ਬ੍ਰਸਲਸ— ਯੂਰਪ ਦੀ ਇਕ ਰੈਗੂਲੇਟਰੀ ਸੰਸਥਾ ਨੇ ਮੰਗਲਵਾਰ ਨੂੰ ਕਿਹਾ ਕਿ ਜ਼ਿਆਦਾਤਰ ਯੂਰਪੀ ਸੰਘ ਦੇ ਦੇਸ਼ ਬਲਾਕ ਦੇ ਹਵਾ ਗੁਣਵੱਤਾ ਮਾਪਦੰਡਾਂ ਨੂੰ ਪੂਰਾ ਕਰਨ 'ਚ ਅਸਫਲ ਰਹੇ ਹਨ ਤੇ ਹਰ ਦਿਨ 1000 ਤੋਂ ਜ਼ਿਆਦਾ ਯੂਰਪ ਦੇ ਲੋਕਾਂ ਦੀ ਸਮੇਂ ਤੋਂ ਪਹਿਲਾਂ ਮੌਤ ਹੋ ਜਾਂਦੀ ਹੈ। ਸੜਕ ਹਾਦਸਿਆਂ 'ਚ ਮਰਨ ਵਾਲਿਆਂ ਦੀ ਤੁਲਨਾ 'ਚ ਇਕ 10 ਗੁਣਾ ਜ਼ਿਆਦਾ ਹੈ।
ਯੂਰਪੀ ਕੋਰਟ ਆਫ ਆਡੀਟਰਸ (ਈ.ਸੀ.ਏ.) ਯੂਰਪੀ ਸੰਘ ਦਾ ਇਕ ਵਿਭਾਗ ਹੈ ਜੋ ਕਿ ਇਸ ਗੱਲ ਦੀ ਜਾਂਚ ਕਰਦਾ ਹੈ ਕਿ ਬਲਾਕ ਆਪਣੇ ਬਜਟ ਨੂੰ ਕਿਵੇਂ ਖਰਚ ਕਰਦਾ ਹੈ। ਈ.ਸੀ.ਏ. ਨੇ ਕਿਹਾ ਕਿ ਬੁਲਗਾਰੀਆ ਤੇ ਹੋਰ ਪੂਰਬੀ ਯੂਰਪੀ ਦੇਸ਼ਾਂ 'ਚ ਸਿਹਤ 'ਤੇ ਪ੍ਰਦੂਸ਼ਣ ਦਾ ਖਤਰਨਾਕ ਪ੍ਰਭਾਵ ਚੀਨ ਤੇ ਭਾਰਤ ਵਰਗੇ ਏਸ਼ੀਆਈ ਦੇਸ਼ਾਂ ਤੋਂ ਵੀ ਖਰਾਬ ਹੈ। ਈ.ਸੀ.ਏ. ਨੇ ਕਿਹਾ ਕਿ 28 ਦੇਸ਼ਾਂ ਦੇ ਸਮੂਹ 'ਚ ਅਸਫਲਤਾਵਾਂ ਜ਼ਿਆਦਾ ਹਨ ਕਿਉਂਕਿ ਯੂਰਪੀ ਸੰਘ ਦੇ ਕੁਝ ਦਿਸ਼ਾ-ਨਿਰਦੇਸ਼ ਵਿਸ਼ਵ ਸਿਹਤ ਸੰਗਠਨ ਵਲੋਂ ਸੁਝਾਏ ਗਏ ਦਿਸ਼ਾ-ਨਿਰਦੇਸ਼ਾਂ ਦੀ ਤੁਲਨਾ 'ਚ ਕਮਜ਼ੋਰ ਹਨ।
ਰਿਪੋਰਟ ਤਿਆਰ ਕਰਨ ਵਾਲੀ ਲਕਜ਼ਮਬਰਗ ਸਥਿਤ ਈ.ਸੀ.ਏ. ਦੇ ਮੈਂਬਰ ਜਾਨੁਸਜ ਵੋਚੀਚੋਵਸਕੀ ਨੇ ਕਿਹਾ ਕਿ ਹਵਾ ਪ੍ਰਦੂਸ਼ਣ ਯੂਰਪੀ ਸੰਘ 'ਚ ਸਿਹਤ ਲਈ ਸਭ ਤੋਂ ਵੱਡਾ ਜੋਖਿਮ ਹੈ। ਉਨ੍ਹਾਂ ਕਿਹਾ ਕਿ ਹਾਲ ਦੇ ਦਹਾਕਿਆਂ 'ਚ, ਈ.