ਪਟਿਆਲਾ, (ਬਲਜਿੰਦਰ)- ਪੰਜਾਬ ਪਬਲਿਕ ਸਰਵਿਸ ਕਮਿਸ਼ਨ ਵੱਲੋਂ ਪੀ. ਸੀ. ਐੱਸ. ਤੇ ਅਲਾਈਡ ਲਈ ਕੱਢੀਆਂ ਗਈਆਂ 67 ਪੋਸਟਾਂ ਲਈ ਅੱਜ ਪਟਿਆਲਾ ਵਿਚ ਪ੍ਰੀਲਿਮਨਰੀ ਪ੍ਰੀਖਿਆ ਲਈ ਗਈ, ਜਿਸ ਵਿਚ 22 ਹਜ਼ਾਰ ਉਮੀਦਵਾਰ ਨੇ ਪ੍ਰੀਖਿਆ ਦਿੱਤੀ। ਪ੍ਰਸ਼ਾਸਨ ਵੱਲੋਂ ਇਸ ਲਈ 50 ਤੋਂ ਜ਼ਿਆਦਾ ਪ੍ਰੀਖਿਆ ਕੇਂਦਰ ਬਣਾਏ ਗਏ। ਕੈਮਰੇ ਦੀ ਨਿਗਰਾਨੀ ਹੇਠ ਅੱਜ ਦੋਵੇਂ ਪੇਪਰ ਹੋਏ। ਪੀ. ਸੀ. ਐੱਸ. ਦਾ ਪੇਪਰ ਬਿਲਕੁਲ ਠੀਕ ਹੋਵੇ, ਇਸ ਲਈ ਜ਼ਿਲਾ ਪ੍ਰਸ਼ਾਸਨ ਅਤੇ ਪੁਲਸ ਦੋਹਾਂ ਦਾ ਕਾਫੀ ਜ਼ਿਆਦਾ ਜ਼ੋਰ ਲੱਗਾ ਹੋਇਆ ਸੀ। ਪੁਲਸ ਵੱਲੋਂ ਸਾਰੇ ਕੇਂਦਰਾਂ ’ਤੇ ਸੁਰੱਖਿਆ ਸਖਤ ਪ੍ਰਬੰਧ ਸਨ, ਬਿਨਾਂ ਕਾਰਡ ਦੇ ਕਿਸੇ ਨੂੰ ਵੀ ਅੰਦਰ ਜਾਣ ਦੀ ਆਗਿਆ ਨਹੀਂ ਸੀ। ਪੇਪਰ ਠੀਕ ਤਰੀਕੇ ਨਾਲ ਹੋ ਰਹੇ ਜਾਂ ਫੇਰ ਨਹੀਂ, ਇਸ ਲਈ ਬਕਾਇਆ ਸੀਨੀਅਰ ਆਈ. ਏ. ਐੱਸ. ਅਧਿਕਾਰੀਆਂ ਨੂੰ ਆਬਜ਼ਰਵਰ ਲਾਇਆ ਗਿਆ ਸੀ। ਆਬਜ਼ਰਵਰਾਂ ਦੀਆਂ ਵੱਖਰੀਆਂ ਵੱਖਰੀਆਂ ਟੀਮਾਂ ਬਣਾਈਆਂ ਗਈਆਂ ਸਨ। ਜਿਨਾਂ ਵੱਲੋਂ ਵੱਖਰੇ-ਵੱਖਰੇ ਸੈਂਟਰਾਂ ਦੀ ਚੈਕਿੰਗ ਕੀਤੀ ਗਈ।
ਇਥੇ ਇਹ ਦੱਸਣਯੋਗ ਹੈ ਕਿ ਪੰਜਾਬ ਪਬਲਿਕ ਸਰਵਿਸ ਕਮਿਸ਼ਨ ਵੱਲੋਂ ਅੱਜ 67 ਪੋਸਟਾਂ ਲਈ ਪ੍ਰੀਖਿਆ ਲਈ ਗਈ, ਜਿਨ੍ਹਾਂ ਵਿਚ ਪੀ. ਸੀ.ਐੱਸ. ਐਗਜ਼ੈਕਟਿਵ 10, ਡੀ. ਐੱਸ. ਪੀ. 