ਨੈਸ਼ਨਲ ਡੈਸਕ - ਕਰਨਾਟਕ ਦੇ ਰਾਜ ਸਭਾ ਚੋਣਾਂ ਦੇ ਨਤੀਜੇ ਐਲਾਨ ਦਿੱਤੇ ਗਏ ਹਨ। ਸੂਬੇ ਵਿੱਚ ਕਾਂਗਰਸ ਦੇ ਤਿੰਨ ਉਮੀਦਵਾਰ ਜਿੱਤੇ ਹਨ। ਪਾਰਟੀ ਵੱਲੋਂ ਅਜੇ ਮਾਕਨ, ਨਾਸਿਰ ਹੁਸੈਨ ਅਤੇ ਜੀਸੀ ਚੰਦਰਸ਼ੇਖਰ ਨੇ ਜਿੱਤ ਦਰਜ ਕੀਤੀ ਹੈ। ਜਦੋਂ ਕਿ ਇੱਕ ਭਾਜਪਾ ਦੇ ਨਰਾਇਣ ਭਾਂਡੇਗੇ ਅਤੇ ਇੱਕ ਜੇਡੀਐਸ ਦੇ ਕੁਪੇਂਦਰ ਰੈਡੀ ਨੇ ਜਿੱਤੀ ਹੈ। ਰਾਜ ਸਭਾ ਚੋਣਾਂ ਦੌਰਾਨ ਵੀ ਕ੍ਰਾਸ ਵੋਟਿੰਗ ਹੋਈ ਹੈ। ਕਰਨਾਟਕ ਵਿੱਚ ਭਾਜਪਾ ਦੇ ਵਿਧਾਇਕ ਐਸਟੀ ਸੋਮਸ਼ੇਕਰ ਨੇ ਪਾਰਟੀ ਖ਼ਿਲਾਫ਼ ਵੋਟ ਪਾਈ।
ਇਹ ਵੀ ਪੜ੍ਹੋ - ਯੂਪੀ ਰਾਜ ਸਭਾ ਚੋਣਾਂ: 8 ਸੀਟਾਂ 'ਤੇ ਭਾਜਪਾ ਦੀ ਜਿੱਤ, ਸਪਾ ਨੇ ਜਿੱਤੀਆਂ 2 ਸੀਟਾਂ
ਜਦੋਂ ਕਿ ਸ਼ਿਵਰਾਮ ਹੈਬਰ ਵੋਟਿੰਗ ਤੋਂ ਦੂਰ ਰਹੇ। ਭਾਜਪਾ ਨੂੰ ਚੋਣਾਂ ਵਿੱਚ 47 ਵੋਟਾਂ ਮਿਲੀਆਂ। ਜਦੋਂ ਕਿ ਕਾਂਗਰਸ ਨੂੰ 139 ਅਤੇ ਜੇਡੀਐਸ ਨੂੰ 36 ਵੋਟਾਂ ਮਿਲੀਆਂ। ਕਰਨਾਟਕ ਵਿੱਚ ਆਜ਼ਾਦ ਵਿਧਾਇਕਾਂ ਜਨਾਰਦਨ ਰੈੱਡੀ, ਲਥਾ ਮੱਲਿਕਾਰਜੁਨ, ਪੁੱਟਾਸਵਾਮੀ ਗੌੜਾ ਅਤੇ ਦਰਸ਼ਨ ਪੁਤੰਨਈਆ ਨੇ ਕਾਂਗਰਸੀ ਉਮੀਦਵਾਰਾਂ ਦੇ ਹੱਕ ਵਿੱਚ ਵੋਟ ਪਾਈ। ਵੋਟਿੰਗ ਤੋਂ ਪਹਿਲਾਂ ਹੀ ਰਾਜ ਸਭਾ ਚੋਣਾਂ ਵਿੱਚ ਕ੍ਰਾਸ ਵੋਟਿੰਗ ਦਾ ਖਦਸ਼ਾ ਜਤਾਇਆ ਜਾ ਰਿਹਾ ਸੀ। ਕਾਂਗਰਸ ਪਾਰਟੀ ਨੇ ਆਪਣੇ ਸਾਰੇ ਵਿਧਾਇਕਾਂ ਨੂੰ ਪ੍ਰਾਈਵੇਟ ਰਿਜ਼ੋਰਟ ਵਿੱਚ ਸ਼ਿਫਟ ਕਰ ਦਿੱਤਾ ਹੈ।
ਕਿਸ ਨੂੰ ਕਿੰਨੀਆਂ ਮਿਲੀਆਂ ਵੋਟਾਂ?
ਕਰਨਾਟਕ ਤੋਂ ਪੰਜ ਉਮੀਦਵਾਰ ਸਨ, ਜਿਨ੍ਹਾਂ ਵਿੱਚ ਕਾਂਗਰਸ ਵੱਲੋਂ ਅਜੇ ਮਾਕਨ, ਸਈਅਦ ਨਾਸਿਰ ਹੁਸੈਨ ਅਤੇ ਜੀਸੀ ਚੰਦਰਸ਼ੇਖਰ, ਭਾਜਪਾ ਤੋਂ ਨਰਾਇਣ ਭਾਂਡੇਗੇ ਅਤੇ ਜੇਡੀਐਸ ਤੋਂ ਕੁਪੇਂਦਰ ਰੈਡੀ ਸ਼ਾਮਲ ਹਨ। ਕਰਨਾਟਕ ਵਿੱਚ ਰਾਜ ਸਭਾ ਲਈ ਚੁਣੇ ਜਾਣ ਲਈ ਇੱਕ ਉਮੀਦਵਾਰ ਨੂੰ 45 ਵੋਟਾਂ ਦੀ ਲੋੜ ਹੁੰਦੀ ਹੈ। ਚੋਣ ਵਿੱਚ ਕਾਂਗਰਸ ਦੇ ਅਜੈ ਮਾਕਨ ਨੂੰ 47, ਨਾਸਿਰ ਹੁਸੈਨ ਨੂੰ 47 ਅਤੇ ਜੀਸੀ ਚੰਦਰਸ਼ੇਖਰ ਨੂੰ 45 ਵੋਟਾਂ ਮਿਲੀਆਂ। ਜਦੋਂ ਕਿ ਭਾਜਪਾ ਉਮੀਦਵਾਰ ਨੂੰ 47 ਅਤੇ ਜੇਡੀਐਸ ਉਮੀਦਵਾਰ ਨੂੰ 36 ਵੋਟਾਂ ਮਿਲੀਆਂ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਯੂਪੀ ਰਾਜ ਸਭਾ ਚੋਣਾਂ: 8 ਸੀਟਾਂ 'ਤੇ ਭਾਜਪਾ ਦੀ ਜਿੱਤ, ਸਪਾ ਨੇ ਜਿੱਤੀਆਂ 2 ਸੀਟਾਂ
NEXT STORY 
