ਹੁਸ਼ਿਆਰਪੁਰ (ਅਮਰਿੰਦਰ)— ਰੌਸ਼ਨ ਭਵਿੱਖ ਦੀ ਆਸ ਵਿਚ 4 ਮਹੀਨੇ ਪਹਿਲਾਂ ਮਲੇਸ਼ੀਆ ਗਏ ਹੁਸ਼ਿਆਰਪੁਰ ਦੇ ਮੁਹੱਲਾ ਨਿਊ ਦੀਪ ਨਗਰ ਦਾ ਰਹਿਣ ਵਾਲੇ 43 ਸਾਲਾ ਰਾਜੇਸ਼ ਕੁਮਾਰ ਪੁੱਤਰ ਮੁਲਖ ਰਾਜ ਦੀ ਮ੍ਰਿਤਕ ਦੇਹ ਸ਼ਨੀਵਾਰ ਸਵੇਰੇ ਤਾਬੂਤ 'ਚ ਬੰਦ ਹੋ ਕੇ ਜਿਉਂ ਹੀ ਉਸ ਦੇ ਘਰ ਪਹੁੰਚੀ ਤਾਂ ਉਥੇ ਚੀਕ-ਚਿਹਾੜਾ ਪੈ ਗਿਆ ਅਤੇ ਸਾਰਾ ਮੁਹੱਲਾ ਗਮਗੀਨ ਹੋ ਗਿਆ। ਮੁਹੱਲਾ ਵਾਸੀਆਂ ਅਤੇ ਰਾਜੇਸ਼ ਦੇ ਦੋਸਤਾਂ ਨੂੰ ਵਿਸ਼ਵਾਸ ਨਹੀਂ ਸੀ ਹੋ ਰਿਹਾ ਕਿ ਸਿਰਫ 4 ਮਹੀਨੇ ਪਹਿਲਾਂ ਸੁਨਹਿਰੀ ਭਵਿੱਖ ਦੇ ਸੁਪਨੇ ਸੰਜੋਈ ਹੱਸਦਾ-ਖੇਡਦਾ ਮਲੇਸ਼ੀਆ ਗਿਆ ਰਾਜੇਸ਼ ਤਾਬੂਤ 'ਚ ਬੰਦ ਹੋ ਕੇ ਪਰਤੇਗਾ। ਪਰਿਵਾਰਕ ਮੈਂਬਰਾਂ ਅਨੁਸਾਰ ਮਲੇਸ਼ੀਆ 'ਚ ਪਿਛਲੇ ਐਤਵਾਰ ਡਿਊਟੀ ਦੌਰਾਨ ਦਿਲ ਦਾ ਦੌਰਾ ਪੈਣ 'ਤੇ ਉਸ ਦੀ ਮੌਤ ਹੋ ਗਈ ਸੀ।
ਮ੍ਰਿਤਕ ਰਾਜੇਸ਼ ਕੁਮਾਰ ਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਉਹ ਪਹਿਲਾਂ ਹੁਸ਼ਿਆਰਪੁਰ ਤੇ ਡੇਰਾਬੱਸੀ 'ਚ ਕਿਸੇ ਫੈਕਟਰੀ ਵਿਚ ਕੰਮ ਕਰਦਾ ਸੀ। ਮਾਰਚ 2018 'ਚ ਉਹ ਪਤਨੀ ਨੀਲਮ ਰਾਣੀ, ਬੇਟੇ ਪ੍ਰੀਤਮ ਅਤੇ ਬੇਟੀ ਚਾਂਦਨੀ ਨੂੰ ਛੱਡ ਕੇ ਮਲੇਸ਼ੀਆ ਦੀ ਕਾਰਗੋ ਨੈੱਟਵਰਕ ਕੰਪਨੀ 'ਚ ਪੈਕਿੰਗ ਦੇ ਕੰਮ ਵਾਸਤੇ ਗਿਆ ਸੀ। ਘਰ ਵਿਚ ਰਾਜੇਸ਼ ਇਕੱਲਾ ਹੀ ਕਮਾਉਣ ਵਾਲਾ ਸੀ। ਉਸ ਦੀ ਮੌਤ ਨਾਲ ਪਰਿਵਾਰ 'ਤੇ ਮੁਸੀਬਤਾਂ ਦਾ ਪਹਾੜ ਟੁੱਟ ਪਿਆ ਹੈ। ਰਾਜੇਸ਼ ਦੀ ਮ੍ਰਿਤਕ ਦੇਹ ਤਾਂ ਮਲੇਸ਼ੀਆ ਤੋਂ ਪਰਤ ਆਈ ਹੈ ਪਰ ਅਜੇ ਤੱਕ ਕੰਪਨੀ ਤੋਂ ਮਿਲਣ ਵਾਲਾ ਕੋਈ ਲਾਭ ਉਨ੍ਹਾਂ ਨੂੰ ਨਹੀਂ ਮਿਲਿਆ।
ਹਾਦਸੇ ਨੇ ਖੋਹੀਆਂ ਜਨਮ ਦਿਨ ਦੀਆਂ ਖੁਸ਼ੀਆਂ, ਮਾਂ-ਧੀ ਦੀ ਮੌਤ (ਵੀਡੀਓ)
NEXT STORY 
