ਸ਼੍ਰੀਨਗਰ - ਜੰਮੂ-ਕਸ਼ਮੀਰ ਵਿੱਚ ਫੌਜ ਲਗਾਤਾਰ ਅੱਤਵਾਦੀਆਂ ਨੂੰ ਮੌਤ ਦੇ ਘਾਟ ਉਤਾਰ ਰਹੀ ਹੈ। ਤਕਰੀਬਨ ਰੋਜ਼ਾਨਾ ਹੋ ਰਹੇ ਐਨਕਾਉਂਟਰ ਵਿੱਚ ਵੱਡੀ ਗਿਣਤੀ ਵਿੱਚ ਅੱਤਵਾਦੀਆਂ ਦਾ ਘਾਟੀ ਤੋਂ ਸਫਾਇਆ ਕੀਤਾ ਜਾ ਚੁੱਕਿਆ ਹੈ। ਹੁਣ ਪਾਕਿਸਤਾਨ ਨੇ ਭਾਰਤ ਵਿੱਚ ਅੱਤਵਾਦ ਦੀਆਂ ਸਰਗਰਮੀਆਂ ਕਰਣ ਲਈ ਨਵੇਂ ਤਰੀਕੇ ਕੱਢੇ ਹਨ। ਪਿਛਲੇ ਕੁੱਝ ਦਿਨਾਂ ਵਿੱਚ ਜੰਮੂ-ਕਸ਼ਮੀਰ ਵਿੱਚ ਕਈ ਡਰੋਨ ਵਿਖਾਈ ਦੇ ਚੁੱਕੇ ਹਨ, ਜਿਸ ਤੋਂ ਬਾਅਦ ਫੌਜ ਅਤੇ ਪੁਲਸ ਪੂਰੀ ਤਰ੍ਹਾਂ ਅਲਰਟ ਹੈ। ਕਿਸੇ ਵੀ ਸ਼ੱਕੀ ਚੀਜ਼ ਜਾਂ ਸ਼ਖਸ ਦੇ ਦਿਖਣ ਤੋਂ ਬਾਅਦ ਸੁਰੱਖਿਆ ਬਲ ਪੂਰੀ ਤਰ੍ਹਾਂ ਮੁਸਤੈਦ ਹੋ ਜਾਂਦੇ ਹਨ।
ਤਾਜ਼ਾ ਜਾਣਕਾਰੀ ਦੇ ਅਨੁਸਾਰ, ਜੰਮੂ ਦੇ ਰੇਲਵੇ ਸਟੇਸ਼ਨ ਦੇ ਕੋਲ ਸੋਮਵਾਰ ਨੂੰ ਦੋ ਸ਼ੱਕੀ ਸ਼ਖਸ ਵਿਖਾਈ ਦਿੱਤੇ ਹਨ। ਇਸ ਤੋਂ ਬਾਅਦ ਸੁਰੱਖਿਆ ਬਲ ਉਨ੍ਹਾਂ ਨੂੰ ਲੱਭਣ ਵਿੱਚ ਲੱਗ ਗਏ ਹਨ। ਦੋਨਾਂ ਸ਼ੱਕੀਆਂ ਨੇ ਫੌਜ ਦੀ ਵਰਦੀ ਪਾਈ ਹੋਈ ਸੀ। ਦੱਸ ਦਈਏ ਕਿ ਹਾਲ ਹੀ ਵਿੱਚ ਜੰਮੂ ਏਅਰਬੇਸ 'ਤੇ ਡਰੋਨ ਨਾਲ ਦੋ ਹਮਲੇ ਹੋਏ ਸਨ, ਜਿਸ ਦੇ ਬਾਅਦ ਫੌਜ ਨੇ ਮੁਸਤੈਦੀ ਵਧਾ ਦਿੱਤੀ ਸੀ।
ਉਥੇ ਹੀ, ਜੰਮੂ ਦੇ ਸਾਂਬਾ ਵਿੱਚ ਵੀ ਐਤਵਾਰ ਨੂੰ 4 ਸ਼ੱਕੀ ਡਰੋਨ ਨਜ਼ਰ ਆਏ ਸਨ। ਇਹ ਡਰੋਨ ਵੱਡੀ ਬਰਹਮਨਾ ਖੇਤਰ ਵਿੱਚ ਆਰਮੀ ਕੈਂਪ ਦੇ ਕੋਲ ਨਜ਼ਰ ਆਏ ਸਨ। ਇਹ ਲਗਾਤਾਰ ਦੂਜਾ ਦਿਨ ਸੀ, ਜਦੋਂ ਸਾਂਬਾ ਵਿੱਚ ਡਰੋਨ ਵਿਖਾਈ ਦਿੱਤੇ।
ਇਸ ਤੋਂ ਪਹਿਲਾਂ, ਸ਼ਨੀਵਾਰ ਨੂੰ ਜੰਮੂ-ਕਸ਼ਮੀਰ ਵਿੱਚ ਤਿੰਨ ਵੱਖ-ਵੱਖ ਥਾਵਾਂ 'ਤੇ ਡਰੋਨ ਉੱਡਦੇ ਵਿਖਾਈ ਦਿੱਤੇ ਸਨ। ਸਭ ਤੋਂ ਪਹਿਲਾਂ ਸਾਂਬਾ ਜ਼ਿਲ੍ਹੇ ਦੇ ਗਵਾਲ ਦੇ ਪੁਲਸ ਸਟੇਸ਼ਨ ਅਤੇ ਫਿਰ ਆਈ.ਟੀ.ਬੀ.ਪੀ. ਕੈਂਪ ਦੇ ਨਜਦੀਕ ਡਰੋਨ ਵਿਖਾਈ ਦਿੱਤਾ ਸੀ। ਬਾਅਦ ਵਿੱਚ ਡੋਮਾਨਾ ਵਿੱਚ ਸਥਾਨਕ ਲੋਕਾਂ ਨੇ ਡਰੋਨ ਨੂੰ ਵੇਖਿਆ ਸੀ, ਜਿਸ ਤੋਂ ਬਾਅਦ ਸੁਰੱਖਿਆ ਬਲਾਂ ਅਤੇ ਪੁਲਸ ਦੇ ਅਧਿਕਾਰੀਆਂ ਨੂੰ ਸੂਚਨਾ ਦਿੱਤੀ ਗਈ ਸੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।
PM ਮੋਦੀ ਨੇ ਲਾਂਚ ਕੀਤਾ e-RUPI, ਭੁਗਤਾਨ ਕਰਨਾ ਹੋਵੇਗਾ ਹੋਰ ਵੀ ਆਸਾਨ(Video)
NEXT STORY