ਸਪੋਰਟਸ ਡੈਸਕ- ਖੋ-ਖੋ ਭਾਰਤ ਦੀ ਇੱਕ ਰਵਾਇਤੀ ਅਤੇ ਮੈਦਾਨੀ ਖੇਡ ਹੈ। ਜਿਸ ਨੂੰ ਸਟ੍ਰੀਟ ਗੇਮ ਵੀ ਮੰਨਿਆ ਜਾਂਦਾ ਹੈ। ਅੱਜ ਅਸੀਂ ਖੋ-ਖੋ ਖਿਡਾਰੀ ਨਸਰੀਨ ਸ਼ੇਖ ਦੀ ਸਫਲਤਾ ਦੇ ਸਫਰ 'ਤੇ ਨਜ਼ਰ ਮਾਰਾਂਗੇ, ਜਿਸ ਨੂੰ ਅਰਜੁਨ ਪੁਰਸਕਾਰ ਲਈ ਨਾਮਜ਼ਦ ਕੀਤਾ ਗਿਆ ਹੈ।
ਪਿਤਾ ਵੇਚਦੇ ਹਨ ਭਾਂਡੇ
ਨਸਰੀਨ ਦੇ ਪਿਤਾ ਦਿੱਲੀ 'ਚ ਫੇਰੀ ਲਗਾ ਕੇ ਭਾਂਡੇ ਵੇਚਦੇ ਹਨ, ਨਸਰੀਨ ਦਾ ਬਚਪਨ ਆਰਥਿਕ ਤੰਗੀ 'ਚ ਬੀਤਿਆ, ਇਸ ਦੇ ਬਾਵਜੂਦ ਨਸਰੀਨ ਨੇ ਕਦੇ ਹਿੰਮਤ ਨਹੀਂ ਹਾਰੀ ਅਤੇ ਖੋ-ਖੋ ਦਾ ਰਾਹ ਚੁਣਿਆ। ਨਸਰੀਨ ਦਾ ਜਨਮ ਬਿਹਾਰ ਦੇ ਅਰਰੀਆ ਜ਼ਿਲ੍ਹੇ ਦੇ ਇੱਕ ਛੋਟੇ ਜਿਹੇ ਪਿੰਡ ਜੋਗਬਾਨੀ ਵਿੱਚ ਹੋਇਆ ਸੀ। ਨਸਰੀਨ ਦੇ ਪਿਤਾ ਮੁਹੰਮਦ ਗਫੂਰ ਸ਼ੇਖ ਨੇਪਾਲ ਦੇ ਬਿਰਾਟਨਗਰ ਵਿੱਚ ਇੱਕ ਸਟੀਲ ਫੈਕਟਰੀ ਵਿੱਚ ਕੰਮ ਕਰਦੇ ਸਨ। ਪਰ ਆਪਣੀ ਧੀ ਦੇ ਖੋ-ਖੋ ਦੇ ਜਨੂੰਨ ਅਤੇ ਉਤਸ਼ਾਹ ਨੂੰ ਦੇਖਦੇ ਹੋਏ, ਉਹ ਪੂਰੇ ਪਰਿਵਾਰ ਸਮੇਤ ਦਿੱਲੀ ਚਲੇ ਗਏ ਅਤੇ ਇੱਕ ਮਜ਼ਦੂਰ ਵਜੋਂ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਨਸਰੀਨ ਨੇ ਨਾ ਸਿਰਫ਼ ਆਪਣੇ ਸੁਫ਼ਨੇ ਪੂਰੇ ਕੀਤੇ ਸਗੋਂ ਆਪਣੇ ਪਿਤਾ ਦੀਆਂ ਉਮੀਦਾਂ ਨੂੰ ਵੀ ਪੂਰਾ ਕੀਤਾ।
ਇਹ ਵੀ ਪੜ੍ਹੋ- ਟੀਮ ਇੰਡੀਆ ਦਾ ‘ਮੈਂਟੋਰ’ ਬਣਨਾ ਚਾਹੁੰਦਾ ਹੈ ਯੁਵਰਾਜ ਸਿੰਘ
