ਨਵੀਂ ਦਿੱਲੀ– ਅਮਰੀਕੀ ਫੌਜ ਨੇ ਚਿਨੂਕ ਹੈਲੀਕਾਪਟਰਾਂ ਦੇ ਪੂਰੇ ਬੇੜੇ ਦੀ ਉਡਾਣ ਬੰਦ ਕਰ ਦਿੱਤੀ ਹੈ। ਵੱਡਾ ਖਰੀਦਦਾਰ ਹੋਣ ਦੇ ਨਾਤੇ ਭਾਰਤ ਨੇ ਵੀ ਇਸ ਦੇ ਪੂਰੇ ਵੇਰਵੇ ਮੰਗੇ ਹਨ। ਸਰਕਾਰੀ ਸੂਤਰਾਂ ਮੁਤਾਬਕ ਭਾਰਤ ਕੋਲ ਕਰੀਬ 15 ਚਿਨੂਕ ਹੈਲੀਕਾਪਟਰ ਹਨ। ਅਮਰੀਕੀ ਫੌਜ 1960 ਦੇ ਦਹਾਕੇ ਤੋਂ ਜੰਗ ਦੇ ਮੈਦਾਨਾਂ ਵਿੱਚ ਚਿਨੂਕ ਦੀ ਵਰਤੋਂ ਕਰ ਰਹੀ ਹੈ।
ਇੰਜਣ ਨੂੰ ਅੱਗ ਲੱਗਣ ਦੀਆਂ ਘਟਨਾਵਾਂ ਤੋਂ ਅਮਰੀਕਾ ਚੌਕਸ
ਵਾਲ ਸਟਰੀਟ ਜਰਨਲ ਦੀ ਰਿਪੋਰਟ ਮੁਤਾਬਕ ਅਮਰੀਕੀ ਫੌਜ ਦੀ ਮੇਲ ਏਰੀਅਲ ਕਮਾਂਡ ਨੇ ਸੈਂਕੜੇ ਹੈਲੀਕਾਪਟਰਾਂ ਦੇ ਪੂਰੇ ਬੇੜੇ ਨੂੰ ਖਤਰੇ ਦੇ ਸ਼ੱਕ ਤੋਂ ਹਟਾ ਦਿੱਤਾ ਹੈ। ਰਿਪੋਰਟ ’ਚ ਅਧਿਕਾਰੀਆਂ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਹੈਲੀਕਾਪਟਰਾਂ ਦੇ ਇੰਜਣਾਂ ’ਚ ਅੱਗ ਲੱਗਣ ਦੀਆਂ ਕੁਝ ਘਟਨਾਵਾਂ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਹੈ। ਹਾਲਾਂਕਿ ਇਨ੍ਹਾਂ ਘਟਨਾਵਾਂ ’ਚ ਹੁਣ ਤੱਕ ਕਿਸੇ ਜਾਨੀ ਨੁਕਸਾਨ ਦੀ ਸੂਚਨਾ ਨਹੀਂ ਹੈ। ਅਧਿਕਾਰੀ 70 ਤੋਂ ਵੱਧ ਅਜਿਹੇ ਹੈਲੀਕਾਪਟਰਾਂ ’ਤੇ ਕੰਮ ਕਰ ਰਹੇ ਹਨ, ਜਿਨ੍ਹਾਂ ’ਚ ਦਿੱਕਤਾਂ ਆਈਆਂ ਹਨ।
ਕੁਝ ਮਾਡਲਾਂ ਵਿੱਚ ਨੁਕਸ
