ਲੁਧਿਆਣਾ (ਸੰਦੀਪ) – 2019 ਆਮ ਚੋਣਾਂ ਦੇ ਆਖਰੀ ਦੌਰ 'ਚ ਜਿਥੇ ਪੰਜਾਬ 'ਚ ਚੋਣਾਂ ਦੀ ਸਰਗਰਮੀ ਹੈ ਤਾਂ ਉਥੇ ਹੀ 'ਨੇਤਾ' ਐਪ ਦੇ ਯੂਜ਼ਰਾਂ 'ਚ ਪਿਛਲੇ 15 ਦਿਨਾਂ 'ਚ 90 ਫੀਸਦੀ ਦੀ ਤੇਜ਼ੀ ਦੇਖੀ ਗਈ ਹੈ। 'ਨੇਤਾ' ਐਪ ਇਕ ਸ਼ਾਨਦਾਰ ਪਲੇਟਫਾਰਮ ਹੈ, ਜਿਸ 'ਤੇ ਵੋਟਰ ਆਪਣੇ ਪ੍ਰਤੀਨਿਧੀਆਂ ਦਾ ਮੁੱਲਾਂਕਣ ਅਤੇ ਸਮੀਖਿਆ ਕਰ ਸਕਦੇ ਹਨ। 'ਨੇਤਾ' ਐਪ ਯੂਜ਼ਰਾਂ ਦੀ ਗਿਣਤੀ 'ਚ ਇਹ ਤੇਜ਼ੀ ਖਾਸ ਕਰ ਕੇ ਸੂਬੇ ਦੇ ਲੁਧਿਆਣਾ, ਜਲੰਧਰ, ਸੰਗਰੂਰ, ਫਤਿਹਗੜ੍ਹ ਸਾਹਿਬ ਅਤੇ ਫਿਰੋਜ਼ਪੁਰ ਚੋਣ ਖੇਤਰਾਂ 'ਚ ਦਰਜ ਕੀਤੀ ਗਈ ਹੈ। ਇਸ ਐਪ ਦੇ ਫਾਊਂਡਰ ਪ੍ਰਥਮ ਮਿੱਤਲ ਨੇ ਦੱਸਿਆ ਕਿ ਪੰਜਾਬ ਦੇ ਲੋਕ ਗਹਿਰੀ ਦਿਲਚਸਪੀ ਨਾਲ ਸੰਸਦੀ ਚੋਣ ਦੇ ਉਮੀਦਵਾਰਾਂ ਸਬੰਧੀ ਆਪਣੀਆਂ ਭਾਵਨਾਵਾਂ ਅਤੇ ਸ਼ਿਕਾਇਤਾਂ 'ਨੇਤਾ' ਐਪ 'ਤੇ ਪੋਸਟ ਕਰ ਰਹੇ ਹਨ। ਹਰ ਵਰਗ ਦੇ ਲੋਕ ਆਪਣੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਸੂਬੇ ਵਿਚ ਭਾਰਤੀ ਰਾਸ਼ਟਰੀ ਕਾਂਗਰਸ ਤੇ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਵਿਚ ਕਾਂਟੇ ਦੀ ਟੱਕਰ ਹੈ। ਭਾਰਤ ਦੇ ਸਾਬਕਾ ਰਾਸ਼ਟਰਪਤੀ ਪ੍ਰਣਵ ਮੁਖਰਜੀ ਨੇ 24 ਅਗਸਤ 2018 ਨੂੰ ਰਾਜਧਾਨੀ ਦਿੱਲੀ 'ਚ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੀ ਹਾਜ਼ਰੀ ਵਿਚ 'ਨੇਤਾ' ਐਪ ਲਾਂਚ ਕੀਤੀ।
