ਨਵੀਂ ਦਿੱਲੀ— ਜਨ-ਧਨ ਯੋਜਨਾ ਤਹਿਤ ਖੋਲ੍ਹੇ ਗਏ ਬੈਂਕ ਖਾਤਿਆਂ 'ਚ ਜਮ੍ਹਾ ਰਾਸ਼ੀ ਇਕ ਲੱਖ ਕਰੋੜ ਰੁਪਏ ਦੇ ਅੰਕੜੇ ਨੂੰ ਪਾਰ ਕਰ ਗਈ ਹੈ। ਮੋਦੀ ਸਰਕਾਰ ਨੇ 5 ਸਾਲ ਪਹਿਲਾਂ ਇਸ ਯੋਜਨਾ ਦੀ ਸ਼ੁਰੂਆਤ ਕੀਤੀ ਸੀ।
ਵਿੱਤ ਮੰਤਰਾਲਾ ਦੇ ਤਾਜ਼ਾ ਅੰਕੜਿਆਂ ਮੁਤਾਬਕ 3 ਜੁਲਾਈ ਦੀ ਸਥਿਤੀ ਅਨੁਸਾਰ 36.06 ਕਰੋੜ ਖਾਤਿਆਂ 'ਚ 1,00,495.94 ਕਰੋੜ ਰੁਪਏ ਸਨ। ਜਨ-ਧਨ ਲਾਭਪਾਤਰੀਆਂ ਦੇ ਖਾਤਿਆਂ 'ਚ ਜਮ੍ਹਾ ਰਾਸ਼ੀ ਲਗਾਤਾਰ ਵਧ ਰਹੀ ਹੈ। ਇਸ ਤੋਂ ਪਹਿਲਾਂ 6 ਜੂਨ ਨੂੰ ਇਨ੍ਹਾਂ ਖਾਤਿਆਂ 'ਚ ਇਹ ਰਾਸ਼ੀ 99,649.84 ਕਰੋੜ ਅਤੇ ਉਸ ਤੋਂ ਇਕ ਹਫਤੇ ਪਹਿਲਾਂ 99,232.71 ਕਰੋੜ ਰੁਪਏ ਸੀ।
ਪ੍ਰਧਾਨ ਮੰਤਰੀ ਜਨ-ਧਨ ਯੋਜਨਾ (ਪੀ. ਐੱਮ. ਜੇ. ਡੀ. ਵਾਈ.) ਦੀ ਸ਼ੁਰੂਆਤ 28 ਅਗਸਤ 2014 ਨੂੰ ਕੀਤੀ ਗਈ ਸੀ। ਇਸ ਦਾ ਮਕਸਦ ਦੇਸ਼ ਦੇ ਉਨ੍ਹਾਂ ਲੋਕਾਂ ਨੂੰ ਬੈਂਕ ਸੁਵਿਧਾਵਾਂ ਉਪਲੱਬਧ ਕਰਵਾਉਣਾ ਹੈ, ਜੋ ਇਸ ਤੋਂ ਵਾਂਝੇ ਸਨ।
ਨਵੀਂ ਤਕਨੀਕ ਅਪਣਾਉਣ ਨਾਲ ਵਧਣਗੀਆਂ ਰੇਲਗੱਡੀਆਂ 'ਚ ਰੋਜ਼ਾਨਾ 4 ਲੱਖ ਰਾਖਵੀਆਂ ਸੀਟਾਂ
NEXT STORY 
