ਸਪੋਰਟਸ ਡੈਸਕ- ਭਾਰਤ ਦੀ ਸਟਾਰ ਸ਼ਟਲਰ ਪੀਵੀ ਸਿੰਧੂ ਆਲ ਇੰਗਲੈਂਡ ਓਪਨ ਤੋਂ ਬਾਹਰ ਹੋ ਗਈ ਹੈ। ਸਿੰਧੂ ਪਹਿਲੇ ਦੌਰ ਵਿੱਚ ਹੀ ਹਾਰ ਗਈ। ਮਹਿਲਾ ਸਿੰਗਲਜ਼ ਦੇ 39 ਮਿੰਟ ਤੱਕ ਚੱਲੇ ਮੁਕਾਬਲੇ ਵਿੱਚ ਸਿੰਧੂ ਨੂੰ ਝਾਂਗ ਯੀ ਮਾਨ ਤੋਂ 17-21, 11-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਦੂਜੇ ਪਾਸੇ ਲਕਸ਼ਯ ਸੇਨ ਅਤੇ ਐਚਐਸ ਪ੍ਰਣਯ ਨੇ ਸਖ਼ਤ ਮੁਕਾਬਲੇ ਵਿੱਚ ਸਿੱਧੇ ਗੇਮ ਜਿੱਤ ਕੇ ਪੁਰਸ਼ ਸਿੰਗਲਜ਼ ਦੇ ਦੂਜੇ ਦੌਰ ਵਿੱਚ ਪ੍ਰਵੇਸ਼ ਕੀਤਾ।
ਸਿੰਧੂ ਨੇ 2023 ਸੀਜ਼ਨ ਦੀ ਖਰਾਬ ਸ਼ੁਰੂਆਤ ਤੋਂ ਬਾਅਦ ਮਹਿਲਾ ਸਿੰਗਲਜ਼ ਟੂਰਨਾਮੈਂਟ 'ਚ ਪ੍ਰਵੇਸ਼ ਕੀਤਾ ਸੀ। ਉਹ ਆਪਣੇ ਕੋਚ ਪਾਰਕ ਤਾਏ ਸੰਗ ਤੋਂ ਵੱਖ ਹੋ ਗਈ ਹੈ। ਝਾਂਗ ਦੇ ਖਿਲਾਫ, ਇੱਕ ਵੱਡਾ ਇਵੈਂਟ ਜਿੱਥੇ ਉਸਦਾ ਰਿਕਾਰਡ ਬਹੁਤ ਵਧੀਆ ਨਹੀਂ ਹੈ, ਉਹ ਸ਼ੁਰੂਆਤ ਤੋਂ ਲੈਅ 'ਚ ਨਹੀਂ ਦਿਖਾਈ ਦਿੱਤੀ। ਝਾਂਗ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਬੀਡਬਲਿਊਐਫ ਵਿਸ਼ਵ ਟੂਰ ਦੇ ਪਹਿਲੇ ਦੌਰ ਵਿੱਚ ਉਸ ਨੂੰ ਹਰਾਇਆ ਸੀ।
ਟੂਰਨਾਮੈਂਟ ਵਿੱਚ ਭਾਰਤ ਦੇ 15 ਖਿਡਾਰੀ ਹਿੱਸਾ ਲੈ ਰਹੇ ਹਨ। ਇੰਗਲੈਂਡ ਚੈਂਪੀਅਨਸ਼ਿਪ ਬੈਡਮਿੰਟਨ ਦੇ ਸਭ ਤੋਂ ਵੱਡੇ ਟੂਰਨਾਮੈਂਟਾਂ ਵਿੱਚੋਂ ਇੱਕ ਹੈ। ਇਹ ਦੁਨੀਆ ਦਾ ਸਭ ਤੋਂ ਪੁਰਾਣਾ ਟੂਰਨਾਮੈਂਟ ਵੀ ਹੈ। ਇਹ ਪਹਿਲੀ ਵਾਰ 1899 ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਭਾਰਤੀ ਟੀਮ ਤੋਂ ਹੁਣ ਤੱਕ ਭਾਰਤੀ ਖਿਡਾਰੀ ਇਸ ਟੂਰਨਾਮੈਂਟ ਵਿੱਚ ਸਿਰਫ਼ ਦੋ ਵਾਰ ਹੀ ਜਿੱਤੇ ਹਨ। ਆਖਰੀ ਵਾਰ ਇਹ 2001 ਵਿੱਚ ਪੁਲੇਲਾ ਗੋਪੀਚੰਦ ਨੇ ਜਿੱਤਿਆ ਸੀ। ਇਹ 1980 ਵਿੱਚ ਪਹਿਲੀ ਵਾਰ ਭਾਰਤ ਤੋਂ ਪ੍ਰਕਾਸ਼ ਪਾਦੂਕੋਣ ਨੇ ਜਿੱਤਿਆ ਸੀ। ਹਾਲਾਂਕਿ ਪੀਵੀ ਸਿੰਧੂ ਸਾਲ 2015 ਵਿੱਚ ਅਤੇ ਲਕਸ਼ੈ ਸੇਨ ਸਾਲ 2022 ਵਿੱਚ ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਪਹੁੰਚ ਚੁੱਕੇ ਹਨ, ਪਰ ਜਿੱਤ ਨਹੀਂ ਸਕੇ।
WPL 2023 : ਗੁਜਰਾਤ ਨੇ ਦਿੱਲੀ ਨੂੰ ਦਿੱਤਾ 148 ਦੌੜਾਂ ਦਾ ਟੀਚਾ
NEXT STORY 
