ਅਗਲੇ ਮਹੀਨੇ ਤੋਂ ਇਨ੍ਹਾਂ ਸਮਾਰਟਫੋਨਜ਼ 'ਚ ਨਹੀਂ ਚੱਲੇਗਾ Whatsapp, ਲਿਸਟ 'ਚ ਤੁਹਾਡਾ ਫੋਨ ਤਾਂ ਨਹੀਂ ਸ਼ਾਮਲ!

Edited By Rakesh,
Updated: 26 Sep, 2023 05:12 PM

whatsapp to stop working on these smartphones

ਗੈਜੇਟ ਡੈਸਕ- ਜੇਕਰ ਤੁਸੀਂ ਵੀ ਮੈਸੇਜਿੰਗ ਅਤੇ ਚੈਟਿੰਗ ਲਈ ਵਟਸਐਪ ਦੀ ਇਸਤੇਮਾਲ ਕਰਦੇ ਹੋ ਤਾਂ ਤੁਹਾਡੇ ਲਈ ਬੁਰੀ ਖ਼ਬਰ ਹੈ। ਵਟਸਐਪ ਅਗਲੇ ਮਹੀਨੇ (24 ਅਕਤੂਬਰ) ਤੋਂ ਕੁਝ ਸਮਾਰਟਫੋਨਾਂ ਲਈ ਆਪਣਾ ਸਪੋਰਟ ਬੰਦ ਕਰਨ ਵਾਲਾ ਹੈ। ਵਟਸਐਪ ਯੂਜ਼ਰਜ਼ ਐਕਸਪੀਰੀਅੰਸ, ਪ੍ਰਾਈਵੇਸੀ ਅਤੇ ਸਕਿਓਰਿਟੀ ਨੂੰ ਬਿਹਤਰ ਬਣਾਉਣ ਲਈ ਨਵੇਂ ਅਪਡੇਟ ਲਿਆਉਂਦਾ ਰਹਿੰਦਾ ਹੈ। ਐਂਡਰਾਇਡ, ਆਈ.ਓ.ਐੱਸ. ਅਤੇ ਵੈੱਬ ਸਣੇ ਸਾਰੇ ਵਟਸਐਪ ਵਰਜ਼ਨ ਨੂੰ ਲਗਭਗ ਹਰ ਮਹੀਨੇ ਨਵੇਂ ਸਿਸਟਮ ਅਪਡੇਟ ਪ੍ਰਾਪਤ ਹੁੰਦੇ ਹਨ। ਹਾਲਾਂਕਿ, ਨਵੇਂ ਆਪਰੇਟਿੰਗ ਸਿਸਟਮ ਲਈ ਨਵੇਂ ਅਪਡੇਟ ਦੇ ਨਾਲ ਵਟਸਐਪ ਪੁਰਾਣੇ ਆਪਰੇਟਿੰਗ ਸਿਸਟਮ ਲਈ ਸਪੋਰਟ ਬੰਦ ਕਰ ਦਿੰਦਾ ਹੈ।

ਇਹ ਵੀ ਪੜ੍ਹੋ- ਕੀ ਸੁਰੱਖਿਅਤ ਹੈ ਮੋਬਾਇਲ 'ਚ ਸਾਂਭਿਆ ਨਿੱਜੀ ਡਾਟਾ? ਫੋਟੋ-ਵੀਡੀਓ ਸੇਵ ਕਰਨ ਤੋਂ ਪਹਿਲਾਂ ਜਾਣੋ ਖ਼ਾਸ ਗੱਲਾਂ

ਮੌਜੂਦਾ ਸਮੇਂ 'ਚ ਵਟਸਐਪ ਉਨ੍ਹਾਂ ਐਂਡਰਾਇਡ ਫੋਨਾਂ 'ਤੇ ਕੰਮ ਕਰ ਰਿਹਾ ਹੈ ਜਿਨ੍ਹਾਂ ਦਾ ਵਰਜ਼ਨ 4.1 ਜਾਂ ਉਸਤੋਂ ਨਵਾਂ ਹੈ ਪਰ 24 ਅਕਤੂਬਰ ਤੋਂ ਵਟਸਐਪ ਸਿਰਫ਼ ਐਂਡਰਾਇਡ 5.0 ਜਾਂ ਇਸਤੋਂ ਉਪਰਲੇ ਵਰਜ਼ਨ ਵਾਲੇ ਫੋਨਾਂ 'ਤੇ ਹੀ ਕੰਮ ਕਰੇਗਾ। ਇਸਤੋਂ ਇਲਾਵਾ ਜੇਕਰ ਤੁਸੀਂ ਆਈਫੋਨ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਡਾ ਡਿਵਾਈਸ iOS 12 ਜਾਂ ਉਸਤੋਂ ਉਪਰ ਦੇ ਵਰਜ਼ਨ 'ਤੇ ਕੰਮ ਕਰਦਾ ਹੋਣਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ- iPhone 15 ਲਾਂਚ ਹੁੰਦੇ ਹੀ ਸਸਤੇ ਹੋਏ ਪੁਰਾਣੇ ਆਈਫੋਨ, ਜਾਣੋ ਕਿੰਨੀ ਘਟੀ ਕੀਮਤ

ਲਿਸਟ 'ਚ ਜ਼ਿਆਦਾਤਰ ਫੋਨ ਪੁਰਾਣੇ ਮਾਡਲ ਹਨ ਜਿਨ੍ਹਾਂ ਦਾ ਇਸਤੇਮਾਲ ਅੱਜ ਬਹੁਤ ਘੱਟ ਲੋਕ ਕਰਦੇ ਹੋਣਗੇ ਪਰ ਜੇਕਰ ਤੁਹਾਡੇ ਕੋਲ ਅਜੇ ਵੀ ਇਨ੍ਹਾਂ 'ਚੋਂ ਕੋਈ ਫੋਨ ਹੈ ਤਾਂ ਤੁਹਾਨੂੰ ਨਵਾਂ ਫੋਨ ਖ਼ਰੀਦਣ ਬਾਰੇ ਸੋਚਣਾ ਪਵੇਗਾ। ਅਜਿਹਾ ਇਸ ਲਈ ਕਿਉਂਕਿ ਨਾ ਸਿਰਫ ਵਟਸਐਪ ਸਗੋਂ ਦੂਜੇ ਐਪ ਵੀ ਪੁਰਾਣੇ ਆਪਰੇਟਿੰਗ ਸਿਸਟਮ ਲਈ ਆਪਣਾ ਸਪੋਰਟ ਬੰਦ ਕਰ ਦਿੰਦੇ ਹਨ। ਇਸ ਤੋਂ ਇਲਾਵਾ ਨਵੇਂ ਸਕਿਓਰਿਟੀ ਅਪਡੇਟ ਦੇ ਬਿਨਾਂ ਤੁਹਾਡਾ ਫੋਨ ਸਾਈਬਰ ਖਤਰਿਆਂ ਪ੍ਰਤੀ ਸੰਵੇਦਨਸ਼ੀਲ ਹੋ ਜਾਂਦਾ ਹੈ।

ਇਹ ਵੀ ਪੜ੍ਹੋ- ਟੈਸਲਾਬੋਟ ਦਾ ਬੁੱਧੀਮਾਨ ਰੋਬੋਟ ਜੋ ਕਰਦਾ ਹੈ ਯੋਗ ਅਤੇ ਦਿਖਾਉਂਦਾ ਹੈ ਕਰਤੱਬ