ਯੂਪੀ : ਉੱਤਰ ਪ੍ਰਦੇਸ਼ ਦੇ ਔਰੈਯਾ ਜ਼ਿਲ੍ਹੇ ਦੇ ਬਿਧੁਨਾ ਤਹਿਸੀਲ ਕੰਪਲੈਕਸ ਵਿੱਚ ਬੁੱਧਵਾਰ ਨੂੰ ਇੱਕ ਅਨੋਖੀ ਅਤੇ ਹੈਰਾਨ ਕਰ ਦੇਣ ਵਾਲੀ ਘਟਨਾ ਵਾਪਰੀ ਹੈ, ਜਿਸ ਨੂੰ ਸੁਣ ਕਈ ਲੋਕਾਂ ਦਾ ਹਾਸਾ ਨਹੀਂ ਰੁੱਕਿਆ। ਉਕਤ ਸਥਾਨ ਨੇ ਇੱਕ ਬਾਂਦਰ ਨੇ ਇੱਕ ਵਿਅਕਤੀ ਦੇ ਮੋਪੇਡ ਦੇ ਤਣੇ ਵਿੱਚੋਂ 80 ਹਜ਼ਾਰ ਰੁਪਏ ਨਾਲ ਭਰਿਆ ਬੈਗ ਚੁੱਕ ਲਿਆ ਅਤੇ ਫਿਰ ਇੱਕ ਦਰੱਖਤ 'ਤੇ ਚੜ੍ਹ ਗਿਆ। ਇਸ ਤੋਂ ਬਾਅਦ ਉਸ ਨੇ ਬੈਗ ਖੋਲ੍ਹ ਕੇ ਉਸ ਦੇ ਅੰਦਰ ਪਏ ਨੋਟਾਂ ਨੂੰ ਹੇਠਾਂ ਸੁੱਟਣਾ ਸ਼ੁਰੂ ਕਰ ਦਿੱਤੀ। ਜਿਸ ਨੂੰ ਦੇਖ ਇੰਝ ਲੱਗ ਰਿਹਾ ਸੀ ਜਿਵੇਂ ਆਸਮਾਨ ਤੋਂ ਨੋਟਾ ਦੀ ਵਰਖਾ ਹੁੰਦੀ ਹੋਵੇ।
ਪੜ੍ਹੋ ਇਹ ਵੀ - ਸਸਤਾ ਹੋ ਗਿਆ ਸੋਨਾ! ਗਹਿਣੇ ਖਰੀਦਣ ਵਾਲਿਆਂ ਲ਼ਈ ਖ਼ੁਸ਼ਖ਼ਬਰੀ
ਕਿਸਾਨ ਦੇ ਹੱਥ ਲੱਗੇ ਸਿਰਫ਼ 52 ਹਜ਼ਾਰ ਰੁਪਏ
ਬਾਂਦਰ ਵਲੋਂ ਨੋਟਾਂ ਦੀ ਕੀਤੀ ਜਾ ਰਹੀ ਵਰਖਾਂ ਵਾਲੀ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਦੂਜੇ ਪਾਸੇ ਜਿਹੜੇ ਵਿਅਕਤੀ ਦੇ ਇਹ ਸਾਰੇ ਪੈਸੇ ਸਨ, ਉਸ ਦੇ ਹੋਸ਼ ਹੀ ਉੱਡ ਗਏ। ਬਾਂਦਰ ਦੀ ਇਸ ਸ਼ਰਾਰਤ ਤੋਂ ਬਾਅਦ ਰੋਹਿਤਸ਼ ਨਾਮਕ ਵਿਅਕਤੀ ਨੂੰ ਸਿਰਫ਼ 52 ਹਜ਼ਾਰ ਰੁਪਏ ਹੀ ਵਾਪਸ ਮਿਲ ਸਕੇ, ਬਾਕੀ 28 ਹਜ਼ਾਰ ਰੁਪਏ ਜਾਂ ਤਾਂ ਉਸ ਨੂੰ ਫਟੇ ਹੋਏ ਮਿਲੇਦਿੱਤੇ ਗਏ ਜਾਂ ਗਾਇਬ ਹੋ ਗਏ। ਇਸ ਤਰ੍ਹਾਂ ਦੀ ਘਟਨਾ ਨੇ ਸਥਾਨਕ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਵੀ ਹੈਰਾਨ ਕਰ ਦਿੱਤਾ ਹੈ। ਲੋਕ ਇਸ ਗੱਲ ਤੋਂ ਗੁੱਸੇ ਅਤੇ ਪਰੇਸ਼ਾਨ ਹਨ ਕਿ ਪ੍ਰਸ਼ਾਸਨ ਇਸ ਬਾਂਦਰਾਂ ਦੀ ਸਮੱਸਿਆ ਬਾਰੇ ਕੋਈ ਕਾਰਵਾਈ ਨਹੀਂ ਕਰ ਰਿਹਾ ਹੈ।
ਪੜ੍ਹੋ ਇਹ ਵੀ - ਹੋ ਗਿਆ ਇਕ ਹੋਰ ਟੋਲ ਫ੍ਰੀ! ਭਾਰਤ ਦੇ ਸਭ ਤੋਂ ਲੰਬੇ ਅਟਲ ਸੇਤੂ ਨੂੰ ਲੈ ਕੇ ਸਰਕਾਰ ਨੇ ਕਰ 'ਤਾ ਐਲਾਨ
ਜਾਣੋ ਪੂਰਾ ਮਾਮਲਾ
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਘਟਨਾ ਦੋਂਦਾਪੁਰ ਪਿੰਡ ਦੇ ਅਨੁਜ ਕੁਮਾਰ ਦੇ ਪਿਤਾ ਰੋਹਿਤਾਸ਼ ਚੰਦਰ ਨਾਲ ਵਾਪਰੀ ਹੈ। ਉਹ ਜ਼ਮੀਨ ਦੀ ਰਜਿਸਟਰੀ ਕਰਵਾਉਣ ਲਈ ਤਹਿਸੀਲ ਆਇਆ ਸੀ। ਉਸ ਨੇ ਆਪਣੇ ਮੋਪੇਡ ਦੀ ਡਿੱਗੀ ਵਿੱਚ ਇੱਕ ਬੈਗ ਵਿੱਚ 80 ਹਜ਼ਾਰ ਰੁਪਏ ਰੱਖੇ ਹੋਏ ਸਨ। ਜਦੋਂ ਰੋਹਿਤਾਸ਼ ਵਕੀਲ ਗੋਵਿੰਦ ਦੂਬੇ ਨਾਲ ਕਾਗਜ਼ੀ ਕਾਰਵਾਈ ਵਿੱਚ ਰੁੱਝਿਆ ਹੋਇਆ ਸੀ, ਤਾਂ ਇੱਕ ਬਾਂਦਰ ਨੇ ਮੌਕਾ ਦੇਖ ਕੇ ਮੋਪੇਡ ਦੀ ਡਿੱਗੀ ਖੋਲ੍ਹ ਲਈ ਅਤੇ ਪੈਸਿਆਂ ਵਾਲਾ ਬੈਗ ਲੈ ਕੇ ਦਰੱਖਤ 'ਤੇ ਚੜ੍ਹ ਗਿਆ। ਬਾਂਦਰ ਨੇ ਜਦੋਂ ਦਰੱਖਤ ਤੋਂ ਨੋਟਾਂ ਦੀ ਵਰਖਾ ਕਰਨੀ ਸ਼ੁਰੂ ਕੀਤੀ ਤਾਂ ਹੇਠਾਂ ਖੜ੍ਹੇ ਲੋਕਾਂ ਨੇ ਨੋਟ ਇਕੱਠੇ ਕਰਨੇ ਸ਼ੁਰੂ ਕਰ ਦਿੱਤੇ। ਇਸ ਦੌਰਾਨ ਮਚੀ ਹਫ਼ੜਾ-ਦਫ਼ੜੀ ਵਿੱਚ ਕੁਝ ਨੋਟ ਪਾਟ ਗਏ ਅਤੇ ਕੁਝ ਲੋਕਾਂ ਨੇ ਲੈ ਲਏ।
