ਸਪੋਰਟਸ ਡੈਸਕ : ਕ੍ਰਿਕਟ ਦੀ ਦੁਨੀਆ 'ਚ ਬੱਲੇਬਾਜ਼ ਦੇ ਰੂਪ 'ਚ ਮਸ਼ਹੂਰ ਵਰਿੰਦਰ ਸਹਿਵਾਗ ਅੱਜ ਆਪਣਾ 44ਵਾਂ ਜਨਮਦਿਨ ਮਨਾ ਰਹੇ ਹਨ। ਸਹਿਵਾਗ ਦਾ ਜਨਮ 20 ਅਕਤੂਬਰ 1978 ਨੂੰ ਹਰਿਆਣਾ 'ਚ ਹੋਇਆ ਸੀ। ਉਹ ਇੱਕ ਸਧਾਰਨ ਪਰਿਵਾਰ ਵਿੱਚ ਪੈਦਾ ਹੋਏ ਸਨ, ਪਰ ਉਸਨੇ ਕ੍ਰਿਕਟ ਦੇ ਜ਼ਰੀਏ ਆਪਣੀ ਪਛਾਣ ਬਣਾਈ। ਉਸਦੇ ਪਿਤਾ ਕ੍ਰਿਸ਼ਨ ਸਹਿਵਾਗ ਇੱਕ ਅਨਾਜ ਵਪਾਰੀ ਸਨ ਅਤੇ ਉਸਦੀ ਮਾਂ ਇੱਕ ਘਰੇਲੂ ਔਰਤ ਹੈ। ਸਹਿਵਾਗ ਦੀਆਂ ਦੋ ਵੱਡੀਆਂ ਭੈਣਾਂ ਅੰਜੂ ਅਤੇ ਮੰਜੂ ਅਤੇ ਇੱਕ ਛੋਟਾ ਭਰਾ ਵਿਨੋਦ ਸਹਿਵਾਗ ਹੈ।
ਇਹ ਵੀ ਪੜ੍ਹੋ : ਅੰਡਰ-23 ਵਿਸ਼ਵ: ਗ੍ਰੀਕੋ ਰੋਮਨ ਮੈਡਲ ਜਿੱਤਣ ਵਾਲੇ ਦੂਜੇ ਭਾਰਤੀ ਬਣੇ ਵਿਕਾਸ
ਸਹਿਵਾਗ ਨੇ ਦਿੱਲੀ ਦੇ ਵਿਕਾਸਪੁਰੀ 'ਚ ਸਥਿਤ ਕੋਚਿੰਗ ਸੈਂਟਰ 'ਚ ਕੋਚ ਏ. ਐੱਨ. ਸ਼ਰਮਾ ਤੋਂ ਕ੍ਰਿਕਟ ਦੇ ਗੁਣ ਸਿੱਖੇ। ਕ੍ਰਿਕਟ ਖੇਡਦੇ ਹੋਏ 12 ਸਾਲ ਦੀ ਉਮਰ 'ਚ ਵਰਿੰਦਰ ਦਾ ਦੰਦ ਟੁੱਟ ਗਿਆ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਪਿਤਾ ਨੇ ਉਨ੍ਹਾਂ 'ਤੇ ਕ੍ਰਿਕਟ ਖੇਡਣ 'ਤੇ ਪਾਬੰਦੀ ਲਗਾ ਦਿੱਤੀ ਸੀ ਪਰ ਫਿਰ ਵੀ ਉਹ ਨਹੀਂ ਮੰਨੇ ਅਤੇ ਸਹਿਵਾਗ ਨੇ ਉਨ੍ਹਾਂ ਨੂੰ ਮਨਾ ਕੇ ਹੀ ਸਾਹ ਲਿਆ ਤੇ ਕ੍ਰਿਕਟ ਦੀ ਦੁਨੀਆ 'ਚ ਆਪਣੀ ਪਛਾਣ ਬਣਾਈ।
ਵਰਿੰਦਰ ਸਹਿਵਾਗ ਦਾ ਕ੍ਰਿਕਟ ਕਰੀਅਰ
104 ਟੈਸਟ ਮੈਚਾਂ 'ਚ ਸਹਿਵਾਗ ਨੇ 8,586 ਦੌੜਾਂ ਬਣਾਈਆਂ ਹਨ, ਜਿਸ 'ਚ ਉਸ ਨੇ 23 ਸੈਂਕੜੇ ਅਤੇ 32 ਅਰਧ ਸੈਂਕੜੇ ਲਗਾਏ ਹਨ। ਟੈਸਟ ਕ੍ਰਿਕਟ ਵਿੱਚ ਉਨ੍ਹਾਂ ਦੀ ਔਸਤ 49.34 ਰਹੀ।
