ਲੁਧਿਆਣਾ (ਸਹਿਗਲ) : ਕੋਰੋਨਾ ਤੋਂ ਬਚਾਅ ਕਾਰਜਾਂ ਲਈ ਪ੍ਰਸ਼ਾਸਨ ਵੱਲੋਂ ਕਈ ਅਹਿਮ ਕਦਮ ਚੁੱਕਣ ਦੇ ਦਾਅਵੇ ਕੀਤੇ ਜਾ ਰਹੇ ਹਨ ਪਰ ਦਾਅਵਿਆਂ ਦੀ ਪੋਲ ਉਸ ਸਮੇਂ ਖੁੱਲ੍ਹ ਗਈ, ਜਦੋਂ ਲੋਕਾਂ ਨੂੰ ਨਾ ਰਾਸ਼ਨ ਮਿਲਿਆ, ਨਾ ਦਵਾਈਆਂ। ਲੋਕ ਇਨ੍ਹਾਂ ਜ਼ਰੂਰੀ ਵਸਤਾਂ ਲਈ ਤਰਲੋ-ਮੱਛੀ ਹੁੰਦੇ ਦਿਖਾਈ ਦਿੱਤੇ। ਲੋਕਾਂ ਦਾ ਕਹਿਣਾ ਸੀ ਕਿ ਪ੍ਰਸ਼ਾਸਨ ਵੱਲੋਂ ਮੁਹੱਈਆ ਕਰਵਾਏ ਗਏ ਕੈਮਿਸਟਰੀ ਦੇ ਨੰਬਰ ਮਿਲਾ-ਮਿਲਾ ਕੇ ਥੱਕ ਗਏ ਪਰ ਕੋਈ ਫੋਨ ਨਹੀਂ ਚੁੱਕ ਰਿਹਾ। ਜੇਕਰ ਕੋਈ ਫੋਨ ਚੁੱਕਦਾ ਵੀ ਹੈ, ਤਾਂ ਉਹ ਕਹਿੰਦਾ ਹੈ ਕਿ ਪੁਲਸ ਵਾਲੇ ਦੁਕਾਨਾਂ ਨਹੀਂ ਖੋਲ੍ਹਣ ਦੇ ਰਹੇ। ਇਸੇ ਤਰ੍ਹਾਂ ਇਨ੍ਹਾਂ ਔਖੇ ਹਾਲਾਤ ਦਾ ਅਨੂਪ ਕੁਮਾਰ ਨੂੰ ਵੀ ਸਾਹਮਣਾ ਕਰਨਾ ਪਿਆ। ਪੇਸ਼ੇ ਵਜੋਂ ਚਾਰਟਰਡ ਅਕਾਊਂਟੈਂਟ ਅਨੂਪ ਨੇ ਦੱਸਿਆ ਕਿ ਨਾ ਤਾਂ ਪਾਸ ਬਣਾਉਣ ਲਈ ਸਬੰਧਤ ਅਧਿਕਾਰੀ ਫੋਨ ਚੁੱਕ ਰਹੇ ਹਨ ਅਤੇ ਨਾ ਹੀ ਕੋਈ ਕੈਮਿਸਟ ਉਨ੍ਹਾਂ ਨੂੰ ਦਵਾਈ ਪਹੁੰਚਾਉਣ ਲਈ ਹਾਮੀ ਭਰ ਰਿਹਾ ਹੈ।
ਦੂਜੇ ਪਾਸੇ ਸਿਹਤ ਵਿਭਾਗ ਦੇ ਸੂਤਰਾਂ ਨੇ ਦੱਸਿਆ ਕਿ ਟਰੱਕ ਲਾਈਸੈਂਸ ਅਥਾਰਟੀ ਨੇ ਹਫੜਾ-ਦਫੜੀ 'ਚ ਕੈਮਿਸਟਾਂ ਦੀ ਲਿਸਟ ਜਾਰੀ ਕਰ ਦਿੱਤੀ ਹੈ ਪਰ ਕਿਸੇ ਤੋਂ ਉਸ ਦੀ ਮਨਜ਼ੂਰੀ ਨਹੀਂ ਲਈ ਗਈ, ਜਿਸ ’ਤੇ ਕੈਮਿਸਟਾਂ ਨੇ ਜਨਤਾ ਨੂੰ ਰਿਸਪਾਂਸ ਨਾ ਦਿੱਤਾ। ਪੇਸ਼ ਆਈ ਇਸ ਲਾਪ੍ਰਵਾਹੀ ਤੋਂ ਬਾਅਦ ਡਰੱਗ ਵਿਭਾਗ ਨੇ ਕੈਮਿਸਟਾਂ ਤੋਂ ਪੁੱਛ ਕੇ ਉਨ੍ਹਾਂ ਦੀ ਲਿਸਟ ਬਣਾਉਣੀ ਸ਼ੁਰੂ ਕਰ ਦਿੱਤੀ ਹੈ, ਪਰ ਇਸ 'ਚ ਕਿੰਨਾ ਸੁਧਾਰ ਹੋਇਆ ਅਤੇ ਲੋਕਾਂ ਨੂੰ ਕਿੰਨੀ ਘੱਟ ਮੁਸ਼ਕਲ ਆਵੇਗੀ, ਇਹ ਅਜੇ ਤੱਕ ਸਪੱਸ਼ਟ ਨਹੀਂ ਕੀਤਾ ਗਿਆ।
