Fact Check By Vishwas News
ਨਵੀਂ ਦਿੱਲੀ- ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਜਾ ਰਹੀ ਇੱਕ ਤਸਵੀਰ ਵਿੱਚ ਲੱਕੜੀ ਦੇ ਬਣੇ ਦਿਲ ਨੂੰ ਦੇਖਿਆ ਜਾ ਸਕਦਾ ਹੈ। ਇਸ ਪੋਸਟ ਨੂੰ ਸ਼ੇਅਰ ਕਰਕੇ ਕਈ ਦਾਅਵੇ ਕੀਤੇ ਜਾ ਰਹੇ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਇਹ ਹੈ ਕਿ ਇਹ ਭਗਵਾਨ ਜਗਨਨਾਥ ਦੇ ਅਸਲ ਦਿਲ ਦੀ ਤਸਵੀਰ ਹੈ, ਜਿਸ ਨੂੰ ਜਗਨਨਾਥ ਮੰਦਰ ਵਿੱਚ ਸੰਭਾਲ ਕੇ ਰੱਖਿਆ ਗਿਆ ਹੈ। ਵਿਸ਼ਵਾਸ ਨਿਊਜ਼ ਨੇ ਜਾਂਚ ਕੀਤੀ ਕਿ ਇਹ ਤਸਵੀਰ ਅਸਲੀ ਦਿਲ ਦੀ ਹੈ ਜਾਂ ਨਹੀਂ। ਸਾਡੀ ਜਾਂਚ ਵਿੱਚ, ਵਾਇਰਲ ਦਾਅਵਾ ਝੂਠਾ ਸਾਬਤ ਹੋਇਆ। ਦਰਅਸਲ ਇਹ ਰੁੱਖ ਤੋਂ ਬਣੀ ਇੱਕ ਆਰਟਵਰਕ ਹੈ, ਜੋ ਦਿਲ ਦੇ ਆਕਾਰ ਵਿੱਚ ਬਣਾਈ ਗਈ ਹੈ। ਇਸਨੂੰ ਇੱਕ ਰੂਸੀ ਕਲਾਕਾਰ ਦਿਮਿਤਰੀ ਸਾਈਕਾਲੋਵ ਨੇ ਲੱਕੜ ਅਤੇ ਰੁੱਖ ਦੀ ਛਾਲ ਤੋਂ ਬਣਾਇਆ ਹੈ।
ਵਾਇਰਲ ਪੋਸਟ ਵਿੱਚ ਕੀ ਹੈ?
ਫੇਸਬੁੱਕ ਯੂਜ਼ਰ ਪੱਤਰਕਾਰ ਕ੍ਰਿਸ਼ਨਾ ਪੰਡਿਤ ਨੇ 12 ਜਨਵਰੀ 2025 ਨੂੰ ਵਾਇਰਲ ਤਸਵੀਰ ਸਾਂਝੀ ਕੀਤੀ ਅਤੇ ਲਿਖਿਆ, “*ਰਹੱਸਮਈ ਜਗਨਨਾਥ ਮੰਦਰ* ਜਦੋਂ ਭਗਵਾਨ ਕ੍ਰਿਸ਼ਨ ਨੇ ਆਪਣਾ ਸਰੀਰ ਛੱਡਿਆ, ਤਾਂ ਉਨ੍ਹਾਂ ਦਾ ਸਸਕਾਰ ਕੀਤਾ ਗਿਆ, ਉਨ੍ਹਾਂ ਦਾ ਪੂਰਾ ਸਰੀਰ ਪੰਜ ਤੱਤਾਂ ਵਿੱਚ ਸਮਾ ਗਿਆ, ਪਰ ਉਨ੍ਹਾਂ ਦਾ ਦਿਲ ਆਮ ਵਾਂਗ ਧੜਕ ਰਿਹਾ ਸੀ। ਇੱਕ ਜ਼ਿੰਦਾ ਵਿਅਕਤੀ ਵਾਂਗ ਅਤੇ ਉਹ ਪੂਰੀ ਤਰ੍ਹਾਂ ਸੁਰੱਖਿਅਤ ਸੀ, ਉਨ੍ਹਾਂ ਦਾ ਦਿਲ ਅੱਜ ਤੱਕ ਸੁਰੱਖਿਅਤ ਹੈ, ਜੋ ਭਗਵਾਨ ਜਗਨਨਾਥ ਦੀ ਕਾਠ ਦੀ ਮੂਰਤੀ ਦੇ ਅੰਦਰ ਰਹਿੰਦਾ ਹੈ ਅਤੇ ਉਸੇ ਤਰ੍ਹਾਂ ਧੜਕਦਾ ਹੈ, ਇਹ ਬਹੁਤ ਘੱਟ ਲੋਕ ਜਾਣਦੇ ਹਨ! " ਪੋਸਟ ਵਿੱਚ ਹੋਰ ਵੀ ਬਹੁਤ ਸਾਰੇ ਦਾਅਵੇ ਕੀਤੇ ਗਏ ਹਨ ਪਰ ਅਸੀਂ ਉਨ੍ਹਾਂ ਦੀ ਜਾਂਚ ਨਾ ਕਰਨ ਦਾ ਫੈਸਲਾ ਕੀਤਾ ਅਤੇ ਆਪਣੀ ਜਾਂਚ ਨੂੰ ਸਿਰਫ ਇਸ ਤੱਕ ਸੀਮਤ ਕਰ ਦਿੱਤਾ ਕਿ ਇਹ ਅਸਲੀ ਦਿਲ ਦੀ ਤਸਵੀਰ ਹੈ ਜਾਂ ਨਹੀਂ।
ਇਸ ਪੋਸਟ ਦਾ ਆਰਕਾਈਵਡ ਵਰਜ਼ਨ ਇੱਥੇ ਦੇਖੋ।
ਪੜਤਾਲ
ਵਾਇਰਲ ਫੋਟੋ ਇਕ ਵਾਰ ਪਹਿਲੇ ਵੀ ਝੂਠੇ ਦਾਅਵੇ ਨਾਲ ਵਾਇਰਲ ਹੋਈ ਸੀ ਅਤੇ ਉਸ ਸਮੇਂ ਵੀ ਅਸੀਂ ਇਸਦੀ ਪੜਤਾਲ ਕੀਤੀ ਸੀ। ਗੂਗਲ ਲੈਂਸ ਰਾਹੀਂ ਖੋਜ ਕਰਨ 'ਤੇ, ਸਾਨੂੰ ਇਹ ਫੋਟੋ ‘coolhunting dot com’ ਨਾਮਕ ਵੈੱਬਸਾਈਟ 'ਤੇ ਪ੍ਰਕਾਸ਼ਿਤ ਇੱਕ ਲੇਖ ਵਿੱਚ ਮਿਲੀ। 16 ਅਪ੍ਰੈਲ 2013 ਨੂੰ ਪ੍ਰਕਾਸ਼ਿਤ ਇਸ ਲੇਖ ਦੇ ਅਨੁਸਾਰ, "ਇਹ ਇੱਕ ਰੂਸੀ ਕਲਾਕਾਰ ਦਮਿਤਰੀ ਸਿਕਾਲੋਵ ਦੁਆਰਾ ਬਣਾਈ ਗਈ ਇੱਕ ਕਲਾਕ੍ਰਿਤੀ ਹੈ।"
ਸਾਨੂੰ ਇਹ ਫੋਟੋ ‘buro247 dot ru’ ਨਾਮ ਦੀ ਇੱਕ ਵੈੱਬਸਾਈਟ 'ਤੇ ਵੀ ਮਿਲੀ। 29 ਮਾਰਚ, 2013 ਨੂੰ ਪ੍ਰਕਾਸ਼ਿਤ ਲੇਖ ਵਿੱਚ ਕਿਹਾ ਗਿਆ ਸੀ, “ਇਹ ਫੋਟੋ ਪੈਰਿਸ ਆਰਟ ਫੇਅਰ ਦੀ ਹੈ। ਜਿਸ ਨੂੰ ਦਮਿਤਰੀ ਸਿਕਾਲੋਵ ਦੁਆਰਾ ਬਣਾਇਆ ਗਿਆ ਹੈ। ਸਾਨੂੰ 'thalmaray dot co' ਨਾਮ ਦੀ ਵੈੱਬਸਾਈਟ 'ਤੇ ਵੀ ਦਮਿਤਰੀ ਸਿਕਾਲੋਵ ਦੀ ਕਲਾਕਾਰੀ ਬਾਰੇ ਵੀ ਜਾਣਕਾਰੀ ਮਿਲੀ। 