20, ਤਹਿਸੀਲਦਾਰ 3, ਫੂਡ ਸਪਲਾਈ ਅਫਸਰ 2, ਬੀ. ਡੀ. ਪੀ. ਓ. 15, ਲੇਬਰ ਅਫਸਰ 1, ਇੰਪਲਾਈਮੈਂਟ ਜਨਰੇਸ਼ਨ ਅਫਸਰ 6 ਅਤੇ ਡਿਪਟੀ ਸੁਪਰਡੈਂਟ ਜੇਲ 10 ਪੋਸਟਾਂ ਲਈ ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ। ਪੰਜਾਬ ਪਬਲਿਕ ਸਰਵਿਸ ਕਮਿਸ਼ਨ ਵੱਲੋਂ 23 ਅਪ੍ਰੈਲ ਨੂੰ ਆਨ ਲਾਈਨ ਐਪਲੀਕੇਸ਼ਨਾਂ ਲਈਆਂ ਗਈਆਂ ਸਨ ਅਤੇ 12 ਜੁਲਾਈ ਨੂੰ ਐਡਮਿਟ ਕਾਰਡ ਦਿੱਤੇ ਗਏ ਸਨ ਅਤੇ ਅੱਜ ਪ੍ਰੀਖਿਆ ਲਈ ਗਈ। ਅੱਜ ਲਈ ਪ੍ਰੀਲਿਮਨਰੀ ਪ੍ਰੀਖਿਆ ਸੀ, ਜਿਸ ਵਿਚ ਦੋ ਪੇਪਰ ਸਨ।
ਪਹਿਲਾ ਪੇਪਰ 100 ਪ੍ਰਸ਼ਨ ਦਾ, ਕੁਲ 200 ਨੰਬਰ ਦਾ ਸੀ ਤੇ ਦੂਜਾ ਪੇਪਰ ਸਿਵਲ ਸਰਵਿਸਜ਼ ਐਪਟੀਚਿਊਟ ਟੈਸਟ ਦਾ 80 ਪ੍ਰਸ਼ਨ ਦਾ, ਹਰੇਕ ਪ੍ਰਸ਼ਨ ਦੇ ਢਾਈ ਨੰਬਰ ਸੀ, ਭਾਵ ਇਹ ਵੀ 200 ਨੰਬਰ ਪੇਪਰ ਸੀ। ਇਸ ਵਿਚ ਆਬਜੈਕਟਿਵ ਟਾਈਪ ਮਲਟੀਪਲ ਚੁਆਇਸ ਪ੍ਰਸ਼ਨ ਪੁੱਛੇ ਗਏ ਸਨ। ਹਰੇਕ ਪੇਪਰ ਦੋ ਘੰਟੇ ਦਾ ਸੀ ਅਤੇ ਨੇਗੇਟਿਵ ਮਾਰਕਿੰਗ ਨਹੀਂ ਹੈ। ਪੇਪਰ ਪੰਜਾਬੀ ਅਤੇ ਅੰਗਰੇਜ਼ੀ ਦੋਹਾਂ ਭਾਸ਼ਾਵਾਂ ਵਿਚ ਲਿਆ ਗਿਆ। ਪ੍ਰੀਲਿਮਨਰੀ ਵਿਚ ਜਿਹਡ਼ੇ ਉਮੀਦਵਾਰ ਸਫਲ ਹੋਣਗੇ, ਉਨ੍ਹਾਂ ਨੂੰ ਮੇਨ ਪ੍ਰੀਖਿਆ ਦੇਣ ਦਾ ਮੌਕਾ ਦਿੱਤਾ ਜਾਵੇਗਾ, ਜਿਸ ਵਿਚ ਕੰਪਲਸਰੀ ਪੰਜਾਬੀ ਤੇ ਅੰਗਰੇਜ਼ੀ ਤੋਂ ਇਲਾਵਾ ਐੱਸ. ਏ. ਅਤੇ ਜਨਰਲ ਸਟੱਡੀ ਪੇਪਰ 1, 2, 3, 4 ਦਾ ਪੇਪਰ ਲਿਆ ਜਾਵੇਗਾ।
40 ਸਾਲ ਬਾਅਦ ਵੀ ਨਾਨਕਪੁਰਾ ਦੇ ਕੁਝ ਘਰਾਂ ’ਚ ਨਾ ਬਿਜਲੀ ਤੇ ਨਾ ਪਾਣੀ
NEXT STORY 
