ਨਵੀਂ ਦਿੱਲੀ (ਇੰਟ.) : ਇਕ ਪਰਿਵਾਰ ਆਪਣੇ ਸੁਪਨਿਆਂ ਦੀਆਂ ਛੁੱਟੀਆਂ ਬਿਤਾਉਣ ਮਾਲਦੀਵ ਪਹੁੰਚਿਆ ਸੀ ਪਰ ਉਥੇ ਉਸ ਨੂੰ ਕੌੜੇ ਤਜ਼ਰਬਿਆਂ ਦਾ ਸਾਹਮਣਾ ਕਰਨਾ ਪਿਆ। ਟ੍ਰੈਵਲ ਕੰਪਨੀ ਦੀ ਲਾਪ੍ਰਵਾਹੀ ਕਾਰਨ ਪਰਿਵਾਰ ਨੂੰ ਭਾਰੀ ਪ੍ਰੇਸ਼ਾਨੀ ਝੱਲਣੀ ਪਈ ਅਤੇ ਉਨ੍ਹਾਂ ਦਾ ਡ੍ਰੀਮ ਵੇਕੇਸ਼ਨ ਇਕ ਬੁਰਾ ਸੁਪਨਾ ਬਣ ਗਿਆ। ਲੱਖਾਂ ਰੁਪਏ ਖ਼ਰਚ ਕਰਨ ਦੇ ਬਾਵਜੂਦ ਪਰਿਵਾਰ ਨੂੰ ਮਾਲਦੀਵ ਪਹੁੰਚਦੇ ਹੀ ਹੋਟਲ ’ਚ ਐਂਟਰੀ ਨਹੀਂ ਮਿਲੀ ਅਤੇ ਵਿਦੇਸ਼ੀ ਜ਼ਮੀਨ ’ਤੇ ਉਨ੍ਹਾਂ ਨੂੰ ਘੰਟਿਆਂ ਬੱਧੀ ਪ੍ਰੇਸ਼ਾਨ ਹੋਣਾ ਪਿਆ। ਕਮਿਸ਼ਨ ਨੇ ਕੰਪਨੀ ਦੀ ਲਾਪ੍ਰਵਾਹੀ ਦੇ ਆਧਾਰ ’ਤੇ ਟ੍ਰੈਵਲ ਕੰਪਨੀ ਨੂੰ 2.38 ਲੱਖ ਰੁਪਏ 9 ਫੀਸਦੀ ਵਿਆਜ ਸਮੇਤ ਮੋੜਨ ਅਤੇ 5 ਲੱਖ ਰੁਪਏ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ।
ਇਹ ਵੀ ਪੜ੍ਹੋ - ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ: ਇਸ ਸੂਬੇ 'ਚ 65 IAS ਅਤੇ IPS ਅਧਿਕਾਰੀਆਂ ਦੇ ਤਬਾਦਲੇ
ਹੋਟਲ ਨੇ ਕੀਤਾ ਬੁਕਿੰਗ ਤੋਂ ਇਨਕਾਰ
ਉੱਤਰੀ ਜ਼ਿਲ੍ਹਾ ਉਪਭੋਗਤਾ ਵਿਵਾਦ ਨਿਵਾਰਣ ਕਮਿਸ਼ਨ ਨੇ ‘ਡ੍ਰੀਮ ਵੇਕੇਸ਼ਨ’ ਨੂੰ ਤਣਾਅ ਅਤੇ ਅਪਮਾਨ ’ਚ ਬਦਲਣ ਲਈ ਟ੍ਰੈਵਲ ਕੰਪਨੀ ‘ਐਂਟੀਲੌਗ ਵੇਕੇਸ਼ਨਜ਼’ ਨੂੰ ਸੇਵਾ ’ਚ ਗੰਭੀਰ ਕਮੀ ਦਾ ਦੋਸ਼ੀ ਠਹਿਰਾਇਆ ਹੈ। ਦਿੱਲੀ ਦੇ ਪੀਤਮਪੁਰਾ ਸਥਿਤ ਕੋਹਾਟ ਐਨਕਲੇਵ ਨਿਵਾਸੀ ਨੀਲਮ ਕਮਲ ਕੁਮਾਰ ਦਾ ਕਹਿਣਾ ਹੈ ਕਿ ਮਾਲਦੀਵ ’ਚ ਏਅਰਪੋਰਟ ਪਹੁੰਚਦੇ ਹੀ ਹੋਟਲ ਨੁਮਾਇੰਦਿਆਂ ਨੇ ਉਨ੍ਹਾਂ ਦੀ ਬੁਕਿੰਗ ਤੋਂ ਇਨਕਾਰ ਕਰ ਦਿੱਤਾ, ਜਦਕਿ ਪਰਿਵਾਰ ਪਹਿਲਾਂ ਹੀ ਲੱਖਾਂ ਰੁਪਏ ਪੇਸ਼ਗੀ (ਐਡਵਾਂਸ) ਦੇ ਚੁੱਕਾ ਸੀ।
ਇਹ ਵੀ ਪੜ੍ਹੋ - 6 ਮੁਫ਼ਤ ਸਿਲੰਡਰ, 8 ਗ੍ਰਾਮ ਸੋਨਾ ਤੇ 25 ਲੱਖ ਦਾ ਮੁਫ਼ਤ ਇਲਾਜ, ਚੋਣਾਂ ਲਈ ਇਸ ਪਾਰਟੀ ਦਾ ਵੱਡਾ ਐਲਾਨ
ਜੇਬ੍ਹ ਵਿਚੋਂ ਦੁਬਾਰਾ ਕੀਤਾ ਭੁਗਤਾਨ
ਵਿਦੇਸ਼ੀ ਜ਼ਮੀਨ ’ਤੇ ਪਰਿਵਾਰ ਨੂੰ ਘੰਟਿਆਂ ਬੱਧੀ ਭੁੱਖੇ-ਪਿਆਸੇ ਭਟਕਣਾ ਪਿਆ ਅਤੇ ਅਖ਼ੀਰ ਆਪਣੀ ਜੇਬ੍ਹ ਵਿਚੋਂ ਭੁਗਤਾਨ ਕਰ ਕੇ ਰਹਿਣ ਦਾ ਇੰਤਜ਼ਾਮ ਕਰਨਾ ਪਿਆ। ਕਮਿਸ਼ਨ ਦੇ ਪ੍ਰਧਾਨ ਦਿਵਿਆ ਜੋਤੀ ਜੈਪੁਰੀਆ ਅਤੇ ਮੈਂਬਰ ਅਸ਼ਵਨੀ ਕੁਮਾਰ ਮਹਿਤਾ ਦੀ ਬੈਂਚ ਨੇ ਸਪੱਸ਼ਟ ਕਿਹਾ ਕਿ ਖਪਤਕਾਰ ਟੂਰ ਪੈਕੇਜ ਬੁੱਕ ਕਰਦੇ ਸਮੇਂ ਸੁਰੱਖਿਅਤ ਅਤੇ ਪ੍ਰੇਸ਼ਾਨੀ ਮੁਕਤ ਯਾਤਰਾ ਦੀ ਉਮੀਦ ਕਰਦਾ ਹੈ, ਜਿਸ ’ਚ ਕੰਪਨੀ ਪੂਰੀ ਤਰ੍ਹਾਂ ਅਸਫ਼ਲ ਰਹੀ।
ਇਹ ਵੀ ਪੜ੍ਹੋ - 3 ਜ਼ਿਲ੍ਹਿਆਂ ਦੇ ਸਕੂਲ 21 ਅਪ੍ਰੈਲ ਤੱਕ ਬੰਦ, ਗਰਮੀ ਨੂੰ ਲੈ ਕੇ ਓਡੀਸ਼ਾ ਸਰਕਾਰ ਦਾ ਵੱਡਾ ਫੈਸਲਾ
ਪਰਿਵਾਰ ਦੇ 5 ਮੈਂਬਰਾਂ ਲਈ ਬੁੱਕ ਸੀ ਪੈਕੇਜ
ਮਾਮਲੇ ਅਨੁਸਾਰ ਅਕਤੂਬਰ 2017 ’ਚ ਨੀਲਮ ਨੇ ਆਪਣੇ ਪਰਿਵਾਰ ਦੇ 5 ਮੈਂਬਰਾਂ ਲਈ 3 ਰਾਤਾਂ ਅਤੇ 4 ਦਿਨਾਂ ਦਾ ਮਾਲਦੀਵ ਟੂਰ ਪੈਕੇਜ ਬੁੱਕ ਕਰਵਾਇਆ ਸੀ। ਇਸ ’ਚ ਉਨ੍ਹਾਂ ਦੇ ਪਤੀ ਕੈਪਟਨ ਕਮਲ ਕਾਂਤ ਕੁਮਾਰ, ਬ੍ਰਿਟੇਨ ਤੋਂ ਆਏ ਡਾਕਟਰ ਬੇਟੇ, ਹੈਦਰਾਬਾਦ ਤੋਂ ਆਈ ਬੇਟੀ ਅਤੇ ਬਰੇਲੀ ਤੋਂ ਆਈ ਨੂੰਹ ਸ਼ਾਮਲ ਸਨ। ਪਰਿਵਾਰ ਨੇ ਇਸ ਪੈਕੇਜ ਲਈ 1.18 ਲੱਖ ਰੁਪਏ ਪਹਿਲਾਂ ਹੀ ਜਮ੍ਹਾਂ ਕਰਵਾ ਦਿੱਤੇ ਸਨ, ਜਿਸ ’ਚ ਹੋਟਲ ’ਚ ਠਹਿਰਨਾ, ਭੋਜਨ ਅਤੇ ਸਪੀਡ ਬੋਟ ਟਰਾਂਸਫਰ ਵਰਗੀਆਂ ਸਹੂਲਤਾਂ ਸ਼ਾਮਲ ਸਨ। ਪਰਿਵਾਰ ਨੂੰ ਭਰੋਸਾ ਸੀ ਕਿ ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਦੀ ਪ੍ਰੇਸ਼ਾਨੀ ਨਹੀਂ ਹੋਵੇਗੀ ਪਰ ਅਸਲੀਅਤ ਇਸ ਤੋਂ ਬਿਲਕੁਲ ਵੱਖਰੀ ਨਿਕਲੀ।
15 ਅਕਤੂਬਰ 2017 ਨੂੰ ਮਾਲਦੀਵ ਪਹੁੰਚਣ ’ਤੇ ਹੋਟਲ ਨੇ ਸਾਫ਼ ਕਹਿ ਦਿੱਤਾ ਕਿ ਟ੍ਰੈਵਲ ਕੰਪਨੀ ਵੱਲੋਂ ਕੋਈ ਭੁਗਤਾਨ ਨਹੀਂ ਕੀਤਾ ਗਿਆ ਹੈ ਅਤੇ ਸਪੀਡ ਬੋਟ ਦਾ ਵੀ ਕੋਈ ਪ੍ਰਬੰਧ ਨਹੀਂ ਹੈ। ਕਈ ਵਾਰ ਸੰਪਰਕ ਕਰਨ ਦੇ ਬਾਵਜੂਦ ਕੰਪਨੀ ਨੇ ਕੋਈ ਹੱਲ ਨਹੀਂ ਦਿੱਤਾ। ਮਜਬੂਰ ਹੋ ਕੇ ਪਰਿਵਾਰ ਨੂੰ 1780 ਅਮਰੀਕੀ ਡਾਲਰ (ਲੱਗਭਗ 1.5 ਲੱਖ ਰੁਪਏ) ਵਾਧੂ ਖ਼ਰਚ ਕਰ ਕੇ ਖੁਦ ਠਹਿਰਨ ਦਾ ਪ੍ਰਬੰਧ ਕਰਨਾ ਪਿਆ।
ਇਹ ਵੀ ਪੜ੍ਹੋ - Train 'ਚ ਸਫ਼ਰ ਦੌਰਾਨ ਘਰ ਦਾ ਖਾਣਾ ਖਾਣ 'ਤੇ ਹੋ ਸਕਦੀ ਕਾਰਵਾਈ, ਜਾਣੋ ਰੇਲਵੇ ਦੇ ਨਵੇਂ ਤੇ ਸਖ਼ਤ ਨਿਯਮ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਹੈਰਾਨੀਜਨਕ! ਪੜ੍ਹੇ-ਲਿਖੇ ਲੋਕ ਵੀ ‘ਡਿਜੀਟਲ ਅਰੈਸਟ’ ਦਾ ਬਣ ਰਹੇ ਸ਼ਿਕਾਰ: ਚੀਫ ਜਸਟਿਸ ਸੂਰਿਆਕਾਂਤ
NEXT STORY 
