ਮੁੰਬਈ - ਰੇਲਵੇ ਦੇ ਵਾਅਦੇ ਦੇ ਬਾਵਜੂਦ ਲਾਕਡਾਊਨ ਪੀਰੀਅਡ ਲਈ ਟਿਕਟਾਂ ਰੱਦ ਕਰਨ ਤੋਂ ਬਾਅਦ ਜਾਰੀ ਕੀਤੇ ਰਿਫੰਡ ਵਿਚੋਂ convenience charge ਦੇ ਨਾਮ 'ਤੇ ਮੋਟੀ ਰਕਮ ਦੀ ਕਟੌਤੀ ਕਰਨ 'ਤੇ ਯਾਤਰੀਆਂ ਨੇ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ। ਰੇਲਵੇ ਦੇ ਸੂਤਰਾਂ ਅਨੁਸਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਆਰਾ 14 ਅਪ੍ਰੈਲ ਤੋਂ 17 ਦਿਨ ਵਧਾਉਣ ਦੇ ਕਾਰਣ 15 ਅਪ੍ਰੈਲ ਅਤੇ 3 ਮਈ ਦੀ ਮਿਆਦ ਵਿਚਕਾਰ ਲਗਭਗ 39 ਲੱਖ ਟਿਕਟਾਂ ਨੂੰ ਰੱਦ ਕਰਨਾ ਪਿਆ ਹੈ।
convenience charge ਦੇ ਨਾਮ ਤੇ ਕਟੌਤੀ
ਦਰਅਸਲ, ਆਈਆਰਸੀਟੀਸੀ ਨੇ ਜਿਹੜੀਆਂ ਟਿਕਟਾਂ ਨੂੰ ਰੱਦ ਕੀਤਾ ਹੈ, ਅਜਿਹੀਆਂ ਟਿਕਟਾਂ ਵਿਚੋਂ ਨਾਨ-ਏ.ਸੀ. ਕਲਾਸ ਲਈ 15 ਰੁਪਏ ਅਤੇ ਏਸੀ ਅਤੇ ਪਹਿਲੀ ਸ਼੍ਰੇਣੀ ਦੀਆਂ ਟਿਕਟਾਂ 'ਤੇ convenience charge ਦੇ ਰੂਪ ਵਿਚ 30 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ, ਉਸਨੇ ਹਰ ਰੱਦ ਕੀਤੀ ਗਈ ਟਿਕਟ 'ਤੇ ਅਦਾਇਗੀ ਗੇਟਵੇ ਚਾਰਜ ਵੀ ਲਗਾਇਆ ਹੈ। 14 ਅਪ੍ਰੈਲ ਨੂੰ ਲਾਕਡਾਊਨ ਦੀ ਮਿਆਦ ਵਧਾਉਣ ਤੋਂ ਬਾਅਦ, ਰੇਲਵੇ ਨੇ ਆਪਣੀਆਂ ਸਾਰੀਆਂ ਯਾਤਰੀ ਸੇਵਾਵਾਂ ਨੂੰ 3 ਮਈ ਤੱਕ ਲਈ ਮੁਅੱਤਲ ਕਰ ਦਿੱਤਾ ਅਤੇ ਅਗਲੇ ਆਦੇਸ਼ਾਂ ਤੱਕ ਅਗਾਊਂ ਬੁਕਿੰਗ ਰੋਕ ਦਿੱਤੀ ਹੈ। ਹਾਲਾਂਕਿ ਲਾਕਡਾਊਨ ਦੇ ਸ਼ੁਰੂਆਤੀ ਦਿਨਾਂ ਵਿਚ ਉਹ 15 ਅਪ੍ਰੈਲ ਤੋਂ ਅਡਵਾਂਸ ਬੁੱਕ ਕਰ ਰਹੀ ਸੀ।
ਵਾਅਦਾ ਕਰਨ ਦੇ ਬਾਵਜੂਦ ਪੂਰਾ ਰਿਫੰਡ ਨਹੀਂ ਮਿਲਿਆ
20 ਅਪ੍ਰੈਲ ਨੂੰ ਰਤਨਾਗਿਰੀ ਸੁਪਰਫਾਸਟ ਐਕਸਪ੍ਰੈਸ ਦੀਆਂ ਦੋ ਏ.