ਵੈੱਬ ਡੈਸਕ - ਖਗੋਲੀ ਘਟਨਾਵਾਂ 'ਚ ਦਿਲਚਸਪੀ ਰੱਖਣ ਵਾਲਿਆਂ ਲਈ 31 ਮਈ ਦੀ ਰਾਤ ਬਹੁਤ ਖਾਸ ਹੋਣ ਵਾਲੀ ਹੈ। ਇਸ ਦਿਨ ਅਸਮਾਨ 'ਚ ਇਕ ਬਹੁਤ ਹੀ ਦੁਰਲੱਭ ਨਜ਼ਾਰਾ 'ਬਲੂ ਮੂਨ' ਦੇਖਣ ਨੂੰ ਮਿਲੇਗਾ।
ਕੀ ਹੁੰਦਾ ਹੈ 'ਬਲੂ ਮੂਨ'?
ਜਦੋਂ ਇਕ ਹੀ ਮਹੀਨੇ 'ਚ ਦੋ ਵਾਰ ਪੂਰਨਮਾਸ਼ੀ ਆਉਂਦੀ ਹੈ, ਤਾਂ ਦੂਜੀ ਪੂਰਨਮਾਸ਼ੀ ਦੇ ਚੰਦਰਮਾ ਨੂੰ 'ਬਲੂ ਮੂਨ' ਕਿਹਾ ਜਾਂਦਾ ਹੈ। ਹਾਲਾਂਕਿ ਇਸ ਦਾ ਨਾਮ 'ਬਲੂ ਮੂਨ' ਹੈ, ਪਰ ਇਸ ਦਾ ਮਤਲਬ ਇਹ ਨਹੀਂ ਕਿ ਚੰਦਰਮਾ ਸੱਚਮੁੱਚ ਨੀਲਾ ਹੋ ਜਾਵੇਗਾ। ਵਿਗਿਆਨਕ ਤੌਰ 'ਤੇ ਇਹ ਇਕ ਖਾਸ ਸਮੇਂ 'ਤੇ ਆਉਣ ਵਾਲੀ ਪੂਰਨਮਾਸ਼ੀ ਦਾ ਨਾਮ ਹੈ ਪਰ ਜੇਕਰ ਵਾਤਾਵਰਣ 'ਚ ਧੂੜ, ਧੂੰਆਂ ਜਾਂ ਜਵਾਲਾਮੁਖੀ ਦੀ ਸੁਆਹ ਜ਼ਿਆਦਾ ਹੋਵੇ, ਤਾਂ ਚੰਦਰਮਾ ਹਲਕਾ ਨੀਲਾ ਦਿਖਾਈ ਦੇ ਸਕਦਾ ਹੈ, ਪਰ ਅਜਿਹਾ ਬਹੁਤ ਘੱਟ ਹੁੰਦਾ ਹੈ।
ਭਾਰਤ 'ਚ ਦੇਖਣ ਦਾ ਸਮਾਂ
ਭਾਰਤ 'ਚ ਇਹ ਦੁਰਲੱਭ ਨਜ਼ਾਰਾ 31 ਮਈ 2026 ਨੂੰ ਰਾਤ 8 ਵਜੇ ਕੇ 45 ਮਿੰਟ ਦੇ ਆਸ-ਪਾਸ ਦੇਖਿਆ ਜਾ ਸਕੇਗਾ। ਹਾਲਾਂਕਿ, ਇਸ ਨੂੰ ਦੇਖਣ ਦਾ ਸਭ ਤੋਂ ਵਧੀਆ ਸਮਾਂ 30 ਅਤੇ 31 ਮਈ ਦੀ ਵਿਚਕਾਰਲੀ ਰਾਤ ਨੂੰ ਮੰਨਿਆ ਜਾ ਰਿਹਾ ਹੈ।
ਕਿਉਂ ਖਾਸ ਹੈ ਇਹ ਘਟਨਾ?
ਦੁਰਲੱਭ ਨਜ਼ਾਰਾ
- ਇਹ ਖਗੋਲੀ ਘਟਨਾ ਵਾਰ-ਵਾਰ ਨਹੀਂ ਵਾਪਰਦੀ, ਇਸ ਲਈ ਇਸ ਨੂੰ ਬੇਹੱਦ ਖਾਸ ਮੰਨਿਆ ਜਾਂਦਾ ਹੈ।
ਆਕਾਰ 'ਚ ਫਰਕ
- ਇਸ ਦਿਨ ਚੰਦਰਮਾ ਧਰਤੀ ਤੋਂ ਥੋੜ੍ਹਾ ਜ਼ਿਆਦਾ ਦੂਰ ਹੋਵੇਗਾ, ਜਿਸ ਕਾਰਨ ਇਹ ਬਾਕੀ ਦਿਨਾਂ ਦੇ ਮੁਕਾਬਲੇ ਥੋੜ੍ਹਾ ਛੋਟਾ ਦਿਖਾਈ ਦੇਵੇਗਾ।
ਜਾਣਕਾਰੀ ਦਾ ਮੌਕਾ
- ਇਹ ਘਟਨਾ ਨਾ ਸਿਰਫ ਅਸਮਾਨ ਦੀ ਸੁੰਦਰਤਾ ਵਧਾਉਂਦੀ ਹੈ, ਸਗੋਂ ਲੋਕਾਂ ਨੂੰ ਬ੍ਰਹਿਮੰਡ ਅਤੇ ਪੁਲਾੜ ਨਾਲ ਜੁੜੀਆਂ ਰੋਚਕ ਜਾਣਕਾਰੀਆਂ ਨੂੰ ਸਮਝਣ ਦਾ ਮੌਕਾ ਵੀ ਦਿੰਦੀ ਹੈ।
ਇਸ ਲਈ 31 ਮਈ 2026 ਦੀ ਰਾਤ ਨੂੰ ਇਸ ਅਦਭੁਤ ਨਜ਼ਾਰੇ ਨੂੰ ਦੇਖਣ ਦਾ ਮੌਕਾ ਬਿਲਕੁਲ ਨਾ ਗੁਆਓ।
ਹੰਤਾ ਵਾਇਰਸ ਦੇ ਕਹਿਰ ਤੋਂ ਪ੍ਰਭਾਵਿਤ ਜਹਾਜ਼ ਦੇ ਚਾਲਕ ਦਲ ’ਚ 2 ਭਾਰਤੀ ਨਾਗਰਿਕ ਸ਼ਾਮਲ
NEXT STORY 
