ਨਵੀਂ ਦਿੱਲੀ— ਦੇਸ਼ ਦੀਆਂ ਕਈ ਸੜਕਾਂ, ਰੇਲਵੇ ਸਟੇਸ਼ਨ ਅਤੇ ਇਮਾਰਤਾਂ 'ਚ ਬਦਲਾਅ ਦੇ ਬਾਅਦ ਹੁਣ ਮੋਦੀ ਸਰਕਾਰ ਦੀ ਨਜ਼ਰ ਦੇਸ਼ ਦੇ ਪਹਿਲੇ ਪ੍ਰਧਾਨਮੰਤਰੀ ਜਵਾਹਰ ਲਾਲ ਨਹਿਰੂ ਦੀ ਯਾਦਾਂ 'ਤੇ ਹੈ। ਕੇਂਦਰ ਸਰਕਾਰ ਨੇ ਜਵਾਹਰਲਾਲ ਨਹਿਰੂ ਮੈਮੋਰੀਅਲ ਫੰਡ ਨੂੰ ਤਿੰਨ ਮੂਰਤੀ ਭਵਨ ਖਾਲੀ ਕਰਨ ਦਾ ਨੋਟਿਸ ਦਿੱਤਾ ਹੈ।
ਇਹ ਹੈ ਮਾਮਲਾ
ਜਵਾਹਰਲਾਲ ਨਹਿਰੂ ਮੈਮੋਰੀਅਲ ਫੰਡ ਨਹਿਰੂ ਮਿਊਜ਼ੀਅਮ ਐਂਡ ਲਾਈਬ੍ਰੇਰੀ ਦੀ ਇਮਾਰਤ ਨਾਲ ਸੰਚਾਲਿਤ ਹੁੰਦਾ ਹੈ। ਇਸ ਦੀ ਮੌਜੂਦਾ ਚੇਅਰਮੈਨ ਯੂ.ਪੀ.ਏ. ਪ੍ਰਧਾਨ ਸੋਨੀਆ ਗਾਂਧੀ ਹੈ। 11 ਸਤੰਬਰ 2018 ਨੂੰ ਘਰ ਅਤੇ ਸ਼ਹਿਰੀ ਵਿਕਾਸ ਮੰਤਰਾਲੇ ਨੇ ਜੇ.ਐਨ.ਐਮ.ਐਫ. ਨੂੰ 24 ਸਤੰਬਰ ਤੱਕ ਬਿਲਡਿੰਗ ਖਾਲੀ ਕਰਨ ਦਾ ਨੋਟਿਸ ਦਿੱਤਾ ਸੀ। ਨੋਟਿਸ 'ਚ ਜੇ.ਐਨ.ਐਮ.ਐਫ ਦੇ ਪ੍ਰਸ਼ਾਸਨਿਕ ਸਕੱਤਰ ਡਾ.ਬਾਲਕ੍ਰਿਸ਼ਨਨ ਨੂੰ ਸੰਬੋਧਿਤ ਕਰਦੇ ਕਿਹਾ ਗਿਆ ਸੀ ਕਿ ਜੇ.ਐਨ.ਐਮ.ਐਫ. ਨੇ ਅਣਅਧਿਕਾਰਤ ਰੂਪ ਨਾਲ ਤਿੰਨ ਮੂਰਤੀ ਭਵਨ ਦੇ ਇਕ ਹਿੱਸੇ 'ਤੇ ਸਾਲ 1967 ਤੋਂ ਕਬਜ਼ਾ ਕੀਤਾ ਹੋਇਆ ਹੈ। ਇਸ 'ਤੇ ਜੇ.ਐਨ.ਐਮ.ਐਫ. ਦੀ ਸਕੱਤਰ ਸੁਮਨ ਦੂਬੇ ੇਨੇ ਮੀਡੀਆ ਨੂੰ ਦੱਸਿਆ ਕਿ ਤਿੰਨ ਮੂਰਤੀ ਭਵਨ 'ਤੇ ਅਸੀਂ ਨਾਜਾਇਜ਼ ਕਬਜ਼ਾ ਨਹੀਂ ਕੀਤਾ ਹੈ ਸਗੋਂ 51 ਸਾਲ ਪਹਿਲਾਂ ਨਹਿਰੂ ਮੈਮੋਰੀਅਲ ਮਿਊਜ਼ੀਅਮ ਐਂਡ ਲਾਈਬ੍ਰੇਰੀ ਨੇ ਸਾਨੂੰ ਪ੍ਰੀਕਿਰਿਆ ਤਹਿਤ ਤਿੰਨ ਮੂਰਤੀ ਭਵਨ 'ਚ ਜਗ੍ਹਾ ਦਿੱਤੀ ਸੀ।
ਤੇਜ਼ਾਬ ਹਮਲੇ ਨਾਲ ਪੀੜਤ ਔਰਤਾਂ ਨੂੰ ਮਹੀਨਾਵਾਰ ਪੈਂਸ਼ਨ ਦੇਵੇਗੀ ਹਰਿਆਣਾ ਸਰਕਾਰ
NEXT STORY 