ਸੀ. ਟਿਕਟਾਂ ਬੁੱਕ ਕਰਨ ਵਾਲੇ ਡੋਂਬਵਾਲੀ ਦੇ ਰਹਿਣ ਵਾਲੇ ਮਹੇਸ਼ ਦਿਵੇਦੀ ਨੇ ਦੱਸਿਆ, 'ਜੇਕਰ ਰੇਲਵੇ ਨੇ ਖ਼ੁਦ ਟਿਕਟਾਂ ਰੱਦ ਕੀਤੀਆਂ ਹਨ, ਤਾਂ ਇਹ ਪ੍ਰੋਸੈਸਿੰਗ ਫੀਸ ਕਿਉਂ ਲੈ ਰਹੀ ਹੈ?' ਉਸਨੇ ਕਿਹਾ, 'ਲਾਕਡਾਊਨ ਦੀ ਮਿਆਦ ਨੂੰ ਅੱਗੇ ਵਧਾਏ ਜਾਣ ਤੋਂ ਬਾਅਦ ਮੈਨੂੰ ਮੈਸੇਜ ਮਿਲਿਆ ਕਿ ਮੇਰੀਆਂ ਟਿਕਟਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ ਅਤੇ ਜਲਦੀ ਹੀ ਰਿਫੰਡ ਮੇਰੇ ਖਾਤੇ ਵਿਚ ਆ ਜਾਵੇਗਾ। ਪਰ ਜਦੋਂ ਰਿਫੰਡ ਦੀ ਰਕਮ ਆਈ ਤਾਂ ਇਹ ਲਗਭਗ 50 ਰੁਪਏ ਘੱਟ ਸੀ। ਜਦੋਂ ਮੈਂ ਇਸ ਬਾਰੇ ਹੋਰ ਲੋਕਾਂ ਨੂੰ ਪੁੱਛਿਆ ਤਾਂ ਪਤਾ ਲੱਗਿਆ ਕਿ ਪੂਰੀ ਰਕਮ ਵਾਪਸੀ ਦੇ ਵਾਅਦੇ ਦੇ ਬਾਵਜੂਦ, ਲੋਕਾਂ ਨੂੰ ਆਈਆਰਸੀਟੀਸੀ ਦੀ ਵੈਬਸਾਈਟ ਤੋਂ ਟਿਕਟਾਂ ਦਾ ਪੂਰਾ ਰਿਫੰਡ ਨਹੀਂ ਮਿਲੀਆ ਹੈ।
ਵੈੱਬਸਾਈਟ ਦੀ ਦੇਖਭਾਲ ਲਈ ਜਾਂਦਾ ਹੈ ਪੈਸਾ
ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ ਤੇ, ਇੱਕ ਆਈਆਰਸੀਟੀਸੀ ਅਧਿਕਾਰੀ ਨੇ ਕਿਹਾ, 'ਜਦੋਂ ਇੱਕ ਟ੍ਰੇਨ ਰੱਦ ਕੀਤੀ ਜਾਂਦੀ ਹੈ, ਤਾਂ ਯਾਤਰੀਆਂ ਨੂੰ ਪੂਰਾ ਰਿਫੰਡ ਦਿੱਤਾ ਜਾਂਦਾ ਹੈ ਅਤੇ ਸਹੂਲਤ ਫੀਸ ਦੇ ਨਾਮ 'ਤੇ ਬਹੁਤ ਘੱਟ ਰਕਮ ਦੀ ਕਟੌਤੀ ਕੀਤੀ ਜਾਂਦੀ ਹੈ।' ਇਹ ਰਕਮ ਵੈਬਸਾਈਟ ਦੇ ਰੱਖ ਰਖਾਵ ਲਈ ਵਰਤੀ ਜਾਂਦੀ ਹੈ, ਜਿਸਦੀ ਕੀਮਤ ਪ੍ਰਤੀ ਦਿਨ 32 ਲੱਖ ਰੁਪਏ ਹੈ ਅਤੇ ਲਗਭਗ 125 ਕਰੋੜ ਰੁਪਏ ਸਾਲਾਨਾ।
ਯਾਤਰੀਆਂ ਨੇ ਕਿਹਾ ਕਿ ਰੇਲਵੇ ਘੁਟਾਲਾ
ਯਾਤਰੀਆਂ ਨੇ ਟਵਿੱਟਰ 'ਤੇ ਰੇਲਵੇ ਦੇ ਇਸ ਕਦਮ' ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ। ਸ਼ਹਿਨਾਜ਼ ਇਰਾਨੀ ਨਾਮ ਦੀ ਇਕ ਔਰਤ ਨੇ ਟਵੀਟ ਕੀਤਾ, 'ਜੇ ਰੇਲਵੇ ਨੇ ਟਿਕਟ' ਤੇ 18 ਰੁਪਏ ਪ੍ਰਤੀ ਟਿਕਟ ਘਟਾ ਦਿੱਤੀ ਹੈ ਤਾਂ ਇਸ ਨੇ ਕੁਲ 39 ਲੱਖ ਟਿਕਟਾਂ ਨੂੰ ਰੱਦ ਕਰ ਦਿੱਤਾ ਹੈ। ਇਸ ਤਰ੍ਹਾਂ ਉਸਨੇ 39,00,000x18 = 7,02,00,000 (7 ਕਰੋੜ) ਦੀ ਕਮਾਈ ਕੀਤੀ ਹੈ। ਕੀ ਇਹ ਕੋਈ ਘੁਟਾਲਾ ਨਹੀਂ ਹੈ? '
ਇਹ ਵੀ ਦੇਖੋ : ਹਵਾਈ ਯਾਤਰੀਆਂ ਲਈ ਖੁਸ਼ਖਬਰੀ! ਟਿਕਟ ਕੈਂਸਲ ਕਰਵਾਉਣ 'ਤੇ ਮਿਲੇਗਾ ਪੂਰਾ ਪੈਸਾ ਵਾਪਸ
RBI ਦੇ ਐਲਾਨ ਤੋਂ ਬਾਅਦ PM ਮੋਦੀ ਨੇ ਕੀਤਾ ਇਹ ਟਵੀਟ
NEXT STORY 
