ਜੇਕਰ ਤੁਸੀਂ ਵੀ ਸਵੇਰੇ ਅਲਾਰਮ ਨਾਲ ਉੱਠਦੇ ਹੋ ਤਾਂ ਸਾਵਧਾਨ! ਅਧਿਐਨ 'ਚ ਹੋਇਆ ਹੈਰਾਨੀਜਨਕ ਖੁਲਾਸਾ

ਨੈਸ਼ਨਲ ਡੈਸਕ : ਬਹੁਤ ਸਾਰੇ ਲੋਕ ਅਜਿਹੇ ਹਨ, ਜੋ ਸਵੇਰ ਦੇ ਸਮੇਂ ਸਹੀ ਸਮੇਂ 'ਤੇ ਉੱਠ ਨਹੀਂ ਪਾਉਂਦੇ, ਜਿਸ ਕਾਰਨ ਉਹ ਰੋਜ਼ਾਨਾ ਕੰਮ ਲਈ ਲੇਟ ਹੋ ਜਾਂਦੇ ਹਨ। ਇਸੇ ਲਈ ਲੋਕ ਰਾਤ ਦੇ ਸਮੇਂ ਅਲਾਰਨ ਲੱਗਾ ਕੇ ਸੌਂਦੇ ਹਨ। ਅਲਾਰਮ ਲਗਾ ਕੇ ਸੌਣ ਨਾਲ ਸਵੇਰੇ ਸਮੇਂ ਸਿਰ ਜਾਗ ਆ ਜਾਂਦੀ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਤੁਹਾਡੇ ਦਿਲ ਅਤੇ ਦਿਮਾਗ ਲਈ ਕਿੰਨਾ ਖ਼ਤਰਨਾਕ ਹੋ ਸਕਦਾ ਹੈ? ਹਾਲ ਹੀ ਵਿੱਚ, ਅਮਰੀਕਾ ਦੀ ਵਰਜੀਨੀਆ ਯੂਨੀਵਰਸਿਟੀ ਦੇ ਇੱਕ ਅਧਿਐਨ ਵਿੱਚ ਇਹ ਖੁਲਾਸਾ ਹੋਇਆ ਹੈ ਕਿ ਸਵੇਰੇ ਅਲਾਰਮ ਵਜਾਉਣ ਨਾਲ ਸਾਡਾ ਬਲੱਡ ਪ੍ਰੈਸ਼ਰ ਤੇਜ਼ੀ ਨਾਲ ਵਧਦਾ ਹੈ, ਜਿਸ ਨਾਲ ਦਿਲ ਦਾ ਦੌਰਾ ਅਤੇ ਦਿਮਾਗੀ ਦੌਰਾ ਪੈਣ ਦਾ ਖ਼ਤਰਾ ਵੱਧ ਸਕਦਾ ਹੈ।

ਇਹ ਵੀ ਪੜ੍ਹੋ : ਕੋਈ ਰਾਹਤ ਨਹੀਂ! 11, 12, 13, 14, 15, 16 ਨੂੰ ਪਵੇਗਾ ਭਾਰੀ ਮੀਂਹ, IMD ਦਾ ਅਲਰਟ ਜਾਰੀ

