ਜਲੰਧਰ (ਖੁਰਾਣਾ)-ਲੇਡੀਜ਼ ਜਿਮਖਾਨਾ ਕਲੱਬ ਦੀਆਂ ਅੱਜ ਹੋਈਆਂ ਚੋਣਾਂ 'ਚ ਅਮਿਤਾ ਅਰੋੜਾ ਨੂੰ ਸੈਕਟਰੀ ਚੁਣ ਲਿਆ ਗਿਆ ਹੈ। ਉਨ੍ਹਾਂ ਨੇ ਵਿਰੋਧੀ ਧਿਰ ਦੀ ਪੂਨਮ ਬਹਿਲ ਨੂੰ 60 ਵੋਟਾਂ ਨਾਲ ਹਰਾਇਆ। ਇਨ੍ਹਾਂ ਚੋਣਾਂ ਦੌਰਾਨ ਟੀਮ ਜਾਂਬਾਜ਼ ਤੇ ਡਾਇਨੈਮਿਕ ਗਰੁੱਪ 'ਚ ਸਖਤ ਮੁਕਾਬਲਾ ਸੀ ਤੇ ਡਾਇਨੈਮਿਕ ਗਰੁੱਪ ਨੇ ਸੈਕਟਰੀ ਅਹੁਦੇ ਤੋਂ ਇਲਾਵਾ ਹੋਰ 4 'ਚੋਂ 3 ਸੀਟਾਂ ਜਿੱਤ ਕੇ ਜਾਂਬਾਜ਼ ਟੀਮ ਦਾ ਸਫਾਇਆ ਕਰ ਦਿੱਤਾ। ਕਲੱਬ ਚੋਣਾਂ ਲਈ ਅੱਜ 615 ਸੀਟਾਂ 'ਚੋਂ 464 ਵੋਟਾਂ ਪਈਆਂ ਤੇ ਵੋਟਿੰਗ ਦਾ ਕੰਮ ਸ਼ਾਂਤੀਪੂਰਨ ਢੰਗ ਨਾਲ ਸੰਪੰਨ ਹੋਇਆ। ਚੋਣਾਂ ਦੌਰਾਨ ਸੁਨੰਦਾ ਕਟਾਰੀਆ ਨੂੰ ਇੰਟਰਟੇਨਮੈਂਟ ਸੈਕਟਰੀ, ਸੰਤੋਸ਼ ਸੈਣੀ ਨੂੰ ਜੁਆਇੰਟ ਫੂਡ ਸੈਕਟਰੀ, ਜਦਕਿ ਮਨੋਰਮਾ ਮਾਇਰ ਨੂੰ ਕਲੱਬ ਦਾ ਖਜ਼ਾਨਚੀ ਚੁਣਿਆ ਗਿਆ। ਇਨ੍ਹਾਂ ਚੋਣਾਂ 'ਚ ਪੂਨਮ ਬਹਿਲ ਤੋਂ ਇਲਾਵਾ ਨੀਨਾ ਚੌਹਾਨ, ਸੀਮਾ ਸੈਣੀ, ਸੁਨੀਤਾ ਉੱਪਲ ਤੇ ਸੀਮਾ ਅਰੋੜਾ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਕਿਸ ਨੂੰ ਕਿੰਨੀਆਂ ਵੋਟਾਂ ਮਿਲੀਆਂ
ਸੈਕਟਰੀ : ਅਮਿਤਾ ਅਰੋੜਾ- 259, ਪੂਨਮ ਬਹਿਲ- 199
ਇੰਟਰਟੇਨਮੈਂਟ ਸੈਕਟਰੀ : ਸੁਨੰਦਾ ਕਟਾਰੀਆ- 243, ਸੀਮਾ ਅਰੋੜਾ- 209
ਜੁਆਇੰਟ ਇੰਟਰਟੇਨਮੈਂਟ ਸੈਕਟਰੀ : ਸਰੂਚੀ ਕੱਕੜ- 230, ਨੀਨਾ ਚੌਹਾਨ- 219
ਜੁਆਇੰਟ ਫੂਡ ਸੈਕਟਰੀ : ਸੰਤੋਸ਼ ਸੈਣੀ- 281, ਸੁਨੀਤਾ ਉੱਪਲ- 167
ਖਜ਼ਾਨਚੀ ; ਮਨੋਰਮਾ ਮਾਇਰ- 340, ਸੀਮਾ ਸੈਣੀ- 116
10 ਐਗਜ਼ੀਕਿਊਟਿਵ ਉਮੀਦਵਾਰਾਂ ਨੇ ਜਿੱਤ ਦਰਜ ਕੀਤੀ
ਲੇਡੀਜ਼ ਜਿਮਖਾਨਾ ਕਲੱਬ ਦੀਆਂ ਚੋਣਾਂ 'ਚ ਅੱਜ ਪੂਨਮ ਅਰੋੜਾ (312) , ਨੀਰੂ ਸਹਿਗਲ (288), ਰੀਟਾ ਸ਼ਰਮਾ (283), ਪੂਜਾ ਪਸਰੀਚਾ (282), ਰੰਜਨਾ ਸੂਦ (270), ਸੰਗੀਤਾ ਮਹਿੰਦਰੂ (254), ਹਰਸ਼ ਤ੍ਰੇਹਨ (247), ਅੰਜੂ ਅਜੇ ਗੁਪਤਾ (238), ਅਰਵਿੰਦਰ ਅਰੋੜਾ ਡਿੰਪਲ (211), ਸੁਮਨ ਅਰੋੜਾ (208) ਨੇ ਜਿੱਤ ਦਰਜ ਕੀਤੀ। ਸਾਰੇ ਉਮੀਦਵਾਰ ਜਿੱਤ ਦਾ ਨਿਸ਼ਾਨ ਦਿਖਾਉਂਦੇ ਹੋਏ। ਇਨ੍ਹਾਂ ਚੋਣਾਂ 'ਚ ਨੇਹਾ ਮਹਿਤਾ ਤੇ ਅਮਿਤਾ ਢੱਲ ਨੂੰ ਜਿੱਤ ਹਾਸਲ ਨਹੀਂ ਹੋਈ।
ਵਧੀਆ ਰਹੇ ਪ੍ਰਸ਼ਾਸਨ ਦੇ ਇੰਤਜ਼ਾਮ
ਇਨ੍ਹਾਂ ਚੋਣਾਂ ਲਈ ਐੱਸ. ਡੀ. ਐੱਮ. ਸ਼ਾਹਕੋਟ ਡਾ. ਚਾਰੂਮਿਤਾ ਨੂੰ ਰਿਟਰਨਿੰਗ ਆਫੀਸਰ ਬਣਾਇਆ ਗਿਆ ਸੀ, ਜਿਨ੍ਹਾਂ ਨੇ ਬਹੁਤ ਹੀ ਸੁਚਾਰੂ ਢੰਗ ਨਾਲ ਚੋਣ ਪ੍ਰਕਿਰਿਆ ਨੂੰ ਅੰਜਾਮ ਦਿੱਤਾ। ਵੋਟਾਂ ਤੋਂ ਲੈ ਕੇ ਕਾਊਂਟਿੰਗ ਤਕ ਦਾ ਕਾਰਜ ਵਧੀਆ ਢੰਗ ਨਾਲ ਚੱਲਿਆ ਤੇ ਅਨੁਸ਼ਾਸਨ ਬਣਿਆ ਰਿਹਾ। ਵੋਟਿੰਗ ਨੂੰ ਵੀ ਸਾਰੇ ਮੈਂਬਰਾਂ ਨੇ ਖੂਬ ਇੰਜੁਆਏ ਕੀਤਾ ਪਰ ਵੋਟਿੰਗ ਕੇਂਦਰ 'ਚ ਪੂਰਾ ਅਨੁਸ਼ਾਸਨ ਬਹਾਲ ਰੱਖਿਆ ਗਿਆ। ਵੋਟਿੰਗ ਖਤਮ ਹੁੰਦਿਆਂ ਹੀ ਕਾਊਂਟਿੰਗ ਹੋਣੀ ਸ਼ੁਰੂ ਹੋ ਗਈ ਤੇ ਰਿਜ਼ਲਟ ਵੀ ਜਲਦੀ ਹੀ ਡਿਕਲੇਅਰ ਕਰ ਦਿੱਤਾ ਗਿਆ।
