ਸ਼੍ਰੀਨਗਰ- ਉੱਤਰਾਖੰਡ ਦੇ ਰਾਜਪਾਲ ਲੈਫਟੀਨੈਂਟ ਜਨਰਲ ਗੁਰਮੀਤ ਸਿੰਘ (ਰਿਟਾ.) ਦੇ ਹੈਲੀਕਾਪਟਰ ਦੀ ਐਤਵਾਰ ਨੂੰ ਸ਼੍ਰੀਨਗਰ 'ਚ ਐਮਰਜੈਂਸੀ ਲੈਂਡਿੰਗ ਕਰਵਾਉਣੀ ਪਈ। ਮਿਲੀ ਜਾਣਕਾਰੀ ਅਨੁਸਾਰ ਹੈਲੀਕਾਪਟਰ 'ਚ ਅਚਾਨਕ ਕੋਈ ਤਕਨੀਕੀ ਖ਼ਰਾਬੀ ਆ ਗਈ ਸੀ, ਜਿਸ ਤੋਂ ਬਾਅਦ ਸਾਵਧਾਨੀ ਵਜੋਂ ਇਸ ਨੂੰ ਜੀ.ਵੀ.ਕੇ. (GVK) ਹੈਲੀਪੈਡ 'ਤੇ ਉਤਾਰਿਆ ਗਿਆ।
ਪੁਲਸ ਗੈਸਟ ਹਾਊਸ ਭੇਜੇ ਗਏ ਰਾਜਪਾਲ
ਪੌੜੀ ਪੁਲਸ ਨੇ ਦੱਸਿਆ ਕਿ ਹੈਲੀਕਾਪਟਰ 'ਚ ਕੁਝ ਤਕਨੀਕੀ ਗੜਬੜੀ ਮਹਿਸੂਸ ਕੀਤੀ ਗਈ ਸੀ, ਜਿਸ ਕਾਰਨ ਪਾਇਲਟ ਨੇ ਤੁਰੰਤ ਲੈਂਡਿੰਗ ਦਾ ਫੈਸਲਾ ਲਿਆ। ਰਾਜਪਾਲ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ ਅਤੇ ਲੈਂਡਿੰਗ ਤੋਂ ਬਾਅਦ ਉਨ੍ਹਾਂ ਨੂੰ ਸ਼੍ਰੀਨਗਰ ਦੇ ਪੁਲਸ ਗੈਸਟ ਹਾਊਸ 'ਚ ਲਿਜਾਇਆ ਗਿਆ। ਫਿਲਹਾਲ ਤਕਨੀਕੀ ਟੀਮ ਹੈਲੀਕਾਪਟਰ ਦੀ ਜਾਂਚ ਕਰ ਰਹੀ ਹੈ।
ਤਹਿਰੀ ਲੇਕ ਫੈਸਟੀਵਲ 'ਚੋਂ ਪਰਤ ਰਹੇ ਸਨ ਰਾਜਪਾਲ
ਘਟਨਾ ਤੋਂ ਪਹਿਲਾਂ ਰਾਜਪਾਲ ਗੁਰਮੀਤ ਸਿੰਘ ਤਹਿਰੀ ਗੜ੍ਹਵਾਲ 'ਚ ਚੱਲ ਰਹੇ ਚਾਰ ਦਿਨਾ 'ਹਿਮਾਲੀਅਨ O2 ਤਹਿਰੀ ਲੇਕ ਫੈਸਟੀਵਲ' 'ਚ ਸ਼ਾਮਲ ਹੋਏ ਸਨ। ਉੱਥੇ ਉਨ੍ਹਾਂ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੀਆਂ ਮੁਬਾਰਕਾਂ ਦਿੱਤੀਆਂ ਅਤੇ ਉੱਤਰਾਖੰਡ ਦੀਆਂ ਔਰਤਾਂ ਦੀ ਸ਼ਕਤੀ ਦੀ ਜੰਮ ਕੇ ਤਾਰੀਫ਼ ਕੀਤੀ ਸੀ। ਉਨ੍ਹਾਂ ਕਿਹਾ ਸੀ ਕਿ ਉੱਤਰਾਖੰਡ ਦੀਆਂ ਧੀਆਂ ਪੂਰੀ ਦੁਨੀਆ 'ਚ ਵਿਲੱਖਣ ਹਨ ਅਤੇ ਰਾਸ਼ਟਰ ਨਿਰਮਾਣ 'ਚ ਵੱਡਾ ਯੋਗਦਾਨ ਪਾ ਰਹੀਆਂ ਹਨ। ਦੱਸ ਦੇਈਏ ਕਿ ਤਹਿਰੀ ਲੇਕ ਫੈਸਟੀਵਲ 9 ਮਾਰਚ ਤੱਕ ਜਾਰੀ ਰਹੇਗਾ, ਜਿਸ 'ਚ ਸਾਹਸੀ ਖੇਡਾਂ, ਸੈਰ-ਸਪਾਟਾ ਅਤੇ ਸਥਾਨਕ ਸੱਭਿਆਚਾਰ ਦੀ ਪ੍ਰਦਰਸ਼ਨੀ ਲਗਾਈ ਜਾ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
JDU 'ਚ ਸ਼ਾਮਲ ਹੋਏ ਨਿਤੀਸ਼ ਕੁਮਾਰ ਦੇ ਬੇਟੇ ਨਿਸ਼ਾਂਤ
NEXT STORY 