ਅਧਿਕਾਰੀਆਂ ਮੁਤਾਬਕ ਫੌਜ ਕੋਲ 400 ਚਿਨੂਕ ਹੈਲੀਕਾਪਟਰ ਹਨ ਜਿਨ੍ਹਾਂ ਦੀਆਂ ਉਡਾਣਾਂ ਹੁਣ ਪੂਰੀ ਤਰ੍ਹਾਂ ਰੋਕ ਦਿੱਤੀਆਂ ਗਈਆਂ ਹਨ। ਵਾਲ ਸਟਰੀਟ ਜਰਨਲ ਮੁਤਾਬਕ ਇਹ ਸਮੱਸਿਆ ਉਨ੍ਹਾਂ ਮਾਡਲਾਂ ’ਚ ਪਾਈ ਗਈ ਹੈ ਜਿਨ੍ਹਾਂ ’ਚ ਬੋਇੰਗ ਕੰਪਨੀ ਨੇ ਹਨੀਵੈਲ ਇੰਟਰਨੈਸ਼ਨਲ ਇੰਕ ਦਾ ਇੰਜਣ ਲਾਇਆ ਹੈ। ਹਨੀਵੈੱਲ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਇੰਜਨ ਬਣਾਉਣ ਵਾਲੇ ਇੰਜੀਨੀਅਰ ਫੌਜ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ। ਉਨ੍ਹਾਂ ਨੇ ਓ-ਰਿੰਗ ਨਾਲ ਸਮੱਸਿਆ ਦੀ ਪਛਾਣ ਕੀਤੀ ਹੈ ਜੋ ਕੰਪਨੀ ਦੇ ਡਿਜ਼ਾਈਨ ਦੇ ਅਨੁਕੂਲ ਨਹੀਂ ਹੈ। ਇਹ ਹਿੱਸਾ ਫੌਜ ਦੀ ਇਸੇ ਵਰਕਸ਼ਾਪ ਵਿੱਚ ਰੁਟੀਨ ਦੀ ਮੇਨਟੀਨੈਂਸ ਦੌਰਾਨ ਪਾਇਆ ਗਿਆ ਸੀ। ਕੰਪਨੀ ਇਸ ਹਿੱਸੇ ਨੂੰ ਬਦਲ ਕੇ ਫੌਜ ਨੂੰ ਦੇਵੇਗੀ।
ਭਾਰਤ ਨੇ ਅਮਰੀਕਾ ਤੋਂ ਵੀ ਵੇਰਵੇ ਮੰਗੇ
3 ਸਾਲ ਪਹਿਲਾਂ 15 ਹੈਲੀਕਾਪਟਰ ਖਰੀਦੇ ਗਏ ਸਨ
ਭਾਰਤ ਨੂੰ 2019 ਵਿੱਚ ਬੋਇੰਗ ਕੰਪਨੀ ਤੋਂ ਚਿਨੂਕ ਹੈਲੀਕਾਪਟਰਾਂ ਦਾ ਪਹਿਲਾ ਬੈਚ ਮਿਲਿਆ ਸੀ। ਸਾਲ 2020 ਤੱਕ ਬੋਇੰਗ ਤੋਂ ਸਾਰੇ 15 ਹੈਲੀਕਾਪਟਰ ਹਾਸਲ ਕਰ ਲਏ ਗਏ ਸਨ। ਟਰੰਪ ਸਰਕਾਰ ਦੌਰਾਨ ਭਾਰਤ ਨੇ ਅਮਰੀਕਾ ਤੋਂ 22 ਅਪਾਚੇ ਹੈਲੀਕਾਪਟਰ ਅਤੇ 15 ਚਿਨੂਕ ਹੈਲੀਕਾਪਟਰ ਖਰੀਦਣ ਦਾ ਸੌਦਾ ਕੀਤਾ ਸੀ।
ਪਿਛਲੇ ਕੁਝ ਸਾਲਾਂ ਵਿੱਚ ਭਾਰਤੀ ਫੌਜ ਨੇ ਸਿਆਚਿਨ ਅਤੇ ਲੱਦਾਖ ਦੇ ਗਲੇਸ਼ੀਅਰਾਂ ਵਿੱਚ ਫਸੇ ਲੋਕਾਂ ਨੂੰ ਬਚਾਉਣ ਲਈ ਚਿਨੂਕ ਹੈਲੀਕਾਪਟਰਾਂ ਰਾਹੀਂ ਵੱਡੇ ਆਪ੍ਰੇਸ਼ਨ ਕੀਤੇ ਸਨ।
ਦੇਸ਼ ’ਚ ਪਹਿਲੀ ਵਾਰ GSVM ਮੈਡੀਕਲ ਕਾਲਜ ’ਚ ਕੀਤਾ ਸ਼ੂਗਰ ਦੇ ਮਰੀਜ਼ ਦਾ ਇਲਾਜ
NEXT STORY 