14 ਦਸੰਬਰ 2017 ਨੂੰ ਪ੍ਰਕਾਸ਼ਿਤ ਲੇਖ ਵਿੱਚ ਕਿਹਾ ਗਿਆ ਸੀ "ਦਮਿਤਰੀ ਸਿਕਲੋਵ ਦਾ ਜਨਮ ਰੂਸ ਵਿੱਚ ਹੋਇਆ ਸੀ,"। ਹਾਲਾਂਕਿ ਹੁਣ ਉਹ ਪੈਰਿਸ ਵਿੱਚ ਰਹਿੰਦੇ ਹਨ ਅਤੇ ਉਥੇ ਹੀ ਕੰਮ ਕਰਦੇ ਹਨ। ਦਿਮਿਤਰੀ ਨੇ ਛਾਲ ਅਤੇ ਮਿੱਟੀ ਤੋਂ ਬਣੇ ਇੱਕ ਵਿਸ਼ਾਲ ਲੱਕੜੀ ਦੇ ਦਿਲ ਦਾ ਨਿਰਮਾਣ ਕੀਤਾ ਸੀ। ਇਸ ਆਰਟਵਰਕ ਨੂੰ 'ਦਿਲ ਐਂਡ ਸਾਇਲ' ਵਜੋਂ ਜਾਣਿਆ ਜਾਂਦਾ ਹੈ। ਇੱਥੇ ਸਾਨੂੰ ਦਮਿਤਰੀ ਸਿਕਲੋਵ ਦੁਆਰਾ ਬਣਾਈਆਂ ਗਈਆਂ ਹੋਰ ਬਹੁਤ ਸਾਰੀਆਂ ਕਲਾਕ੍ਰਿਤੀਆਂ ਬਾਰੇ ਵੀ ਪਤਾ ਲੱਗਾ।
ਉਸ ਸਮੇਂ, ਅਸੀਂ ਦਾਅਵੇ ਸੰਬੰਧੀ ਜਗਨਨਾਥ ਮੰਦਰ ਦੇ ਪੀਆਰ ਨਾਲ ਵੀ ਸੰਪਰਕ ਕੀਤਾ ਸੀ। ਉਨ੍ਹਾਂ ਨੇ ਸਾਨੂੰ ਦੱਸਿਆ, “ਵਾਇਰਲ ਦਾਅਵਾ ਗਲਤ ਹੈ। ਇਸ ਤਸਵੀਰ ਦਾ ਭਗਵਾਨ ਜਗਨਨਾਥ ਨਾਲ ਕੋਈ ਸਬੰਧ ਨਹੀਂ ਹੈ, ਲੋਕ ਗਲਤ ਜਾਣਕਾਰੀ ਸਾਂਝੀ ਕਰ ਰਹੇ ਹਨ। ਜਾਂਚ ਦੇ ਅੰਤ ਵਿੱਚ ਅਸੀਂ ਇਸ ਪੋਸਟ ਨੂੰ ਸਾਂਝਾ ਕਰਨ ਵਾਲੇ ਫੇਸਬੁੱਕ ਉਪਭੋਗਤਾ ਦੀ ਜਾਂਚ ਕੀਤੀ। ਜਾਂਚ ਦੌਰਾਨ ਪਤਾ ਲੱਗਾ ਕਿ ਯੂਜ਼ਰ ਪੱਤਰਕਾਰ ਕ੍ਰਿਸ਼ਨਾ ਪੰਡਿਤ ਦੇ ਫੇਸਬੁੱਕ 'ਤੇ 6000 ਤੋਂ ਵੱਧ ਫਾਲੋਅਰਜ਼ ਹਨ।
ਸਿੱਟਾ : ਵਿਸ਼ਵਾਸ ਨਿਊਜ਼ ਨੇ ਜਾਂਚ ਕੀਤੀ ਅਤੇ ਵਾਇਰਲ ਫੋਟੋ ਨਾਲ ਕੀਤੇ ਗਏ ਦਾਅਵੇ ਨੂੰ ਝੂਠਾ ਪਾਇਆ। ਇਹ ਕੋਈ ਅਸਲੀ ਦਿਲ ਦੀ ਤਸਵੀਰ ਨਹੀਂ ਹੈ, ਸਗੋਂ ਇੱਕ ਕਲਾਕਾਰੀ ਹੈ।
(Disclaimer: ਇਹ ਫੈਕਟ ਮੂਲ ਤੌਰ 'ਤੇ Vishwas News ਵੱਲੋਂ ਕੀਤਾ ਗਿਆ ਹੈ, ਜਿਸ ਨੂੰ Shakti Collective ਦੀ ਮਦਦ ਨਾਲ ‘ਜਗ ਬਾਣੀ’ ਨੇ ਪ੍ਰਕਾਸ਼ਿਤ ਕੀਤਾ ਹੈ)
ਇਕ ਪਰਿਵਾਰ ਦੇ 5 ਜੀਆਂ ਨੇ ਖਾਧਾ ਜ਼ਹਿਰ, ਇਸ ਕਾਰਨ ਚੁੱਕਿਆ ਇਹ ਕਦਮ
NEXT STORY 
