ਨੈਸ਼ਨਲ ਡੈਸਕ : ਸ਼੍ਰੀ ਰਾਮ ਜਨਮਭੂਮੀ ਤੀਰਥ ਖੇਤਰ ਟਰੱਸਟ ਦੇ ਸਕੱਤਰ ਚੰਪਤ ਰਾਏ ਨੇ ਐਤਵਾਰ ਨੂੰ ਦੱਸਿਆ ਕਿ ਟਰੱਸਟ ਨੇ ਧਾਰਮਿਕ ਸੈਰ-ਸਪਾਟੇ ਵਿੱਚ ਉਛਾਲ ਦੌਰਾਨ ਪਿਛਲੇ ਪੰਜ ਸਾਲਾਂ ਵਿੱਚ ਸਰਕਾਰ ਨੂੰ ਲਗਭਗ 400 ਕਰੋੜ ਰੁਪਏ ਦਾ ਟੈਕਸ ਅਦਾ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਰਕਮ 5 ਫਰਵਰੀ 2020 ਤੋਂ 5 ਫਰਵਰੀ 2025 ਦਰਮਿਆਨ ਅਦਾ ਕੀਤੀ ਗਈ ਸੀ। ਉਨ੍ਹਾਂ ਕਿਹਾ ਕਿ ਇਸ ਵਿੱਚੋਂ 270 ਕਰੋੜ ਰੁਪਏ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (ਜੀਐੱਸਟੀ) ਵਜੋਂ ਅਦਾ ਕੀਤੇ ਗਏ ਹਨ, ਜਦੋਂਕਿ ਬਾਕੀ 130 ਕਰੋੜ ਰੁਪਏ ਵੱਖ-ਵੱਖ ਟੈਕਸ ਸ਼੍ਰੇਣੀਆਂ ਅਧੀਨ ਅਦਾ ਕੀਤੇ ਗਏ ਹਨ।
ਇਹ ਵੀ ਪੜ੍ਹੋ : ਵਿਦੇਸ਼ਾਂ 'ਚ Visa ਰਿਜੈਕਟ ਹੋਣ ਕਾਰਨ ਭਾਰਤੀਆਂ ਨੂੰ ਹੋਇਆ 664 ਕਰੋੜ ਰੁਪਏ ਦਾ ਨੁਕਸਾਨ
10 ਗੁਣਾ ਵਧੀ ਸੈਲਾਨੀਆਂ ਦੀ ਗਿਣਤੀ
ਉਨ੍ਹਾਂ ਕਿਹਾ ਕਿ ਅਯੁੱਧਿਆ ਵਿੱਚ ਸ਼ਰਧਾਲੂਆਂ ਅਤੇ ਸੈਲਾਨੀਆਂ ਦੀ ਗਿਣਤੀ ਵਿੱਚ 10 ਗੁਣਾ ਵਾਧਾ ਹੋਇਆ ਹੈ, ਜਿਸ ਨਾਲ ਇਹ ਇੱਕ ਪ੍ਰਮੁੱਖ ਧਾਰਮਿਕ ਸੈਰ-ਸਪਾਟਾ ਕੇਂਦਰ ਬਣ ਗਿਆ ਹੈ ਅਤੇ ਸਥਾਨਕ ਲੋਕਾਂ ਲਈ ਰੁਜ਼ਗਾਰ ਦੇ ਮੌਕੇ ਪੈਦਾ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਮਹਾਕੁੰਭ ਦੌਰਾਨ 1.26 ਕਰੋੜ ਸ਼ਰਧਾਲੂ ਅਯੁੱਧਿਆ ਆਏ ਸਨ। ਰਾਏ ਨੇ ਕਿਹਾ ਕਿ ਟਰੱਸਟ ਦੇ ਵਿੱਤੀ ਰਿਕਾਰਡ ਦੀ ਨਿਯਮਤ ਤੌਰ 'ਤੇ ਕੰਪਟਰੋਲਰ ਅਤੇ ਆਡੀਟਰ ਜਨਰਲ (ਕੈਗ) ਦੇ ਅਧਿਕਾਰੀਆਂ ਦੁਆਰਾ ਆਡਿਟ ਕੀਤਾ ਜਾਂਦਾ ਹੈ।
ਮੰਦਰਾਂ ਦੀ ਹੋਈ ਜ਼ਬਰਦਸਤ ਕਮਾਈ
