ਵੈੱਬ ਡੈਸਕ- ਬਹੁਤ ਸਾਰੇ ਲੋਕ ਸੋਸ਼ਲ ਮੀਡੀਆ 'ਤੇ ਆਪਣੇ ਸਫਰ ਨਾਲ ਜੁੜੇ ਤਜਰਬੇ ਸਾਂਝੇ ਕਰਦੇ ਹਨ। ਜਿਸ ਵਿੱਚ ਕਈ ਚੰਗੇ ਹੁੰਦੇ ਹਨ ਅਤੇ ਕਈ ਮਾੜੇ। ਹਾਲ ਹੀ ਵਿੱਚ, ਦਿੱਲੀ ਦੀ ਇੱਕ ਵਕੀਲ ਤਾਨਿਆ ਸ਼ਰਮਾ ਦੀ ਪੋਸਟ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਉਸਨੇ ਉਬੇਰ ਤੋਂ ਕੈਬ ਬੁੱਕ ਕਰਨ ਦਾ ਆਪਣਾ ਅਨੁਭਵ ਸਾਂਝਾ ਕੀਤਾ ਹੈ। ਦਰਅਸਲ ਔਰਤ ਨੇ ਇੱਕ ਕੈਬ ਬੁੱਕ ਕੀਤੀ ਸੀ, ਜਿਸ ਤੋਂ ਤੁਰੰਤ ਬਾਅਦ ਉਸਨੂੰ ਕੈਬ ਡਰਾਈਵਰ ਤੋਂ ਇਤਰਾਜ਼ਯੋਗ ਮੈਸੇਜ ਆਉਂਦੇ ਹਨ। ਜਿਸ ਦੇ ਉਸਨੇ ਸਕ੍ਰੀਨਸ਼ਾਟ ਸਾਂਝੇ ਕੀਤੇ ਹਨ।
ਇਹ ਵੀ ਪੜ੍ਹੋ-ਠੰਡ 'ਚ ਕੀ ਤੁਹਾਡੇ ਵੀ ਹੁੰਦੈ ਪਿੱਠ ਦਰਦ ਤਾਂ ਨਿਜ਼ਾਤ ਪਾਉਣ ਲਈ ਅਪਣਾਓ ਇਹ ਉਪਾਅ
ਡਰਾਈਵਰ ਨੇ ਅਸ਼ਲੀਲ ਮੈਸੇਜ ਕੀਤੇ
ਦਿੱਲੀ ਦੀ ਵਕੀਲ ਤਾਨਿਆ ਸ਼ਰਮਾ ਉਬੇਰ ਨਾਲ ਆਪਣਾ ਤਜਰਬਾ ਸਾਂਝਾ ਕਰਦੀ ਹੈ। ਉਸਨੇ ਹਾਲ ਹੀ ਵਿੱਚ ਉਬੇਰ ਤੋਂ ਇੱਕ ਕੈਬ ਬੁੱਕ ਕੀਤੀ ਸੀ, ਜਿਸਦੀ ਪੁਸ਼ਟੀ ਹੋ ਗਈ। ਇਸ ਤੋਂ ਬਾਅਦ ਤਾਨਿਆ ਨੇ ਡਰਾਈਵਰ ਨੂੰ ਕਿਹਾ ਕਿ ਉਸਨੂੰ 5 ਮਿੰਟ ਲੱਗਣਗੇ। ਇਸ ਤੋਂ ਤੁਰੰਤ ਬਾਅਦ, ਡਰਾਈਵਰ ਤਾਨਿਆ ਨੂੰ ਇੱਕ ਅਸ਼ਲੀਲ ਮੈਸੇਜ ਭੇਜਦਾ ਹੈ, ਜਿਸ ਵਿੱਚ ਲਿਖਿਆ ਹੁੰਦਾ ਹੈ, 'ਜਲਦੀ ਆ ਜਾ ਬਾਬੂ ਯਾਰ, ਮਨ ਹੋ ਰਿਹਾ ਹੈ।' ਤਾਨਿਆ ਨੇ ਇਸਦਾ ਸਕ੍ਰੀਨਸ਼ਾਟ ਸਾਂਝਾ ਕੀਤਾ ਹੈ। ਹਾਲਾਂਕਿ ਮੈਸੇਜ ਮਿਲਣ ਤੋਂ ਬਾਅਦ ਤਾਨਿਆ ਨੇ ਤੁਰੰਤ ਕੈਬ ਰੱਦ ਕਰ ਦਿੱਤੀ।
Uber ਤੋਂ ਕੀਤਾ ਸਵਾਲ