ਯੂ. ਦੀਆਂ ਨੀਤੀਆਂ ਨੇ ਨਿਕਾਸੀ 'ਚ ਕਮੀ 'ਚ ਯੋਗਦਾਨ ਦਿੱਤਾ ਹੈ ਪਰ ਸੂਖਮ ਕਣਾਂ, ਨਾਈਟ੍ਰੋਜਨ ਆਕਸਾਈਡ ਤੇ ਗ੍ਰਾਉਂਡ ਲੇਵਲ ਓਜ਼ੋਨ ਦੇ ਉੱਚ ਪੱਧਰ ਨੂੰ ਜ਼ਿੰਮੇਦਾਰ ਠਹਿਰਾਇਆ ਗਿਆ ਹੈ। ਉਸ ਨੇ ਇਕ ਚਾਰਟ ਪ੍ਰਸਤੁਤ ਕੀਤਾ ਜਿਸ 'ਚ ਦਿਖਾਇਆ ਗਿਆ ਹੈ ਕਿ ਬੁਲਗਾਰੀਆ, ਚੇਕ ਗਣਰਾਜ, ਲਾਤਵੀਆ ਤੇ ਹੰਗਰੀ, ਚੀਨ ਤੇ ਭਾਰਤ ਦੀ ਤੁਲਨਾ 'ਚ ਜ਼ਿਆਦਾ ਸੰਖਿਆ 'ਚ ਹਵਾ ਪ੍ਰਦੂਸ਼ਣ ਕਾਰਨ ਸਿਹਤਮੰਦ ਜ਼ਿੰਦਗੀ ਦੇ ਸਾਲ ਗੁਆ ਦਿੰਦੇ ਹਨ। ਭਾਰਤ ਤੇ ਚੀਨ ਇਸ ਮਾਮਲੇ 'ਚ ਦੁਨੀਆ ਦੀ ਜ਼ਿਆਦਾ ਧਿਆਨ ਖਿੱਚਦੇ ਰਹੇ ਹਨ।
ਚਾਰਟ 'ਚ ਦਿਖਾਇਆ ਗਿਆ ਹੈ ਕਿ ਸਿਹਤ ਨੂੰ ਨੁਕਸਾਨ ਪਹੁੰਚਾਉਣ ਦੇ ਮਾਮਲੇ 'ਚ ਰੋਮਾਨੀਆ ਚੀਨ ਦੀ ਤੁਲਨਾ 'ਚ ਥੋੜਾ ਬਿਹਤਰ ਹੈ ਪਰ ਭਾਰਤ ਦੀ ਤੁਲਨਾ 'ਚ ਖਰਾਬ। ਲਿਥੁਆਨੀਆ ਤੇ ਪੋਲੈਂਡ ਬਹੁਤ ਪਿੱਛੇ ਨਹੀਂ ਹਨ। ਅਧਿਐਨ 'ਚ ਡਬਲਿਊ.ਐੱਚ.ਓ. ਦੇ 2012 ਦੇ ਅੰਕੜਿਆਂ ਦਾ ਹਵਾਲਾ ਦਿੱਤਾ ਗਿਆ ਹੈ। ਜਿਥੇ ਬੁਲਗਾਰੀਆਂ ਦੇ ਹਰ ਸਾਲ 100 ਨਿਵਾਸੀਆਂ ਨੇ ਸਿਹਤਮੰਦ ਜ਼ਿੰਦਗੀ ਦੇ ਤਕਰੀਬਨ ਢਾਈ ਸਾਲ ਗੁਆ ਦਿੱਤੇ ਉਥੇ ਹੀ ਹੰਗਰੀ 'ਚ ਇਹ ਅੰਕੜਾ 1.8, ਚੀਨ 'ਚ 1.7 ਤੇ ਭਾਰਤ 'ਚ ਕਰੀਬ 1.6 ਸਾਲ ਹੈ।
ਹਰ ਘੰਟੇ 92 ਲੋਕ ਕਰਦੇ ਨੇ ਸੁਸਾਇਡ, ਸਭ ਤੋਂ ਜ਼ਿਆਦਾ ਕਿਸਾਨ
NEXT STORY 
