ਨਵੀਂ ਦਿੱਲੀ- ਕਾਂਗਰਸ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਸ ਨੂੰ ਉਮੀਦ ਹੈ ਕਿ ਮੱਧ ਪ੍ਰਦੇਸ਼ ਦੇ ਸਿੰਗਰੌਲੀ ਜ਼ਿਲ੍ਹੇ 'ਚ ਅਡਾਨੀ ਗਰੁੱਪ ਦੇ ਕੋਲਾ ਬਲਾਕ ਪ੍ਰਾਜੈਕਟ ਨਾਲ ਸਬੰਧਤ ਮਾਮਲੇ ਨੂੰ ਹਾਈ ਕੋਰਟ ਅਤੇ ਸੁਪਰੀਮ ਕੋਰਟ ਤੋਂ ਸਭ ਤੋਂ ਪੂਰੀ ਸੰਵੇਦਨਸ਼ੀਲਤਾ ਨਾਲ ਤਵੱਜੋ ਮਿਲਦੀ ਰਹੇਗੀ। ਪਾਰਟੀ ਦੇ ਜਨਰਲ ਸਕੱਤਰ ਜੈਰਾਮ ਰਮੇਸ਼ ਨੇ ਇਹ ਵੀ ਕਿਹਾ ਕਿ ਸੁਪਰੀਮ ਕੋਰਟ ਦੇ ਹਾਲੀਆ ਆਦੇਸ਼ ਦੇ ਬਾਵਜੂਦ, ਪ੍ਰਾਜੈਕਟ ਨੂੰ ਮਿਲੀ ਵਾਤਾਵਰਣ ਸੰਬੰਧੀ ਮਨਜ਼ੂਰੀ ਨੂੰ ਚੁਣੌਤੀ ਦੇਣ ਦਾ ਰਸਤਾ ਬੰਦ ਨਹੀਂ ਹੋਇਆ ਹੈ।
ਸਾਬਕਾ ਵਾਤਾਵਰਣ ਮੰਤਰੀ ਨੇ ਰਮੇਸ਼ ਨੇ 'ਐਕਸ' 'ਤੇ ਪੋਸਟ ਕੀਤਾ,''ਮਈ 2025 'ਚ ਕੇਂਦਰੀ ਵਾਤਾਵਰਣ, ਜੰਗਲਾਤ ਅਤੇ ਜਲਵਾਯੂ ਪਰਿਵਰਤਨ ਮੰਤਰਾਲਾ ਨੇ ਮੱਧ ਪ੍ਰਦੇਸ਼ ਦੇ ਸਿੰਗਰੌਲੀ ਜ਼ਿਲ੍ਹੇ ਦੇ ਬੇਹੱਦ ਸੰਘਣੇ ਜੰਗਲਾਂ 'ਚ ਕੋਲਾ ਖਨਨ ਲਈ 'ਮੋਦਾਨੀ' ਸਾਮਰਾਜ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਸੀ। ਇਸ 'ਚ ਸ਼ਾਮਲ ਖੇਤਰ ਲਗਭਗ 7,000 ਏਕੜ ਹੈ ਅਤੇ ਜੰਗਲ ਅਤੇ ਹਾਥੀਆਂ ਦੇ ਗਲਿਆਰੇ ਹੋਣ ਕਾਰਨ ਇਸ 'ਚ 'ਨੋ ਗੋ' ਜ਼ੋਨ ਦਾ ਕਾਫ਼ੀ ਹਿੱਸਾ ਹੈ ਪਰ ਹੁਣ 6 ਲੱਖ ਤੋਂ ਵੱਧ ਦਰਖੱਤ ਕੱਟੇ ਜਾਣਗੇ।'' ਉਨ੍ਹਾਂ ਕਿਹਾ,''ਇਸ ਮਨਜ਼ੂਰੀ ਨੂੰ ਵਾਤਾਵਰਣ ਵਰਕਰਾਂ ਨੇ ਨੈਸ਼ਨਲ ਗ੍ਰੀਨ ਟ੍ਰਿਬਿਊਨਲ (ਐੱਨਜੀਟੀ) 'ਚ ਚੁਣੌਤੀ ਦਿੱਤੀ ਸੀ। ਅਪ੍ਰੈਲ 2026 'ਚ, ਐੱਨਜੀਟੀ ਨੇ ਫੈਸਲਾ ਸੁਣਾਇਆ ਕਿ ਚੁਣੌਤੀ ਦੇਰ ਨਾਲ ਦਿੱਤੀ ਗਈ ਸੀ। ਅਪ੍ਰੈਲ 