ ਟਾਈਪ ਸਟ੍ਰਿਪ ਹੁੰਦੀ ਹੈ। ਡਬਲ ਸਟ੍ਰਿਪ ਵਾਲੇ ਬੈਗ ਵੀ ਕਾਫੀ ਸਟਾਈਲਿਸ਼ ਲੱਗਦੇ ਹਨ। ਲੰਬੀ ਸਟ੍ਰਿਪ ਨੂੰ ਸ਼ੋਲਡਰ ਜਾਂ ਕ੍ਰਾਸਬਾਡੀ ਵਾਂਗ ਕੈਰੀ ਕੀਤਾ ਜਾਂਦਾ ਹੈ, ਜਦਕਿ ਛੋਟੀ ਸਟ੍ਰਿਪ ਵਾਲੇ ਬੈਗ ਹੱਥ ’ਚ ਲਏ ਜਾਂਦੇ ਹਨ। ਟੋਟ ਬੈਗ ’ਚ ਕਈ ਪਾਰਟੀਸ਼ਨਜ਼ ਅਤੇ ਪਾਕਿਟਜ਼ ਹੁੰਦੇ ਹਨ, ਜਿਸ ਨਾਲ ਸਾਮਾਨ ਨੂੰ ਵੱਖ-ਵੱਖ ਰੱਖਣਾ ਆਸਾਨ ਹੁੰਦਾ ਹੈ। ਕੁਝ ਮੁਟਿਆਰਾਂ ਜ਼ਿਆਦਾ ਪਾਕਿਟ ਵਾਲੇ ਬੈਗ ਪਸੰਦ ਕਰਦੀਆਂ ਹਨ ਤੇ ਕੁਝ ਨੂੰ ਇਕ-ਦੋ ਪਾਕਿਟ ਵਾਲੇ ਬੈਗ ਪਸੰਦ ਆਉਂਦੇ ਹਨ। ਲਾਕ ਦੀ ਗੱਲ ਕਰੀਏ ਤਾਂ ਕੁਝ ਬੈਗਾਂ ’ਚ ਬਟਨ ਲਾਕ ਤਾਂ ਕੁਝ ’ਚ ਜ਼ਿਪ ਲਾਕ ਆਉਂਦਾ ਹੈ।
ਮੁਟਿਆਰਾਂ ਹੁਣ ਬੈਗ ਨੂੰ ਆਪਣੀ ਡਰੈੱਸ ਦੇ ਅਨੁਸਾਰ ਚੁਣ ਰਹੀਆਂ ਹਨ। ਕਈ ਵਾਰ ਡਰੈੱਸ ਨਾਲ ਮੈਚਿੰਗ ਬੈਗ ਕੈਰੀ ਕੀਤਾ ਜਾਂਦਾ ਹੈ। ਆਫਿਸ, ਮੀਟਿੰਗ ਜਾਂ ਇੰਟਰਵਿਊ ਲਈ ਸਿੰਗਲ ਕਲਰ ਦੇ ਫਾਰਮਲ ਬੈਗ ਪਸੰਦ ਕੀਤੇ ਜਾਂਦੇ ਹਨ, ਜਦਕਿ ਕੈਜ਼ੂਅਲ ਲੁੱਕ ’ਚ ਪ੍ਰਿੰਟਿਡ ਅਤੇ ਕਲਰਫੁੱਲ ਬੈਗ ਸਟਾਈਲ ਕੀਤੇ ਜਾਂਦੇ ਹਨ। ਬਾਜ਼ਾਰ ’ਚ ਇੰਡੀਅਨ, ਵੈਸਟਰਨ ਅਤੇ ਇੰਡੋ-ਵੈਸਟਰਨ ਹਰ ਤਰ੍ਹਾਂ ਦੀ ਡਰੈੱਸ ਨਾਲ ਮੈਚ ਕਰਨ ਵਾਲੇ ਬੈਗ ਮੌਜੂਦ ਹਨ। ਕਸ਼ਮੀਰੀ ਐਂਬ੍ਰਾਇਡਰੀ ਵਾਲੇ ਬੈਗ ਵੀ ਇਨ੍ਹਾਂ ਦਿਨਾਂ ’ਚ ਕਾਫੀ ਟ੍ਰੈਂਡ ’ਚ ਹਨ। ਕੁੱਲ ਮਿਲਾ ਕੇ ਬੈਗ ਹੁਣ ਸਿਰਫ ਜ਼ਰੂਰਤ ਨਹੀਂ, ਸਗੋਂ ਫੈਸ਼ਨ ਸਟੇਟਮੈਂਟ ਬਣ ਚੁੱਕਾ ਹੈ, ਜੋ ਮੁਟਿਆਰਾਂ ਦੀ ਪੂਰੀ ਲੁੱਕ ਨੂੰ ਪਰਫੈਕਟ ਬਣਾਉਂਦਾ ਹੈ।
ਅੰਤਿਮ ਸੰਸਕਾਰ 'ਚ ਕਿਉਂ ਪਾਏ ਜਾਂਦੇ ਹਨ ਚਿੱਟੇ ਕੱਪੜੇ ? ਜਾਣੋ ਕੀ ਹੈ ਅਸਲ ਕਾਰਨ
NEXT STORY 
