ਆਦਮਪੁਰ (ਰਣਦੀਪ, ਦਿਲਬਾਗੀ, ਚਾਂਦ, ਜਤਿੰਦਰ)-ਹਰਵਿੰਦਰ ਸਿੰਘ ਵਿਰਕ ਸੀਨੀਅਰ ਪੁਲਸ ਸੁਪਰਡੈਂਟ ਜਲੰਧਰ ਦਿਹਾਤੀ ਵੱਲੋਂ ਦਿੱਤੇ ਗਏ ਨਿਰਦੇਸ਼ਾਂ ’ਤੇ ਕੰਮ ਕਰਦੇ ਹੋਏ ਪਰਮਿੰਦਰ ਸਿੰਘ ਹੀਰ ਪੁਲਸ ਸੁਪਰਡੈਂਟ (ਇਨਵੈਸਟੀਗੇਸ਼ਨ) ਅਤੇ ਕੁਲਵੰਤ ਸਿੰਘ ਡਿਪਟੀ ਪੁਲਸ ਸੁਪਰਡੈਂਟ ਆਦਮਪੁਰ ਦੀ ਅਗਵਾਈ ਵਿਚ ਇੰਸ. ਹਰਦੇਵਪ੍ਰੀਤ ਸਿੰਘ ਥਾਣਾ ਇੰਚਾਰਜ ਆਦਮਪੁਰ ਦੀ ਪੁਲਸ ਪਾਰਟੀ ਨੇ ਕਤਲ ਕਾਂਡ ਨੂੰ ਸੁਲਝਾਉਣ ਅਤੇ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰਨ ਵਿਚ ਵੱਡੀ ਸਫ਼ਲਤਾ ਹਾਸਲ ਕੀਤੀ ਹੈ।
ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਕੁਲਵੰਤ ਸਿੰਘ ਡਿਪਟੀ ਪੁਲਸ ਸੁਪਰਡੈਂਟ ਸਬ-ਡਿਵੀਜ਼ਨ ਆਦਮਪੁਰ ਨੇ ਦੱਸਿਆ ਕਿ ਸੀਮਾ ਪਤਨੀ ਮ੍ਰਿਤਕ ਸੰਦੀਪ ਕੁਮਾਰ ਉਰਫ਼ ਹੈਪੀ ਪੁੱਤਰ ਸੁਰਿੰਦਰ ਕੁਮਾਰ ਨਿਵਾਸੀ ਬੌਬੀ ਸਟੂਡੀਓ ਨਹਿਰੂ ਗੇਟ ਬਟਾਲਾ, ਜੋ 8-9 ਸਾਲ ਪਹਿਲਾਂ ਬਟਾਲਾ ਤੋਂ ਅਲਾਵਲਪੁਰ ਆ ਕੇ ਰਹਿਣ ਲੱਗੀ ਸੀ। ਸੰਦੀਪ ਕੁਮਾਰ ਉਰਫ਼ ਹੈਪੀ ਫੈਸ਼ਨ ਪੁਆਇੰਟ ਰੈਡੀਮੇਡ ਕੱਪੜੇ ਦੀ ਦੁਕਾਨ ਆਦਮਪੁਰ ਵਿਚ ਕੰਮ ਕਰਦਾ ਸੀ ਅਤੇ ਰੋਜ਼ਾਨਾ ਸਵੇਰੇ ਆਦਮਪੁਰ ਆਉਂਦਾ ਸੀ ਅਤੇ ਸ਼ਾਮ ਨੂੰ ਅਲਾਵਲਪੁਰ ਮੁੜ ਜਾਂਦਾ ਸੀ।
ਇਹ ਵੀ ਪੜ੍ਹੋ: ਵੜਿੰਗ-ਬਾਜਵਾ ਬਨਾਮ ਚੰਨੀ-ਰਾਣਾ ਵਿਚਕਾਰ ਸ਼ੁਰੂ ਹੋਏ ਖੁੱਲ੍ਹੇ ਸੰਘਰਸ਼ ਨੇ ਕਾਂਗਰਸ ਲੀਡਰਸ਼ਿਪ ਨੂੰ ਕੀਤਾ ਦੋਫਾੜ
ਸੀਮਾ ਆਪਣੇ ਪਤੀ ਨੂੰ ਮਾਰਨਾ ਚਾਹੁੰਦੀ ਸੀ ਕਿਉਂਕਿ ਉਸ ਦਾ ਪਤੀ ਸੰਦੀਪ ਕੁਮਾਰ ਉਸ ਦੇ ਚਰਿੱਤਰ ’ਤੇ ਸ਼ੱਕ ਕਰਦਾ ਸੀ ਅਤੇ ਉਸ ਤੋਂ ਪੈਸੇ ਮੰਗਦਾ ਸੀ, ਜੋ ਸੀਮਾ ਨੇ ਆਪਣੇ ਸਹੁਰੇ ਪਰਿਵਾਰ ਖ਼ਿਲਾਫ਼ ਮਾਮਲੇ ਦਰਜ ਕਰਵਾ ਕੇ ਲੈ ਲਏ ਸਨ। ਇਸ ਕਾਰਨ ਸੀਮਾ ਨੇ ਆਪਣੀ ਮਾਂ ਮੰਜੂ ਅਤੇ ਭਰਾ ਨਰੇਸ਼ ਕੁਮਾਰ ਨਾਲ ਮਿਲ ਕੇ ਆਪਣੇ ਪਤੀ ਸੰਦੀਪ ਉਰਫ਼ ਹੈਪੀ ਦਾ ਕਤਲ ਕਰਵਾਉਣ ਦੀ ਸਾਜ਼ਿਸ਼ ਰਚੀ ਸੀ, ਜਿਸ ਨੇ ਆਪਣੇ ਭਾਣਜੇ ਕ੍ਰਿਸ਼ਨ ਵਰਮਾ ਉਰਫ਼ ਸਾਬੀ ਨਾਲ ਮਿਲ ਕੇ ਸੰਦੀਪ ਨੂੰ ਜਾਨੋਂ ਮਾਰਨ ਦੀ ਯੋਜਨਾ ਬਣਾਈ । ਲੰਘੀ 29 ਮਈ ਨੂੰ ਜਦੋਂ ਸੰਦੀਪ ਕੁਮਾਰ ਫੈਸ਼ਨ ਪੁਆਇੰਟ ਆਦਮਪੁਰ ਤੋਂ ਅਲਾਵਲਪੁਰ ਲਈ ਨਿਕਲ ਰਿਹਾ ਸੀ ਤਾਂ ਮੁਲਜ਼ਮ ਕ੍ਰਿਸ਼ਨ ਵਰਮਾ ਉਰਫ਼ ਸਾਬੀ ਨੇ ਆਪਣੇ ਸਾਥੀਆਂ ਨਵਦੀਪ ਕੁਮਾਰ ਉਰਫ਼ ਸਾਬੀ ਅਤੇ ਪ੍ਰਿੰਸ ਬੰਗੜ ਨਾਲ ਮਿਲ ਕੇ ਸੰਦੀਪ ਨੂੰ ਆਪਣੇ ਮੋਟਰਸਾਈਕਲ ’ਤੇ ਬਿਠਾ ਲਿਆ ਅਤੇ ਨਹਿਰ ਕੋਲ ਲਿਜਾ ਕੇ ਗਰਦਨ ’ਤੇ ਉਸਤਰੇ ਨਾਲ ਵਾਰ ਕਰ ਕੇ ਅਤੇ ਫਿਰ ਸਿਰ ਤੇ ਮੱਥੇ ’ਤੇ ਇੱਟ ਨਾਲ ਵਾਰ ਕਰ ਕੇ ਉਸ ਦਾ ਕਤਲ ਕਰ ਦਿੱਤਾ।
ਇਹ ਵੀ ਪੜ੍ਹੋ: 3 ਦਿਨਾਂ ਤੋਂ ਲਾਪਤਾ ਮੁੰਡੇ ਦੀ ਮਿਲੀ ਲਾਸ਼, ਪੁੱਤ ਨੂੰ ਇਸ ਹਾਲ 'ਚ ਵੇਖ ਧਾਹਾਂ ਰੋਈ ਮਾਂ, ਕੁੜੀ 'ਤੇ ਲੱਗੇ ਗੰਭੀਰ ਦੋਸ਼
ਆਦਮਪੁਰ ਪੁਲਸ ਨੇ ਇਸ ਸਬੰਧੀ 30 ਮਈ ਨੂੰ ਦਰਜ ਮੁਕੱਦਮੇ ਵਿਚ ਧਾਰਾ 103 ਬੀ. ਐੱਨ. ਐੱਸ. ਤਹਿਤ ਜੁਰਮ ਵਿਚ ਵਾਧਾ ਕਰਦੇ ਹੋਏ ਥਾਣਾ ਆਦਮਪੁਰ ਵਿਚ ਕੇਸ ਦਰਜ ਕਰ ਕੇ ਮਾਮਲੇ ਵਿਚ ਮੁਲਜ਼ਮ ਕ੍ਰਿਸ਼ਨ ਵਰਮਾ ਉਰਫ ਸਾਬੀ ਪੁੱਤਰ ਸਵ. ਅਸ਼ੋਕ ਵਰਮਾ ਨਿਵਾਸੀ ਮੁਹੱਲਾ ਗਾਂਧੀ ਨਗਰ ਆਦਮਪੁਰ, ਨਵਦੀਪ ਉਰਫ ਨਵੀ ਪੁੱਤਰ ਬਲਜੀਤ ਕੁਮਾਰ ਨਿਵਾਸੀ ਪਿੰਡ ਪੰਡੋਰੀ ਨਿੱਝਰਾਂ, ਪ੍ਰਿੰਸ ਬੰਗੜ ਪੁੱਤਰ ਹਰਜੀਤ ਸਿੰਘ ਨਿਵਾਸੀ ਨੂਰਪੁਰ ਥਾਣਾ ਬੁੱਲ੍ਹੋਵਾਲ, ਸੀਮਾ ਪੁੱਤਰੀ ਬਾਲ ਕ੍ਰਿਸ਼ਨ ਨਿਵਾਸੀ ਗੀਤਾ ਭਵਨ ਅਲਾਵਲਪੁਰ ਥਾਣਾ ਆਦਮਪੁਰ, ਮੰਜੂ ਪਤਨੀ ਬਾਲ ਕ੍ਰਿਸ਼ਨ ਨਿਵਾਸੀ ਗੀਤਾ ਭਵਨ ਅਲਾਵਲਪੁਰ ਅਤੇ ਨਰੇਸ਼ ਕੁਮਾਰ ਪੁੱਤਰ ਬਾਲ ਕ੍ਰਿਸ਼ਨ ਨਿਵਾਸੀ ਗੀਤਾ ਭਵਨ ਅਲਾਵਲਪੁਰ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਵੱਡੀ ਘਟਨਾ! ਸਿਵਲ ਹਸਪਤਾਲ 'ਚ ਭਿੜੇ ਨਸ਼ੇੜੀ, ਹੋਈ ਫਾਇਰਿੰਗ
ਪੁਲਸ ਨੇ ਉਕਤ ਲੋਕਾਂ ਤੋਂ ਵਾਰਦਾਤ ਵਿਚ ਵਰਤਿਆ ਉਸਤਰਾ, ਮੋਟਰਸਾਈਕਲ, ਮ੍ਰਿਤਕ ਸੰਦੀਪ ਕੁਮਾਰ ਦਾ ਚਾਂਦਾ ਦਾ ਕੰਗਣ ਅਤੇ ਕਤਲ ਵਾਸਤੇ ਲਏ 40 ਵਿਚੋਂ 25 ਹਜ਼ਾਰ ਰੁਪਏ ਬਰਾਮਦ ਕੀਤੇ। ਮੁਲਜ਼ਮਾਂ ਨੂੰ 1 ਜੂਨ ਦੀ ਰਾਤ ਨੂੰ ਗ੍ਰਿਫ਼ਤਾਰ ਕਰਕੇ 2 ਜੂਨ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਮੁਲਜ਼ਮ ਪ੍ਰਿੰਸ ਬੰਗੜ ਦੇ ਨਾਬਾਲਗ ਹੋਣ ਕਾਰਨ ਉਸ ਨੂੰ ਲੁਧਿਆਣਾ ਦੇ ਬਾਲ ਸੁਧਾਰ ਜੇਲ੍ਹ ਵਿਚ ਭੇਜ ਦਿੱਤਾ ਗਿਆ ਅਤੇ ਬਾਕੀ ਮੁਲਜ਼ਮਾਂ ਨੂੰ ਪੁਲਸ ਹਿਰਾਸਤ ਵਿਚ ਭੇਜ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ: Punjab: 26 ਤੋਂ 29 ਜੂਨ ਤੱਕ ਹੋ ਗਿਆ ਵੱਡਾ ਐਲਾਨ, ਬੰਦ ਰਹਿਣਗੀਆਂ ਇਹ ਦੁਕਾਨਾਂ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਪਿੰਡ ਇਸਲਾਮਵਾਲਾ ਦੇ ਸਰਪੰਚ ਦੇ ਪੁੱਤ ਦੀ ਚਿੱਟੇ ਕਾਰਣ ਮੌਤ, ਦੋ ਮਹੀਨੇ ਪਹਿਲਾਂ ਹੋਇਆ ਸੀ ਵਿਆਹ
NEXT STORY 
