ਮੌਡ਼ ਮੰਡੀ, (ਪ੍ਰਵੀਨ)- ਪੰਜਾਬ ’ਚ ਨਸ਼ਾ ਵਿਰੋਧੀ ਚੱਲੀ ਲੋਕ ਲਹਿਰ ਦਾ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ। ਅੱਜ ਨਸ਼ਾ ਸਮੱਗਲਿੰਗ ਦਾ ਅੱਡਾ ਮੰਨੀ ਜਾਂਦੀ ਟਰੱਕ ਯੂਨੀਅਨ ਦੀ ਬੈਕਸਾਈਡ ਕੋਲ ਉਸ ਵਕਤ ਹੰਗਾਮਾ ਹੋ ਗਿਆ ਜਦ ਗੁੱਸੇ ’ਚ ਆਈਆਂ ਭਾਰੀ ਗਿਣਤੀ ਅੌਰਤਾਂ ਨੇ ਨਸ਼ਾ ਵੇਚੇ ਜਾਣ ਦੇ ਸ਼ੱਕ ’ਚ ਇਕ ਡਾਕਟਰੀ ਦੇ ਧੰਦੇ ਦੀ ਆਡ਼ ’ਚ ਚੱਲ ਰਹੀ ਦੁਕਾਨ ਅੰਦਰ ਮੌਜੂਦ 2 ਵਿਅਕਤੀਆਂ ਸਮੇਤ ਦੁਕਾਨ ਚਲਾਉਣ ਵਾਲੀ ਅੌਰਤ ਨੂੰ ਘੇਰਾ ਪਾ ਲਿਆ। ਦੁਕਾਨ ਘੇਰਨ ਉਪਰੰਤ ਇਕੱਠੀਆਂ ਹੋਈਆਂ ਅੌਰਤਾਂ ਨੇ ‘ਇਨਕਾਲਬ ਜਿੰਦਾਬਾਦ’ ਨਸ਼ਾ ਵਿਰੋਧੀ ਮੁਹਿੰਮ ਦੇ ਬਾਨੀ ਬਾਬਾ ਦਵਿੰਦਰ ਸਿੰਘ ਨੂੰ ਫੋਨ ਕੀਤਾ ਕਿ ਇਕ ਦੁਕਾਨ ਅੰਦਰ ਨਸ਼ੇ ਦਾ ਸਾਮਾਨ ਵੇਚਿਆ ਜਾ ਰਿਹਾ ਹੈ ਅਤੇ ਅਸੀਂ ਉਸ ਨੂੰ ਘੇਰ ਲਿਆ ਹੈ। ਜਿਸ ’ਤੇ ਬਾਬਾ ਜੀ ਨੇ ਡੀ.ਐੱਸ.ਪੀ. ਮੌਡ਼ ਅਤੇ ਥਾਣਾ ਮੌਡ਼ ਵਿਖੇ ਕਈ ਵਾਰ ਫੋਨ ਕੀਤੇ ਪਰ ਪੁਲਸ ਪ੍ਰਸ਼ਾਸਨ ਨੇ ਬਾਬਾ ਜੀ ਦਾ ਫੋਨ ਨਾ ਚੁੱਕਿਆ।
ਸੂਤਰਾਂ ਅਨੁਸਾਰ ਇਸੇ ਸਮੇਂ ਦੌਰਾਨ ਦੁਕਾਨ ’ਚ ਮੌਜੂਦ 2 ਸ਼ੱਕੀ ਵਿਅਕਤੀ ਘੇਰਾ ਪਾਉਣ ਵਾਲੀਆਂ ਅੌਰਤਾਂ ਨੂੰ ਧੱਕੇ ਮਾਰਦੇ ਹੋਏ, ਨਸ਼ੇ ਦੇ ਸਾਮਾਨ ਸਮੇਤ ਦੁਕਾਨ ਨੂੰ ਛੱਡ ਕੇ ਫਰਾਰ ਹੋ ਗਏ। ਇਸ ਮੌਕੇ ਨਸ਼ੇ ਦੀ ਦਲਦਲ ’ਚ ਫਸ ਚੁੱਕੇ ਕੁਝ ਨੌਜਵਾਨਾਂ ਰਵੀ ਸਿੰਘ, ਰਾਜਾ ਸਿੰਘ ਅਤੇ ਹਰਵਿੰਦਰ ਸਿੰਘ ਨੇ ਵੀ ਮੌਕੇ ’ਤੇ ਪੁੱਜ ਕੇ ਪੁਲਸ ਅਤੇ ਜਨਤਾ ਦੇ ਸਾਹਮਣੇ ਐਲਾਨ ਕੀਤਾ ਕਿ ਟਰੱਕ ਯੂਨੀਅਨ ਕੋਲ ਚਾਰ ਪੰਜ ਚਿੱਟੇ ਦੇ ਅੱਡੇ ਚਲਦੇ ਹਨ, ਅਤੇ ਕੁਝ ਪੁਲਸ ਮੁਲਾਜ਼ਮ ਸ਼ਰੇਆਮ ਇੱਥੇ ਆਉਂਦੇ ਹਨ ਅਤੇ ਆਪਣਾ ਹਿੱਸਾ ਪੱਤੀ ਲੈ ਕੇ ਵਾਪਸ ਚਲੇ ਜਾਂਦੇ ਹਨ। ਇਸ ਮੌਕੇ ਉਨ੍ਹਾਂ ਬਾਬਾ ਦਵਿੰਦਰ ਸਿੰਘ ਅਤੇ ਪੱਤਰਕਾਰਾਂ ਨੂੰ ਆਪਣੀਆਂ ਬਾਹਾਂ ਵੀ ਦਿਖਾਈਆਂ ਜੋ ਨਸ਼ੇ ਦੇ ਟੀਕਿਆਂ ਨਾਲ ਬਿੰਨ੍ਹੀਆਂ ਪਈਆਂ ਸਨ। ਉਨ੍ਹਾਂ ਪੁਲਸ ਦੀ ਮੌਜੂਦਗੀ ’ਚ ਇਹ ਐਲਾਨ ਵੀ ਕੀਤਾ ਕਿ ਅਸੀਂ ਅੱਜ ਸਵੇਰ ਸਮੇਂ ਹੀ ਇਸ ਦੁਕਾਨ ਤੋਂ ਨਸ਼ੇ ਦੇ ਟੀਕੇ ਅਤੇ ਗੋਲੀਆਂ ਲੈ ਕੇ ਗਏ ਹਾਂ। ਪਰ ਪੁਲਸ ਪ੍ਰਸ਼ਾਸਨ ਉਕਤ ਨੌਜਵਾਨਾਂ ਦੇ ਬਿਆਨਾਂ ਤੋਂ ਪਾਸਾ ਵੱਟਦਾ ਰਿਹਾ ਅਤੇ ਉਕਤ ਡਾਕਟਰ ਅੌਰਤ ਨੂੰ ਪੁੱਛਗਿੱਛ ਲਈ ਥਾਣਾ ਮੌਡ਼ ਵਿਖੇ ਲੈ ਗਿਆ।
ਇਸ ਸਬੰਧੀ ਐੱਸ.ਐੱਚ.ਓ. ਅੰਮ੍ਰਿਤਪਾਲ ਸਿੰਘ ਭਾਟੀ ਅਤੇ ਸਬ-ਇੰਸਪੈਕਟਰ ਬਲਜੀਤ ਸਿੰਘ ਨੇ ਦੱਸਿਆ ਕਿ ਸ਼ਿਕਾਇਤ ਦੇ ਅਧਾਰ ’ਤੇ ਅੌਰਤ ਪਰਮਜੀਤ ਕੌਰ ਦੀ ਦੁਕਾਨ ਦੀ ਜਾਂਚ ਕੀਤੀ ਗਈ ਜਿੱਥੇ ਕੋਈ ਇਤਰਾਜ਼ਯੋਗ ਚੀਜ਼ ਤਾਂ ਨਹੀਂ ਮਿਲੀ ਪਰ ਜੋ ਦਵਾਈ ਮਿਲੀ ਹੈ ਉਸਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਉਕਤ ਅੌਰਤ ਦੀ ਡਿਗਰੀ ਦੀ ਵੀ ਜਾਂਚ ਕਰਵਾਈ ਜਾਵੇਗੀ।
ਨਸ਼ੇ ਲਈ ਪੈਸੇ ਨਾ ਮਿਲਣ ’ਤੇ ਝੀਲ ’ਚ ਮਾਰੀ ਛਾਲ
NEXT STORY 