ਨਸਰੀਨ ਨੂੰ ਪਹਿਲੀ ਵਾਰ ਸਾਲ 2016 ਵਿੱਚ ਇੰਦੌਰ ਵਿੱਚ ਹੋਏ ਖੋ-ਖੋ ਚੈਂਪੀਅਨਸ਼ਿਪ ਲਈ ਚੁਣਿਆ ਗਿਆ ਸੀ। ਸਾਲ 2018 ਵਿੱਚ ਉਹ ਲੰਡਨ ਵਿੱਚ ਖੇਡੇ ਗਏ ਖੋ-ਖੋ ਚੈਂਪੀਅਨ ਟੂਰਨਾਮੈਂਟ ਵਿੱਚ ਪਹਿਲੀ ਭਾਰਤੀ ਖੋ-ਖੋ ਖਿਡਾਰਨ ਵਜੋਂ ਚੁਣੀ ਗਈ ਸੀ। ਨਸਰੀਨ ਦੀ ਕਪਤਾਨੀ 'ਚ ਭਾਰਤ ਨੇ 2019 'ਚ ਹੋਈਆਂ ਦੱਖਣੀ ਏਸ਼ੀਆਈ ਖੇਡਾਂ 'ਚ ਸੋਨ ਤਮਗਾ ਜਿੱਤਿਆ ਸੀ। ਹੁਣ ਤੱਕ ਨਸਰੀਨ 35 ਰਾਸ਼ਟਰੀ ਅਤੇ ਦੋ ਅੰਤਰਰਾਸ਼ਟਰੀ ਖੇਡਾਂ ਖੇਡ ਚੁੱਕੀ ਹੈ। ਇਸ ਤੋਂ ਇਲਾਵਾ ਨਸਰੀਨ ਏਸ਼ੀਆਈ ਖੇਡਾਂ 2016 ਅਤੇ 2018 'ਚ ਵੀ ਸ਼ਾਮਲ ਸੀ।
24 ਦਸੰਬਰ ਤੋਂ 13 ਜਨਵਰੀ ਤੱਕ ਉੜੀਸਾ ਦੇ ਕਟਕ 'ਚ ਹੋਣ ਵਾਲੇ 'ਅਲਟੀਮੇਟ ਖੋ-ਖੋ' ਟੂਰਨਾਮੈਂਟ ਦੌਰਾਨ ਦਰਸ਼ਕਾਂ ਨੂੰ ਖੋ-ਖੋ ਖਿਡਾਰਨ ਨਸਰੀਨ ਸ਼ੇਖ ਦੀ ਬਾਇਓਪਿਕ ਦਿਖਾਈ ਜਾਵੇਗੀ। ਖੋ-ਖੋ ਫੈਡਰੇਸ਼ਨ ਆਫ ਇੰਡੀਆ ਦੇ ਪ੍ਰਧਾਨ ਸੁਧਾਂਸ਼ੂ ਮਿੱਤਲ ਨੇ ਕਿਹਾ, ਨਸਰੀਨ ਉਸ ਵਿਅਕਤੀ ਦੀ ਮਿਸਾਲ ਹੈ ਜਿਸ ਨੇ ਹਿੰਮਤ ਨਹੀਂ ਹਾਰੀ। “ਖੋ-ਖੋ ਫੈਡਰੇਸ਼ਨ ਆਫ ਇੰਡੀਆ ਦਾ ਉਦੇਸ਼ ਦੇਸ਼ ਦੇ ਸਾਰੇ ਵਾਂਝੇ ਪਰਿਵਾਰਾਂ ਵਿੱਚੋਂ ਅਜਿਹੀਆਂ ਹੋਰ ਬਹੁਤ ਸਾਰੀਆਂ ਔਰਤਾਂ ਨੂੰ ਲੱਭਣਾ ਹੈ।
ਇਹ ਵੀ ਪੜ੍ਹੋ- ਸਾਬਕਾ ਭਾਰਤੀ ਕ੍ਰਿਕਟਰ ਸੌਰਭ ਗਾਂਗੁਲੀ ’ਤੇ ਬਣੇਗੀ ਬਾਇਓਪਿਕ
'ਅਲਟੀਮੇਟ ਖੋ-ਖੋ' ਟੂਰਨਾਮੈਂਟ 13 ਜਨਵਰੀ ਤੱਕ ਚੱਲੇਗਾ
