ਨਵੀਂ ਦਿੱਲੀ - ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਜੂਨੀਅਰ ਉਪ-ਪ੍ਰਧਾਨ ਕੁਲਵੰਤ ਸਿੰਘ ਬਾਠ ਨੇ ਅੱਜ 15 ਕਮੇਟੀ ਮੈਬਰਾਂ ਦੀ ਹਾਜ਼ਰੀ ਵਿੱਚ ਆਪਣਾ ਅਹੁਦਾ ਫਿਰ ਸੰਭਾਲ ਲਿਆ। ਕਮੇਟੀ ਦਫ਼ਤਰ ਗੁਰੂ ਗੋਬਿੰਦ ਸਿੰਘ ਭਵਨ ਵਿੱਚ ਜਨਰਲ ਮੈਨੇਜਰ ਦੇ ਕਮਰੇ ਵਿੱਚ ਪੁੱਜੇ ਕਮੇਟੀ ਮੈਬਰਾਂ ਨੇ ਲੱਗਭੱਗ 3 ਘੰਟੇ ਤੱਕ ਕਮੇਟੀ ਦੇ ਕੰਮ 'ਤੇ ਉੱਠ ਰਹੇ ਸਵਾਲਾਂ ਬਾਰੇ ਜਨਰਲ ਮੈਨੇਜਰ ਧਰਮੇਂਦਰ ਸਿੰਘ ਤੋਂ ਜਵਾਬ ਤਲਬ ਕੀਤੀ। ਖਾਸਕਰ ਫਿਲਮ ਸਟਾਰ ਅਮਿਤਾਭ ਬੱਚਨ ਤੋਂ ਕਮੇਟੀ ਨੂੰ ਆਈ ਕਰੋੜਾਂ ਰੁਪਏ ਦੀ ਰਾਸ਼ੀ ਅਤੇ ਅਕਾਲੀ ਦਲ ਨੂੰ ਪੰਜਾਬ ਭੇਜੋ ਗਏ ਮੈਡੀਕਲ ਸਮੱਗਰੀਆਂ ਦੇ ਮਾਮਲੇ 'ਤੇ ਕਮੇਟੀ ਦੁਆਰਾ ਦਿੱਤੇ ਜਾ ਰਹੇ ਉਲਝੇ ਸਵਾਲਾਂ ਨੂੰ ਪ੍ਰਮੁੱਖਤਾ ਨਾਲ ਪੁੱਛਿਆ ਗਿਆ। ਨਾਲ ਹੀ ਐਲਾਨ ਕੀਤਾ ਕਿ ਪ੍ਰਬੰਧਕਾਂ ਦੇ ਫੈਸਲਿਆਂ 'ਤੇ ਰੋਜ਼ਾਨਾ ਆ ਕੇ ਜਾਂਚ-ਪੜਤਾਲ ਕੀਤਾ ਜਾਵੇਗਾ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਬਾਠ ਨੇ ਦੱਸਿਆ ਕਿ ਪਿਛਲੇ ਕੁੱਝ ਦਿਨਾਂ ਤੋਂ ਅਸੀਂ ਕਮੇਟੀ ਪ੍ਰਬੰਧਕਾਂ ਤੋਂ ਉਨ੍ਹਾਂ ਦੀਆਂ ਇੱਛਾਵਾਂ ਨੂੰ ਲੈ ਕੇ ਸਵਾਲ ਪੁੱਛ ਰਹੇ ਹਨ ਪਰ ਕੋਈ ਜਵਾਬ ਨਹੀਂ ਦਿੱਤਾ ਜਾ ਰਿਹਾ। ਮੈਂ ਪਿਛਲੇ ਦਿਨੀਂ ਆਪਣਾ ਅਹੁਦਾ ਫਿਰ ਸੰਭਾਲਣ ਦੀ ਇੱਛਾ ਜਤਾ ਕੇ ਕਮੇਟੀ ਤੋਂ ਆਪਣਾ ਕਮਰਾ ਮੰਗਿਆ ਸੀ, ਜਿਸ 'ਤੇ ਜਨਰਲ ਮੈਨੇਜਰ ਨੇ ਅੱਜ ਮੈਨੂੰ ਲਿਖਤੀ ਵਿੱਚ ਕਮੇਟੀ ਪ੍ਰਬੰਧਕਾਂ ਦੇ ਹਵਾਲੇ ਤੋਂ ਜਵਾਬ ਦੇ ਕੇ ਕਮਰਾ ਦੇਣ ਦੇ ਸਬੰਧ ਵਿੱਚ ਦਿੱਲੀ ਕਮੇਟੀ ਐਕਟ ਦੀ ਧਾਰਾ ਪੁੱਛੀ ਹੈ। ਬਾਠ ਨੇ ਹੈਰਾਨੀ ਜਤਾਈ ਕਿ ਚੁਣੇ ਹੋਏ ਜੂਨੀਅਰ ਉਪ-ਪ੍ਰਧਾਨ ਨੂੰ ਕਮੇਟੀ ਪ੍ਰਬੰਧ ਵਿੱਚ ਆਪਣਾ ਸਹਿਯੋਗ ਦੇਣ ਦੀ ਪੇਸ਼ਕਸ਼ ਕਰਣ 'ਤੇ ਐਕਟ ਦੀ ਧਾਰਾ ਪੁੱਛਣ ਵਾਲੇ ਖੁਦ ਕਮੇਟੀ ਐਕਟ ਦੀਆਂ ਧੱਜੀਆਂ ਉੱਡਾ ਰਹੇ ਹਨ। ਨਾ ਤਾਂ ਕੋਰੋਨਾ ਰਾਹਤ ਦੇ ਨਾਮ 'ਤੇ ਆਏ ਨਗਦੀ ਅਤੇ ਸਾਮਾਨ ਦਾ ਬਿਓਰਾ ਦਿੱਤਾ ਜਾ ਰਿਹਾ ਹੈ ਅਤੇ ਨਾ ਹੀ ਵੰਡੀਆਂ ਗਈਆਂ ਚੀਜ਼ਾਂ ਦੀ ਮਾਤਰਾ ਅਤੇ ਉਸ ਨੂੰ ਦੇਣ ਲਈ ਆਪਣਾਏ ਗਏ ਮਾਪਦੰਡਾਂ ਦੀ ਸਾਨੂੰ ਜਾਣਕਾਰੀ ਦਿੱਤੀ ਜਾ ਰਹੀ ਹੈ। ਇੱਕ ਪਾਸੇ ਕਮੇਟੀ ਦਾਅਵਾ ਕਰਦੀ ਹੈ, ਕੋਈ ਵੀ ਆ ਕੇ ਹਿਸਾਬ ਪੁੱਛ ਸਕਦਾ ਹੈ ਪਰ ਵਾਰ-ਵਾਰ ਪੱਤਰ ਲਿਖਣ ਤੋਂ ਬਾਅਦ ਵੀ ਕੁੱਝ ਨਹੀਂ ਦੱਸਿਆ ਜਾ ਰਿਹਾ। ਇਸ ਲਈ ਅਸੀਂ ਫੈਸਲਾ ਲਿਆ ਹੈ ਕਿ ਅਸੀਂ ਰੋਜ਼ਾਨਾ ਆ ਕੇ ਜਨਰਲ ਮੈਨੇਜਰ ਦੇ ਕਮਰੇ ਵਿੱਚ ਬੈਠ ਕੇ ਕਮੇਟੀ ਦੀ ਰੋਜ਼ਾਨਾ ਦੀ ਰੁਟੀਨ 'ਤੇ ਨਜ਼ਰ ਰੱਖਾਂਗੇ, ਕਿਉਂਕਿ ਕਮੇਟੀ ਪ੍ਰਬੰਧ ਦੀ ਪਾਰਦਰਸ਼ਤਾ ਸ਼ੱਕ ਦੇ ਘੇਰੇ ਵਿੱਚ ਹੈ।
ਦਿੱਲੀ ਕਮੇਟੀ ਦੇ ਕਾਰਜਕਾਰੀ ਮੈਂਬਰ ਪਰਮਜੀਤ ਸਿੰਘ ਰਾਣਾ ਨੇ ਜਨਰਲ ਮੈਨੇਜਰ ਨੂੰ ਪੁੱਛਿਆ ਕਿ ਉਨ੍ਹਾਂ ਹੈੱਡ ਗ੍ਰੰਥੀਆਂ ਦੇ ਨਾਮ ਕਮੇਟੀ ਜਨਤਕ ਕਿਉਂ ਨਹੀਂ ਕਰ ਰਹੀ, ਜਿਨ੍ਹਾਂ ਦਾ ਹਵਾਲਾ ਦੇ ਕੇ ਕਮੇਟੀ ਜਨਰਲ ਸੱਕਤਰ ਹਰਮੀਤ ਸਿੰਘ ਕਾਲਕਾ ਅਮਿਤਾਭ ਬੱਚਨ ਤੋਂ ਆਈ ਰਾਸ਼ੀ ਨੂੰ ਠੀਕ ਦੱਸ ਰਹੇ ਹਨ? ਦਿੱਲੀ ਕਮੇਟੀ ਦੇ ਕਾਰਜਕਾਰੀ ਮੈਂਬਰ ਹਰਿੰਦਰ ਪਾਲ ਸਿੰਘ ਨੇ ਕਿਹਾ ਕਿ ਕਮੇਟੀ ਦਾ ਕੰਮ ਖੇਤਰ ਕਮੇਟੀ ਐਕਟ ਅਨੁਸਾਰ ਸਿਰਫ ਦਿੱਲੀ ਹਨ, ਫਿਰ ਦਿੱਲੀ ਦੀਆਂ ਸੰਗਤਾਂ ਨੂੰ ਨਜ਼ਰੰਦਾਜ ਕਰਕੇ ਕਰੋੜਾਂ ਰੁਪਏ ਦੇ ਮੈਡੀਕਲ ਸਮੱਗਰੀ ਦਿੱਲੀ ਤੋਂ ਬਾਹਰ ਸਿਆਸੀ ਫਾਇਦੇ ਲਈ ਕਿਉਂ ਭੇਜੇ ਜਾ ਰਹੇ ਹਨ? ਜਦੋਂ ਕਿ ਸੋਸ਼ਲ ਮੀਡੀਆ 'ਤੇ ਅਕਾਲੀ ਵਿਧਾਇਕ ਰੋਜ਼ੀ ਬਰਕੰਦੀ ਦੇ ਦੁਆਰਾ ਆਕਸੀਜਨ ਕੰਸੰਟਰੇਟਰ ਦੀ ਪਾਈ ਗਈ ਫੋਟੋ ਵਿੱਚ ਸਾਫ਼ ਵਿੱਖ ਰਿਹਾ ਹੈ ਕਿ ਦਿੱਲੀ ਕਮੇਟੀ ਦੁਆਰਾ ਭੇਜੇ ਗਏ ਕੰਸੰਟਰੇਟਰ 'ਤੇ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਫੋਟੋ ਦੇ ਸਟੀਕਰ ਚਿਪਕਾ ਕੇ ਸੁਖਬੀਰ ਬਾਦਲ ਦੇ ਦੁਆਰੇ ਕੰਸੰਟਰੇਟਰ ਭੇਜਣ ਦੀ ਗੱਲ ਲੋਕਾਂ ਨੂੰ ਦੱਸੀ ਜਾ ਰਹੀ ਹੈ। ਇਸ ਮੌਕੇ ਨਵੇਂ ਚੁਣੇ ਕਮੇਟੀ ਮੈਂਬਰ ਇੰਦਰ ਮੋਹਨ ਸਿੰਘ ਦੇ ਇਤਰਾਜ 'ਤੇ ਕਮੇਟੀ ਦੀ ਸਾਬਕਾ ਸੀਨੀਅਰ ਉਪ-ਪ੍ਰਧਾਨ ਰਣਜੀਤ ਕੌਰ ਦੇ ਕਮਰੇ ਦੇ ਬਾਹਰ ਲੱਗੀ ਨੇਮ ਪਲੇਟ ਨੂੰ ਕਮੇਟੀ ਸਟਾਫ ਨੇ ਉਤਾਰ ਦਿੱਤਾ। ਕਿਉਂਕਿ ਤੀਸ ਹਜ਼ਾਰੀ ਕੋਰਟ ਨੇ ਰਣਜੀਤ ਕੌਰ ਦੇ ਕੋ-ਆਪਟ ਮੈਂਬਰ ਦੇ ਤੌਰ 'ਤੇ ਚੋਣ ਨੂੰ ਇੰਦਰਮੋਹਨ ਸਿੰਘ ਦੇ ਦੁਆਰਾ ਚੁਣੌਤੀ ਦੇਣ 'ਤੇ ਰੱਦ ਕਰਦੇ ਹੋਏ ਇੰਦਰ ਮੋਹਨ ਸਿੰਘ ਨੂੰ ਚੁੱਣਿਆ ਹੋਇਆ ਐਲਾਨ ਕੀਤਾ ਸੀ। ਇਸ ਮੌਕੇ ਕਮੇਟੀ ਦੇ ਸਾਬਕਾ ਜਨਰਲ ਸਕੱਤਰ ਗੁਰਮੀਤ ਸਿੰਘ ਸ਼ੰਟੀ ਆਦਿ ਮੌਜੂਦ ਸਨ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।
ਨਿਊਯਾਰਕ ਦੇ ਮੁਕਾਬਲੇ ਮੁੰਬਈ ’ਚ ਲਗਭਗ ਦੁੱਗਣੀ ਹੈ ਪੈਟਰੋਲ ਦੀ ਕੀਮਤ
NEXT STORY 
