ਪੰਜਾਬ ਦੇ ਸਭ ਤੋਂ ਮਹਿੰਗੇ ਟੋਲ ਪਲਾਜ਼ੇ ਨੂੰ ਲੈ ਕੇ ਵੱਡੀ ਖ਼ਬਰ! ਅੱਜ ਰਾਤ 12 ਵਜੇ ਤੋਂ ਬਾਅਦ...

ਲੁਧਿਆਣਾ (ਅਨਿਲ, ਸ਼ਿਵਮ)- ਨੈਸ਼ਨਲ ਹਾਈਵੇਅ ਅਥਾਰਟੀ ਨੇ ਪੰਜਾਬ ਦੇ ਨਾਲ-ਨਾਲ ਦੇਸ਼ ਦੇ ਸਭ ਤੋਂ ਮਹਿੰਗੇ ਨੈਸ਼ਨਲ ਹਾਈਵੇਅ ’ਤੇ ਸਥਿਤ ਲਾਡੋਵਾਲ ਟੋਲ ਪਲਾਜ਼ਾ ’ਤੇ ਇਕ ਵਾਰ ਫਿਰ ਟੋਲ ਦਰਾਂ ’ਚ ਵਾਧਾ ਕਰਨ ਦਾ ਐਲਾਨ ਕੀਤਾ ਹੈ, ਜਿਸ ਕਾਰਨ ਅੱਜ ਰਾਤ 12 ਵਜੇ ਤੋਂ ਹੀ ਟੋਲ ਪਲਾਜ਼ਾ ’ਤੇ ਵਾਹਨ ਚਾਲਕਾਂ ਤੋਂ ਨਵੇਂ ਟੋਲ ਰੇਟ ਵਸੂਲੇ ਜਾਣਗੇ ਕਿਉਂਕਿ ਉਕਤ ਟੋਲ ਪਲਾਜ਼ਾ ਪਹਿਲਾਂ ਹੀ ਦੇਸ਼ ਦਾ ਸਭ ਤੋਂ ਮਹਿੰਗਾ ਟੋਲ ਪਲਾਜ਼ਾ ਹੋਣ ਕਾਰਨ ਵਾਹਨ ਚਾਲਕਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਦੂਜੇ ਪਾਸੇ ਅੱਜ ਨੈਸ਼ਨਲ ਹਾਈਵੇਅ ਅਥਾਰਟੀ ਨੇ ਲਾਡੋਵਾਲ ਟੋਲ ਪਲਾਜ਼ਾ ’ਤੇ ਵਾਹਨਾਂ ਦੇ ਟੋਲ ’ਚ ਇਕ ਵਾਰ ਫਿਰ ਨਵਾਂ ਵਾਧਾ ਕਰਨ ਦਾ ਐਲਾਨ ਕੀਤਾ ਹੈ, ਜਿਸ ਕਾਰਨ ਨੈਸ਼ਨਲ ਹਾਈਵੇਅ ਅਥਾਰਟੀ ਨੇ ਨਵੀਆਂ ਟੋਲ ਦਰਾਂ ਦੀ ਸੂਚੀ ਵੀ ਜਾਰੀ ਕਰ ਦਿੱਤੀ ਹੈ। ਇਕ ਵਾਰ ਫਿਰ ਨੈਸ਼ਨਲ ਹਾਈਵੇਅ ਅਥਾਰਟੀ ਵੱਲੋਂ ਇਸ ਟੋਲ ਪਲਾਜ਼ਾ ’ਤੇ ਨਵੇਂ ਟੋਲ ਰੇਟ ਵਸੂਲਣ ਦਾ ਹੁਕਮ ਜਾਰੀ ਕੀਤਾ ਗਿਆ ਹੈ। ਟੋਲ ਰੇਟ ਵਧਣ ਨਾਲ ਆਮ ਲੋਕਾਂ ਨੂੰ ਭਾਰੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਵੇਗਾ।

ਇਹ ਖ਼ਬਰ ਵੀ ਪੜ੍ਹੋ - ਜ਼ਮੀਨਾਂ 'ਤੇ ਲੱਗਣ ਵਾਲੀ ਅਸ਼ਟਾਮ ਡਿਊਟੀ ਬਾਰੇ ਪੰਜਾਬ ਸਰਕਾਰ ਦਾ ਵੱਡਾ ਫ਼ੈਸਲਾ