2026 'ਚ ਐੱਨਜੀਟੀ ਨੇ ਫੈਸਲਾ ਸੁਣਾਇਆ ਕਿ ਚੁਣੌਤੀ ਦੇਰ ਨਾਲ ਦਿੱਤੀ ਗਈ ਸੀ ਅਤੇ ਪਟੀਸ਼ਨਕਰਤਾਵਾਂ ਨੂੰ ਪਹਿਲੇ ਐੱਨਜੀਟੀ ਨਾਲ ਸੰਪਰਕ ਕਰਨਾ ਚਾਹੀਦਾ ਸੀ। ਇਸ ਦੇਰੀ ਦੇ ਨਤੀਜੇ ਵਜੋਂ ਐੱਨਜੀਟੀ ਨੇ ਠੋਸ ਆਧਾਰ 'ਤੇ ਚੁਣੌਤੀ 'ਤੇ ਸੁਣਵਾਈ ਕਰਨ ਤੋਂ ਇਨਕਾਰ ਕਰ ਦਿੱਤਾ।''
ਉਨ੍ਹਾਂ ਕਿਹਾ ਕਿ ਇਸ ਤੋਂ ਬਾਅਦ ਐੱਨਜੀਟੀ ਦੇ ਆਦੇਸ਼ ਨੂੰ ਸੁਪਰੀਮ ਕੋਰਟ 'ਚ ਚੁਣੌਤੀ ਦਿੱਤੀ ਗਈ ਅਤੇ 21 ਮਈ 2026 ਨੂੰ ਸੁਪਰੀਮ ਕੋਰਟ ਨੇ ਚੁਣੌਤੀ ਦਾਇਰ ਕਰਨ 'ਚ ਦੇਰੀ ਦੇ ਸਵਾਲ 'ਤੇ ਦਲੀਲਾਂ ਸੁਣਨ ਤੋਂ ਬਾਅਦ ਪਟੀਸ਼ਨਕਰਤਾਵਾਂ ਨੂੰ ਚੁਣੌਤੀ ਵਾਪਸ ਲੈਣ ਅਤੇ ਕਾਨੂੰਨ ਦੇ ਅਧੀਨ ਉਪਲੱਬਧ ਹੋਰ ਉੱਚਿਤ ਉਪਾਵਾਂ ਨੂੰ ਅਪਣਾਉਣ ਦੀ ਮਨਜ਼ੂਰੀ ਦਿੱਤੀ। ਰਮੇਸ਼ ਨੇ ਕਿਹਾ ਕਿ ਇਸ ਦਾ ਮਤਲਬ ਇਹ ਹੈ ਕਿ ਇਹ ਮੁੱਦਾ ਚੁਣੌਤੀ ਲਈ ਖੁੱਲ੍ਹਾ ਹੈ। ਉਨ੍ਹਾਂ ਕਿਹਾ,''ਇਹ ਉਮੀਦ ਕੀਤੀ ਜਾਣੀ ਚਾਹੀਦੀ ਹੈ ਕਿ ਇਸ ਤਰ੍ਹਾਂ ਦੇ ਮਾਮਲੇ, ਜਿਸ 'ਚ ਮਹੱਤਵਪੂਰਨ ਵਾਤਾਵਰਣ ਅਤੇ ਜਨਤਕ ਹਿੱਤ ਦੀਆਂ ਚਿੰਤਾਵਾਂ ਸ਼ਾਮਲ ਹਨ, ਨੂੰ ਹਾਈ ਕੋਰਟ ਅਤੇ ਨਿਸ਼ਚਿਤ ਰੂਪ ਨਾਲ ਸੁਪਰੀਮ ਕੋਰਟ ਤੋਂ ਸੰਵੇਦਨਸ਼ੀਲਤਾ, ਜਾਂਚ ਨੂੰ ਲੈ ਕੇ ਤਵੱਜੋ ਮਿਲਦੀ ਰਹੇਗੀ, ਜਿਸ ਨੇ ਹਾਲ 'ਚ ਅਰਾਵਲੀ ਮੁੱਦੇ 'ਤੇ ਖੁਦ ਦੀ ਸਾਖ ਵਧਾਈ ਹੈ।''
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਅਮਰੀਕੀ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਵੱਲੋਂ PM ਮੋਦੀ ਨੂੰ ਵ੍ਹਾਈਟ ਹਾਊਸ ਫੇਰੀ ਦਾ ਸੱਦਾ
NEXT STORY 