ਮੇਨ ਜਿਮਖਾਨਾ ਦੀ ਰਾਜਨੀਤੀ ਦਾ ਵੀ ਪ੍ਰਭਾਵ ਦਿਖਿਆ
ਲੇਡੀਜ਼ ਜਿਮਖਾਨਾ ਦੀਆਂ ਅੱਜ ਹੋਈਆਂ ਚੋਣਾਂ 'ਚ ਜਲੰਧਰ ਜਿਮਖਾਨਾ ਕਲੱਬ ਦੀ ਰਾਜਨੀਤੀ ਦਾ ਵੀ ਸਾਫ-ਸਾਫ ਪ੍ਰਭਾਵ ਦੇਖਣ ਨੂੰ ਮਿਲਿਆ। ਇਨ੍ਹਾਂ ਚੋਣਾਂ 'ਚ ਸੈਕਟਰੀ ਅਹੁਦੇ ਲਈ ਖੜ੍ਹੀ ਪੂਨਮ ਬਹਿਲ ਜਲੰਧਰ ਜਿਮਖਾਨਾ ਦੇ ਸਾਬਕਾ ਸੈਕਟਰੀ ਸੰਦੀਪ ਬਹਿਲ ਦੀ ਪਤਨੀ ਹੈ। ਜਲੰਧਰ ਜਿਮਖਾਨਾ ਦੀਆਂ ਚੋਣਾਂ 'ਚ ਸੰਦੀਪ ਬਹਿਲ ਦੀ ਭੂਮਿਕਾ ਨੂੰ ਇਕ ਗਰੁੱਪ ਨੇ ਨਾ-ਪਸੰਦ ਕੀਤਾ, ਜਿਸ ਦਾ ਅਸਰ ਅੱਜ ਲੇਡੀਜ਼ ਜਿਮਖਾਨਾ ਦੀਆਂ ਚੋਣਾਂ 'ਚ ਸਾਫ-ਸਾਫ ਦੇਖਣ ਨੂੰ ਮਿਲਿਆ। ਜਿਉਂ ਹੀ ਅਮਿਤਾ ਅਰੋੜਾ ਦੀ ਜਿੱਤ ਦਾ ਸਮਾਚਾਰ ਬਾਹਰ ਆਇਆ ਤਾਂ ਜਲੰਧਰ ਜਿਮਖਾਨਾ ਕਲੱਬ ਦੇ ਜੂਨੀਅਰ ਵਾਈਸ ਪ੍ਰੈਜ਼ੀਡੈਂਟ ਰਾਜੂ ਵਿਰਕ ਨੇ ਸਾਰਿਆਂ ਤੋਂ ਵੱਧ ਖੁਸ਼ੀ ਜ਼ਾਹਿਰ ਕੀਤੀ। ਲੇਡੀਜ਼ ਜਿਮਖਾਨਾ ਦੀਆਂ ਚੋਣਾਂ 'ਚ ਜਲੰਧਰ ਜਿਮਖਾਨਾ ਦੇ ਅਹੁਦੇਦਾਰਾਂ ਦੀ ਵੀ ਸਰਗਰਮੀ ਦੇਖਣ ਨੂੰ ਮਿਲੀ। ਸੈਕਟਰੀ ਤਰੁਣ ਸਿੱਕਾ ਤੋਂ ਇਲਾਵਾ ਜੁਆਇੰਟ ਸੈਕਟਰੀ ਸੌਰਭ ਖੁੱਲਰ ਤੇ ਕੈਸ਼ੀਅਰ ਅਮਿਤ ਕੁਕਰੇਜਾ ਵੀ ਪਲ-ਪਲ ਦੀ ਰਿਪੋਰਟ ਲੈਂਦੇ ਦਿਸੇ। ਇਸ ਤੋਂ ਇਲਾਵਾ ਐਗਜ਼ੀਕਿਊਟਿਵ ਮੈਂਬਰ ਪ੍ਰੋ. ਝਾਂਜੀ, ਐੱਮ. ਬੀ. ਬਾਲੀ, ਨਿਤਿਨ ਬਹਿਲ, ਹਰਪ੍ਰੀਤ ਸਿੰਘ ਗੋਲਡੀ ਵੀ ਕਲੱਬ 'ਚ ਮੌਜੂਦ ਰਹੇ। ਅਨੂੰ ਮਾਟਾ ਲੇਡੀਜ਼ ਜਿਮਖਾਨਾ ਦੀ ਮੈਂਬਰ ਹੋਣ ਕਾਰਨ ਚੋਣਾਂ 'ਚ ਸਰਗਰਮ ਰਹੀ।
