ਪੰਜਾਬ ਵਿਚ ਵਧਦੇ ਅਵਾਰਾ ਪਸ਼ੂਆ ਕਾਰਨ, ਸੜਕਾ 'ਤੇ ਦਿਨ ਪ੍ਰਤੀਦਿਨ ਹਾਦਸਿਆ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ । ਰਾਤ ਨੂੰ ਬਲਦਾ ਦੀ ਲੜਾਈ, ਚੋਂਕਾ ਵਿਚ ਝੁੰਡ ਬਣਾ ਕੇ ਖੜਨਾ, ਆਮ ਸਮੱਸਿਆਵਾਂ ਹਨ । ਜਿਸ ਕਾਰਨ ਆਮ ਲੋਕ ਬਹੁਤ ਹੀ ਪ੍ਰੇਸ਼ਾਨ ਹਨ । ਕਈ ਵਾਰ ਜਿਆਦਾ ਆਬਾਦੀ ਵਾਲੇ ਇਲਾਕਿਆਂ ਵਿਚ ਟ੍ਰੈਫਿਕ ਜਾਮ ਵੀ ਇਨ੍ਹਾਂ ਪਸ਼ੂਆਂ ਦੀ ਮੌਜੂਦਗੀ ਕਾਰਨ ਲਗ ਜਾਂਦੇ ਹਨ । ਹੁਣ ਸਵਾਲ ਇਹ ਹੈ ਕਿ ਇਨੀ ਮਾਤਰਾ ਵਿਚ ਇਹ ਕਿੱਥੋਂ ਆਏ ਹਨ ? ਕਿਸੇ ਨੇ ਤਾਂ ਇਨ੍ਹਾਂ ਨੂੰ ਪਾਲਿਆ ਹੋਵੇਗਾ ?
ਦਰਅਸਲ ਤਕਨੀਕੀ ਯੁੱਗ ਵਿਚ ਜਿਵੇਂ ਜਿਵੇਂ ਅੱਗੇ ਵੱਧ ਰਹੇ ਹਾਂ, ਤਿਵੇ ਤਿਵੇ ਇਨਸਾਨੀਅਤ ਖਤਮ ਹੁੰਦੀ ਜਾਪਦੀ ਹੈ । ਗਊਸ਼ਾਲਾਵਾਂ ਅਤੇ ਪਸ਼ੂ ਪਾਲਣ ਵਾਲੀਆਂ ਕੰਪਨੀਆਂ ਹੁਣ ਮਸ਼ੀਨਾਂ ਦੀ ਮਦਦ ਨਾਲ ਦੁੱਧ ਪ੍ਰਾਪਤ ਕਰਦੀਆਂ ਹਨ । ਮਸ਼ੀਨ ਵਿਚ ਚਾਰ ਟਿਊਬਾਂ ਹੁੰਦੀਆਂ ਹਨ । ਜੋ ਕਿ ਥਨ ਵਿਚੋ ਪ੍ਰੈਸ਼ਰ ਨਾਲ ਦੁੱਧ ਕੱਡਦੀਆਂ ਹਨ । ਇਸ ਤਰਾ ਦੁੱਧ ਜਿਆਦਾ ਮਾਤਰਾ ਵਿਚ ਪ੍ਰਾਪਤ ਹੁੰਦਾ ਹੈ । ਪਰ, ਇਹਨਾ ਮਸ਼ੀਨਾਂ ਦੀ ਵਰਤੋ ਨਾਲ ਪਸ਼ੂ ਦੇ ਦੁੱੱਧ ਦੇਣ ਦਾ ਕਾਰਜਕਾਲ ਘੱਟ ਜਾਂਦਾ ਹੈ। ਜਿਸ ਨਾਲ ਪਸ਼ੂ ਕੁੱਛ ਸਮੇ ਬਾਅਦ ਦੁੱਧ ਦੇਣ ਵਿਚ ਅਸਮਰੱਥ ਹੋ ਜਾਂਦਾ ਹੈ। ਜਿਸ ਕਾਰਨ ਪਾਲਣ ਵਾਲੇ ਲਈ ਪਸ਼ੂ ਦੀ ਕੋਈ ਮਹੱਤਤਾ ਨਹੀਂ ਰਹਿ ਜਾਂਦੀ । ਫੇਰ ਇਨ੍ਹਾਂ ਪਸ਼ੂਆਂ ਨੂੰ ਇਕ ਟਰੱਕ ਵਿਚ ਪਾ ਕੇ ਰਾਤ ਨੂੰ ਕਿਸੇ ਦੂਸਰੇ ਸ਼ਹਿਰ ਵਿਚ ਸੁੱਟ ਦਿੱਤਾ ਜਾਂਦਾ ਹੈ । ਜਿਸ ਨਾਲ ਕਿ ਇਹ ਸਭ ਪ੍ਰੇਸ਼ਾਨੀਆਂ ਹੁੰਦੀਆਂ ਹਨ।
ਹੁਣ ਵਕਤ ਰਹਿੰਦੇ ਜੇ ਫੈਸਲੇ ਲਏ ਜਾਣ ਤਾ ਗੱਲ ਕਾਬੂ ਆ ਸਕਦੀ ਹੈ। ਸਭ ਤੋਂ ਪਹਿਲਾਂ ਤਾ ਸਰਕਾਰ ਨੂੰ ਗਊਸ਼ਾਲਾਵਾਂ ਅਤੇ ਪਸ਼ੂ ਪਾਲਣ ਵਾਲੀਆਂ ਕੰਪਨੀਆਂ ਲਈ ਸਖਤ ਕਾਨੂੰਨ ਬਣਾਉਣੇ ਚਾਹੀਦੇ ਹਨ। ਇਸਦੇ ਨਾਲ ਹੀ ਗਊਸ਼ਾਲਾਵਾਂ ਅਤੇ ਪਸ਼ੂ ਪਾਲਣ ਵਾਲੀਆਂ ਕੰਪਨੀਆਂ ਨੂੰ ਉੱਚ ਤਕਨੀਕ ਜਿਵੇ ਕਿ:- ਐਫਿਮਿਲਕ ਸੈਂਸਰ ਦੀ ਵਰਤੋ ਕਰਨੀ ਚਾਹੀਦੀ ਹੈ ਅਤੇ ਪਸ਼ੂਆਂ ਦੀ ਵਰਤੋਂ ਤੋਂ ਬਾਅਦ ਸਾਭ ਸੰਭਾਲ ਦਾ ਵੀ ਕੋਈ ਹਿੱਲਾ ਕਰਨਾ ਚਾਹਿਦਾ ਹੈ।
ਅਮਿਤ ਕੁਮਾਰ, ਸਰਹਿੰਦ
ਸਲਮਾਨ ਖਾਨ ਨੇ ''ਰੇਸ 3'' ਦੇ ਨਿਰਮਾਤਾ ਰਮੇਸ਼ ਤੌਰਾਨੀ ਨੂੰ ਦਿੱਤੀ ਜਨਮਦਿਨ ਦੀ ਵਧਾਈ
NEXT STORY 
