ਨਵੀਂ ਦਿੱਲੀ- ਏਅਰ ਮਾਰਸ਼ਲ ਜਿਤੇਂਦਰ ਮਿਸ਼ਰਾ ਨੇ ਬੁੱਧਵਾਰ ਨੂੰ ਭਾਰਤੀ ਹਵਾਈ ਫ਼ੌਜ ਦੀ ਪੱਛਮੀ ਹਵਾਈ ਕਮਾਨ ਦੇ ਮੁਖੀ ਵਜੋਂ ਅਹੁਦਾ ਸੰਭਾਲਿਆ। ਪੱਛਮੀ ਹਵਾਈ ਕਮਾਨ ਸੰਵੇਦਨਸ਼ੀਲ ਲੱਦਾਖ ਸੈਕਟਰ ਦੇ ਨਾਲ-ਨਾਲ ਉੱਤਰ ਭਾਰਤ ਦੇ ਕੁਝ ਹੋਰ ਹਿੱਸਿਆਂ 'ਚ ਹਵਾਈ ਖੇਤਰ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਸੰਭਾਲਦੀ ਹੈ। ਭਾਰਤੀ ਹਵਾਈ ਫ਼ੌਜ ਅਨੁਸਾਰ ਪ੍ਰਯੋਗਾਤਮਕ ਪ੍ਰੀਖਣ ਪਾਇਲਟ ਏਅਰ ਮਾਰਸ਼ਲ ਮਿਸ਼ਰਾ ਕੋਲ 3 ਘੰਟੇ ਤੋਂ ਵੱਧ ਉਡਾਣ ਦਾ ਅਨੁਭਵ ਹੈ। ਉਹ ਏਅਰ ਮਾਰਸ਼ਲ ਪੰਕਜ ਮੋਹਨ ਸਿਨਹਾ ਦਾ ਸਥਾਨ ਲੈਣਗੇ, ਜੋ 39 ਸਾਲਾਂ ਤੋਂ ਵੱਧ ਦੀ ਵਿਸ਼ੇਸ਼ ਸੇਵਾ ਤੋਂ ਬਾਅਦ ਸੇਵਾਮੁਕਤ ਹੋਏ ਸਨ।
ਏਅਰ ਮਾਰਸ਼ਲ ਮਿਸ਼ਰਾ ਨੂੰ 6 ਦਸੰਬਰ 1986 ਨੂੰ ਭਾਰਤੀ ਹਵਾਈ ਫ਼ੌਜ (ਆਈਏਐੱਫ) 'ਚ ਲੜਾਕੂ ਪਾਇਲਟ ਵਜੋਂ ਨਿਯੁਕਤ ਕੀਤਾ ਗਿਆ ਸੀ। ਉਹ ਰਾਸ਼ਟਰੀ ਰੱਖਿਆ ਅਕਾਦਮੀ, ਹਵਾਈ ਫ਼ੌਜ ਪ੍ਰੀਖਣ ਪਾਇਲਟ ਸਕੂਲ, ਬੈਂਗਲੁਰੂ, 'ਏਅਰ ਕਮਾਂਡ ਐਂਡ ਸਟਾਫ਼ ਕਾਲਜ', ਅਮਰੀਕਾ ਅਤੇ 'ਰਾਇਲ ਕਾਲਜ ਆਫ਼ ਡਿਫੈਂਸ ਸਟਡੀਜ਼', ਬ੍ਰਿਟੇਨ ਦੇ ਸਾਬਕਾ ਵਿਦਿਆਰਥੀ ਹਨ। ਆਪਣੇ 38 ਸਾਲਾਂ ਤੋਂ ਵੱਧ ਦੇ ਸੇਵਾ ਕਰੀਅਰ 'ਚ, ਏਅਰ ਮਾਰਸ਼ਲ ਨੇ ਮਹੱਤਵਪੂਰਨ ਕਮਾਨ ਅਤੇ ਕਰਮੀਆਂ ਦੀਆਂ ਨਿਯੁਕਤੀਆਂ ਕੀਤੀਆਂ ਹਨ। ਆਪਣੀ ਨਵੀਂ ਨਿਯੁਕਤੀ ਤੋਂ ਪਹਿਲੇ ਉਹ ਏਕੀਕ੍ਰਿਤ ਰੱਖਿਆ ਸਟਾਫ਼ (ਸੰਚਾਲਨ) ਦੇ ਡਿਪਟੀ ਚੀਫ਼ ਸਨ। ਹਵਾਈ ਫ਼ੌਜ ਅਧਿਕਾਰੀ ਮਿਸ਼ਰਾ ਨੂੰ ਬੇਹੱਦ ਵਿਸ਼ੇਸ਼ ਸੇਵਾ ਮੈਡਲ ਅਤੇ ਵਿਸ਼ੇਸ਼ ਸੇਵਾ ਮੈਡਲ ਨਾਲ ਸਨਮਾਨਤ ਕੀਤਾ ਜਾ ਚੁੱਕਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
15 ਜਨਵਰੀ ਤੱਕ ਬੰਦ ਹੋਏ ਸਾਰੇ ਸਕੂਲ
NEXT STORY 