ਜੰਮੂ ਦੇ ਕਟੜਾ ਵਿਚ ਮਾਤਾ ਵੈਸ਼ਨੋ ਦੇਵੀ, ਇਕ ਹੋਰ ਖੁਸ਼ਹਾਲ ਮੰਦਰ ਨੇ ਵਿੱਤੀ ਸਾਲ 24 ਵਿਚ 683 ਕਰੋੜ ਰੁਪਏ ਦੀ ਕਮਾਈ ਕੀਤੀ, ਜਿਸ ਵਿਚ 255 ਕਰੋੜ ਰੁਪਏ ਚੜ੍ਹਾਵੇ ਤੋਂ ਆਏ, ਜੋ ਟੈਕਸ-ਮੁਕਤ ਹਨ ਅਤੇ 133.3 ਕਰੋੜ ਰੁਪਏ ਵਿਆਜ ਤੋਂ ਆਏ ਹਨ। ਟੀਟੀਡੀ ਦੇ ਮਾਮਲੇ ਵਿੱਚ 4,800 ਕਰੋੜ ਰੁਪਏ ਦੀ ਕਮਾਈ ਵਿੱਚੋਂ ਇੱਕ-ਤਿਹਾਈ ਤੋਂ ਵੱਧ ਹੁੰਡੀ ਸੰਗ੍ਰਹਿ ਤੋਂ ਆਈ ਹੈ। ਵਿੱਤੀ ਸਾਲ 21 ਤੋਂ ਪੰਜ ਸਾਲਾਂ ਵਿੱਚ ਜੀਐੱਸਟੀ ਦੇ ਰੂਪ ਵਿੱਚ ਟੈਕਸ ਦੇਣਦਾਰੀ ਲਗਭਗ 130 ਕਰੋੜ ਰੁਪਏ ਰਹੀ ਹੈ।
ਇਹ ਵੀ ਪੜ੍ਹੋ : IPL 2025 ਤੋਂ ਪਹਿਲਾਂ ਚੈਂਪੀਅਨ KKR ਨੂੰ ਲੱਗਾ ਝਟਕਾ, ਭਾਰਤੀ ਤੇਜ਼ ਗੇਂਦਬਾਜ਼ ਟੂਰਨਾਮੈਂਟ 'ਚੋਂ ਹੋਇਆ ਬਾਹਰ
ਮੰਦਰ ਕਿੰਨੀ ਕਮਾਈ ਕਰਦੇ ਹਨ? ਹਾਲਾਂਕਿ ਮੰਦਰਾਂ ਦੇ ਵਿਸਤ੍ਰਿਤ ਖਾਤੇ ਉਪਲਬਧ ਨਹੀਂ ਹਨ। ਭਾਰਤ ਦੇ ਦੋ ਸਭ ਤੋਂ ਵੱਡੇ ਮੰਦਰ ਟਰੱਸਟਾਂ ਦੀ ਕਮਾਈ ਪਿਛਲੇ ਸੱਤ ਸਾਲਾਂ ਵਿੱਚ ਦੁੱਗਣੀ ਹੋ ਗਈ ਹੈ। ਤਿਰੂਪਤੀ ਟਰੱਸਟ ਦੀ ਵੈੱਬਸਾਈਟ ਅਨੁਸਾਰ, ਵਿੱਤੀ ਸਾਲ 2017 ਵਿੱਚ ਇਸਦਾ ਬਜਟ 2,678 ਕਰੋੜ ਰੁਪਏ ਸੀ, ਜੋ ਵਿੱਤੀ ਸਾਲ 2025 ਵਿੱਚ ਵੱਧ ਕੇ 5,145 ਕਰੋੜ ਰੁਪਏ ਹੋ ਗਿਆ। ਵੈਸ਼ਨੋ ਦੇਵੀ ਟਰੱਸਟ ਦੀ ਆਮਦਨ ਵਿੱਤੀ ਸਾਲ 2017 ਵਿੱਚ 380 ਕਰੋੜ ਰੁਪਏ ਤੋਂ ਵੱਧ ਕੇ ਵਿੱਤੀ ਸਾਲ 2024 ਵਿੱਚ 683 ਕਰੋੜ ਰੁਪਏ ਹੋ ਗਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Fact Check: ਮਾਰੀਸ਼ਸ 'ਚ PM ਮੋਦੀ ਦੇ ਸਾਹਮਣੇ ਨਹੀਂ ਗਾਇਆ ਗਿਆ 'ਮਹਿੰਗਾਈ ਡਾਇਨ', ਜਾਣੋ ਸੱਚ
NEXT STORY 
