ਦੁਬਈ : ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ਆਈ. ਸੀ. ਸੀ.) ਨੇ ਅਗਲੇ ਮਹੀਨੇ ਆਸਟਰੇਲੀਆ ਵਿੱਚ ਹੋਣ ਵਾਲੇ ਆਈ. ਸੀ. ਸੀ. ਪੁਰਸ਼ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਵੀਰਵਾਰ ਨੂੰ ਸਾਰੀਆਂ 16 ਟੀਮਾਂ ਲਈ ਅਭਿਆਸ (ਵਾਰਮ-ਅਪ) ਮੈਚਾਂ ਦਾ ਐਲਾਨ ਕੀਤਾ ਹੈ। ਆਈ. ਸੀ. ਸੀ. ਨੇ ਕਿਹਾ ਕਿ ਇਹ ਸਾਰੇ ਮੈਚ ਬ੍ਰਿਸਬੇਨ ਅਤੇ ਮੈਲਬੋਰਨ ਵਿੱਚ ਖੇਡੇ ਜਾਣਗੇ।
ਇਹ ਵੀ ਪੜ੍ਹੋ : ਨੇਪਾਲ ਦੇ ਕ੍ਰਿਕਟ ਕਪਤਾਨ 'ਤੇ ਲੱਗਾ ਜਬਰ ਜ਼ਿਨਾਹ ਦਾ ਇਲਜ਼ਾਮ, ਜਾਣੋ ਖਿਡਾਰੀ ਦੀ ਪ੍ਰਤੀਕਿਰਿਆ
ਪਹਿਲੇ ਦੌਰ ਦੀਆਂ ਟੀਮਾਂ 10 ਅਤੇ 13 ਅਕਤੂਬਰ ਨੂੰ ਮੈਲਬੌਰਨ ਕ੍ਰਿਕਟ ਗਰਾਊਂਡ ਅਤੇ ਜੰਕਸ਼ਨ ਓਵਲ ਵਿੱਚ ਆਪਣੇ ਅਭਿਆਸ ਮੈਚ ਖੇਡਣਗੀਆਂ। ਸੁਪਰ-12 ਦੌਰ ਲਈ ਸਿੱਧੇ ਕੁਆਲੀਫਾਈ ਕਰਨ ਵਾਲੀਆਂ ਟੀਮਾਂ ਭਾਰਤ ਸਮੇਤ ਬ੍ਰਿਸਬੇਨ ਦੇ ਗਾਬਾ ਵਿਖੇ 17 ਅਤੇ 19 ਅਕਤੂਬਰ ਨੂੰ ਆਪਣੇ ਅਭਿਆਸ ਮੈਚ ਖੇਡਣਗੀਆਂ। ਪਹਿਲਾ ਅਭਿਆਸ ਮੈਚ ਵੈਸਟਇੰਡੀਜ਼ ਅਤੇ ਸੰਯੁਕਤ ਅਰਬ ਅਮੀਰਾਤ ਵਿਚਾਲੇ 10 ਅਕਤੂਬਰ ਨੂੰ ਜੰਕਸ਼ਨ ਓਵਲ 'ਚ ਖੇਡਿਆ ਜਾਵੇਗਾ।
ਇਹ ਵੀ ਪੜ੍ਹੋ : ਕ੍ਰਿਕਟ ਮੈਚ ਮਗਰੋਂ ਆਪਸ 'ਚ ਭਿੜੇ ਪਾਕਿ-ਅਫਗਾਨ ਟੀਮਾਂ ਦੇ ਪ੍ਰਸ਼ੰਸਕ, ਜੰਮ ਕੇ ਚੱਲੀਆਂ ਕੁਰਸੀਆਂ (ਵੀਡੀਓ)
ਭਾਰਤੀ ਟੀਮ ਆਪਣਾ ਪਹਿਲਾ ਮੈਚ 17 ਅਕਤੂਬਰ ਨੂੰ ਆਸਟ੍ਰੇਲੀਆ ਖਿਲਾਫ ਖੇਡੇਗੀ। ਰੋਹਿਤ ਸ਼ਰਮਾ ਦੀ ਟੀਮ ਦੋ ਦਿਨ ਬਾਅਦ 19 ਅਕਤੂਬਰ ਨੂੰ ਨਿਊਜ਼ੀਲੈਂਡ ਦਾ ਸਾਹਮਣਾ ਕਰੇਗੀ। ਆਈ. ਸੀ. ਸੀ. ਟੀ-20 ਪੁਰਸ਼ ਵਿਸ਼ਵ ਕੱਪ 16 ਅਕਤੂਬਰ ਨੂੰ ਸ਼੍ਰੀਲੰਕਾ ਬਨਾਮ ਨਾਮੀਬੀਆ ਨਾਲ ਸ਼ੁਰੂ ਹੋਵੇਗਾ। ਭਾਰਤ ਆਪਣਾ ਪਹਿਲਾ ਮੈਚ 23 ਅਕਤੂਬਰ ਨੂੰ ਪਾਕਿਸਤਾਨ ਨਾਲ ਖੇਡੇਗਾ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
FIH ਨੇ ਵਿਸ਼ਵ ਕੱਪ 2023 ਲਈ ਡਰਾਅ ਦਾ ਕੀਤਾ ਐਲਾਨ, ਪੂਲ-ਡੀ 'ਚ ਪਹੁੰਚਿਆ ਭਾਰਤ
NEXT STORY 