ਸਹਿਵਾਗ ਨੇ ਸੀਮਤ ਓਵਰਾਂ ਦੀ ਕ੍ਰਿਕਟ ਵਿੱਚ ਵੀ ਆਪਣੀ ਤਾਕਤ ਦਿਖਾਈ। 251 ਵਨਡੇ ਮੈਚ ਖੇਡਣ ਵਾਲੇ ਸਹਿਵਾਗ ਨੇ ਵਨਡੇ 'ਚ 15 ਸੈਂਕੜੇ ਅਤੇ 38 ਅਰਧ ਸੈਂਕੜੇ ਦੀ ਮਦਦ ਨਾਲ 8,273 ਦੌੜਾਂ ਬਣਾਈਆਂ ਹਨ। ਵਨਡੇ ਵਿੱਚ ਉਸਦੀ ਔਸਤ 35.4 ਰਹੀ।
ਕ੍ਰਿਕਟ ਦੇ ਸਭ ਤੋਂ ਛੋਟੇ ਫਾਰਮੈਟ ਟੀ-20 ਵਿੱਚ ਉਸ ਨੇ 18 ਮੈਚਾਂ ਵਿੱਚ 21.9 ਦੀ ਔਸਤ ਨਾਲ 394 ਦੌੜਾਂ ਬਣਾਈਆਂ।
ਵਰਿੰਦਰ ਸਹਿਵਾਗ ਦੇ ਰਿਕਾਰਡ
ਸਹਿਵਾਗ ਟੈਸਟ ਕ੍ਰਿਕਟ ਵਿੱਚ ਭਾਰਤੀ ਟੀਮ ਲਈ ਪੰਜਵੇਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਹਨ। ਸਹਿਵਾਗ ਨੇ ਟੈਸਟ 'ਚ 8,586 ਦੌੜਾਂ ਬਣਾਈਆਂ ਹਨ।
ਸਹਿਵਾਗ ਟੈਸਟ ਵਿੱਚ ਪੰਜਵੇਂ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਵਾਲੇ ਭਾਰਤੀ ਬੱਲੇਬਾਜ਼ ਵੀ ਹਨ। ਸਹਿਵਾਗ ਦੇ ਨਾਂ 23 ਸੈਂਕੜੇ ਹਨ।
ਇਸ ਤੋਂ ਇਲਾਵਾ ਸਹਿਵਾਗ ਟੈਸਟ 'ਚ 8,500 ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਪੰਜਵੇਂ ਭਾਰਤੀ ਵੀ ਹਨ।
ਸਭ ਤੋਂ ਘੱਟ ਗੇਂਦਾਂ (278 ਗੇਂਦਾਂ) ਵਿੱਚ ਤਿਹਰਾ ਸੈਂਕੜਾ ਲਗਾਉਣ ਦਾ ਰਿਕਾਰਡ ਸਹਿਵਾਗ ਦੇ ਨਾਮ ਹੈ।
ਸਹਿਵਾਗ ਭਾਰਤ ਦਾ ਇਕਲੌਤਾ ਅਜਿਹਾ ਖਿਡਾਰੀ ਹੈ ਜਿਸ ਨੇ ਟੈਸਟ 'ਚ ਦੋ ਵਾਰ ਤਿਹਰੇ ਸੈਂਕੜੇ ਲਗਾਏ ਹਨ।
ਪਾਕਿਸਤਾਨ ਵਿੱਚ "ਮੁਲਤਾਨ ਦਾ ਸੁਲਤਾਨ" ਦਾ ਖਿਤਾਬ ਮਿਲਿਆ