ਤਾਨਿਆ ਨੇ ਲਿਖਿਆ ਕਿ ਮੈਂ ਬੁਕਿੰਗ ਰੱਦ ਕਰ ਦਿੱਤੀ ਅਤੇ ਇਸ ਡਰਾਈਵਰ ਵਿਰੁੱਧ ਸ਼ਿਕਾਇਤ ਵੀ ਦਰਜ ਕਰਵਾਈ। ਤਾਨਿਆ ਨੇ ਇਸ ਮਾਮਲੇ 'ਤੇ ਉਬੇਰ ਦੇ ਦੇਰੀ ਨਾਲ ਜਵਾਬ ਦੇਣ 'ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ। ਦਰਅਸਲ ਕੰਪਨੀ ਨੇ ਸ਼ਿਕਾਇਤ ਦਾ ਜਵਾਬ ਦੇਣ ਲਈ 24-48 ਘੰਟੇ ਦਾ ਸਮਾਂ ਮੰਗਿਆ ਸੀ। ਤਾਨਿਆ ਨੇ ਉਬੇਰ ਨੂੰ ਪੁੱਛਿਆ ਕਿ ਜੇ ਇਨ੍ਹਾਂ 48 ਘੰਟਿਆਂ ਦੌਰਾਨ ਹੋਰ ਔਰਤਾਂ ਨਾਲ ਵੀ ਇਹੀ ਕੁਝ ਵਾਪਰਿਆ ਤਾਂ ਕੀ ਹੋਵੇਗਾ? ਕੀ ਤੁਸੀਂ ਲੋਕ ਮੇਰੀ ਅਤੇ ਉਨ੍ਹਾਂ ਔਰਤਾਂ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਲੈਣ ਲਈ ਤਿਆਰ ਹੋ?
ਇਹ ਵੀ ਪੜ੍ਹੋ-ਤੁਸੀਂ ਵੀ ਹੋ ਗੁਰਦੇ 'ਚ ਪੱਥਰੀ ਦੇ ਦਰਦ ਤੋਂ ਪਰੇਸ਼ਾਨ, ਤਾਂ ਅਪਣਾ ਲਓ ਇਹ ਘਰੇਲੂ ਉਪਾਅ
ਉਬੇਰ ਨੇ ਡਰਾਈਵਰ 'ਤੇ ਪਾਬੰਦੀ ਲਗਾ ਦਿੱਤੀ
ਹਾਲਾਂਕਿ, ਬਾਅਦ ਵਿੱਚ ਉਬੇਰ ਨੇ ਉਸ ਕੈਬ ਡਰਾਈਵਰ ਨੂੰ ਆਪਣੇ ਪਲੇਟਫਾਰਮ ਤੋਂ ਹਟਾ ਦਿੱਤਾ। ਉਬੇਰ ਨੇ ਕਿਹਾ ਕਿ ਅਸੀਂ ਡਰਾਈਵਰ ਨਾਲ ਸੰਪਰਕ ਕੀਤਾ ਹੈ ਅਤੇ ਦਿੱਤੇ ਗਏ ਫੀਡਬੈਕ ਦੇ ਆਧਾਰ 'ਤੇ, ਉਸਨੂੰ ਬੈਨ ਕਰ ਦਿੱਤਾ ਗਿਆ ਹੈ। ਤਾਨਿਆ ਦੀ ਇਸ ਪੋਸਟ ਨੇ ਸੋਸ਼ਲ ਮੀਡੀਆ 'ਤੇ ਸੁਰੱਖਿਆ 'ਤੇ ਬਹਿਸ ਛੇੜ ਦਿੱਤੀ। ਬਹੁਤ ਸਾਰੇ ਉਪਭੋਗਤਾਵਾਂ ਨੇ ਕੈਬ ਬੁੱਕ ਕਰਦੇ ਸਮੇਂ ਸੁਰੱਖਿਆ ਬਾਰੇ ਪੋਸਟ ਕੀਤਾ ਹੈ।
ਇਹ ਵੀ ਪੜ੍ਹੋ-ਵੋਡਾਫੋਨ ਆਈਡੀਆ ਨੇ ਲਾਂਚ ਕੀਤੇ ਦੋ ਸਸਤੇ ਪਲਾਨ, ਮਿਲੇਗਾ ਸਾਲ ਭਰ ਮੁਫਤ ਕਾਲਿੰਗ ਦਾ ਮਜ਼ਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਵੈਸ਼ਨੋ ਦੇਵੀ ਜਾ ਰਹੀ ਬੱਸ ਦੀ ਟਰੱਕ ਨਾਲ ਟੱਕਰ, 13 ਸ਼ਰਧਾਲੂ ਜ਼ਖਮੀ
NEXT STORY 
