ਨੈਸ਼ਨਲ ਡੈਸਕ : ਦੇਸ਼ ਦੀ ਵਿੱਤੀ ਰਾਜਧਾਨੀ ਮੁੰਬਈ ਤੋਂ ਇੱਕ ਬਹੁਤ ਹੀ ਦੁਖਦਾਈ ਖ਼ਬਰ ਆਈ ਹੈ। ਇੱਥੇ ਟ੍ਰੈਫਿਕ ਜਾਮ ਵਿੱਚ ਫਸੀ ਇੱਕ ਔਰਤ ਦੀ ਤੜਫ-ਤੜਫ ਕੇ ਮੌਤ ਹੋ ਗਈ। ਆਪਣੀਆਂ ਅੱਖਾਂ ਦੇ ਸਾਹਮਣੇ ਆਪਣੀ ਪਤਨੀ ਨੂੰ ਗੁਆਉਣ ਵਾਲੇ ਵਿਅਕਤੀ ਨੇ ਕਿਹਾ ਕਿ "ਜੇ ਉਹ ਅੱਧਾ ਘੰਟਾ ਪਹਿਲਾਂ ਹਸਪਤਾਲ ਪਹੁੰਚ ਜਾਂਦਾ, ਤਾਂ ਸ਼ਾਇਦ ਉਸਦੀ ਪਤਨੀ ਅੱਜ ਉਸਦੇ ਨਾਲ ਹੁੰਦੀ"। ਇਸ ਘਟਨਾ ਨੇ ਮਨ ਵਿੱਚ ਡਰ ਪੈਦਾ ਕਰਨ ਦੇ ਨਾਲ-ਨਾਲ ਕਈ ਸਵਾਲ ਵੀ ਖੜ੍ਹੇ ਕੀਤੇ ਹਨ।
ਪੜ੍ਹੋ ਇਹ ਵੀ - 'ਧਰਤੀ ਤੇ ਅਸਮਾਨ ਦੋਵਾਂ ਤੋਂ ਵਰ੍ਹੇਗੀ ਅੱਗ...', ਬਾਬਾ ਵੇਂਗਾ ਦੀ ਡਰਾਉਣੀ ਭਵਿੱਖਬਾਣੀ ਨੇ ਮਚਾਈ ਹਲਚਲ
ਟਾਹਣੀ ਡਿੱਗਣ ਕਾਰਨ ਹੋਈ ਸੀ ਜ਼ਖ਼ਮੀ
ਦੱਸ ਦੇਈਏ ਕਿ ਮ੍ਰਿਤਕ ਔਰਤ ਛਾਇਆ ਪੁਰਵਾਲ (49 ਸਾਲਾ) ਪਾਲਘਰ ਦੀ ਰਹਿਣ ਵਾਲੀ ਹੈ ਅਤੇ ਉਹ ਇੱਕ ਦਰੱਖ਼ਤ ਦੀ ਟਾਹਣੀ ਡਿੱਗਣ ਨਾਲ ਗੰਭੀਰ ਜ਼ਖ਼ਮੀ ਹੋ ਗਈ ਸੀ। ਮੁੱਢਲੇ ਇਲਾਜ ਤੋਂ ਬਾਅਦ ਉਸਨੂੰ ਲਗਭਗ 100 ਕਿਲੋਮੀਟਰ ਦੀ ਦੂਰੀ 'ਤੇ ਮੁੰਬਈ ਦੇ ਹਿੰਦੂਜਾ ਹਸਪਤਾਲ ਲਿਜਾਣਾ ਪਿਆ। ਜਦੋਂ ਐਂਬੂਲੈਂਸ ਰਸਤੇ ਵਿੱਚ ਨਿਕਲੀ ਤਾਂ ਠਾਣੇ-ਘੋਡਬੰਦਰ ਹਾਈਵੇਅ 'ਤੇ ਟੋਇਆਂ ਕਾਰਨ ਲੰਬਾ ਟ੍ਰੈਫਿਕ ਜਾਮ ਸੀ। ਐਂਬੂਲੈਂਸ 4 ਘੰਟੇ ਤੱਕ ਜਾਮ ਵਿੱਚ ਫਸੀ ਰਹੀ। ਹਾਦਸੇ ਕਾਰਨ ਛਾਇਆ ਦੀਆਂ ਪਸਲੀਆਂ, ਮੋਢਿਆਂ ਅਤੇ ਸਿਰ ਵਿੱਚ ਸੱਟਾਂ ਲੱਗੀਆਂ।