6 ਨਵੇਂ ਮਰੀਜ਼ ਆਏ ਸਾਹਮਣੇ, ਗਿਣਤੀ 58 ਹੋਈ
ਬੀਤੀ ਦੇਰ ਸ਼ਾਮ ਸਿਵਲ ਸਰਜਨ ਨੇ ਦੱਸਿਆ ਕਿ ਕੋਰੋਨਾ ਵਾਇਰਸ ਦੇ 6 ਨਵੇਂ ਸ਼ੱਕੀ ਮਰੀਜ਼ ਸਾਹਮਣੇ ਆਏ, ਜੋ ਵੱਖ-ਵੱਖ ਹਸਪਤਾਲਾਂ 'ਚ ਭਰਤੀ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਹੁਣ ਤਕ ਜ਼ਿਲੇ 'ਚ ਕੁੱਲ 58 ਸ਼ੱਕੀ ਮਰੀਜ਼ ਸਾਹਮਣੇ ਆ ਚੁੱਕੇ ਹਨ। ਇਨ੍ਹਾਂ 'ਚੋਂ 50 ਦੀ ਰਿਪੋਰਟ ਪਹਿਲਾਂ ਹੀ ਨੈਗੇਟਿਵ ਆ ਚੁੱਕੀ ਹੈ। ਕੋਰੋਨਾ ਵਾਇਰਸ ਨੂੰ ਲੈ ਕੇ ਸ਼ਹਿਰ ਦੇ ਹਾਲਾਤ ਕਾਬੂ 'ਚ ਹਨ।
ਡਾਕਟਰ ਬੋਲੇ, ਵਿਗੜ ਸਕਦੇ ਨੇ ਹਾਲਾਤ
ਸਿਵਲ ਹਸਪਤਾਲ ਲੁਧਿਆਣਾ ਦੇ 100 ਬਿਸਤਰਿਆਂ ਨੂੰ ਕੋਰੋਨਾ ਵਾਇਰਸ ਲਈ ਆਈਸੋਲੇਸ਼ਨ ਸੈਂਟਰ ਐਲਾਨਿਆ ਜਾ ਚੁੱਕਾ ਹੈ। ਪ੍ਰਮਾਣ ਡਾਕਟਰ ਸਟਾਫ ਦੀ ਕਮੀ ਕਹਾਉਂਦੇ ਅਜੇ ਤੱਕ ਨਹੀਂ ਬਦਲੇ, ਦਵਾਈਆਂ ਅਤੇ ਸੇਫਟੀ ਕਿੱਟਾਂ ਦੀ ਕਮੀ ਲਗਾਤਾਰ ਚੱਲ ਰਹੀ ਹੈ। ਹਸਪਤਾਲ ਦੇ ਸਾਰੇ ਮੈਡੀਕਲ ਅਫਸਰਾਂ ਨੇ ਲਿਖਤੀ ਰੂਪ ਨਾਲ ਸੀਨੀਅਰ ਮੈਡੀਕਲ ਅਫਸਰ ਨੂੰ ਆਪਣੀਆਂ ਮੁਸ਼ਕਲਾਂ ਦੱਸਦਿਆਂ ਪੱਤਰ ਦੀ ਕਾਪੀ ਸਿਹਤ ਸਕੱਤਰ ਪੰਜਾਬ ਡਾਇਰੈਕਟਰ ਹੈਲਥ ਸਰਵਸਿਜ਼ ਪੰਜਾਬ ਡਿਪਟੀ ਕਮਿਸ਼ਨਰ ਅਤੇ ਸਿਵਲ ਸਰਜਨ ਨੂੰ ਵੀ ਭੇਜੀ ਹੈ। ਇਨ੍ਹਾਂ ਡਾਕਟਰਾਂ ਦਾ ਕਹਿਣਾ ਹੈ ਕਿ ਸਰਕਾਰ ਦੇ ਦਿਸ਼ਾ-ਨਿਰਦੇਸ਼ਾਂ ਮੁਤਾਬਕ ਆਈਸੋਲੇਸ਼ਨ ਵਾਰਡ 'ਚ ਸਟਾਫ ਅਤੇ ਐਂਬੂਲੈਂਸ ਸਟਾਫ ਨੂੰ ਸੇਫਟੀ ਕਿੱਟ ਦੀ ਲੋੜ ਹੈ, ਜਿਸ ਦੇ ਨਾਲ ਐੱਨ-95 ਮਾਸਕ ਦੀ ਲੋੜ ਹੁੰਦੀ ਹੈ ਪਰ ਇੱਥੇ ਇਸ ਦੀ ਸ਼ਾਰਟੇਜ ਚੱਲੀ ਆ ਰਹੀ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਸ਼ਹਿਰ 'ਚ ਕੋਰੋਨਾ ਨੂੰ ਲੈ ਕੇ ਹਾਲਾਤ ਵਿਗੜ ਸਕਦੇ ਹਨ।
ਡਾਕਟਰਾਂ ਦੀਆਂ ਮੁਸ਼ਕਲਾਂ
ਡਾਕਟਰਾਂ ਦੀ ਕਮੀ ਮੈਡੀਕਲ ਸਪੈਸ਼ਲਿਸਟ ਦੋ ਹਨ, ਜਦੋਂ ਕਿ ਚਾਹੀਦੇ 5 ਪੰਜ।
ਨੱਕ, ਕੰਨ, ਗਲੇ ਦਾ ਮਾਹਰ ਇਕ ਹੈ, ਜੋ ਕੋਰੋਨਾ ਮਰੀਜ਼ਾਂ ਦੇ ਸੈਂਪਲ ਲੈਣ ਦਾ ਕੰਮ ਵੀ ਕਰਦਾ ਹੈ, ਜਦੋਂ ਕਿ ਤਿੰਨ ਹੋਰ ਮਾਹਰਾਂ ਦੀ ਲੋੜ ਹੈ।
ਆਈਸੋਲੇਸ਼ਨ ਵਾਰਡ 'ਚ ਐਗਜ਼ਾਸਟ ਫੈਨ ਨਹੀਂ, ਨਿਯਮਾਂ ਮੁਤਾਬਕ ਇਹ ਅਤਿ ਜ਼ਰੂਰੀ ਹੈ।
ਹਸਪਤਾਲ 'ਚ ਕੋਰੋਨਾ ਮਰੀਜ਼ਾਂ ਦੇ ਇਲਾਜ ਲਈ ਹਾਈਡ੍ਰੋਕਸੀ ਕਲੋਰੋ ਕਵੀਨ ਨਹੀਂ ਹੈ।
ਹਸਪਤਾਲ 'ਚ ਰਾਊਂਡ ਦਾ ਕਲਾਕ ਫਾਰਮਾਸਿਸਟ ਮੁਹੱਈਆ ਨਹੀਂ, ਜੋ ਸੇਫਟੀ ਕਿੱਟ ਮੁਹੱਈਆ ਕਰਵਾ ਸਕਣ।
ਸੂਤਰਾਂ ਮੁਤਾਬਕ ਸਿਵਲ ਹਸਪਤਾਲ ਦੇ ਸੀਨੀਅਰ ਮੈਡੀਕਲ ਅਫਸਰ ਨੇ ਵੀ ਸਿਵਲ ਸਰਜਨ ਨੂੰ ਪੱਤਰ ਲਿਖ ਕੇ ਹਸਪਤਾਲ 'ਚ ਸਟਾਫ ਮੁਹੱਈਆ ਕਰਵਾਉਣ ਲਈ ਕਿਹਾ ਹੈ, ਜਿਸ 'ਚ ਮੈਡੀਕਲ ਸਪੈਸ਼ਲਿਸਟ, ਅਨੈਸਥੀਸੀਆ ਮਾਹਰ, ਇਸ ਤੋਂ ਇਲਾਵਾ 20 ਸਟਾਫ ਨਰਸਾਂ ਦੀ ਕਮੀ ਪੂਰੀ ਕਰਨ ਲਈ ਕਿਹਾ ਜਾ ਰਿਹਾ ਹੈ। ਸੰਸਾਧਨਾਂ 'ਚ ਸੇਫਟੀ ਕਿੱਟ, ਮਾਸਕ, ਵੀ. ਟੀ. ਐੱਮ. ਬਾਟਲਸ, ਆਕਸੀਜਨ ਸਿਲੰਡਰ ਜਿਸ ਦਾ ਹਸਪਤਾਲ 'ਚ 20 ਸਿਲੰਡਰ ਸਟਾਕ ਰਹਿ ਗਿਆ ਹੈ, ਜਦੋਂ ਕਿ 40 ਦੀ ਜ਼ਰੂਰਤ ਦੱਸੀ ਜਾ ਰਹੀ ਹੈ, ਇਸੇ ਤਰ੍ਹਾਂ ਹੈਂਡ ਸੈਨੀਟਾਈਜ਼ਰ 180 ਬੋਤਲਾਂ ਸਟਾਕ 'ਚ ਰਹਿ ਗਈਆਂ ਹਨ। ਟ੍ਰਿਪਲ ਲੇਅਰ ਮਾਸਕ ਇਕ ਹਜ਼ਾਰ ਦੇ ਲਗਭਗ ਰਹਿ ਗਏ ਹਨ, ਜਦੋਂ ਕਿ 60 ਰੋਜ਼ ਵਰਤੋਂ ਹੋ ਜਾਂਦੇ ਹਨ।
ਦੇਰ ਸ਼ਾਮ ਤੱਕ ਨਹੀਂ ਆਉਂਦੀ ਕੋਰੋਨਾ ਵਾਇਰਸ ਮਰੀਜ਼ਾਂ ਦੀ ਰਿਪੋਰਟ
ਸ਼ਹਿਰ 'ਚ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਦੇ ਕੀ ਹਲਾਤ ਹਨ, ਉਨ੍ਹਾਂ ਤੋਂ ਕਿੰਨੇ ਠੀਕ ਹੋਏ ਜਾਂ ਕਿੰਨੇ ਨਵੇਂ ਮਰੀਜ਼ ਸਾਹਮਣੇ ਆਏ ਹਨ, ਇਸ ਗੱਲ ਦਾ ਖੁਲਾਸਾ ਕਰਨ 'ਚ ਰਾਤ ਹੋ ਜਾਂਦੀ ਹੈ ਪਰ ਸਿਹਤ ਵਿਭਾਗ ਅਤੇ ਪ੍ਰਸ਼ਾਸਨ ਮਿਲ ਕੇ ਇਹ ਤੈਅ ਨਹੀਂ ਕਰ ਪਾਉਂਦੇ ਕਿ ਕਿੰਨੇ ਮਰੀਜ਼ਾਂ ਦੀ ਰਿਪੋਰਟ ਜਨਤਕ ਕਰਨੀ ਹੈ। ਅਖ਼ਬਾਰਾਂ ਨੂੰ ਇਹ ਰਿਪੋਰਟ ਭੇਜਣ ਦਾ ਜ਼ਿੰਮਾ ਜ਼ਿਲਾ ਲੋਕ ਸੰਪਰਕ ਅਧਿਕਾਰੀ ਨੂੰ ਦਿੱਤਾ ਹੋਇਆ ਹੈ, ਜੋ ਦੇਰ ਸ਼ਾਮ ਤੱਕ ਅਧਿਕਾਰੀਆਂ ਵਾਂਗ ਨਾ ਤਾਂ ਫੋਨ ਚੁੱਕਦੇ ਹਨ, ਨਾ ਹੀ ਇਹ ਦੱਸ ਪਾਉਂਦੇ ਹਨ ਕਿ ਰਿਪੋਰਟ ਕਦੋਂ ਤੱਕ ਆ ਜਾਵੇਗੀ। ਸ਼ਹਿਰ 'ਚ ਕੋਰੋਨਾ ਵਾਇਰਸ ਤੋਂ ਬਚਾਅ ਸਬੰਧੀ ਪ੍ਰਬੰਧਾਂ ਨੂੰ ਲੈ ਕੇ ਜਾਂ ਪ੍ਰਸ਼ਾਸਨ ਦੇ ਨਾਲ ਮਿਲ ਕੇ ਸਾਰੇ ਵਿਭਾਗ ਲੋਕਾਂ ਦੇ ਹਿੱਤ ਲਈ ਕੀ ਕਰ ਰਹੇ ਹਨ, ਇਸ ਦਾ ਲੰਬਾ ਚੌੜਾ ਖੁਲਾਸਾ ਰੋਜ਼ ਸ਼ਾਮ ਨੂੰ ਕੀਤਾ ਜਾਂਦਾ ਹੈ।
ਦਿਨਕਰ ਗੁਪਤਾ ਦੇ ਆਦੇਸ਼ਾਂ 'ਤੇ ਐੱਸ. ਐੱਚ. ਓ. ਕਰਤਾਰਪੁਰ 'ਬਾਲੀ' ਲਾਈਨ ਹਾਜ਼ਰ
NEXT STORY 
