ਵੈੱਬ ਡੈਸਕ : ਸਾਈਬਰ ਹਮਲਿਆਂ ਦੇ ਮਾਮਲੇ 'ਚ ਭਾਰਤ ਦੁਨੀਆ 'ਚ ਦੂਜੇ ਨੰਬਰ 'ਤੇ ਪਹੁੰਚ ਗਿਆ ਹੈ। ਸਾਈਬਰ ਇੰਟੈਲੀਜੈਂਸ ਫਰਮ CloudSEEK ਨੇ ਇਕ ਰਿਪੋਰਟ 'ਚ ਇਹ ਜਾਣਕਾਰੀ ਦਿੱਤੀ ਹੈ। CloudSEEK ਦੇ ਡਾਰਕ ਵੈੱਬ 'ਚ ਡਾਟਾ ਨਿਗਰਾਨੀ ਦੇ ਆਧਾਰ 'ਤੇ ਤਿਆਰ ਕੀਤੀ ਗਈ ਇਸ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਕੈਲੰਡਰ ਸਾਲ 2024 'ਚ ਭਾਰਤ 'ਚ 95 ਸੰਸਥਾਵਾਂ ਡਾਟਾ ਚੋਰੀ ਦੇ ਹਮਲਿਆਂ 'ਚ ਆਈਆਂ। ਇਸ ਨਾਲ ਭਾਰਤ ਸਾਈਬਰ ਹਮਲਿਆਂ ਦਾ ਸ਼ਿਕਾਰ ਹੋਣ ਵਾਲੇ ਦੇਸ਼ਾਂ ਦੀ ਸੂਚੀ ਵਿੱਚ ਦੂਜੇ ਨੰਬਰ 'ਤੇ ਆ ਗਿਆ ਹੈ।
ਇਹ ਵੀ ਪੜ੍ਹੋ : ਧੀ ਨਾਲ ਪ੍ਰੇਮ ਸਬੰਧਾਂ ਦਾ ਸੀ ਸ਼ੱਕ, ਪਿਓ ਤੇ ਭਰਾਵਾਂ ਲੋਹੇ ਦੀਆਂ ਰਾਡਾਂ ਨਾਲ ਬੁਰੀ ਤਰ੍ਹਾਂ ਕੁੱਟਿਆ ਨੌਜਵਾਨ...
ਰਿਪੋਰਟ ਮੁਤਾਬਕ ਆਰਥਿਕ ਦਬਦਬੇ ਅਤੇ ਡਿਜੀਟਲ ਬੁਨਿਆਦੀ ਢਾਂਚੇ ਕਾਰਨ 140 ਹਮਲਿਆਂ ਨਾਲ ਅਮਰੀਕਾ ਸਭ ਤੋਂ ਵੱਧ ਨਿਸ਼ਾਨਾ ਬਣਿਆ। ਇਜ਼ਰਾਈਲ 57 ਸਾਈਬਰ ਹਮਲਿਆਂ ਨਾਲ ਤੀਜੇ ਸਥਾਨ 'ਤੇ ਰਿਹਾ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ, "ਖਤਰਾ ਪੈਦਾ ਕਰਨ ਵਾਲੇ ਤੱਤਾਂ ਨੇ ਭਾਰਤ ਵਿੱਚ ਵੱਖ-ਵੱਖ ਸੈਕਟਰਾਂ ਨੂੰ ਪ੍ਰਭਾਵਿਤ ਕੀਤਾ ਹੈ, ਵਿੱਤ ਅਤੇ ਬੈਂਕਿੰਗ ਖੇਤਰ ਵਿੱਚ ਸਭ ਤੋਂ ਵੱਧ ਪੀੜਤਾਂ ਦੀ ਗਿਣਤੀ 20 ਹੈ। ਇਸ ਤੋਂ ਬਾਅਦ ਸਰਕਾਰੀ ਖੇਤਰ ਦੀਆਂ 13 ਇਕਾਈਆਂ, ਦੂਰਸੰਚਾਰ ਖੇਤਰ ਦੀਆਂ 12, ਸਿਹਤ ਸੰਭਾਲ ਅਤੇ ਫਾਰਮਾਸਿਊਟੀਕਲ ਅਤੇ ਸਿੱਖਿਆ ਖੇਤਰ ਦੀਆਂ ਕ੍ਰਮਵਾਰ 10 ਅਤੇ ਨੌਂ ਇਕਾਈਆਂ ਪ੍ਰਭਾਵਿਤ ਹੋਈਆਂ।
ਇਹ ਵੀ ਪੜ੍ਹੋ : ਚਮਤਕਾਰ! ਸਪੀਡ ਬ੍ਰੇਕਰ ਤੋਂ ਲੱਗਾ ਝਟਕਾ ਤੇ ਉੱਠ ਖੜਿਆ ਮੁਰਦਾ...
ਸਾਈਬਰ ਹਮਲੇ ਦੀਆਂ ਵੱਡੀਆਂ ਘਟਨਾਵਾਂ ਵਿੱਚ ਇੱਕ ਉੱਚ-ਤਕਨੀਕੀ ਸਮੂਹ ਤੋਂ 85 ਕਰੋੜ ਭਾਰਤੀ ਨਾਗਰਿਕਾਂ ਦਾ ਡੇਟਾ ਲੀਕ ਹੋਣਾ, ਸਟਾਰ ਹੈਲਥ ਅਤੇ ਅਲਾਈਡ ਇੰਸ਼ੋਰੈਂਸ ਗਾਹਕਾਂ ਦਾ ਡੇਟਾ, ਟੈਲੀਕਮਿਊਨੀਕੇਸ਼ਨ ਕੰਸਲਟੈਂਟਸ ਇੰਡੀਆ ਦਾ ਡੇਟਾ ਸ਼ਾਮਲ ਹੈ। ਰਿਪੋਰਟ ਮੁਤਾਬਕ ਦੇਸ਼ 'ਚ ਰੈਨਸਮਵੇਅਰ ਹਮਲੇ ਦੀਆਂ 108 ਘਟਨਾਵਾਂ ਸਾਹਮਣੇ ਆਈਆਂ ਹਨ। ਲੌਕਬਿਟ, ਸਭ ਤੋਂ ਵੱਧ ਸਰਗਰਮ ਰੈਨਸਮਵੇਅਰ ਸਮੂਹ ਨੇ 20 ਤੋਂ ਵੱਧ ਹਮਲੇ ਕੀਤੇ ਜਦੋਂ ਕਿ ਕਿਲਸੇਕ ਨੇ 15 ਤੋਂ ਵੱਧ ਅਤੇ ਰੈਨਸਮਹੱਬ ਨੇ 12 ਤੋਂ ਵੱਧ ਘਟਨਾਵਾਂ ਨੂੰ ਅੰਜਾਮ ਦਿੱਤਾ।
ਇਹ ਵੀ ਪੜ੍ਹੋ : Love Marriage ਕਰਨ ਵਾਲੇ ਜ਼ਰੂਰ ਪੜਨ ਇਹ ਖਬਰ..., High Court ਨੇ ਜਾਰੀ ਕੀਤੇ ਸਖਤ ਹੁਕਮ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਮਮਤਾ ਦੇ ਕਰੀਬੀ ਤ੍ਰਿਣਮੂਲ ਦੇ ਕੌਂਸਲਰ ਦਾ ਗੋਲੀ ਮਾਰ ਕੇ ਕਤਲ
NEXT STORY 
