ਪਟਿਆਲਾ (ਬਲਜਿੰਦਰ) : ਕੇਂਦਰੀ ਜੇਲ ਪਟਿਆਲਾ ਵਿਚ ਬੰਦ ਹਵਾਲਾਤੀਆਂ ਤੋਂ 8 ਮੋਬਾਈਲ ਫੋਨ ਬਰਾਮਦ ਹੋਏ। ਇਸ ਮਾਮਲੇ ’ਚ ਥਾਣਾ ਤ੍ਰਿਪੜੀ ਦੀ ਪੁਲਸ ਨੇ ਸਹਾਇਕ ਜੇਲ ਸੁਪਰਡੈਂਟ ਸਰਤਾਜ ਸਿੰਘ ਦੀ ਸ਼ਿਕਾਇਤ ’ਤੇ 4 ਹਵਾਲਾਤੀਆਂ ਖਿਲਾਫ ਕੇਸ ਦਰਜ ਕੀਤਾ ਹੈ। ਮੁਲਜ਼ਮਾਂ ’ਚ ਹਵਾਲਾਤੀ ਮੰਗਾ ਸਿੰਘ ਪੁੱਤਰ ਨਾਇਬ ਸਿੰਘ ਵਾਸੀ ਮੋੜ ਚੜ੍ਹਤ ਸਿੰਘ ਵਾਲਾ ਜ਼ਿਲਾ ਬਠਿੰਡਾ, ਹਵਾਲਾਤੀ ਹਰਸ਼ਪ੍ਰੀਤ ਸਿੰਘ ਪੁੱਤਰ ਸਿਮਰਨਜੀਤ ਸਿੰਘ ਵਾਸੀ ਨਵਜੀਤ ਨਗਰ ਹਸਨਪੁਰ ਪ੍ਰੋਹਤਾਂ ਪਟਿਆਲਾ, ਹਵਾਲਾਤੀ ਨਿਤਿਨ ਕੁਮਾਰ ਪੁੱਤਰ ਕ੍ਰਿਸ਼ਨ ਕੁਮਾਰ ਵਾਸੀ ਧੋਬੀ ਘਾਟ ਪਟਿਆਲਾ, ਹਵਾਲਾਤੀ ਸੋਨੂੰ ਕੁਮਾਰ ਗੁਪਤਾ ਪੁੱਤਰ ਗੰਗਾ ਪ੍ਰਸ਼ਾਦ ਗੁਪਤਾ ਵਾਸੀ ਗੋਬਿੰਦ ਨਗਰ ਸਰਹਿੰਦ ਰੋਡ ਹਾਲ ਵਾਸੀ ਪਿੰਡ ਅਲੀਪੁਰ ਸ਼ਾਮਿਲ ਹਨ।
ਜੇਲ ਪ੍ਰਸ਼ਾਸਨ ਮੁਤਾਬਕ ਇਹ ਬਰਾਮਦਗੀ ਕਈ ਮਹੀਨੇ ਪਹਿਲਾਂ ਹੋਈ, ਜਿਸ ’ਚ ਮੁਰਗੀ ਅਹਾਤਾ ਬੈਰਕ ਨੰਬਰ 4 ਦੀ ਤਲਾਸ਼ੀ ਕੀਤੀ ਗਈ ਤਾਂ ਹਵਾਲਾਤੀ ਮੰਗਾ ਸਿੰਘ ਜਿਸਮਾਨੀ ਤਲਾਸ਼ੀ ਦੌਰਾਨ ਪਾਈ ਹੋਈ ਲੋਅਰ ਦੀ ਜੇਬ ’ਚੋਂ 2 ਮੋਬਾਈਲ ਫੋਨ ਕੀ-ਪੈਡ ਵਾਲੇ ਅਤੇ ਹਵਾਲਾਤੀ ਨਿਤਿਨ ਕੁਮਾਰ ਦੀ ਤਲਾਸ਼ੀ ਦੌਰਾਨ ਪਾਈ ਹੋਈ ਕੈਪਰੀ ’ਚੋਂ 1 ਟੱਚ ਮੋਬਾਈਲ, ਹਵਾਲਾਤੀ ਹਰਸ਼ਜੀਤ ਸਿੰਘ ਦੀ ਜੇਬ ’ਚੋਂ 1 ਮੋਬਾਈਲ, ਹਵਾਲਾਤੀ ਸੋਨੂੰ ਕੁਮਾਰ ਗੁਪਤਾ ਦੀ ਤਲਾਸ਼ ਦੌਰਾਨ ਬਿਸਤਰੇ ’ਚੋਂ 1 ਮੋਬਾਈਲ ਫੋਨ ਬਰਾਮਦ ਹੋਇਆ। ਇਸੇ ਤਰ੍ਹਾਂ ਬਾਥਰੂਮ ਦੇ ਟਾਇਲਟ ’ਚ ਦੱਬੇ ਹੋਏ 3 ਮੋਬਾਇਲ ਫੋਨ ਬਰਾਮਦ ਹੋਏ, ਜਿਨ੍ਹਾਂ ਖਿਲਾਫ 52 ਏ ਪ੍ਰੀਜ਼ਨ ਐਕਟ ਤਹਿਤ ਕੇਸ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਬਲਜਿੰਦਰ ਸਿੰਘ ਖੁਦਕੁਸ਼ੀ ਮਾਮਲਾ: 6 ਦਿਨਾਂ ਤੋਂ ਪਰਿਵਾਰ ਮ੍ਰਿਤਕ ਦੀ ਲਾਸ਼ ਰੱਖ ਕੇ ਕਰ ਰਿਹੈ ਗ੍ਰਿਫ਼ਤਾਰੀਆਂ ਦੀ ਮੰਗ
NEXT STORY 