ਜਾਣੋ ਅਲਾਰਮ ਨਾਲ ਕਿਉਂ ਵੱਧਦਾ ਬਲੱਡ ਪ੍ਰੈਸ਼ਰ?
ਖੋਜਕਰਤਾਵਾਂ ਨੇ 32 ਲੋਕਾਂ 'ਤੇ ਇੱਕ ਵਿਸ਼ੇਸ਼ ਅਧਿਐਨ ਕੀਤਾ। ਪਹਿਲੇ ਦਿਨ ਉਨ੍ਹਾਂ ਨੂੰ ਬਿਨਾਂ ਅਲਾਰਮ ਦੇ ਆਪਣੀ ਮਰਜ਼ੀ ਨਾਲ ਉੱਠਣ ਦੀ ਇਜਾਜ਼ਤ ਦਿੱਤੀ ਗਈ, ਜਦੋਂ ਕਿ ਦੂਜੇ ਦਿਨ ਅਲਾਰਮ ਸੈੱਟ ਕੀਤਾ ਗਿਆ। ਨਤੀਜਿਆਂ ਨੇ ਇੱਕ ਹੈਰਾਨੀਜਨਕ ਗੱਲ ਸਾਹਮਣੇ ਆਈ। ਅਲਾਰਮ ਨਾਲ ਉੱਠਣ ਵਾਲਿਆਂ ਦਾ ਬਲੱਡ ਪ੍ਰੈਸ਼ਰ ਕੁਦਰਤੀ ਤੌਰ 'ਤੇ ਉੱਠਣ ਵਾਲਿਆਂ ਨਾਲੋਂ 74 ਫ਼ੀਸਦੀ ਵੱਧ ਸੀ। ਜਦੋਂ ਅਲਾਰਮ ਵੱਜਦਾ ਹੈ, ਤਾਂ ਸਾਡਾ ਸਰੀਰ ਅਚਾਨਕ ਘਬਰਾ ਜਾਂਦਾ ਹੈ। ਇਸ ਕਾਰਨ ਸਰੀਰ ਕੋਰਟੀਸੋਲ ਅਤੇ ਐਡਰੇਨਾਲੀਨ ਵਰਗੇ ਤਣਾਅ ਵਾਲੇ ਹਾਰਮੋਨ ਤੇਜ਼ੀ ਨਾਲ ਛੱਡਦਾ ਹੈ। ਇਹ ਹਾਰਮੋਨ ਦਿਲ ਦੀ ਧੜਕਣ ਨੂੰ ਵਧਾਉਂਦੇ ਹਨ ਅਤੇ ਖੂਨ ਦੀਆਂ ਨਾੜੀਆਂ ਨੂੰ ਤੰਗ ਕਰਦੇ ਹਨ, ਜਿਸ ਨਾਲ ਬਲੱਡ ਪ੍ਰੈਸ਼ਰ ਵਿੱਚ ਅਚਾਨਕ ਵਾਧਾ ਹੁੰਦਾ ਹੈ। ਜੇਕਰ ਤੁਸੀਂ ਪਹਿਲਾਂ ਹੀ ਦਿਲ ਦੀ ਬੀਮਾਰੀ ਜਾਂ ਹਾਈ ਬਲੱਡ ਪ੍ਰੈਸ਼ਰ ਤੋਂ ਪੀੜਤ ਹੋ, ਤਾਂ ਇਹ ਸਥਿਤੀ ਤੁਹਾਡੇ ਲਈ ਹੋਰ ਵੀ ਖ਼ਤਰਨਾਕ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ : ਵੱਡਾ ਹਾਦਸਾ: ਨੈਸ਼ਨਲ ਹਾਈਵੇਅ 'ਤੇ ਗੈਸ ਟੈਂਕਰ ਬਲਾਸਟ, ਮਚੇ ਅੱਗ ਦੇ ਭਾਂਬੜ, ਜ਼ਿੰਦਾ ਸੜੇ ਲੋਕ, 70 ਤੋਂ ਵੱਧ ਜ਼ਖਮੀ

ਤੁਹਾਡੀ ਅਲਾਰਮ ਟੋਨ ਕਿਹੋ ਜਿਹੀ ਹੋਵੇ
ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੇਕਰ ਤੁਹਾਨੂੰ ਅਲਾਰਮ ਲਗਾਉਣਾ ਹੀ ਪੈਂਦਾ ਹੈ ਤਾਂ ਤੁਸੀਂ ਇਸ ਦੇ ਲਈ ਨਰਮ ਅਤੇ ਸ਼ਾਂਤ ਆਵਾਜ਼ ਵਾਲੇ ਸੁਰ ਦੀ ਚੋਣ ਕਰੋ। ਉੱਚੀ ਅਤੇ ਕਠੋਰ ਅਲਾਰਮ ਦੀ ਬਜਾਏ, ਬੰਸਰੀ ਜਾਂ ਪਿਆਨੋ ਦੀ ਧੁਨ, ਮੀਂਹ ਦੀ ਆਵਾਜ਼, ਪੰਛੀਆਂ ਦੀ ਚਹਿਕ ਜਾਂ ਨਦੀ ਦੇ ਵਗਦੇ ਪਾਣੀ ਵਰਗੀਆਂ ਕੁਦਰਤੀ ਆਵਾਜ਼ਾਂ ਚੁਣੋ। ਇਹ ਤੁਹਾਡੇ ਸਰੀਰ ਨੂੰ ਹੌਲੀ-ਹੌਲੀ ਅਤੇ ਆਰਾਮ ਨਾਲ ਜਗਾਉਂਦਾ ਹੈ, ਜਿਸ ਨਾਲ ਅਚਾਨਕ ਤਣਾਅ ਨਹੀਂ ਵਧਦਾ।

ਬਿਨਾਂ ਅਲਾਰਮ ਦੇ ਕਿਵੇਂ ਉੱਠੀਏ?

