ਚੰਡੀਗੜ੍ਹ,(ਸ਼ਰਮਾ)- ਪੰਜਾਬ ਸੂਬੇ ਦੀਆਂ 22 ਜ਼ਿਲਾ ਪ੍ਰੀਸ਼ਦਾਂ ਤੇ 150 ਪੰਚਾਇਤ ਸੰਮਤੀਆਂ ਲਈ ਬੁੱਧਵਾਰ ਨੂੰ ਹੋਈਆਂ ਚੋਣਾਂ 'ਚ ਸੂਬੇ ਦੇ 58.10 ਫ਼ੀਸਦੀ ਵੋਟਰਾਂ ਨੇ ਆਪਣੇ ਵੋਟ ਦੇ ਅਧਿਕਾਰ ਦਾ ਪ੍ਰਯੋਗ ਕੀਤਾ । ਰਾਜ ਚੋਣ ਕਮਿਸ਼ਨ ਵਲੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਮਾਨਸਾ ਜ਼ਿਲਾ ਪ੍ਰੀਸ਼ਦ ਅਤੇ ਇੱਥੇ ਦੀਆਂ 5 ਪੰਚਾਇਤ ਸੰਮਤੀਆਂ ਲਈ ਸਭ ਤੋਂ ਜਿਆਦਾ 71.66 ਫ਼ੀਸਦੀ ਵੋਟਿੰਗ ਹੋਈ, ਜਦ ਕਿ ਤਰਨਤਾਰਨ ਜ਼ਿਲਾ ਪ੍ਰੀਸ਼ਦ ਅਤੇ ਇੱਥੇ ਦੀਆਂ 8 ਪੰਚਾਇਤ ਸੰਮਤੀਆਂ ਲਈ 43.77 ਫ਼ੀਸਦੀ ਵੋਟਿੰਗ ਹੋਈ । ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਗ੍ਰਹਿ ਜ਼ਿਲਾ ਪਟਿਆਲਾ ਵਿਚ 62 ਫ਼ੀਸਦੀ ਤੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਜਿਲੇ ਸ੍ਰੀ ਮੁਕਤਸਰ ਸਾਹਿਬ 'ਚ 58 ਫ਼ੀਸਦੀ ਵੋਟਾਂ ਪਈਆਂ । ਇਸ ਤੋਂ ਇਲਾਵਾ ਬਠਿੰਡਾ (55.00), ਬਰਨਾਲਾ (57.00), ਫਿਰੋਜ਼ਪੁਰ (57.00), ਫਤਿਹਗੜ੍ਹ ਸਾਹਿਬ (64.00), ਫਰੀਦਕੋਟ (63.00), ਗੁਰਦਾਸਪੁਰ (47.00), ਹੁਸ਼ਿਆਰਪੁਰ (50.86), ਜਲੰਧਰ (51.60), ਲੁਧਿਆਣਾ (57.00), ਮੋਗਾ (57.00), ਮਾਨਸਾ (71.66), ਪਠਾਨਕੋਟ (57.00), ਰੂਪਨਗਰ (61.00), ਐਸ. ਏ. ਐਸ. ਨਗਰ ਮੋਹਾਲੀ (65.00), ਸ਼ਹੀਦ ਭਗਤ ਸਿੰਘ ਨਗਰ (60.37), ਕਪੂਰਥਲਾ (60.00), ਸੰਗਰੂਰ (64.00), ਤਰਨਤਾਰਨ (43.77), ਅੰਮ੍ਰਿਤਸਰ (52.00), ਫਾਜ਼ਿਲਕਾ (64.00), ਫ਼ੀਸਦੀ ਵੋਟਿੰਗ ਹੋਈ ।
ਇੰਡੀਗੋ ਦੀ ਫਲਾਈਟ 'ਚ ਆਏ 2 ਵਿਅਕਤੀਆਂ ਤੋਂ 6 ਕਰੋੜ ਦੇ ਗਹਿਣੇ ਬਰਾਮਦ
NEXT STORY 
