ਨਵੀਂ ਦਿੱਲੀ- ਭਾਰਤੀ ਖੁਰਾਕ ਸੁਰੱਖਿਆ ਅਤੇ ਮਿਆਰ ਅਥਾਰਟੀ (FSSAI) ਨੇ ਸੁਪਰੀਮ ਕੋਰਟ ਨੂੰ ਦੱਸਿਆ ਕਿ ਉਸ ਨੇ ਵਾਧੂ ਚਰਬੀ, ਖੰਡ ਅਤੇ ਨਮਕ ਵਾਲੇ ਭੋਜਨ ਉਤਪਾਦਾਂ ਦੇ ਪੈਕੇਟ ਦੇ ਸਾਹਮਣੇ ਇਕ ਸਪੱਸ਼ਟ ਲਾਲ ਚਿਤਾਵਨੀ ਲੇਬਲ ਲਗਾਉਣ ਦਾ ਪ੍ਰਸਤਾਵ ਰੱਖਿਆ ਹੈ। ਸੁਪਰੀਮ ਕੋਰਟ 'ਚ ਦਾਇਰ ਕੀਤੇ ਗਏ ਇਕ ਪਾਲਣਾ ਹਲਫ਼ਨਾਮੇ 'ਚ FSSAI ਨੇ ਕਿਹਾ ਕਿ ਇਸ ਪ੍ਰਸਤਾਵ ਦਾ ਉਦੇਸ਼ ਖਪਤਕਾਰਾਂ ਨੂੰ ਉਨ੍ਹਾਂ ਭੋਜਨ ਉਤਪਾਦਾਂ ਬਾਰੇ ਆਸਾਨੀ ਨਾਲ ਸਮਝ 'ਚ ਆਉਣ ਵਾਲੇ ਚਿਤਾਵਨੀ ਦੇਣਾ ਹੈ, ਜਿਨ੍ਹਾਂ 'ਚ ਚਿੰਤਾਜਨਕ ਦੱਸੇ ਗਏ ਇਨ੍ਹਾਂ ਪੋਸ਼ਕ ਤੱਤਾਂ ਦੀ ਮਾਤਰਾ ਜ਼ਿਆਦਾ ਹੈ।
ਹਲਫ਼ਨਾਮੇ 'ਚ ਕਿਹਾ ਗਿਆ ਹੈ, "ICMR-NIN ਦੁਆਰਾ ਜਾਰੀ 'ਭਾਰਤੀਆਂ ਲਈ ਖੁਰਾਕ ਦਿਸ਼ਾ-ਨਿਰਦੇਸ਼, 2024' ਦੇ ਤਹਿਤ ਨਿਰਧਾਰਤ ਸੀਮਾਵਾਂ ਦੇ ਅਧਾਰ 'ਤੇ, ਉਨ੍ਹਾਂ ਫੂਡ ਪੈਕੇਟ ਦੇ ਅੱਗੇ ਲਾਲ ਰੰਗ ਦੇ ਚਿਤਾਵਨੀ ਲੇਬਲ ਲਗਾਉਣ ਦਾ ਪ੍ਰਸਤਾਵ ਹੈ, ਜਿਨ੍ਹਾਂ 'ਚ ਚਿੰਤਾਜਨਕ ਦੱਸੇ ਗਏ ਪੌਸ਼ਟਿਕ ਤੱਤਾਂ - ਅਰਥਾਤ, ਵਾਧੂ ਚਰਬੀ, ਵਾਧੂ ਖੰਡ ਅਤੇ ਨਮਕ ਤੋਂ ਵੱਧ 'ਚ ਕੋਈ 2 ਵੱਧ ਮਾਤਰਾ 'ਚ ਮੌਜੂਦ ਹਨ।''
ਇਸ 'ਚ ਕਿਹਾ ਗਿਆ ਹੈ ਕਿ ਚੇਤਾਵਨੀ ਲੇਬਲ 'ਚ ਲਾਗੂ ਐਲਾਨ ਪ੍ਰਦਰਸ਼ਿਤ ਹੋਣਗੇ, ਜਿਵੇਂ ਕਿ ਵਾਧੂ ਚਰਬੀ, ਵਾਧੂ ਖੰਡ, ਵਾਧੂ ਨਮਕ ਅਤੇ ਬਹੁਤ ਜ਼ਿਆਦਾ ਮਿੱਠੇ ਪੀਣ ਵਾਲੇ ਪਦਾਰਥ ਪ੍ਰਦਰਸ਼ਿਤ ਹੋਣਗੇ, ਤਾਂ ਜੋ ਖਪਤਕਾਰਾਂ ਨੂੰ ਨਿਰਧਾਰਤ ਪੌਸ਼ਟਿਕ ਤੱਤਾਂ ਤੋਂ ਵੱਧ ਵਾਲੇ ਉਤਪਾਦਾਂ ਦੀ ਆਸਾਨੀ ਨਾਲ ਪਛਾਣ ਕਰ ਸਕਣ। ਇਸ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ 13 ਅਗਸਤ ਨੂੰ ਜੱਜ ਜੇਬੀ ਪਾਰਦੀਵਾਲਾ ਜੱਜ ਕੇ. ਵਿਨੋਦ ਚੰਦਰਨ ਦੀ ਬੈਂਚ ਨੇ ਪੈਕ ਕੀਤੇ ਭੋਜਨਾਂ 'ਤੇ ਚਿਤਾਵਨੀ ਲੇਬਲ ਲਗਾਉਣ 'ਚ ਦੇਰੀ ਲਈ FSSAI ਨੂੰ ਸਖ਼ਤ ਫਟਕਾਰ ਲਗਾਈ ਸੀ ਅਤੇ ਪੁੱਛਿਆ ਸੀ ਕਿ ਕੀ ਸਰਕਾਰ "ਆਪਣੇ ਲੋਕ ਸਿਹਤਮੰਦ ਨਹੀਂ ਚਾਹੁੰਦੀ।" ਅਦਾਲਤ 'ਚ ਦਾਇਰ ਕੀਤੇ ਆਪਣੇ ਪਾਲਣਾ ਹਲਫ਼ਨਾਮੇ 'ਚ, FSSAI ਨੇ ਕਿਹਾ ਕਿ ਉਸ ਨੇ ਪੈਕੇਟ ਦੇ ਸਾਹਮਣੇ ਵਾਧੂ ਖੰਡ, ਵਾਧੂ ਚਰਬੀ ਅਤੇ ਨਮਕ ਨਾਲ ਸੰਬੰਧ ਜਾਣਕਾਰੀ ਪ੍ਰਦਾਨ ਕਰਨ ਲਈ ਇਕ ਪ੍ਰਸਤਾਵ ਤਿਆਰ ਕੀਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਪਨੀਰ ਤੋਂ ਬਾਅਦ ਹੁਣ ਐਨਾਲਾਗ ਘਿਓ 'ਤੇ ਐਕਸ਼ਨ, ਹਰਿਆਣਾ ਸਰਕਾਰ ਨੇ ਲਗਾਇਆ 1 ਸਾਲ ਦਾ ਬੈਨ
NEXT STORY 