ਕੁਦਰਤੀ ਰੌਸ਼ਨੀ ਦੀ ਵਰਤੋਂ ਕਰੋ:
ਸਵੇਰੇ ਕਮਰੇ ਵਿੱਚ ਥੋੜ੍ਹੀ ਜਿਹੀ ਧੁੱਪ ਆਉਣ ਦਿਓ। ਇਸ ਲਈ ਤੁਸੀਂ ਕਮਰੇ ਦੀਆਂ ਖਿੜਕੀਆਂ ਖੋਲ੍ਹ ਸਕਦੇ ਹੋ। ਸੂਰਜ ਦੀ ਰੌਸ਼ਨੀ ਤੁਹਾਡੇ ਦਿਮਾਗ ਨੂੰ ਹੌਲੀ-ਹੌਲੀ ਜਾਗਣ ਦਾ ਸੰਕੇਤ ਦਿੰਦੀ ਹੈ।

ਇਹ ਵੀ ਪੜ੍ਹੋ : ਕੱਢ ਲਓ ਰਜਾਈਆਂ ਕੰਬਲ, ਇਸ ਵਾਰ ਪਵੇਗੀ ਕੜਾਕੇ ਦੀ ਠੰਡ! ਹੋ ਗਈ ਵੱਡੀ ਭਵਿੱਖਬਾਣੀ

ਇੱਕੋ ਸਮੇਂ ਸੌਣਾ ਅਤੇ ਜਾਗਣਾ:
ਹਰ ਰੋਜ਼ ਇੱਕੋ ਸਮੇਂ ਸੌਣਾ ਅਤੇ ਜਾਗਣਾ ਸਰੀਰ ਦਾ 'ਨੀਂਦ-ਜਾਗਣ ਦਾ ਚੱਕਰ' ਸਹੀ ਰੱਖਦਾ ਹੈ।

ਕਾਫ਼ੀ ਨੀਂਦ ਲਓ:
ਹਰ ਰਾਤ 7-9 ਘੰਟੇ ਦੀ ਪੂਰੀ ਨੀਂਦ ਲੈਣ ਦੀ ਕੋਸ਼ਿਸ਼ ਕਰੋ, ਜਿਸ ਨਾਲ ਤੁਹਾਨੂੰ ਸਵੇਰੇ ਸਮੇਂ ਸਿਰ ਜਾਗ ਆ ਜਾਵੇਗਾ ਅਤੇ ਅਲਾਰਮ ਦੀ ਲੋੜ ਨਹੀਂ ਪਵੇਗੀ।

ਸਨੂਜ਼ ਬਟਨ ਤੋਂ ਬਚੋ:
ਸਨੂਜ਼ ਬਟਨ ਨੂੰ ਵਾਰ-ਵਾਰ ਦਬਾਉਣ ਨਾਲ ਤੁਹਾਡੀ ਨੀਂਦ ਟੁਕੜਿਆਂ ਵਿੱਚ ਟੁੱਟ ਜਾਂਦੀ ਹੈ, ਜਿਸ ਨਾਲ ਤੁਸੀਂ ਦਿਨ ਭਰ ਸੁਸਤ ਮਹਿਸੂਸ ਕਰਦੇ ਹੋ।

ਇਹ ਵੀ ਪੜ੍ਹੋ : ਸਿਰਫ਼ 24 ਘੰਟੇ ਚੱਲੀ 'Love Marriage', ਪ੍ਰੇਮੀ ਲਈ ਛੱਡੇ ਸੀ 5 ਬੱਚੇ ਤੇ ਪਤੀ, ਫਿਰ ਜੋ ਹੋਇਆ...

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।