ਰਾਮਪੁਰ— ਉੱਤਰ ਪ੍ਰਦੇਸ਼ ਦੇ ਸਾਬਕਾ ਕੈਬਨਿਟ ਮੰਤਰੀ ਅਤੇ ਸਮਾਜਵਾਦੀ ਪਾਰਟੀ ਦੇ ਨੇਤਾ ਆਜ਼ਮ ਖਾਨ ਇਕ ਵਾਰ ਫਿਰ ਆਪਣੇ ਬਿਆਨ ਨੂੰ ਲੈ ਕੇ ਚਰਚਾ 'ਚ ਹੈ। ਤਿੰਨ ਤਲਾਕ ਬਿੱਲ ਨੂੰ ਲੈ ਕੇ ਚੱਲ ਰਹੀ ਬਹਿਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਮੁਸਲਮਾਨਾਂ ਲਈ ਕੋਈ ਕਾਨੂੰਨ ਪ੍ਰਮਾਣਕ ਨਹੀਂ ਹੈ। ਮੁਸਲਮਾਨ ਸਿਰਫ ਕੁਰਾਨ ਨੂੰ ਮੰਨਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਜੋ ਕੁਰਾਨ 'ਚ ਕਿਹਾ ਗਿਆ ਹੈ, ਮੁਸਲਮਾਨ ਉਹੀ ਮੰਨੇਗਾ ਅਤੇ ਕੋਈ ਕਾਨੂੰਨ ਨਹੀਂ। ਆਜ਼ਮ ਖਾਨ ਨੇ ਕਿਹਾ,''ਜੋ ਮੁਸਲਮਾਨ ਹੈ, ਜੋ ਕੁਰਾਨ ਨੂੰ ਮੰਨਦੇ ਹਨ, ਹਬੀਸ ਨੂੰ ਮੰਨਦੇ ਹਨ, ਉਹ ਜਾਣਦੇ ਹਨ ਕਿ ਤਲਾਕ ਦਾ ਪੂਰਾ ਪ੍ਰੋਸੈਸਰ ਕੁਰਾਨ 'ਚ ਦਿੱਤਾ ਗਿਆ ਹੈ। ਸਾਡੇ ਲਈ ਉਸ ਪ੍ਰੋਸੈਸਰ ਤੋਂ ਇਲਾਵਾ ਕੋਈ ਕਾਨੂੰਨ ਪ੍ਰਮਾਣਕ ਨਹੀਂ ਹੈ। ਸਿਰਫ ਕੁਰਾਨ ਦਾ ਕਾਨੂੰਨ ਹੀ ਮੁਸਲਮਾਨਾਂ ਲਈ ਪ੍ਰਮਾਣਕ ਹੈ।''
ਸਾਬਕਾ ਕੈਬਨਿਟ ਮੰਤਰੀ ਨੇ ਕਿਹਾ ਕਿ ਸਾਡੇ ਲਈ ਸਿਰਫ ਕੁਰਾਨ ਦਾ ਕਾਨੂੰਨ ਹੈ। ਉਨ੍ਹਾਂ ਨੇ ਕਿਹਾ,''ਪੂਰੀ ਦੁਨੀਆ 'ਚ ਮੁਸਲਮਾਨਾਂ ਲਈ ਸਿਰਫ ਅਤੇ ਸਿਰਫ ਕੁਰਾਨ ਦਾ ਕਾਨੂੰਨ ਹੀ ਪ੍ਰਮਾਣਕ ਹੈ। ਇਸ ਤੋਂ ਇਲਾਵਾ ਮੁਸਲਮਾਨ ਕੋਈ ਕਾਨੂੰਨ ਨਹੀਂ ਮੰਨਦਾ। ਇਹ ਸਾਡਾ ਮਜਹਬੀ ਮਾਮਲਾ ਹੈ। ਮੁਸਲਮਾਨਾਂ ਲਈ ਪਰਸਨਲ ਲਾਅ ਬੋਰਡ ਹੈ। ਇਹ ਸਾਡਾ ਵਿਅਕਤੀਗੱਤ ਮਾਮਲਾ ਹੈ ਕਿ ਮੁਸਲਮਾਨ ਕਿਵੇਂ ਵਿਆਹ ਕਰੇਗਾ? ਕਿਵੇਂ ਤਲਾਕ ਲਵੇਗਾ?'' ਆਜ਼ਮ ਨੇ ਕਿਹਾ,''ਸਰਕਾਰ ਪਹਿਲਾਂ ਉਨ੍ਹਾਂ ਔਰਤਾਂ ਨੂੰ ਨਿਆਂ ਦਿਵਾਏ, ਜਿਨ੍ਹਾਂ ਨੂੰ ਉਨ੍ਹਾਂ ਦੇ ਪਤੀਆਂ ਨੇ ਛੱਡ ਦਿੱਤਾ ਹੈ। ਜੋ ਸੜਕਾਂ 'ਤੇ ਘੁੰਮ ਰਹੀ ਹੈ। ਸਰਕਾਰ ਉਨ੍ਹਾਂ ਔਰਤਾਂ ਨੂੰ ਨਿਆਂ ਦੇਵੇ ਜੋ ਗੁਜਰਾਤ ਅਤੇ ਹੋਰ ਥਾਂ ਦੇ ਦੰਗਿਆਂ ਦੀ ਪੀੜਤ ਹੈ।''
ਤੀਜੀ ਕਲਾਸ ਦੀ ਵਿਦਿਆਰਥਣ ਵਲੋਂ ਨਾਲ ਪੜ੍ਹਦੇ ਸਾਥੀ 'ਤੇ ਬਲਾਤਕਾਰ ਦਾ ਮਾਮਲਾ ਦਰਜ
NEXT STORY 