ਪੜ੍ਹੋ ਇਹ ਵੀ - ਵਿਦਿਆਰਥੀਆਂ ਲਈ ਵੱਡਾ ਤੋਹਫ਼ਾ, ਪੜ੍ਹਾਈ ਕਰਨ ਲਈ ਮਿਲਣਗੇ 10 ਲੱਖ ਰੁਪਏ, ਜਾਣੋ ਕਿਵੇਂ
4 ਘੰਟੇ ਤੱਕ ਜਾਮ 'ਚ ਫਸੀ ਰਹੀ ਐਂਬੂਲੈਂਸ
ਜਿਵੇਂ ਹੀ ਅਨੱਸਥੀਸੀਆ ਦਾ ਪ੍ਰਭਾਵ ਖ਼ਤਮ ਹੋਇਆ, ਛਾਇਆ ਪੁਰਵਾਲ ਨੂੰ ਅਸਹਿ ਦਰਦ ਹੋਣ ਲੱਗਾ। 4 ਘੰਟੇ ਤੱਕ ਜਾਮ 'ਚ ਫਸੇ ਰਹਿਣ ਕਾਰਨ ਉਸਦੀ ਹਾਲਤ ਹੋਰ ਜ਼ਿਆਦਾ ਵਿਗੜ ਗਈ। ਜਿਵੇਂ-ਜਿਵੇਂ ਉਸਦੀ ਹਾਲਤ ਵਿਗੜਦੀ ਗਈ, ਉਸ ਨੂੰ ਦੇਖ ਕੇ ਐਂਬੂਲੈਂਸ ਨੂੰ ਔਰਬਿਟ ਹਸਪਤਾਲ (ਮੀਰਾ ਰੋਡ) ਵੱਲ ਮੋੜ ਦਿੱਤਾ ਗਿਆ, ਜੋ ਹਿੰਦੂਜਾ ਤੋਂ ਲਗਭਗ 30 ਕਿਲੋਮੀਟਰ ਦੂਰ ਸੀ। ਹਾਦਸੇ ਵਾਲੀ ਥਾਂ ਤੋਂ ਇੱਥੇ ਪਹੁੰਚਣ ਵਿੱਚ ਬਹੁਤ ਦੇਰ ਹੋ ਗਈ ਸੀ ਅਤੇ ਡਾਕਟਰਾਂ ਨੇ ਛਾਇਆ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਔਰਤ ਦੇ ਪਤੀ ਨੇ ਕਿਹਾ - ਸੜਕ 'ਤੇ ਇੰਨੇ ਟੋਏ ਸਨ ਕਿ ਉਸਦਾ ਦਰਦ ਵਧਦਾ ਰਿਹਾ ਅਤੇ ਉਸਨੂੰ ਕਈ ਵਾਰ ਦੌਰੇ ਪਏ। ਉਹ ਇੰਨੀ ਦਰਦ ਵਿੱਚ ਸੀ ਕਿ ਉਹ ਮੈਨੂੰ ਮਾਰ ਰਹੀ ਸੀ, ਮੈਨੂੰ ਕੱਟ ਰਹੀ ਸੀ, ਰੋ ਰਹੀ ਸੀ ਕਿ ਉਸਨੂੰ ਜਲਦੀ ਹਸਪਤਾਲ ਲਿਜਾਇਆ ਜਾਵੇ ਅਤੇ ਫਿਰ ਉਹ ਤੜਫਦੀ ਹੋਈ ਮਰ ਗਈ।