ਅਲਟੀਮੇਟ ਖੋ-ਖੋ ਦਾ ਆਯੋਜਨ ਖੋ-ਖੋ ਫੈਡਰੇਸ਼ਨ ਆਫ ਇੰਡੀਆ ਦੇ ਸਹਿਯੋਗ ਨਾਲ ਅਮਿਤ ਬਰਮਨ ਦੁਆਰਾ ਕੀਤਾ ਜਾ ਰਿਹਾ ਹੈ। ਇਸਦੇ ਦੂਜੇ ਸੀਜ਼ਨ ਵਿੱਚ, ਛੇ ਟੀਮਾਂ 24 ਦਸੰਬਰ ਤੋਂ 13 ਜਨਵਰੀ ਤੱਕ ਖਿਤਾਬ ਲਈ ਮੁਕਾਬਲਾ ਕਰ ਰਹੀਆਂ ਹਨ। 21 ਦਿਨ ਚੱਲਣ ਵਾਲੇ ਇਸ ਮੁਕਾਬਲੇ ਵਿੱਚ ਛੇ ਟੀਮਾਂ ਸ਼ਾਮਲ ਹਨ: ਓਡੀਸ਼ਾ ਜੁਗਰਨਾਟ, ਚੇਨਈ ਕਵਿੱਕ ਗਨਜ਼, ਗੁਜਰਾਤ ਜਾਇੰਟਸ, ਮੁੰਬਈ ਪਲੇਅਰਜ਼, ਰਾਜਸਥਾਨ ਵਾਰੀਅਰਜ਼ ਅਤੇ ਤੇਲਗੂ ਵਾਰੀਅਰਜ਼। ਲੀਗ ਵਿੱਚ 18 ਦਿਨਾਂ ਦੀ ਮਿਆਦ ਵਿੱਚ 30 ਮੈਚ ਹੋਣਗੇ, ਜਿਸ ਵਿੱਚ ਹਰੇਕ ਟੀਮ ਆਪਣੇ ਵਿਰੋਧੀਆਂ ਦਾ ਦੋ ਵਾਰ ਸਾਹਮਣਾ ਕਰੇਗੀ। ਇਸ ਸ਼ੁਰੂਆਤੀ ਪੜਾਅ ਦੀਆਂ ਚੋਟੀ ਦੀਆਂ 4 ਟੀਮਾਂ ਸੈਮੀਫਾਈਨਲ ਵਿੱਚ ਪਹੁੰਚਣਗੀਆਂ ਅਤੇ ਫਿਰ ਚੈਂਪੀਅਨ ਦਾ ਫੈਸਲਾ ਕੀਤਾ ਜਾਵੇਗਾ।
ਨਸਰੀਨ ਦੀ ਕਹਾਣੀ ਉਸ ਦੀ ਜ਼ੁਬਾਨੀ
ਨਸਰੀਨ ਕਹਿੰਦੀ ਹੈ, ''ਮੈਂ ਬਹੁਤ ਖੁਸ਼ ਹਾਂ ਕਿ ਮੇਰਾ ਨਾਂ ਇਸ ਵੱਕਾਰੀ ਪੁਰਸਕਾਰ ਲਈ ਸ਼ਾਮਲ ਕੀਤਾ ਗਿਆ ਹੈ। ਇਹ ਮਾਣ ਵਾਲੀ ਗੱਲ ਹੈ ਕਿ ਖੋ-ਖੋ ਨੂੰ ਅਰਜੁਨ ਐਵਾਰਡ ਦੀ ਸੂਚੀ ਵਿੱਚ ਥਾਂ ਮਿਲੀ ਹੈ। "ਖੋ-ਖੋ ਨੂੰ ਸਟ੍ਰੀਟ ਗੇਮ ਮੰਨਿਆ ਜਾਂਦਾ ਸੀ ਪਰ ਹੁਣ ਇਹ ਹੋਰ ਪ੍ਰਸਿੱਧ ਖੇਡਾਂ ਦੇ ਬਰਾਬਰ ਜਾਪਦਾ ਹੈ।" ਨਸਰੀਨ ਦੀ ਕਹਾਣੀ ਇੱਕ ਸ਼ਕਤੀਸ਼ਾਲੀ ਅਤੇ ਪ੍ਰੇਰਨਾਦਾਇਕ ਹੈ, ਜੋ ਹਰ ਕਿਸੇ ਨੂੰ ਖਾਸ ਕਰਕੇ ਮੁਸਲਿਮ ਕੁੜੀਆਂ ਨੂੰ ਉਮੀਦ ਅਤੇ ਹਿੰਮਤ ਦਿੰਦੀ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਅੰਤਰਰਾਸ਼ਟਰੀ ਕਬੱਡੀ ਕੋਚ ਅਤੇ ਕਬੱਡੀ ਖਿਡਾਰੀ ਦੇਵੀ ਦਿਆਲ ਸ਼ਰਮਾ ਦਾ ਹੋਇਆ ਦਿਹਾਂਤ
NEXT STORY 
