ਬਿਜ਼ਨੈੱਸ ਡੈਸਕ : ਅੱਜ ਦੇ ਸਮੇਂ ਵਿਚ ਬਹੁਤ ਸਾਰੇ ਲੋਕ ਪੈਟਰੋਲ-ਡੀਜ਼ਲ ਦੀ ਥਾਂ ਇਲੈਕਟ੍ਰਿਕ ਵਾਹਨਾਂ ਨੂੰ ਖਰੀਦਣ ਵਿਚ ਜ਼ਿਆਦਾ ਦਿਲਚਸਪੀ ਵਿਖਾ ਰਹੇ ਹਨ। ਇਸ ਦੌਰਾਨ ਕਈ ਲੋਕ ਅਜਿਹੇ ਵੀ ਹਨ, ਜੋ ਇਲੈਕਟ੍ਰਿਕ ਵਾਹਨ ਖਰੀਦਣ ਤੋਂ ਪਹਿਲਾਂ ਇਹ ਸੋਚਦੇ ਹੋਏ ਝਿਜਕਦੇ ਹਨ ਕਿ ਕੀ ਇੱਕ ਵਾਰ ਚਾਰਜ ਕਰਨ 'ਤੇ ਵਾਹਨ ਕਾਫ਼ੀ ਦੂਰ ਜਾ ਸਕੇਗਾ? ਕੀ ਰਸਤੇ ਵਿੱਚ ਵਾਹਨ ਨੂੰ ਚਾਰਜ ਕਰਨ ਦਾ ਪ੍ਰਬੰਧ ਹੋਵੇਗਾ? ਕੀ ਇਸਨੂੰ ਚਾਰਜ ਕਰਨ ਵਿੱਚ ਬਹੁਤ ਸਮਾਂ ਲੱਗੇਗਾ?
ਇਹ ਵੀ ਪੜ੍ਹੋ - EPFO ਦੇ 7 ਕਰੋੜ ਮੈਂਬਰਜ਼ ਨੂੰ ਲੱਗ ਸਕਦੈ ਝਟਕਾ, ਵਿਆਜ ਦਰਾਂ ਘਟਾਉਣ ਦੀ ਤਿਆਰੀ!
ਲੋਕਾਂ ਦੇ ਇਨ੍ਹਾਂ ਸਵਾਲਾਂ ਦਾ ਜਵਾਬ ਦੇਣ ਲਈ ਕੇਰਲ ਦੀ ਸਰਕਾਰ ਵੱਡਾ ਉਪਰਾਲਾ ਕਰਨ ਜਾ ਰਹੀ ਹੈ। ਇਸ ਉਪਰਾਲੇ ਨਾਲ ਘਰ ਵਿੱਚ ਚਾਰਜ ਕੀਤੇ ਬਿਨਾਂ ਵੀ ਤੁਸੀਂ ਆਪਣੀ ਈਵੀ ਨੂੰ ਬਿਨਾਂ ਕਿਸੇ ਡਰ ਦੇ ਦਿਨ-ਰਾਤ ਸੜਕ 'ਤੇ ਚਲਾ ਸਕਦੇ ਹੋ। ਇਸ ਨਾਲ ਸੜਕ 'ਤੇ ਦੌੜਦੇ ਸਮੇਂ ਕਾਰ ਆਪਣੇ ਆਪ ਚਾਰਜ ਹੋ ਜਾਵੇਗੀ। ਦੱਸ ਦੇਈਏ ਕਿ ਦੱਖਣੀ ਭਾਰਤ ਦੇ ਇਸ ਰਾਜ ਵਿੱਚ ਅਗਲੇ ਵਿੱਤੀ ਸਾਲ ਵਿੱਚ ਵਾਇਰਲੈੱਸ ਈਵੀ ਚਾਰਜਿੰਗ ਪ੍ਰਣਾਲੀ ਸ਼ੁਰੂ ਹੋਣ ਜਾ ਰਹੀ ਹੈ, ਜਿਸ ਵਿੱਚ ਵਾਹਨ ਚਲਦੇ ਸਮੇਂ ਚਾਰਜ ਹੁੰਦੇ ਰਹਿਣਗੇ।
ਇਹ ਵੀ ਪੜ੍ਹੋ - Amazon ਤੇ Flipkart ਨੂੰ ਟੱਕਰ ਦੇਣ ਦੀ ਤਿਆਰੀ 'ਚ ਸਰਕਾਰ, ਹੁਣ ਵੇਚੇਗੀ ਅਗਰਬਤੀ ਤੇ ਟੁੱਥਬਰੱਸ਼
ਇਸ ਵਿੱਚ ਸੜਕ ਦੀ ਸਤ੍ਹਾ ਦੇ ਬਿਲਕੁਲ ਹੇਠਾਂ ਤਾਂਬੇ ਦੇ ਕੋਇਲ ਹੋਣਗੇ, ਜਿਸ ਰਾਹੀਂ ਈਵੀ ਆਪਣੇ ਆਪ ਚਾਰਜ ਹੁੰਦੇ ਰਹਿਣਗੇ। ਕੇਰਲ ਵਿੱਚ ਬਿਜਲੀ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਕੇਆਰ ਜੋਤੀ ਲਾਲ ਨੇ ਕਿਹਾ, 'ਇਹ ਬਿਲਕੁਲ ਅਜਿਹਾ ਹੋਵੇਗਾ ਜਿਵੇਂ ਤੁਸੀਂ ਈਵੀ ਦੀ ਬਜਾਏ ਸੜਕ ਨੂੰ ਚਾਰਜ ਕਰ ਰਹੇ ਹੋ। ਅਸੀਂ ਜਲਦੀ ਹੀ ਇਸ ਦੀ ਜਾਂਚ ਸ਼ੁਰੂ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਦੁਨੀਆ ਦੇ ਹੋਰ ਹਿੱਸਿਆਂ ਵਿੱਚ ਅਜਿਹੀ ਤਕਨੀਕ ਨੂੰ ਘੱਟ ਦੂਰੀਆਂ ਲਈ ਅਜ਼ਮਾਇਆ ਗਿਆ ਹੈ।
ਇਹ ਵੀ ਪੜ੍ਹੋ - ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਨੂੰ ਲੈ ਕੇ ਨਹੀਂ ਮਿਲੇਗੀ ਅਜੇ ਰਾਹਤ, ਕਰਨਾ ਪੈ ਸਕਦੈ ਲੰਬਾ ਇੰਤਜ਼ਾਰ
ਇਲੈਕਟ੍ਰੋਨ ਦੀ ਪੇਸ਼ਕਾਰੀ 'ਚ ਦੱਸਿਆ ਗਿਆ ਕਿ ਸਵੀਡਨ, ਜਰਮਨੀ, ਫਰਾਂਸ, ਚੀਨ ਅਤੇ ਅਮਰੀਕਾ 'ਚ ਵੀ ਉਹ ਇਸ ਤਰ੍ਹਾਂ ਦੇ ਪ੍ਰਾਜੈਕਟ ਪਹਿਲਾਂ ਹੀ ਕਰ ਚੁੱਕੇ ਹਨ। ਇਨ੍ਹਾਂ ਦੀ ਜ਼ਮੀਨ ਦੇ ਉੱਪਰ ਇੱਕ ਢਾਂਚਾ ਹੈ, ਜਿਸ ਨੂੰ ਗਰਾਊਂਡ ਮੈਨੇਜਮੈਂਟ ਯੂਨਿਟ (ਏ.ਐੱਮ.ਯੂ.) ਕਿਹਾ ਜਾਂਦਾ ਹੈ। ਇਹ ਏਐੱਮਯੂ ਗਰਿੱਡ ਤੋਂ ਬਿਜਲੀ ਲੈ ਕੇ ਸੜਕ ਦੇ ਹੇਠਾਂ ਸਥਿਤ ਚਾਰਜਿੰਗ ਢਾਂਚੇ ਨੂੰ ਦਿੰਦੀ ਹੈ ਅਤੇ ਢਾਂਚੇ ਵਿੱਚ ਮੌਜੂਦ ਤਾਂਬੇ ਦੇ ਕੋਇਲ ਇਸ ਨੂੰ ਵਾਹਨਾਂ ਵਿੱਚ ਸਥਾਪਿਤ ਰਿਸੀਵਰ ਤੱਕ ਪਹੁੰਚਾਉਂਦੇ ਹਨ।
ਇਹ ਵੀ ਪੜ੍ਹੋ - ਇੱਕ ਪੈਨ ਕਾਰਡ ਨਾਲ ਜੋੜੇ 1000 ਤੋਂ ਵੱਧ ਖਾਤੇ, ਇੰਝ RBI ਦੇ ਰਾਡਾਰ 'ਤੇ ਆਇਆ Paytm ਪੇਮੈਂਟਸ ਬੈਂਕ
ਇਸ ਨਾਲ ਰਿਸੀਵਰ ਤੋਂ ਪਾਵਰ ਸਿੱਧੇ ਇੰਜਣ ਨੂੰ ਜਾਂਦੀ ਹੈ। ਇਹ ਰਿਸੀਵਰ ਵਾਹਨਾਂ ਵਿੱਚ ਬਾਹਰੋਂ ਸਥਾਪਿਤ ਕੀਤੇ ਜਾ ਸਕਦੇ ਹਨ ਜਾਂ ਕੰਪਨੀ ਰਿਸੀਵਰਾਂ ਨਾਲ ਫਿੱਟ ਕੀਤੇ ਵਿਸ਼ੇਸ਼ ਵਾਹਨਾਂ ਦੀ ਪੇਸ਼ਕਸ਼ ਵੀ ਕਰ ਸਕਦੀ ਹੈ। ਇਲੈਕਟ੍ਰੋਨ ਦਾ ਕਹਿਣਾ ਹੈ ਕਿ ਇਸ ਨਾਲ ਬੈਟਰੀ ਦੀ ਸਮਰੱਥਾ ਨੂੰ 90 ਫ਼ੀਸਦੀ ਤੱਕ ਘਟਾਇਆ ਜਾ ਸਕਦਾ ਹੈ। ਇਸ ਨਾਲ ਹਰੇਕ ਬੈਟਰੀ 'ਤੇ 53 ਹਜ਼ਾਰ ਡਾਲਰ ਦੀ ਬਚਤ ਹੋਵੇਗੀ ਅਤੇ ਹਰੇਕ ਬੱਸ ਤੋਂ 48 ਟਨ ਘੱਟ ਕਾਰਬਨ ਡਾਈਆਕਸਾਈਡ ਨਿਕਲੇਗੀ।
ਇਹ ਵੀ ਪੜ੍ਹੋ - ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਨੂੰ ਕੀਤਾ ਅਪਡੇਟ, ਜਾਣੋ ਕਿਥੇ ਹੋਇਆ ਸਸਤਾ ਤੇ ਮਹਿੰਗਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੰਸਦ ਦੇ ਦੋਹਾਂ ਸਦਨਾਂ 'ਚ ਹੋਵੇਗੀ ਰਾਮ ਮੰਦਰ ਨਿਰਮਾਣ ਅਤੇ ਰਾਮਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ 'ਤੇ ਚਰਚਾ
NEXT STORY 