ਇਸ ਮੌਕੇ ਸਾਬਕਾ ਚੋਣ ਕਮਿਸ਼ਨਰ ਐੱਸ. ਵਾਈ. ਕੁਰੈਸ਼ੀ, ਨਸੀਮ ਜੈਦੀ, ਅਸ਼ਵਨੀ ਕੁਮਾਰ (ਭਾਰਤ ਦੇ ਸਾਬਕਾ ਕਾਨੂੰਨ ਮੰਤਰੀ), ਸ਼ਮੁਰਲੀ ਮਨੋਹਰ ਜੋਸ਼ੀ (ਐੱਮ. ਪੀ. ਅਤੇ ਸਾਬਕਾ ਮਨੁੱਖੀ ਵਿਕਾਸ ਮੰਤਰੀ) ਅਤੇ ਸ਼ਿਵਰਾਜ ਪਾਟਿਲ (ਭਾਰਤ ਦੇ ਸਾਬਕਾ ਗ੍ਰਹਿ ਮੰਤਰੀ), ਵਿਜੇ ਸਾਂਪਲਾ (ਸਮਾਜਕ ਨਿਆਂ ਅਤੇ ਅਧਿਕਾਰਤਾ ਰਾਜ ਮੰਤਰੀ) ਵੀ ਮੌਜੂਦ ਸਨ। ਪੂਰੇ ਦੇਸ਼ 'ਚ ਅੱਜ ਦੀ ਤਰੀਕ 'ਚ ਇਸ ਐੱਪ ਦੇ 2.5 ਕਰੋੜ ਤੋਂ ਜ਼ਿਆਦਾ ਸਬਸਕ੍ਰਾਈਬਰ ਹਨ। ਇਹ ਐਪ ਐਂਡ੍ਰਾਇਡ 'ਤੇ ਅਤੇ ਵੈੱਬ 'ਤੇ 16 ਭਾਸ਼ਾਵਾਂ 'ਚ ਮੁਹੱਈਆ ਹੈ ਤਾਂ ਕਿ ਹਰ ਖੇਤਰ ਦੇ ਯੂਜ਼ਰ ਇਸ ਦਾ ਲਾਭ ਲੈਣ। ਇਸ ਐਪ ਦਾ ਟੀਚਾ ਸਿਆਸੀ ਰੁਝਾਨ ਦਰਸਾਉਂਦੇ ਅੰਕੜੇ ਇਕੱਤਰ ਕਰਨਾ ਹੈ।ਪ੍ਰਥਮ ਨੇ ਦੱਸਿਆ ਕਿ ਆਮ ਚੋਣਾਂ ਦੌਰਾਨ ਨੇਤਾ ਐਪ 'ਤੇ ਲੋਕਾਂ ਦੀ ਸਰਗਰਮ ਹਿੱਸੇਦਾਰੀ ਦੇਖ ਕੇ ਅਸੀਂ ਰੋਮਾਂਚਿਤ ਹਾਂ। ਪੂਰੇ ਦੇਸ਼ ਦੇ 2.5 ਕਰੋੜ ਤੋਂ ਜ਼ਿਆਦਾ ਲੋਕਾਂ ਨੇ ਐਪ 'ਤੇ ਆਪਣੇ ਆਗੂਆਂ ਦਾ ਮੁੱਲਾਂਕਣ ਕੀਤਾ ਹੈ ਅਤੇ 77 ਲੱਖ ਲੋਕਾਂ ਦੀ ਅਗਵਾਈ ਦੀਆਂ ਕਹਾਣੀਆਂ ਅਤੇ ਸੁਨੇਹਿਆਂ ਰਾਹੀਂ ਆਪਣੀ ਸਲਾਹ ਦਿੱਤੀ ਹੈ। ਇਹ ਭਾਰਤ ਦੀ ਜਨਤਾ ਦਾ ਦੇਸ਼ ਦੇ ਲੋਕਤੰਰਰ ਵਿਚ ਅਟੁੱਟ ਵਿਸ਼ਵਾਸ ਨੂੰ ਦਰਸਾਉਂਦਾ ਹੈ।
'ਨੇਤਾ' ਐੱਪ ਆਗੂਆਂ ਨੂੰ ਆਪਣੀ ਹਰਮਨਪਿਆਰਤਾ ਦਾ ਪ੍ਰਦਰਸ਼ਨ ਕਰਨ ਅਤੇ ਸਿਆਸੀ ਪਾਰਟੀਆਂ ਦਾ ਧਿਆਨ ਆਕਰਸ਼ਿਤ ਕਰਨ ਦਾ ਮੌਕਾ ਵੀ ਪ੍ਰਦਾਨ ਕਰਦੀ ਹੈ। ਪਾਰਟੀ ਦੇ ਮੌਜੂਦਾ ਵਿਧਾਇਕਾਂ ਜਾਂ ਐੱਮ. ਪੀਜ਼ ਨੂੰ ਹੁਣ ਬਹੁਤ ਮਿਹਨਤ ਕਰਨੀ ਪਵੇਗੀ, ਕਿਉਂਕਿ ਜੋ ਵੀ ਵਿਅਕਤੀ ਚੋਣ ਲੜਨਾ ਚਾਹੁੰਦਾ ਹੈ, ਉਹ ਆਪਣੇ ਖੇਤਰ ਤੋਂ 500 ਵੋਟਾਂ ਇਕੱਠੀਆਂ ਕਰ ਕੇ ਇਸ ਐਪ 'ਤੇ ਪਾ ਸਕਦਾ ਹੈ। ਪੰਜਾਬ ਦੇ ਲਗਭਗ 160 ਨਾਗਰਿਕਾਂ ਨੇ ਪਾਰਟੀ ਹਾਈਕਮਾਨ ਨੂੰ ਆਪਣੀ ਹਰਮਨਪਿਆਰਤਾ ਦਿਖਾਉਣ ਲਈ ਇਸ ਐਪ 'ਤੇ ਆਪਣਾ ਨਾਂ ਪਹੁੰਚਾਇਆ ਹੈ। 'ਨੇਤਾ' ਐਪ ਦੇ ਨਾਲ ਦੋ ਸਾਬਕਾ ਚੋਣ ਕਮਿਸ਼ਨਰ ਜੁੜੇ ਹੋਏ ਹਨ ਅਤੇ ਇਸ ਦਾ ਮਕਸਦ ਦੇਸ਼ ਵਿਚ ਨਾਗਰਿਕ ਅਤੇ ਸਿਆਸੀ ਕੇਸਾਂ 'ਤੇ ਡੂੰਘਾ ਅਸਰ ਪਾਉਣਾ ਹੈ।
'ਨੇਤਾ' ਐਪ ਜਨਤਾ ਦੀ ਇੱਛਾ ਜਾਣਨ ਦਾ ਆਸਾਨ ਤਰੀਕਾ
'ਨੇਤਾ' ਐਪ ਦਾ ਨਿਰਮਾਣ 2018 ਵਿਚ ਪ੍ਰਥਮ ਮਿੱਤਲ ਨੇ ਕੀਤਾ। ਇਹ ਇਕ ਟੈਕਨਾਲੋਜੀ ਪਲੇਟਫਾਰਮ ਹੈ, ਜਿਸ ਦਾ ਮਕਸਦ ਰਾਜਨੀਤਕ ਜ਼ਿੰਮੇਵਾਰੀ ਵਧਾਉਣ ਦੇ ਮਕਸਦ ਨਾਲ ਆਮ ਜਨਤਾ ਨੂੰ ਇਹ ਸਹੂਲਤ ਦੇਣਾ ਹੈ ਕਿ ਉਹ ਕਦੇ ਵੀ ਆਪਣੇ ਸਿਆਸੀ ਪਹਿਲੂ ਬਦਲਣ ਦੇ ਸੰਕੇਤ ਦੇ ਸਕਣ। ਇਸ ਐਪ 'ਤੇ ਨਾਗਰਿਕ ਉਨ੍ਹਾਂ ਦੀ ਪਸੰਦ ਦੇ ਆਗੂਆਂ ਲਈ ਵੋਟ ਕਰ ਸਕਦੇ ਹਨ ਅਤੇ ਜਦੋਂ ਹੋਰ ਪਹਿਲਕਦਮੀਆਂ ਬਦਲੇ ਐਪ ਰਾਹੀਂ ਆਪਣੀ ਵੋਟ ਬਦਲ ਸਕਦੇ ਹਨ। 'ਅਪਰੂਵਲ ਰੇਟਿੰਗਸ' ਦੇ ਅਮਰੀਕੀ ਮਾਡਲ ਦੇ ਆਧਾਰ 'ਤੇ ਕੰਪਨੀ ਚਾਹੁੰਦੀ ਹੈ ਕਿ 'ਨੇਤਾ' ਐਪ ਦੇਸ਼ ਦੀ ਸਿਆਸੀ ਮਨੋਦਸ਼ਾ ਦਾ ਸੂਚਕ ਅੰਕ ਬਣੇ। 'ਨੇਤਾ' ਐਪ ਰਾਹੀਂ ਵੋਟਰ ਰਾਜ ਅਤੇ ਕੇਂਦਰ ਪੱਧਰ 'ਤੇ ਨੇਤਾ ਨਾਲ ਜੁੜੇ ਆਪਣੀਆਂ ਪਹਿਲਕਦਮੀਆਂ ਜ਼ਾਹਰ ਕਰ ਸਕਦੇ ਹਨ। ਮੌਜੂਦਾ ਰਾਜ ਨੇਤਾ ਤੋਂ ਅਸੰਤੁਸ਼ਟ ਹੋਣ ਦੀ ਸਥਿਤੀ ਵਿਚ ਉਹ ਜਦੋਂ ਅਤੇ ਜਿਵੇਂ ਚਾਹੁਣ ਆਪਣੀ ਵੋਟ ਵਾਪਸ ਲੈ ਸਕਦੇ ਹਨ। ਆਗੂਆਂ ਲਈ ਇਹ ਐਪ ਜਨਤਾ ਦੀ ਇੱਛਾ ਜਾਣਨ ਦਾ ਸੌਖਾ ਸਾਧਨ ਹੋਵੇਗਾ। ਯੂਜ਼ਰ ਵਧੇਰੇ ਜਾਣਕਾਰੀ ਲਈ ਵੈੱਬਸਾਈਟ 'ਨੇਤਾ ਡਾਟ ਸੀ. ਓ. ਡਾਟ ਆਈ ਐੱਨ 'ਤੇ ਵੀ ਵੇਖ ਸਕਦੇ ਹਨ।
ਇਸ ਐਤਵਾਰ ਨੂੰ ਨਹੀਂ ਲੱਗੇਗਾ ਸੰਡੇ ਬਾਜ਼ਾਰ
NEXT STORY