ਸਰੂਚੀ ਕੱਕੜ ਨੇ ਬਚਾਈ ਟੀਮ ਜਾਂਬਾਜ਼ ਦੀ ਲਾਜ
ਲੇਡੀਜ਼ ਜਿਮਖਾਨਾ ਦੀਆਂ ਚੋਣਾਂ 'ਚ ਟੀਮ ਜਾਂਬਾਜ਼ ਨੂੰ ਕਾਫੀ ਮਜ਼ਬੂਤ ਮੰਨਿਆ ਜਾ ਰਿਹਾ ਸੀ ਕਿਉਂਕਿ ਆਊਟਗੋਇੰਗ ਟੀਮ ਦੀ ਪ੍ਰਧਾਨ ਸ਼ੈਲਜਾ ਅਗਰਵਾਲ, ਕੈਸ਼ੀਅਰ ਅਨੀਤਾ ਚੱਢਾ ਤੇ ਕਵਿਤਾ ਛਾਬੜਾ ਆਦਿ ਨੇ ਪੂਨਮ ਅਰੋੜਾ ਨੂੰ ਸਾਰਾ ਸਮਰਥਨ ਐਲਾਨ ਕਰ ਰੱਖਿਆ ਸੀ ਤੇ ਟੀਮ ਨੂੰ ਸੀਜ਼ਨ-2 ਦਾ ਨਾਂ ਦੇ ਕੇ ਉਨ੍ਹਾਂ ਲਈ ਪੂਰਾ ਕਾਰਜ ਕੀਤਾ। ਮੰਨਿਆ ਜਾ ਰਿਹਾ ਸੀ ਕਿ ਪੂਨਮ ਬਹਿਲ ਨੂੰ ਜਿਥੇ ਆਪਣੇ ਪਰਿਵਾਰ ਦੀ ਲੋਕਪ੍ਰਿਅਤਾ ਦਾ ਪੂਰਾ ਲਾਭ ਮਿਲੇਗਾ, ਉਥੇ ਆਊਟਗੋਇੰਗ ਟੀਮ ਦੀ ਸ਼ੈਲਜਾ ਅਗਰਵਾਲ ਤੇ ਹੋਰਨਾਂ ਦੀ ਕਾਰਜਪ੍ਰਣਾਲੀ ਵੀ ਉਨ੍ਹਾਂ ਲਈ ਫਾਇਦੇਮੰਦ ਸਾਬਤ ਹੋਵੇਗੀ ਪਰ ਅਜਿਹਾ ਹੋਇਆ ਨਹੀਂ ਹੋਇਆ।
ਪੂਨਮ ਬਹਿਲ ਦੇ ਨਾਲ-ਨਾਲ ਉਨ੍ਹਾਂ ਦੇ ਕਈ ਉਮੀਦਵਾਰ ਵੀ ਹਾਰ ਗਏ। ਟੀਮ ਜਾਂਬਾਜ਼ ਦੀ ਲਾਜ ਸਿਰਫ ਸਰੂਚੀ ਕੱਕੜ ਨੇ ਹੀ ਬਚਾਈ, ਜੋ ਪਹਿਲੀ ਵਾਰ ਚੋਣਾਂ 'ਚ ਉਤਰੀ ਸੀ। ਸਰੂਚੀ ਕੱਕੜ ਦੀ ਜਿੱਤ ਦਾ ਅੰਤਰ ਭਾਵੇਂ 11 ਵੋਟਾਂ ਦਾ ਹੀ ਹੋਵੇ ਪਰ ਉਨ੍ਹਾਂ ਦੀ ਆਰਮੀ ਬੈਕਗਰਾਊਂਡ, ਐੱਨ. ਜੀ. ਓ. ਸਮਰਪਣ 'ਚ ਉਨ੍ਹਾਂ ਦੀ ਕਾਰਗੁਜ਼ਾਰੀ ਅਤੇ ਉਨ੍ਹਾਂ ਦੀ ਸ਼ਾਲੀਨਤਾ ਉਨ੍ਹਾਂ ਦੀ ਜਿੱਤ ਦਾ ਆਧਾਰ ਬਣੀ। ਉਨ੍ਹਾਂ ਦੀ ਜਿੱਤ 'ਚ ਉਨ੍ਹਾਂ ਦੇ ਪਤੀ ਸੀ. ਏ. ਰਾਜੇਸ਼ ਕੱਕੜ ਦੀ ਵੀ ਪ੍ਰਮੁੱਖ ਹੱਥ ਰਿਹਾ।
