ਅੰਡੇਮਾਨ ਨਿਕੋਬਾਰ 'ਚ ਕੋਵਿਡ ਦੀ ਸਥਿਤੀ ਖ਼ਰਾਬ, ਮਰੀਜ਼ ਜ਼ਿਆਦਾ ਸਿਹਤ ਕੇਂਦਰ ਘੱਟ

Updated: 14 Aug, 2020 01:11 AM

cpi m writes to pm modi over covid 19 spread in andaman and nicobar islands

ਨਵੀਂ ਦਿੱਲੀ : ਮਾਰਕਸਵਾਦੀ ਕਮਿਉਨਿਸਟ ਪਾਰਟੀ (ਮਾਕਪਾ) ਦੇ ਜਨਰਲ ਸਕੱਤਰ ਸੀਤਾਰਾਮ ਯੇਚੁਰੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਪੱਤਰ ਲਿਖ ਕੇ ਕਿਹਾ ਹੈ ਕਿ ਅੰਡੇਮਾਨ ਨਿਕੋਬਾਰ ਟਾਪੂ ਸਮੂਹ 'ਚ ਸਿਹਤ ਸੰਕਟਕਾਲ ਸਥਿਤੀ ਹੈ ਅਤੇ ਉੱਥੇ ਜ਼ਿੰਦਗੀਆਂ ਬਚਾਉਣ ਅਤੇ ਲੋਕਾਂ ਨੂੰ ਰਾਹਤ ਪ੍ਰਦਾਨ ਕਰਨ ਲਈ ਤੱਤਕਾਲ ਕਦਮ ਚੁੱਕਣ ਦੀ ਜ਼ਰੂਰਤ ਹੈ।

ਯੇਚੁਰੀ ਨੇ ਪੱਤਰ 'ਚ ਕਿਹਾ ਕਿ ਅੰਡੇਮਾਨ ਨਿਕੋਬਾਰ ਦੇ ਟਾਪੂਆਂ ਵਿਚਾਲੇ ਲੰਮੀ ਦੂਰੀ ਤੁਰੰਤ ਇਲਾਜ 'ਚ ਅੜਿੱਕਾ ਪਾਉਂਦੀ ਹੈ। ਕੋਵਿਡ-19 ਦੇ ਮਾਮਲੇ ਅਤੇ ਮੌਤਾਂ ਵੱਧ ਰਹੀ ਹਨ, ਅਜਿਹੇ 'ਚ ਇਹ ਬਹੁਤ ਹੈਰਾਨੀਜਨਕ ਹੈ ਕਿ ਉੱਥੇ ਜਾਂਚ ਲਈ ਸਿਰਫ ਇੱਕ ਹੀ ਕੇਂਦਰ ਹੈ ਅਤੇ ਸਾਰੇ ਟਾਪੂਆਂ ਲਈ ਇੱਕ ਹੀ ਕੋਵਿਡ ਹਸਪਤਾਲ ਹੈ ਅਤੇ ਉਹ ਪੋਰਟ ਬਲੇਅਰ 'ਚ ਹੈ। ਜਾਂਚ ਦੇ ਨਤੀਜੇ ਦਾ 8 ਦਿਨ ਬਾਅਦ ਪਤਾ ਚੱਲਦਾ ਹੈ, ਉਦੋਂ ਤੱਕ ਮਰੀਜ਼ ਗੰਭੀਰ ਸਥਿਤੀ 'ਚ ਪਹੁੰਚ ਜਾਂਦਾ ਹੈ ਅਤੇ ਸਾਹ ਦੀ ਵਿਗੜੀ ਸਥਿਤੀ ਆਮ ਬਣਾਉਣਾ ਮੁਸ਼ਕਿਲ ਹੋ ਜਾਂਦਾ ਹੈ। ਇਸ ਕੋਵਿਡ ਹਸਪਤਾਲ 'ਚ 18 ਡਾਕਟਰ ਪੀੜਤ ਹੋ ਗਏ ਹੈ।

ਯੇਚੁਰੀ ਨੇ ਕਿਹਾ ਕਿ ਇਸ ਟਾਪੂ ਸਮੂਹ ਦੀ ਅੱਧੀ ਜਨਸੰਖਿਆ ਉੱਤਰੀ ਅੰਡੇਮਾਨ 'ਚ ਰਹਿੰਦੀ ਹੈ ਅਤੇ ਉਹ ਪੋਰਟ ਬਲੇਅਰ ਤੋਂ ਦੂਰ ਹੈ ਅਤੇ ਕਿਸੇ ਮਰੀਜ਼ ਨੂੰ ਪੋਰਟ ਬਲੇਅਰ ਪਹੁੰਚਣ 'ਚ ਕਈ ਦਿਨ ਲੱਗ ਜਾਂਦੇ ਹਨ। ਅਜਿਹੀ ਸਥਿਤੀ 'ਚ ਜ਼ਰੂਰੀ ਹੈ ਕਿ ਉੱਥੇ ਅਤੇ ਕੋਵਿਡ ਜਾਂਚ ਕੇਂਦਰ ਖੋਲ੍ਹੇ ਜਾਣ ਅਤੇ ਨਤੀਜੇ ਦੀ ਉਡੀਕ ਮਿਆਦ ਘਟਾਈ ਜਾਵੇ ਅਤੇ ਕੋਵਿਡ-19 ਨਾਲ ਨਜਿੱਠਣ 'ਚ ਸਮਰੱਥ ਹੋਰ ਸਿਹਤ ਕੇਂਦਰ ਖੋਲ੍ਹੇ ਜਾਣ। 10 ਅਗਸਤ ਨੂੰ ਅੰਡੇਮਾਨ 'ਚ ਕੋਵਿਡ-19 ਦੇ 1625 ਮਾਮਲੇ ਆਏ ਅਤੇ 20 ਮਰੀਜ਼ਾਂ ਦੀ ਜਾਨ ਚੱਲੀ ਗਈ। ਹੁਣ ਤੱਕ 709 ਮਰੀਜ਼ ਠੀਕ ਹੋਏ ਹਨ।

ਆਨਲਾਈਨ ਗੇਮ ਰੈਕੇਟ ਦਾ ਪਰਦਾਫਾਸ਼, ਇਕ ਚੀਨੀ ਸਮੇਤ 4 ਧੋਖੇਬਾਜ਼ ਫੜੇ