ਪੜ੍ਹੋ ਇਹ ਵੀ - Heavy Rain Alert: ਅਜੇ ਹੋਰ ਪਵੇਗਾ ਭਾਰੀ ਤੋਂ ਬਹੁਤ ਭਾਰੀ ਮੀਂਹ, IMD ਵਲੋਂ ਰੈੱਡ ਅਲਰਟ ਜਾਰੀ
ਵੀਡੀਓ ਹੋਈ ਵਾਇਰਲ
ਬਾਂਦਰ ਵਲੋਂ ਪੈਸੇ ਦੀ ਕੀਤੀ ਜਾ ਰਹੀ ਵਰਖਾਂ ਦੀ ਵੀਡੀਓ ਮੌਕੇ 'ਤੇ ਮੌਜੂਦ ਕੁਝ ਲੋਕਾਂ ਨੇ ਬਣਾ ਲਈ, ਜਿਸ ਨੂੰ ਉਹਨਾਂ ਨੇ ਸੋਸ਼ਲ ਮੀਡੀਆ 'ਤੇ ਪੋਸਤ ਕਰ ਦਿੱਤਾ। ਹੁਣ ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਬਾਂਦਰ ਦਰੱਖਤ 'ਤੇ ਬੈਠਾ ਹੈ, ਨੋਟ ਸੁੱਟ ਰਿਹਾ ਹੈ ਅਤੇ ਲੋਕ ਉਨ੍ਹਾਂ ਨੂੰ ਹੇਠਾਂ ਤੋਂ ਫੜ ਰਹੇ ਹਨ। ਤਹਿਸੀਲ ਅਹਾਤੇ ਵਿੱਚ ਮੌਜੂਦ ਲੋਕਾਂ ਨੇ ਕਿਹਾ ਕਿ ਬਾਂਦਰਾਂ ਦਾ ਆਤੰਕ ਇੱਥੇ ਲਗਾਤਾਰ ਬਣਿਆ ਹੋਇਆ ਹੈ। ਖਾਣਾ ਖਾਣ ਦੀ ਤਾਂ ਗੱਲ ਹੀ ਛੱਡੋ, ਅਸੀਂ ਕੋਈ ਵੀ ਸਾਮਾਨ ਖੁੱਲ੍ਹਾ ਨਹੀਂ ਛੱਡ ਸਕਦੇ। ਬਾਂਦਰ ਸਾਮਾਨ ਖੋਹ ਲੈਂਦੇ ਹਨ ਜਾਂ ਨੁਕਸਾਨ ਪਹੁੰਚਾਉਂਦੇ ਹਨ।
ਪੜ੍ਹੋ ਇਹ ਵੀ - ਖ਼ੁਸ਼ਖਬਰੀ: ਹੁਣ ਹਰ ਮਹੀਨੇ 5000 ਰੁਪਏ ਮਿਲੇਗੀ ਬੁਢਾਪਾ ਪੈਨਸ਼ਨ!
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਟਰੰਪ ਦਾ ਭਾਰਤ 'ਤੇ 50 ਫ਼ੀਸਦੀ ਟੈਰਿਫ਼ ਅੱਜ ਤੋਂ ਲਾਗੂ, ਇਨ੍ਹਾਂ ਸੈਕਟਰਾਂ 'ਤੇ ਦਿਖੇਗਾ ਸਭ ਤੋਂ ਜ਼ਿਆਦਾ ਅਸਰ
NEXT STORY 