ਬਿਨਾਂ ਵਿਰੋਧ ਦੇ ਚੁਣੀਆਂ ਗਈਆਂ ਸਵਾਤੀ, ਵੀਨੂ ਤੇ ਨੀਲਮ
ਲੇਡੀਜ਼ ਜਿਮਖਾਨਾ ਦੀਆਂ ਚੋਣਾਂ ਇਸ ਵਾਰ ਕਾਫੀ ਆਕਰਕਮ ਰਹੀਆਂ ਤੇ ਦੋਵੇਂ ਗਰੁੱਪਾਂ ਨੇ ਇਸ ਵਾਰ ਤੂਫਾਨੀ ਪ੍ਰਚਾਰ ਕੀਤਾ। ਦੋਵੇਂ ਗਰੁੱਪਾਂ 'ਚ ਮੁਕਾਬਲਾ ਵੀ ਕਾਫੀ ਤਕੜਾ ਮੰਨਿਆ ਜਾ ਰਿਹਾ ਸੀ ਪਰ ਇਸ ਦੇ ਬਾਵਜੂਦ ਵੀ 3 ਅਹੁਦਿਆਂ ਲਈ ਉਮੀਦਵਾਰਾਂ ਨੂੰ ਬਿਨਾਂ ਕਿਸੇ ਵਿਰੋਧ ਦੇ ਚੁਣਿਆ ਗਿਆ। ਡਾਇਨੈਮਿਕ ਗਰੁੱਪ ਦੀ ਫੂਡ ਸੈਕਟਰੀ ਅਹੁਦੇ ਦੀ ਉਮੀਦਵਾਰ ਸਵਾਤੀ ਕੋਹਲੀ ਦੇ ਮੁਕਾਬਲੇ 'ਚ ਖੜ੍ਹੀ ਟੀਮ ਜਾਂਬਾਜ਼ ਦੀ ਉਮੀਦਵਾਰ ਮਨਿੰਦਰ ਧੀਮਾਨ ਨੇ ਆਖਰੀ ਮੌਕੇ 'ਤੇ ਆਪਣਾ ਨਾਂ ਵਾਪਸ ਲੈ ਲਿਆ, ਜਿਸ ਕਾਰਨ ਸਵਾਤੀ ਕੋਹਲੀ ਨੂੰ ਬਿਨਾਂ ਮੁਕਾਬਲੇ ਦੇ ਜੇਤੂ ਐਲਾਨ ਦਿੱਤਾ ਗਿਆ। ਜੁਆਇੰਟ ਸੈਕਟਰੀ ਅਹੁਦੇ ਲਈ ਖੜ੍ਹੀ ਵੀਨੂ ਨੰਦਾ ਤੇ ਜੁਆਇੰਟ ਖਜ਼ਾਨਚੀ ਅਹੁਦੇ ਲਈ ਖੜ੍ਹੀ ਨੀਲਮ ਠਾਕੁਰ ਦੇ ਮੁਕਾਬਲੇ 'ਚ ਕਿਸੇ ਵੀ ਗਰੁੱਪ ਨੇ ਆਪਣਾ ਕੈਂਡੀਡੇਟ ਖੜ੍ਹਾ ਨਹੀਂ ਕੀਤਾ, ਜਿਸ ਕਾਰਨ ਉਹ ਵੀ ਬਿਨਾਂ ਕਿਸੇ ਵਿਰੋਧ ਦੇ ਚੁਣੀਆਂ ਗਈਆਂ।
ਪੜ੍ਹੋ ਕੈਪਟਨ ਕਿਸ ਦਾ ਸਾਥ ਪਾ ਕੇ ਕਰਦੇ ਹਨ ਖੁਸ਼ਕਿਸਮਤ ਮਹਿਸੂਸ
NEXT STORY