ਪਹਿਲਾਂ ਇਸ ਟੋਲ ’ਤੇ ਸਭ ਤੋਂ ਵੱਧ ਟੋਲ ਵਸੂਲਿਆ ਜਾਂਦਾ ਸੀ, ਹੁਣ ਮੁੜ ਟੋਲ ਪਲਾਜ਼ਾ ’ਤੇ ਟੋਲ ਦੀ ਦਰ ਵਧਾ ਕੇ ਨੈਸ਼ਨਲ ਹਾਈਵੇਅ ਅਥਾਰਟੀ ਨੇ ਲੋਕਾਂ ’ਤੇ ਨਵਾਂ ਬੋਝ ਪਾ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਲਾਡੋਵਾਲ ਟੋਲ ਪਲਾਜ਼ਾ ’ਤੇ ਪਹਿਲਾਂ ਜੋ ਟੋਲ ਰੇਟ ਵਸੂਲਿਆ ਜਾਂਦਾ ਸੀ, ਉਸ ’ਚ ਹੁਣ ਨੈਸ਼ਨਲ ਹਾਈਵੇਅ ਅਥਾਰਟੀ ਵੱਲੋਂ 5 ਫੀਸਦੀ ਦਾ ਵਾਧਾ ਕਰ ਦਿੱਤਾ ਗਿਆ ਹੈ, ਜਿਸ ਦੀ ਵਸੂਲੀ 31 ਮਾਰਚ ਦੀ ਦਰਮਿਆਨੀ ਰਾਤ 12 ਵਜੇ ਤੋਂ ਡਰਾਈਵਰਾਂ ਤੋਂ ਕੀਤੀ ਜਾਵੇਗੀ।

ਕੀ ਕਹਿੰਦੇ ਹਨ ਟੋਲ ਪਲਾਜ਼ਾ ਮੈਨੇਜਰ ਦੀਪੇਂਦਰ ਸਿੰਘ

ਜਦੋਂ ਲਾਡੋਵਾਲ ਟੋਲ ਪਲਾਜ਼ਾ ਦੇ ਮੈਨੇਜਰ ਦੀਪੇਂਦਰ ਸਿੰਘ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਨੈਸ਼ਨਲ ਹਾਈਵੇਅ ਅਥਾਰਟੀ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ 1 ਅਪ੍ਰੈਲ ਤੋਂ ਵਾਹਨ ਚਾਲਕਾਂ ਦੇ ਟੋਲ ਰੇਟ ’ਚ ਨਵਾਂ ਵਾਧਾ ਕੀਤਾ ਗਿਆ ਹੈ, ਜਿਸ ਕਾਰਨ 31 ਮਾਰਚ ਦੀ ਅੱਧੀ ਰਾਤ 12 ਵਜੇ ਤੋਂ ਬਾਅਦ ਟੋਲ ਪਲਾਜ਼ਾ ’ਤੇ ਵਾਹਨ ਚਾਲਕਾਂ ਤੋਂ ਨਵੇਂ ਟੋਲ ਰੇਟ ਵਸੂਲੇ ਜਾਣਗੇ। ਉਨ੍ਹਾਂ ਦੱਸਿਆ ਕਿ ਨੈਸ਼ਨਲ ਹਾਈਵੇਅ ਅਥਾਰਟੀ ਵੱਲੋਂ ਹਰ ਸਾਲ ਇਸ ਟੋਲ ਦਰ ’ਚ ਵਾਧਾ ਕੀਤਾ ਜਾਂਦਾ ਹੈ, ਜਿਸ ਕਾਰਨ ਪਹਿਲੀ ਅਪ੍ਰੈਲ ਤੋਂ ਵਾਹਨ ਚਾਲਕਾਂ ਤੋਂ ਇਹ ਨਵੀਂ ਟੋਲ ਦਰ ਵਸੂਲੀ ਜਾਵੇਗੀ। ਟੋਲ ਪਲਾਜ਼ਾ ’ਤੇ ਟੋਲ ਦਰਾਂ ਲਾਗੂ ਕੀਤੀਆਂ ਜਾਣਗੀਆਂ। ਇਸ ਤੋਂ ਪਹਿਲਾਂ ਕਾਰ ਚਾਲਕ ਤੋਂ ਵਨ ਵੇਅ ਲਈ 220 ਰੁਪਏ ਅਤੇ ਆਉਣ-ਜਾਣ ਲਈ 330 ਰੁਪਏ ਵਸੂਲੇ ਜਾਂਦੇ ਸਨ ਪਰ ਹੁਣ ਨਵੀਂ ਦਰ ’ਚ ਵਨ ਵੇਅ ਲਈ 230 ਰੁਪਏ ਅਤੇ ਆਉਣ-ਜਾਣ ਦੇ 345 ਰੁਪਏ ਵਸੂਲੇ ਜਾਣਗੇ।