ਪੜ੍ਹੋ ਇਹ ਵੀ - American Airport 'ਤੇ ਆਪਸ 'ਚ ਟਕਰਾਏ 2 ਯਾਤਰੀ ਜਹਾਜ਼, ਧਮਕੇ ਮਗਰੋਂ ਲੱਗੀ ਅੱਗ, ਪਈਆਂ ਭਾਂਜੜਾ (ਵੀਡੀਓ)
ਟਰਾਮਾ ਸੈਂਟਰ ਦੀ ਘਾਟ ਕਾਰਨ ਹੋਈ ਔਰਤ ਦੀ ਮੌਤ
ਪਾਲਘਰ ਵਿੱਚ ਟਰੌਮਾ ਸੈਂਟਰ ਦੀ ਘਾਟ ਹੈ, ਜਿਸ ਕਾਰਨ ਜ਼ਖ਼ਮੀਆਂ ਨੂੰ ਮੁੰਬਈ ਲਿਜਾਣਾ ਪੈਂਦਾ ਹੈ, ਜਿਸਦੇ ਜਾਨਲੇਵਾ ਨਤੀਜੇ ਹਨ। ਇਸ ਘਟਨਾ ਨੇ ਪੇਂਡੂ ਸਿਹਤ ਸੰਭਾਲ ਬੁਨਿਆਦੀ ਢਾਂਚੇ ਨੂੰ ਬਿਹਤਰ ਬਣਾਉਣ ਦੀ ਤੁਰੰਤ ਲੋੜ ਨੂੰ ਉਜਾਗਰ ਕੀਤਾ ਹੈ। ਪਾਲਘਰ ਵਰਗੇ ਖੇਤਰਾਂ ਵਿੱਚ ਪੁਲਸ ਅਤੇ ਪ੍ਰਸ਼ਾਸਨ ਦੋਵਾਂ ਨੂੰ ਅਤਿ-ਆਧੁਨਿਕ ਟਰੌਮਾ ਸੈਂਟਰ, ਐਮਰਜੈਂਸੀ ਰੂਟ ਪ੍ਰਬੰਧਨ ਅਤੇ ਬਿਹਤਰ ਐਂਬੂਲੈਂਸ ਸਹੂਲਤਾਂ ਨੂੰ ਯਕੀਨੀ ਬਣਾਉਣਾ ਚਾਹੀਦਾ ਹੈ। ਔਰਤ ਦੇ ਪਤੀ ਦਾ ਕਹਿਣਾ ਹੈ ਕਿ ਮੇਰੀ ਇੱਕੋ ਇੱਕ ਬੇਨਤੀ ਹੈ ਕਿ ਸੜਕਾਂ ਦੀ ਮੁਰੰਮਤ ਕੀਤੀ ਜਾਵੇ ਤਾਂ ਜੋ ਕੋਈ ਹੋਰ ਇਸ ਤਰ੍ਹਾਂ ਆਪਣੀ ਜਾਨ ਨਾ ਗੁਆਵੇ।
ਪੜ੍ਹੋ ਇਹ ਵੀ - ਛੁੱਟੀਆਂ ਦੀ ਬਰਸਾਤ! 14, 15, 16, 17 ਨੂੰ ਬੰਦ ਰਹਿਣਗੇ ਸਕੂਲ-ਕਾਲਜ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
'ਕੁੱਤਿਆਂ ਨੂੰ ਹਟਾਉਣ' ਵਾਲੇ ਆਦੇਸ਼ ਦੀ ਰਾਹੁਲ ਗਾਂਧੀ ਨੇ ਕੀਤੀ ਅਲੋਚਨਾ, ਕਿਹਾ- ''ਬੇਜ਼ੁਬਾਨ ਕੋਈ ਸਮੱਸਿਆ ਨਹੀਂ...''
NEXT STORY 
