ਜਲੰਧਰ (ਸਾਹਨੀ)–ਸਥਾਨਕ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਸਪੋਰਟਸ ਕਲੱਬ ਵਲੋਂ ਵਿਸਾਖੀ ਦੇ ਪਵਿੱਤਰ ਦਿਹਾਡ਼ੇ ’ਤੇ ਪੰਜਾਬ ਦੀ ਮਾਂ ਖੇਡ ਕਬੱਡੀ ਨੂੰ ਉਤਸ਼ਾਹਤ ਕਰਨ ਦੇ ਮੰਤਵ ਨਾਲ ਪਿਛਲੇ 8 ਸਾਲਾਂ ਤੋਂ ਲਗਾਤਾਰ ਕਰਵਾਏ ਜਾਂਦੇ ਗੁਰਦੁਆਰਾ ਗੰਗਸਰ ਨੇਡ਼ੇ ਕਬੱਡੀ ਟੂਰਨਾਮੈਂਟ ਮੌਕੇ ਅੱਜ ਪਹਿਲੇ ਦਿਨ ਪਿੰਡ ਪੱਧਰ ਦੀਆਂ 28 ਚੋਟੀ ਦੀਆਂ ਕਬੱਡੀ ਟੀਮਾਂ ਵਿਚਕਾਰ ਕਬੱਡੀ ਦੇ ਜ਼ਬਰਦਸਤ ਗਹਿਗੱਚ ਮੁਕਾਬਲੇ ਹੋਏ। ਇਸ ’ਤੇ ਪਹਿਲਾਂ ਸਵੇਰੇ ਵੱਡੀ ਗਿਣਤੀ ਵਿਚ ਸੰਗਤਾਂ ਦੀ ਹਾਜ਼ਰੀ ਵਿਚ ਪਦਮਸ਼੍ਰੀ ਬਾਬਾ ਸੇਵਾ ਸਿੰਘ ਜੀ ਕਾਰ ਸੇਵਾ ਖਡੂਰ ਸਾਹਿਬ ਵਾਲੀਆਂ ਨੇ ਵਾਹਿਗਰੂ ਅੱਗੇ ਅਰਦਾਸ ਤੇ ਓਟ ਆਸਰਾ ਲੈ ਕੇ ਟੂਰਨਾਮੈਂਟ ਦਾ ਰਸਮੀ ਉਦਘਾਟਨ ਕੀਤਾ। ਇਸ ਮੌਕੇ ਕਲੱਬ ਦੇ ਪ੍ਰਧਾਨ ਤੇ ਸ਼੍ਰੋਮਣੀ ਕਮੇਟੀ ਮੈਂਬਰ ਜਥੇਦਾਰ ਰਣਜੀਤ ਸਿੰਘ ਕਾਹਲੋਂ ਤੇ ਮੈਂਬਰਾਂ ਵਲੋਂ ਆਏ ਹੋਏ ਪਤਵੰਤਿਆਂ ਦਾ ਸੁਆਗਤ ਕੀਤਾ ਗਿਆ। ਟੂਰਨਾਮੈਂਟ ਦੌਰਾਨ ਮਾਝਾ, ਮਾਲਵਾ ਤੇ ਦੋਆਬਾ ਦੀਆਂ ਕਬੱਡੀ ਟੀਮਾਂ ਜਿਨ੍ਹਾਂ ’ਚ ਕਪੂਰਥਲਾ, ਸੀਚੇਵਾਲ, ਉਦੋਨੰਗਲ, ਬੁਲੋਵਾਲ, ਧਾਲੀਵਾਲ ਬੇਟ, ਪਤਾਰਾ, ਤਿੰਮੋਵਾਲ, ਜਮਸ਼ੇਰ , ਕਾਹਲਵਾਂ, ਸੰਘਵਾਲ, ਕਾਲਾ ਬਾਹੀਆ, ਕਡਿਆਲ, ਰੰਧਾਵਾ ਮਸੰਦਾਂ, ਇੱਬਣ, ਨੱਥੂ ਚਾਹਲ, ਰਾਮਪੁਰ ਝੀਤਾ, ਲੱਖਣ ਕੇ ਪੱਡੇ, ਨਾਹਰਾ, ਕੋਟ ਟੋਡਰ ਮਲ, ਮੰਨਣ ਦੋਨਾ, ਪੱਤਡ਼ ਕਲਾਂ, ਲਖਣ ਕਲਾਂ, ਕਾਲਾ ਸੰਘਿਆਂ, ਭਾਣੋ ਲੰਗਾ ਆਦਿ ਤੋਂ ਪੁੱਜੀਆਂ ਕਬੱਡੀ ਕਲੱਬਾਂ ਵਿਚਕਾਰ ਕਬੱਡੀ ਦੇ ਜ਼ਬਰਦਸਤ ਮੁਕਾਬਲੇ ਹੋਏ, ਜਿਨ੍ਹਾਂ ’ਚੋਂ ਨਿੱਤਰ ਕੇ ਆਈਆਂ ਚਾਰ ਟੀਮਾਂ ਵਿਚਕਾਰ ਕਾਹਲਵਾਂ, ਮੰਨਣ ਕਲਾਂ, ਸੰਘਵਾਲ ਤੇ ਲੱਖਣ ਕਲਾਂ ਵਿਚਕਾਰ ਸੈਮੀ-ਫਾਈਨਲ ਤੇ ਫਾਈਨਲ ਮੈਚ ਅਗਲੇ ਦਿਨ ਖੇਡੇ ਜਾਣਗੇ। ਇਸ ਤੋਂ ਇਲਾਵਾ 13 ਅਪ੍ਰੈਲ ਨੂੰ ਪੰਜਾਬ ਦੀਆਂ ਨਾਮਵਰ ਅਕੈਡਮੀਆਂ ਦੀਆਂ 8 ਟੀਮਾਂ ਵਿਚਕਾਰ ਕਬੱਡੀ ਮੁਕਾਬਲੇ ਵੀ ਹੋਣਗੇ ਤੇ ਪੰਜਾਬ ਤੇ ਹਰਿਆਣਾ ਦੀ ਲਡ਼ਕੀਆਂ ਦੀਆਂ ਕਬੱਡੀ ਟੀਮਾਂ ਵੀ ਖੇਡ ਮੈਦਾਨ ਵਿਚ ਆਪਣੇ ਜੌਹਰ ਵਿਖਾਉਣਗੀਆਂ। ਇਸ ਮੌਕੇ ਜਥੇਦਾਰ ਰਣਜੀਤ ਸਿੰਘ ਕਾਹਲੋਂ ਨੇ ਦੱਸਿਆ ਕਿ ਕਬੱਡੀ ਫੈੱਡਰੇਸ਼ਨਾਂ ਦੇ ਜੇਤੂਆਂ ਲਈ ਪਹਿਲਾ ਇਨਾਮ ਸਵਾ ਲੱਖ ਤੇ ਉਪ ਜੇਤੂ ਲਈ ਇਕ ਲੱਖ ਦਾ ਹੋਵੇਗਾ ਜਦਕਿ ਕਬੱਡੀ ਦੇ ਪਿੰਡ ਪੱਧਰ ’ਤੇ ਪਹਿਲਾ ਇਨਾਮ 51 ਹਜ਼ਾਰ ਤੇ ਉਪ ਜੇਤੂ ਨੂੰ 35 ਹਜ਼ਾਰ ਹੋਵੇਗਾ ਤੇ ਲਡ਼ਕੀਆਂ ਲਈ 31 ਹਜ਼ਾਰ ਤੇ 21 ਹਜ਼ਾਰ ਦੇ ਇਨਾਮ ਹੋਣਗੇ। ਇਸ ਤੋਂ ਇਲਾਵਾ ਬੈਸਟ ਰੇਡਰ ਤੇ ਜਾਫੀ ਨੂੰ ਵੀ ਵਿਸ਼ੇਸ਼ ਤੌਰ ’ਤੇ ਸਨਮਾਨਤ ਕੀਤਾ ਜਾਵੇਗਾ। ਇਸ ਟੂਰਨਾਮੈਂਟ ਵਿਚ ਪ੍ਰਵਾਸੀ ਭਾਰਤੀ ਵਰਿੰਦਰ ਸਿੰਘ ਸੋਨੀ ਜੰਡੇ ਸਰਾਏ ਤੇ ਸਤਨਾਮ ਸਿੰਘ ਤਲਵੰਡੀ ਝੰਡੇਰ, ਸਤਨਾਮ ਸਿੰਘ ਪੰਨੂ ਉਦਯੋਗਪਤੀ, ਕੁਲਵਿੰਦਰ ਸਿੰਘ ਲੁੱਡੀ ਸਾਬਕਾ ਕੌਂਸਲਰ ਤੇ ਪ੍ਰਵਾਸੀ ਭਾਰਤੀ ਗੁਰਦੀਪ ਸਿੰਘ ਕਾਹਲੋਂ ਤੇ ਭੁਪਿੰਦਰ ਸਿੰਘ ਕਾਹਲੋਂ ਦਾ ਵਿਸ਼ੇਸ਼ ਯੋਗਦਾਨ ਹੈ। ਇਸ ਮੌਕੇ ਸ਼ਾਮਲ ਪਤਵੰਤਿਆਂ ਵਿਚ ਭੁਪਿੰਦਰ ਸਿੰਘ ਭਿੰਦਾ ਕਾਹਲਵਾਂ ਸਰਪੰਚ ਤੇ ਸਾਬਕਾ ਬਲਾਕ ਸੰਮਤੀ ਮੈਂਬਰ, ਅਜੀਤ ਸਿੰਘ ਸਰਾਏ ਪ੍ਰਧਾਨ ਖੇਤੀਬਾਡ਼ੀ ਵਿਕਾਸ ਬੈਂਕ, ਬਲਵਿੰਦਰ ਸਿੰਘ ਤਿੰਮੋਵਾਲ, ਸਤਨਾਮ ਸਿੰਘ ਮਿੰਟੂ ਪ੍ਰਧਾਨ ਕੋਆਪ. ਸੋਸਾਇਟੀ ਸਰਾਏਖਾਸ, ਸੁੱਚਾ ਸਿੰਘ ਕਾਲਾ ਖੇਡ਼ਾ, ਅਮਰੀਕ ਸਿੰਘ ਤਲਵੰਡੀ ਸਾਬਕਾ ਸਰਪੰਚ, ਸਾਬਕਾ ਵਾਈਸ ਚੇਅਰਮੈਨ ਬਲਾਕ ਕਮੇਟੀ ਰਤਨ ਸਿੰਘ ਰਹੀਮਪੁਰ, ਜਗਤਾਰ ਸਿੰਘ ਮੁਸਤਫਾਪੁਰ, ਲਖਬੀਰ ਸਿੰਘ ਮੱਲ੍ਹੀਆਂ, ਜਸਬੀਰ ਸਿੰਘ ਵਿਰਕ, ਪ੍ਰਿੰਸੀਪਲ ਡਾ. ਕਾਲਾ ਸਿੰਘ ਗਹੀਰ, ਪ੍ਰਿੰਸੀਪਲ ਡਾ. ਹਰਮਨਦੀਪ ਸਿੰਘ ਗਿੱਲ, ਸੇਵਾ ਸਿੰਘ ਕੌਂਸਲਰ, ਮਨਜੀਤ ਸਿੰਘ ਕੌਂਸਲਰ, ਜੋਗਿੰਦਰ ਸਿੰਘ ਗਿੱਲ, ਕੁਲਵਿੰਦਰ ਸਿੰਘ ਲੁੱਡੀ, ਸੁੱਚਾ ਸਿੰਘ ਭੁੱਲਰ, ਜਗਜੀਤ ਸਿੰਘ ਤਲਵਾਡ਼ਾ, ਜੋਗਾ ਸਿੰਘ ਪੱਤਡ਼, ਤਰਲੋਚਨ ਸਿੰਘ ਪੱਤਡ਼, ਕ੍ਰਿਪਾਲ ਸਿੰਘ ਐਮਾ ਕਾਜੀ, ਤਰਸੇਮ ਸਿੰਘ ਕਾਹਲੋਂ, ਗੁਰਮੇਜ ਤਲਵਾਡ਼ਾ, ਪਵਨ ਮਰਵਾਹਾ, ਮਨਦੀਪ ਸਿੰਘ ਸਰਾਏ, ਜੋਗਾ ਸਿੰਘ ਨੰਬਰਦਾਰ, ਜਗਜੀਤ ਸਿੰਘ, ਹਰਵਿੰਦਰ ਸਿੰਘ ਰਿੰਕੂ, ਹਰਦੀਪ ਸਿੰਘ ਦੀਪਾ, ਹਰਚਰਨ ਸਿੰਘ ਸੈਣੀ, ਸ਼ਿੰਗਾਰਾ ਸਿੰਘ ਕਾਹਲਵਾਂ, ਕਮਲਜੀਤ ਸਿੰਘ ਸੈਣੀ, ਕ੍ਰਿਪਾਲ ਸਿੰਘ, ਪਾਲ ਫਗੂਡ਼ਾ, ਚਰਨਜੀਤ ਸਿੰਘ ਢਿੱਲੋਂ ਕੋਚ, ਸੁਖਦੇਵ ਸਿੰਘ ਫੌਜੀ ਭੁਲੱਥ, ਚਰਨਜੀਤ ਸਿੰਘ, ਬਹਾਦਰ ਸਿੰਘ, ਰਣਜੀਤ ਸਿੰਘ ਰਾਣਾ ਤਲਵਾਡ਼ ਆਦਿ ਕਲੱਬ ਮੈਂਬਰਾਂ ਤੇ ਇਲਾਕੇ ਦੇ ਪਤਵੰਤਿਆਂ ਨੇ ਵੀ ਇਸ ਮੌਕੇ ਸ਼ਿਰਕਤ ਕੀਤੀ ।
ਡਾ. ਬੀ. ਆਰ. ਅੰਬੇਡਕਰ ਜੀ ਦਾ ਜਨਮ ਦਿਹਾੜਾ ਸ਼ਰਧਾ ਨਾਲ ਮਨਾਇਆ ਜਾਵੇਗਾ
NEXT STORY 
