ਜੱਬਲਪੁਰ (ਮੱਧ ਪ੍ਰਦੇਸ਼) – ਮੱਧ ਪ੍ਰਦੇਸ਼ ਹਾਈ ਕੋਰਟ ਨੇ 12 ਸਾਲਾ ਇਕ ਰੇਪ ਪੀੜਤ ਲੜਕੀ ਨੂੰ 19 ਹਫਤੇ 6 ਦਿਨਾਂ ਦਾ ਗਰਭ ਡੇਗਣ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਜਸਟਿਸ ਸੁਬੋਧ ਅਭਿਯੰਕਰ ਨੇ ਕਿਹਾ ਕਿ ਪੀੜਤਾ ਸਿਰਫ 12 ਸਾਲ ਦੀ ਹੈ ਅਤੇ ਨਾਬਾਲਿਗਾ ਹੈ। ਇਸ ਲਈ ਉਹ ਸੈਕਸ ਸਬੰਧਾਂ ਵਿਚ ਸਹਿਮਤੀ ਦੇਣ ਦੀ ਸਥਿਤੀ ਵਿਚ ਨਹੀਂ ਸੀ। ਗਰਭਪਾਤ ਨੂੰ ਇਸ ਰੂਪ ਵਿਚ ਮੰਨਣਾ ਚਾਹੀਦਾ ਹੈ ਕਿ ਉਹ ਗਰਭ ਰੇਪ ਕਾਰਣ ਹੋਇਆ ਸੀ। ਹੁਕਮ ਵਿਚ ਕਿਹਾ ਗਿਆ ਹੈ ਕਿ 19 ਹਫਤੇ 6 ਦਿਨਾਂ ਦਾ ਗਰਭ ਡੇਗਣਾ ਕਾਨੂੰਨੀ ਦਾਇਰੇ ਵਿਚ ਆਉਂਦਾ ਹੈ। ਜੱਬਲਪੁਰ ਦੇ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਹਸਪਤਾਲ ਤੇ ਮੈਡੀਕਲ ਕਾਲਜ ਦੇ 3 ਡਾਕਟਰਾਂ ਦੀ ਟੀਮ ਵਲੋਂ ਪੀੜਤਾ ਦੀ ਮੈਡੀਕਲ ਜਾਂਚ ਦੀ ਰਿਪੋਰਟ ਆਉਣ ਤੋਂ ਬਾਅਦ ਅਦਾਲਤ ਨੇ ਇਹ ਨਿਰਦੇਸ਼ ਿਦੱਤਾ ਹੈ।
ਜੰਮੂ-ਕਸ਼ਮੀਰ ’ਚ ਪਿਛਲੇ ਡੇਢ ਮਹੀਨੇ ਦੌਰਾਨ ਅੱਤਵਾਦੀ ਘਟਨਾਵਾਂ ’ਚ ਆਈ 60 ਫੀਸਦੀ ਕਮੀ
NEXT STORY