ਸਪੋਰਟਸ ਡੈਸਕ : ਭਾਰਤੀ ਕ੍ਰਿਕਟ ਟੀਮ ਏਸ਼ੀਆਈ ਖੇਡਾਂ 2023 ਵਿੱਚ ਸੈਮੀਫਾਈਨਲ ਵਿੱਚ ਪਹੁੰਚ ਗਈ ਹੈ। ਅੱਜ (3 ਅਕਤੂਬਰ) ਹੋਏ ਕੁਆਰਟਰ ਫਾਈਨਲ ਮੈਚ ਵਿੱਚ ਭਾਰਤ ਨੇ ਨੇਪਾਲ ਨੂੰ 23 ਦੌੜਾਂ ਨਾਲ ਹਰਾ ਕੇ ਆਖਰੀ ਚਾਰ ਵਿੱਚ ਪ੍ਰਵੇਸ਼ ਕੀਤਾ। ਭਾਰਤੀ ਟੀਮ ਦੀ ਜਿੱਤ ਦੇ ਹੀਰੋ ਯਸ਼ਸਵੀ ਜਾਇਸਵਾਲ ਰਹੇ, ਜਿਨ੍ਹਾਂ ਨੇ ਤੇਜ਼ ਸੈਂਕੜਾ ਜੜ ਕੇ ਟੀਮ ਇੰਡੀਆ ਨੂੰ 200 ਦਾ ਅੰਕੜਾ ਪਾਰ ਕਰਨ ਦਾ ਆਧਾਰ ਦਿੱਤਾ।
ਚੀਨ ਦੇ ਹਾਂਗਜ਼ੂ ਸ਼ਹਿਰ ਵਿੱਚ ਖੇਡੇ ਗਏ ਇਸ ਮੈਚ ਵਿੱਚ ਭਾਰਤੀ ਕਪਤਾਨ ਰੁਤੁਰਾਜ ਗਾਇਕਵਾੜ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਭਾਰਤੀ ਟੀਮ ਨੇ ਜ਼ਬਰਦਸਤ ਸ਼ੁਰੂਆਤ ਕੀਤੀ ਤੇ ਪਹਿਲੀ ਵਿਕਟ ਲਈ ਯਸ਼ਸਵੀ ਤੇ ਰੁਤੁਰਾਜ ਵਿਚਾਲੇ 103 ਦੌੜਾਂ ਦੀ ਸਾਂਝੇਦਾਰੀ ਹੋਈ। ਇੱਥੇ ਰੁਤੁਰਾਜ 23 ਗੇਂਦਾਂ 'ਤੇ 25 ਦੌੜਾਂ ਬਣਾ ਕੇ ਆਊਟ ਹੋ ਗਏ।
ਇਹ ਵੀ ਪੜ੍ਹੋ : 5 ਅਕਤੂਬਰ ਤੋਂ ਸ਼ੁਰੂ ਹੋ ਰਿਹੈ ਵਿਸ਼ਵ ਕੱਪ 2023, ਜਾਣੋ ਕ੍ਰਿਕਟ ਦੇ ਇਸ ਮਹਾਕੁੰਭ ਬਾਰੇ ਸਭ ਕੁਝ
ਇਸ ਤੋਂ ਬਾਅਦ ਭਾਰਤ ਨੇ ਜਲਦੀ ਹੀ ਤਿਲਕ ਵਰਮਾ (2) ਤੇ ਵਿਕਟਕੀਪਰ ਜਿਤੇਸ਼ ਸ਼ਰਮਾ (5) ਨੂੰ ਗੁਆ ਦਿੱਤਾ। ਹਾਲਾਂਕਿ ਦੂਜੇ ਸਿਰੇ ਤੋਂ ਯਸ਼ਸਵੀ ਦੀ ਧਮਾਕੇਦਾਰ ਬੱਲੇਬਾਜ਼ੀ ਜਾਰੀ ਰਹੀ। ਯਸ਼ਸਵੀ ਜਾਇਸਵਾਲ 49 ਗੇਂਦਾਂ ਵਿੱਚ 100 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਅੰਤ ਵਿੱਚ ਸ਼ਿਵਮ ਦੂਬੇ (25) ਅਤੇ ਰਿੰਕੂ ਸਿੰਘ (37) ਨੇ ਸ਼ਾਨਦਾਰ ਪਾਰੀਆਂ ਖੇਡੀਆਂ ਤੇ ਭਾਰਤੀ ਟੀਮ ਨੂੰ 202 ਦੌੜਾਂ ਤੱਕ ਪਹੁੰਚਾਇਆ।
ਨੇਪਾਲ ਨੇ ਜ਼ਬਰਦਸਤ ਟੱਕਰ ਦਿੱਤੀ
ਨੇਪਾਲ ਨੇ 203 ਦੌੜਾਂ ਦੇ ਵੱਡੇ ਟੀਚੇ ਦਾ ਸਾਵਧਾਨੀ ਨਾਲ ਪਿੱਛਾ ਕੀਤਾ। ਸਲਾਮੀ ਜੋੜੀ ਨੇ ਟੀਮ ਨੂੰ ਚੰਗੀ ਸ਼ੁਰੂਆਤ ਦਿੱਤੀ। ਕੁਸ਼ਲ ਭੁਰਤਲ ਤੇ ਆਸਿਫ ਸ਼ੇਖ ਨੇ ਪਹਿਲੀ ਵਿਕਟ ਲਈ 29 ਦੌੜਾਂ ਜੋੜੀਆਂ। ਆਸਿਫ 10 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਭੁਰਤਲ ਨੇ 28 ਦੌੜਾਂ ਦੀ ਪਾਰੀ ਖੇਡੀ।
ਤੀਜੇ ਸਥਾਨ 'ਤੇ ਆਈ ਕੁਸ਼ਲ ਮਾਲਾ ਨੇ ਵੀ 29 ਦੌੜਾਂ ਬਣਾਈਆਂ। ਹਾਲਾਂਕਿ ਇਸ ਦੌਰਾਨ ਨੇਪਾਲ ਦੀ ਰਨ-ਰੇਟ 7 ਦੇ ਨਜ਼ਦੀਕ ਰਹੀ। ਟਾਪ-3 ਦੇ ਪਵੇਲੀਅਨ ਪਰਤਣ ਤੋਂ ਬਾਅਦ ਕਪਤਾਨ ਰੋਹਿਤ ਪੌਡੇਲ (3) ਵੀ ਜਲਦੀ ਹੀ ਪੈਵੇਲੀਅਨ ਪਰਤ ਗਿਆ। ਇਸ ਦੌਰਾਨ ਨੇਪਾਲ ਦਾ ਸਕੋਰ 11 ਓਵਰਾਂ ਵਿੱਚ 77/4 ਸੀ।
ਇਹ ਵੀ ਪੜ੍ਹੋ : ਪਾਕਿ 'ਚ ਮੌਲਵੀਆਂ ਨੇ ਕੁੜੀਆਂ ਨੂੰ ਕ੍ਰਿਕਟ ਖੇਡਣ ਤੋਂ ਰੋਕਿਆ, ਕਿਹਾ- ਉਨ੍ਹਾਂ ਦਾ ਖੇਡਣਾ 'ਗ਼ਲਤ' ਹੈ
ਇੱਥੋਂ ਦੀਪੇਂਦਰ ਨੇ 15 ਗੇਂਦਾਂ 'ਤੇ 32 ਦੌੜਾਂ ਬਣਾਈਆਂ ਤੇ ਸੰਦੀਪ ਨੇ 12 ਗੇਂਦਾਂ 'ਤੇ 29 ਦੌੜਾਂ ਬਣਾ ਕੇ ਨੇਪਾਲ ਲਈ ਵਾਪਸੀ ਕੀਤੀ। ਕਰਨ ਨੇ ਹੇਠਲੇ ਕ੍ਰਮ ਵਿੱਚ ਵੀ 18 ਦੌੜਾਂ ਬਣਾਈਆਂ। ਹਾਲਾਂਕਿ ਇਨ੍ਹਾਂ ਤਿੰਨਾਂ ਦੀ ਪਾਰੀ ਨੇਪਾਲ ਨੂੰ ਜਿੱਤ ਨਹੀਂ ਦਿਵਾ ਸਕੀ ਕਿਉਂਕਿ ਪੂਛ ਦੇ ਬੱਲੇਬਾਜ਼ ਜ਼ਿਆਦਾ ਦੇਰ ਤੱਕ ਪਿੱਚ 'ਤੇ ਟਿਕ ਨਹੀਂ ਸਕੇ। ਅੰਤ ਵਿੱਚ ਨੇਪਾਲ ਦੀ ਟੀਮ 20 ਓਵਰਾਂ ਵਿੱਚ 9 ਵਿਕਟਾਂ ਗੁਆ ਕੇ 179 ਦੌੜਾਂ ਹੀ ਬਣਾ ਸਕੀ। ਭਾਰਤ ਲਈ ਰਵੀ ਬਿਸ਼ਨੋਈ ਅਤੇ ਅਵੇਸ਼ ਖਾਨ ਨੇ 3-3 ਵਿਕਟਾਂ ਹਾਸਲ ਕੀਤੀਆਂ। ਅਰਸ਼ਦੀਪ ਸਿੰਘ ਨੇ ਵੀ 2 ਵਿਕਟਾਂ ਲਈਆਂ। ਸਾਈ ਕਿਸ਼ੋਰ ਨੂੰ ਇਕ ਵਿਕਟ ਮਿਲੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
ਏਸ਼ੀਆਈ ਖੇਡਾਂ : ਭਾਰਤ ਦੇ ਤਮਗਿਆਂ ਦੀ ਗਿਣਤੀ 'ਚ ਵਾਧਾ, ਜਾਣੋ ਹੁਣ ਤੱਕ ਮੈਡਲ ਟੈਲੀ ਦਾ ਹਾਲ
NEXT STORY 
