ਖੰਨਾ (ਭੱਲਾ)-ਆਬੂਧਾਬੀ ਵਿਖੇ ਸੰਪੰਨ ਹੋਈਆਂ ਸਪੈਸ਼ਲ ਵਰਲਡ ਓਲੰਪਿਕਸ 2019 ਗੇਮਜ਼ ਵਿਚ ਗੋਲਡ ਮੈਡਲ ਜਿੱਤ ਕੇ ਸੰਸਾਰ ਪੱਧਰ ’ਤੇ ਨਾਂ ਰੌਸ਼ਨ ਕਰਨ ਵਾਲੀ ਸ਼ਾਮਲੀ ਸ਼ਰਮਾ ਦਾ ਅੱਜ ਆਪਣੇ ਜੱਦੀ ਸ਼ਹਿਰ ਰਾਏਕੋਟ ਵਿਖੇ ਪੁੱਜਣ ’ਤੇ ਸ਼ਹਿਰ ਵਾਸੀਆਂ ਵੱਲੋਂ ਭਰਵਾਂ ਸਵਾਗਤ ਕੀਤਾ ਗਿਆ। ਸ਼ਾਮਲੀ ਸ਼ਰਮਾ ਦਾ ਰਾਏਕੋਟ ਰਾਏਕੋਟ ਪੁੱਜਣ ’ਤੇ ਸ. ਹਰੀ ਸਿੰਘ ਨਲਵਾਂ ਚੌਂਕ ਵਿਚ ਇਕੱਠੇ ਹੋਏ ਵੱਖ-ਵੱਖ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਵਲੋਂ ਸ਼ਾਮਲੀ ਸ਼ਰਮਾ ਨੂੰ ਫੁੱਲਾਂ ਦੇ ਗੁਲਦਸਤੇ ਭੇਟ ਕਰ ਕੇ ਅਤੇ ਹਾਰ ਪਾ ਕੇ ਨਿੱਘਾ ਸਵਾਗਤ ਕੀਤਾ ਗਿਆ।ਇਸ ਮੌਕੇ ਡੀ. ਐੱਸ. ਪੀ. ਰਾਏਕੋਟ ਗੁਰਮੀਤ ਸਿੰਘ ਨੇ ਕਿਹਾ ਕਿ ਰਾਏਕੋਟ ਦੀ ਹੋਣਹਾਰ ਧੀ ਸ਼ਾਮਲੀ ਸ਼ਰਮਾ ਨੇ ਸਪੈਸ਼ਲ ਵਰਲਡ ਓਲੰਪਿਕਸ 2019 ਗੇਮਜ਼ ਵਿਚ ਗੋਲਡ ਮੈਡਲ ਜਿੱਤ ਕੇ ਪੂਰੇ ਦੇਸ਼ ਦਾ ਨਾਂ ਦੁਨੀਆ ਪੱਧਰ ’ਤੇ ਰੌਸ਼ਨ ਕੀਤਾ ਹੈ। ਉਨ੍ਹਾਂ ਇਸ ਪ੍ਰਾਪਤੀ ’ਤੇ ਸ਼ਾਮਲੀ ਸ਼ਰਮਾ ਦੇ ਪਰਿਵਾਰਕ ਮੈਂਬਰਾਂ ਤੇ ‘ਸਕੂਲ ਏਕ ਨਈ ਉਮੀਦ’ ਦੇ ਪ੍ਰਬੰਧਕਾਂ ਨੂੰ ਮੁਬਾਰਕਬਾਦ ਦਿੱਤੀ। ਇਸ ਉਪਰੰਤ ਸ਼ਾਮਲੀ ਸ਼ਰਮਾ ਨੂੰ ਖੁੱਲ੍ਹੀ ਜੀਪ ਵਿਚ ਬਿਠਾ ਕੇ ਸ. ਹਰੀ ਸਿੰਘ ਨਲਵਾ ਚੌਂਕ ਤੋਂ ਢੋਲ ਧਮੱਕੇ ਨਾਲ ਸ਼ਹਿਰ ’ਚ ਇਕ ਲੰਬੇ ਕਾਫਲੇ ਦੀ ਸ਼ਕਲ ਵਿਚ ਉਸ ਦੇ ਸਕੂਲ ਲਿਜਾਇਆ ਗਿਆ, ਜਿਥੇ ਰਸਤੇ ਵਿਚ ਵੱਖ-ਵੱਖ ਸਮਾਜਕ ਜਥੇਬੰਦੀਆਂ, ਦੁਕਾਨਦਾਰਾਂ ਤੇ ਸ਼ਹਿਰ ਵਾਸੀਆਂ ਵੱਲੋਂ ਨਿੱਘਾ ਸਵਾਗਤ ਕੀਤਾ ਗਿਆ। ਸਕੂਲ ਪੁੱਜਣ ’ਤੇ ਸਕੂਲ ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਮਨੋਹਰ ਲਾਲ ਲਾਡੀ, ਪ੍ਰਿੰਸੀਪਲ ਰੀਮਾ ਚਾਵਲਾ, ਸੰਦੀਪ ਕੌਰ ਤੇ ਸਮੂਹ ਮੈਂਬਰਾਂ ਵੱਲੋਂ ਸ਼ਾਮਲੀ ਸ਼ਰਮਾ ਦਾ ਸਨਮਾਨ ਕੀਤਾ ਗਿਆ ਅਤੇ ਇਸ ਸ਼ਾਨਦਾਰ ਪ੍ਰਾਪਤੀ ’ਤੇ ਪਰਿਵਾਰਕ ਮੈਂਬਰਾਂ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਸ਼ਾਮਲੀ ਸ਼ਰਮਾ ਦਾ ਸਵਾਗਤ ਕਰਨ ਵਾਲਿਆਂ ਵਿਚ ਨਗਰ ਕੌਂਸਲ ਪ੍ਰਧਾਨ ਸਲਿਲ ਜੈਨ, ਕਾਮਰੇਡ ਸੰਤੋਖ ਗਿੱਲ, ਕਾਮਰੇਡ ਦਲਜੀਤ ਕੁਮਾਰ ਗੋਰਾ, ਪ੍ਰਧਾਨ ਜਗਦੇਵ ਸਿੰਘ ਗਰੇਵਾਲ, ਠੇਕੇਦਾਰ ਧਰਮਪਾਲ ਕਾਕਾ, ਅਨਿਲ ਜੈਨ ਭੋਲਾ, ਜਗਪ੍ਰੀਤ ਸਿੰਘ ਬੁੱਟਰ, ਵਿਨੋਦ ਜੈਨ, ਬਲਬੀਰ ਬੱਲੀ, ਸਾਬਕਾ ਪ੍ਰਧਾਨ ਰਮੇਸ਼ ਸ਼ਾਰਦਾ, ਪ੍ਰਧਾਨ ਮੀਨੂੰ ਜੈਨ, ਪ੍ਰਧਾਨ ਦੀਪਕ ਕੁਮਾਰ, ਡਾ. ਹੰਸਰਾਜ, ਪ੍ਰਧਾਨ ਨਾਰਾਇਣ ਦੱਤ, ਐੱਲ. ਆਈ. ਸੀ. ਮੈਨੇਜਰ ਸੰਤਰਾਮ ਸਿੰਘ, ਗੁਰਦੇਵ ਸਿੰਘ ਤਲਵੰਡੀ, ਨੰਬਰਦਾਰ ਕਰਮਜੀਤ ਸਿੰਘ ਆੰਡਲੂ, ਪ੍ਰਧਾਨ ਕੇਸ਼ਵ ਅਰੋੜਾ, ਮੁਹੰਮਦ ਅਖਤਰ ਜੁਬੇਰੀ, ਵਿੱਕੀ ਲਾਂਬਾ, ਰਾਮ ਗੋਪਾਲ ਰਾਏਕੋਟੀ, ਮੁਹੰਮਦ ਇਮਰਾਨ ਖਾਂ, ਕਪਿਲ ਗਰਗ, ਪ੍ਰਦੀਪ ਨਾਰੰਗ, ਮਾਸਟਰ ਰਾਜਨ ਸਿੰਘ, ਹਰਪ੍ਰੀਤ ਸਿੰਘ ਲਾਡੀ ਸਮੇਤ ਵੱਡੀ ਗਿਣਤੀ ’ਚ ਸ਼ਹਿਰ ਨਿਵਾਸੀ ਹਾਜ਼ਰ ਸਨ।
ਕੈਨੇਡਾ ਭੇਜਣ ਦੇ ਨਾਂ ’ਤੇ ਠੱਗੇ 15 ਲੱਖ
NEXT STORY 