ਦੂਜੇ ਪਾਸੇ ਹਲਕੇ ਵਾਹਨਾਂ ਲਈ ਪਹਿਲਾਂ ਵਨ ਵੇ 355 ਰੁਪਏ ਅਤੇ ਆਉਣ-ਜਾਣ ਦੇ 535 ਰੁਪਏ ਅਤੇ ਹੁਣ ਇਕ ਪਾਸੇ ਤੋਂ 370 ਰੁਪਏ ਅਤੇ ਆਉਣ-ਜਾਣ ਦੇ 555 ਰੁਪਏ ਵਸੂਲੇ ਜਾਣਗੇ। ਬੱਸਾਂ ਵਾਲਿਆਂ ਤੇ ਟਰੱਕਾਂ ਲਈ ਵਨ ਵੇਅ ਲਈ 745 ਰੁਪਏ ਤੇ ਆਉਣ-ਜਾਣ ਦੇ 1120 ਰੁਪਏ, ਹੁਣ ਵਨ ਵੇਅ ਲਈ 775 ਰੁਪਏ ਤੇ ਆਉਣ-ਜਾਣ ਦੇ 1160 ਰੁਪਏ ਵਸੂਲੇ ਜਾਣਗੇ, ਜਦੋਂਕਿ ਵਪਾਰਕ ਵਾਹਨਾਂ ਲਈ ਪਹਿਲਾਂ ਵਨ ਵੇਅ ਲਈ 815 ਰੁਪਏ ਤੇ ਆਉਣ-ਜਾਣ ਲਈ 1225 ਰੁਪਏ ਪਰ ਹੁਣ ਵਨ ਵੇਅ ਲਈ 845 ਰੁਪਏ ਅਤੇ ਆਉਣ-ਜਾਣ ਲਈ 1265 ਰੁਪਏ ਟਰੱਕ ਤੋਂ ਵਸੂਲੇ ਜਾਣਗੇ। ਪਹਿਲਾਂ, ਐੱਚ. ਸੀ. ਐੱਸ. 6 ਐਕਸਲ ਵਾਹਨਾਂ ਲਈ, ਇਕ ਤਰਫਾ ਲਈ 1170 ਰੁਪਏ ਅਤੇ 2 ਪਾਸਿਆਂ ਲਈ 1755 ਰੁਪਏ ਅਤੇ ਹੁਣ ਇਕ ਤਰਫਾ ਲਈ 1215 ਰੁਪਏ ਅਤੇ ਦੋ ਮਾਰਗਾਂ ਲਈ 1820 ਰੁਪਏ ਚਾਰਜ ਕੀਤੇ ਜਾਣਗੇ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬੀਓ! ਕੂਲਰ-AC ਕਰਵਾ ਲਓ ਸਾਫ਼, ਤੇਜ਼ੀ ਨਾਲ ਵਧੇਗੀ ਗਰਮੀ

ਪਹਿਲਾਂ, ਐੱਚ. ਸੀ. ਐੱਸ. 6 ਐਕਸਲ ਵਾਹਨਾਂ ਲਈ, ਇਕ ਪਾਸੇ ਲਈ 1170 ਰੁਪਏ ਅਤੇ ਆਉਣ-ਜਾਣ ਦੇ 1755 ਰੁਪਏ ਅਤੇ ਹੁਣ ਇਕ ਪਾਸੇ ਦੇ 1215 ਰੁਪਏ ਅਤੇ ਆਉਣ-ਜਾਣ ਦੇ 1820 ਰੁਪਏ ਚਾਰਜ ਕੀਤੇ ਜਾਣਗੇ। ਪਹਿਲਾਂ ਓਵਰ ਸਾਈਜ਼ ਵਾਲੇ ਵਾਹਨਾਂ ਲਈ ਵਨ ਵੇਅ ਲਈ 1425 ਰੁਪਏ ਅਤੇ ਆਉਣ-ਜਾਣ ਦੇ 2140 ਰੁਪਏ ਵਸੂਲੇ ਜਾਂਦੇ ਸਨ ਪਰ ਹੁਣ ਵਨ ਵੇਅ ਲਈ 1475 ਰੁਪਏ ਅਤੇ ਆਉਣ-ਜਾਣ ਦੇ 2215 ਰੁਪਏ ਵਸੂਲੇ ਜਾਣਗੇ। ਉਨ੍ਹਾਂ ਦੱਸਿਆ ਕਿ ਵਾਹਨ ਚਾਲਕਾਂ ਲਈ ਮਾਸਿਕ ਪਾਸ ਦਰ ’ਚ ਵੀ ਵਾਧਾ ਕੀਤਾ ਗਿਆ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8