ਪੰਚਕੂਲਾ— ਦਬੰਗ ਦਿੱਲੀ ਨੇ ਪੁਨੇਰੀ ਪਲਟਨ ਨੂੰ ਐਤਵਾਰ ਖੇਡੇ ਗਏ ਪ੍ਰੋ ਕਬੱਡੀ ਸੀਜ਼ਨ-7 ਦੇ ਮੈਚ ਨੰਬਰ 113 'ਚ 60-40 ਤੋਂ ਹਾਰਦੇ ਹੋਏ ਸੈਮੀਫਾਈਨਲ 'ਚ ਆਪਣੀ ਜਗ੍ਹਾ ਪੱਕੀ ਕਰ ਲਈ। ਦਿੱਲੀ ਦੀ ਇਸ ਜਿੱਤ ਨਾਲ ਹੁਣ ਤੈਅ ਹੋ ਗਿਆ ਕਿ ਉਹ ਸੀਜ਼ਨ-7 'ਚ ਟਾਪ 2 'ਚ ਹੀ ਰਹੇਗੀ। ਦਿੱਲੀ ਦੀ ਇਸ ਧਮਾਕੇਦਾਰ ਜਿੱਤ ਦੇ ਹੀਰੋ ਇਕ ਵਾਰ ਫਿਰ ਰਹੇ ਐਕਸਪ੍ਰੈੱਸ (19 ਰੇਡ ਪੁਆਇੰਟਸ), ਜਿਸ ਨੇ ਲਗਾਤਾਰ 17ਵਾਂ ਸੁਪਰ-10 ਲਗਾਇਆ ਤੇ ਸਭ ਤੋਂ ਤੇਜ਼ 400 ਰੇਡ ਪੁਆਇੰਟਸ ਤਕ ਪਹੁੰਚਣ ਵਾਲੇ ਖਿਡਾਰੀ ਵੀ ਬਣ ਗਏ। ਨਵੀਨ ਦਾ ਸਾਥ ਨਿਭਾਇਆ ਚੰਦਰਨ ਰੰਜੀਤ (12 ਪੁਆਇੰਟਸ) ਤੇ ਡਿਫੈਂਸ 'ਚ ਹਾਈ ਫਾਈਵ ਦੇ ਨਾਲ ਰਵਿੰਦਰ ਪਹਲ (6 ਟੈਕਲ ਪੁਆਇੰਟਸ) ਨੇ।
ਪੁਨੇਰੀ ਪਲਟਨ ਵਲੋਂ ਬਾਲਾਸਾਹੇਬ ਜਾਧਵ ਨੇ ਹਾਈ ਫਾਈਵ ਕਰਦੇ ਹੋਏ 6 ਟੈਕਲ ਪੁਆਇੰਟਸ ਹਾਸਲ ਕੀਤੇ। ਇਸ ਸੀਜ਼ਨ 'ਚ ਕਿਸੇ ਵੀ ਟੀਮ ਦਾ ਇਹ ਸਭ ਤੋਂ ਵੱਡਾ ਸਕੋਰ ਸੀ ਜਦਕਿ ਪ੍ਰੋ ਕਬੱਡੀ ਇਤਿਹਾਸ 'ਚ ਵੀ ਦਿੱਲੀ ਨੇ ਇਕ ਮੈਚ 'ਚ ਆਪਣੇ ਸਰਵਸ੍ਰੇਸ਼ਠ 55 ਅੰਕਾਂ ਨੂੰ ਪਿੱਛੇ ਛੱਡ ਦਿੱਤਾ। ਇਕ ਮੈਚ 'ਚ 100 ਅੰਕ ਬਣੇ ਜੋ ਪ੍ਰੋ ਕਬੱਡੀ ਇਤਿਹਾਸ ਦਾ ਇਕ ਮੈਚ 'ਚ ਦੂਜਾ ਸਭ ਤੋਂ ਹਾਈ ਸਕੋਰਿੰਗ ਮੈਚ ਰਿਹਾ।
ਭਾਰਤੀ ਤਲਵਾਰਬਾਜ਼ ਭਵਾਨੀ ਦੇਵੀ ਨੇ ਬੈਲਜੀਅਮ ਟੂਰਨਾਮੈਂਟ 'ਚ ਜਿੱਤਿਆ ਚਾਂਦੀ ਤਮਗਾ
NEXT STORY 