ਵਰਿੰਦਰ ਸਹਿਵਾਗ ਨੇ ਕਈ ਯਾਦਗਾਰ ਪਾਰੀਆਂ ਖੇਡੀਆਂ ਪਰ ਪਾਕਿਸਤਾਨ ਦੇ ਮੁਲਤਾਨ 'ਚ ਖੇਡੀ ਗਈ 309 ਦੌੜਾਂ ਦੀ ਉਨ੍ਹਾਂ ਦੀ ਪਾਰੀ ਕੁਝ ਖਾਸ ਹੈ। ਇਸ ਤਿਹਰੇ ਸੈਂਕੜੇ ਨਾਲ ਸਹਿਵਾਗ ਨੂੰ 'ਮੁਲਤਾਨ ਦੇ ਸੁਲਤਾਨ' ਦਾ ਖਿਤਾਬ ਹਾਸਲ ਕੀਤਾ। ਸਹਿਵਾਗ ਨੇ ਸ਼ੋਏਬ ਅਖਤਰ ਦੀ ਗੇਂਦ 'ਤੇ ਛੱਕਾ ਲਗਾ ਕੇ ਆਪਣਾ ਤਿਹਰਾ ਸੈਂਕੜਾ ਪੂਰਾ ਕੀਤਾ। ਸਹਿਵਾਗ ਨੇ ਇਹ ਤੀਹਰਾ ਸੈਂਕੜਾ 2004 ਵਿੱਚ ਬਣਾਇਆ ਸੀ, ਜਦੋਂ ਭਾਰਤੀ ਟੀਮ ਨੇ ਤਿੰਨ ਟੈਸਟ ਅਤੇ ਪੰਜ ਇੱਕ ਰੋਜ਼ਾ ਮੈਚਾਂ ਲਈ ਪਾਕਿਸਤਾਨ ਦਾ ਦੌਰਾ ਕੀਤਾ ਸੀ।
ਵਨਡੇ 'ਚ ਵੀ ਦੋਹਰਾ ਸੈਂਕੜਾ ਲਗਾਇਆ
ਸਹਿਵਾਗ ਟੈਸਟ 'ਚ ਦੋ ਤਿਹਰੇ ਸੈਂਕੜੇ ਲਗਾਉਣ ਵਾਲੇ ਇਕਲੌਤੇ ਭਾਰਤੀ ਖਿਡਾਰੀ ਹਨ। ਵਨਡੇ ਦੀ ਗੱਲ ਕਰੀਏ ਤਾਂ ਵਰਿੰਦਰ ਸਹਿਵਾਗ ਨੇ ਵਨਡੇ 'ਚ ਵੀ ਦੋਹਰਾ ਸੈਂਕੜਾ ਲਗਾਇਆ ਹੈ। ਸਹਿਵਾਗ ਨੇ ਵਨਡੇ 'ਚ ਵੈਸਟਇੰਡੀਜ਼ ਖਿਲਾਫ 219 ਦੌੜਾਂ ਦੀ ਪਾਰੀ ਖੇਡੀ ਸੀ। ਸਹਿਵਾਗ ਤੋਂ ਇਲਾਵਾ ਸਚਿਨ ਤੇਂਦੁਲਕਰ ਅਤੇ ਰੋਹਿਤ ਸ਼ਰਮਾ ਨੇ ਭਾਰਤ ਲਈ ਵਨਡੇ 'ਚ ਦੋਹਰੇ ਸੈਂਕੜੇ ਲਗਾਏ ਹਨ।
ਇਹ ਵੀ ਪੜ੍ਹੋ : ਟੀ-20 ਵਿਸ਼ਵ ਕੱਪ 2022 ਦੌਰਾਨ ਵਿਰਾਟ ਕੋਹਲੀ ਤੋੜ ਸਕਦੇ ਹਨ ਤਿੰਨ ਵੱਡੇ ਰਿਕਾਰਡ
ਨੋਟ : ਇਸ ਖ਼ਬਰ ਬਾਰੇ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।
ਅੰਡਰ-23 ਵਿਸ਼ਵ: ਗ੍ਰੀਕੋ ਰੋਮਨ ਮੈਡਲ ਜਿੱਤਣ ਵਾਲੇ ਦੂਜੇ ਭਾਰਤੀ ਬਣੇ ਵਿਕਾਸ
NEXT STORY 
