ਨਵੀਂ ਦਿੱਲੀ - ਭਾਰਤੀ ਸਟਾਰ ਆਲਰਾਊਂਡਰ ਹਾਰਦਿਕ ਪੰਡਯਾ ਦਾ ਨਾਂ ਹੁਣ ਮਸ਼ਹੂਰ ਗੀਤ ‘ਡੀਜੇ ਵਾਲਾ ਬਾਬੂ’ ਫੇਮ ਅਭਿਨੇਤਰੀ ਨਤਾਸ਼ਾ ਸਟੇਨਕੋਵਿਕ ਨਾਲ ਜੋੜਿਆ ਜਾ ਰਿਹਾ ਹੈ। ਨਤਾਸ਼ਾ ਬਿਹਤਰੀਨ ਡਾਂਸਰ ਵੀ ਹੈ। ਇਸ ਕਾਰਣ ਉਹ ਨੱਚ-ਬੱਲੀਏ-9 ਵਿਚ ਵੀ ਹਿੱਸਾ ਲੈ ਚੁੱਕੀ ਹੈ।
ਦੱਸਿਆ ਜਾਂਦਾ ਹੈ ਕਿ ਬਾਲੀਵੁੱਡ ਗਲਿਆਰਿਆਂ ਦੀਆਂ ਪਾਰਟੀਆਂ ਵਿਚ ਹੀ ਹਾਰਦਿਕ ਤੇ ਨਤਾਸ਼ਾ ਦੀ ਪਹਿਲੀ ਮੁਲਾਕਾਤ ਹੋਈ ਸੀ, ਜਿਸ ਤੋਂ ਬਾਅਦ ਦੋਵੇਂ ਅਕਸਰ ਇਕੱਠੇ ਦੇਖੇ ਜਾਣ ਲੱਗੇ। ਹਾਰਦਿਕ ਕਿਉਂਕਿ ਵੈਸਟਇੰਡੀਜ਼ ਦੌਰੇ ਦੌਰਾਨ ਰੈਸਟ ’ਤੇ ਸੀ, ਇਸ ਲਈ ਉਸਦੀ ਨਤਾਸ਼ਾ ਨੂੰ ਡੇਟ ਕਰਨ ਦੀ ਸੰਭਾਵਨਾ ਹੋਰ ਵਧ ਗਈ ਹੈ।
ਨਤਾਸ਼ਾ ਮੂਲ ਰੂਪ ਨਾਲ ਸਰਬੀਆ ਦੀ ਰਹਿਣ ਵਾਲੀ ਹੈ। ਉਹ ਪਹਿਲੀ ਵਾਰ ਮਸ਼ਹੂਰ ਰੈਪਰ ਬਾਦਸ਼ਾਹ ਦੇ ਗੀਤ ‘ਡੀਜੇ ਵਾਲਾ ਬਾਬੂ’ ਵਿਚ ਆਈ ਸੀ। ਇਸ ਗੀਤ ਵਿਚ ਨਤਾਸ਼ਾ ਦੀ ਲੁਕ ਨੂੰ ਬੇਹੱਦ ਪਸੰਦ ਕੀਤਾ ਗਿਆ ਸੀ। ਰਿਐਲਟੀ ਡਾਂਸ ਸ਼ੋਅ ਨੱਚ ਬੱਲੀਏ-9 ਵਿਚ ਹਿੱਸਾ ਲੈਣ ਕਾਰਣ ਨਤਾਸ਼ਾ ਪਹਿਲਾਂ ਤੋਂ ਹੀ ਚਰਚਾ ਵਿਚ ਸੀ। ਇਸ ਤੋਂ ਬਾਅਦ ਉਹ ਬਿੱਗ ਬੌਸ ਦੇ ਸੈਸ਼ਨ-8 ਵਿਚ ਵੀ ਨਜ਼ਰ ਆਈ।
ਦੱਸਿਆ ਜਾ ਰਿਹਾ ਹੈ ਕਿ ਖੁਦ ਹਾਰਦਿਕ ਨੇ ਹੀ ਨਤਾਸ਼ਾ ਨੂੰ ਆਪਣੇ ਪਰਿਵਾਰ ਨਾਲ ਮਿਲਾਇਆ ਹੈ। ਹਾਰਦਿਕ ਨੇ ਆਪਣੀ ਭਾਬੀ ਪੰਖੁੜੀ (ਕਰੁਣਾਲ ਪੰਡਯਾ ਦੀ ਪਤਨੀ) ਦੇ ਨਾਲ ਨਤਾਸ਼ਾ ਨੂੰ ਇਹ ਕਹਿ ਕੇ ਮਿਲਵਾਇਆ ਸੀ ਕਿ ਉਹ ਉਸਦੀ ਗਰਲਫ੍ਰੈਂਡ ਹੈ। ਹਾਲਾਂਕਿ ਇਸ ਗੱਲ ਦੀ ਪੁਸ਼ਟੀ ਅਜੇ ਤਕ ਨਹÄ ਹੋ ਸਕੀ ਹੈ ਪਰ ਗਲੈਮਰ ਦੇ ਗਲਿਆਰਿਆਂ ਵਿਚ ਲੋਕ ਇਸ ਗੱਲ ਦੀ ਚਰਚਾ ਕਰਦੇ ਹੋਏ ਦਿਸ ਰਹੇ ਹਨ।
ਭਾਰਤ ਤੇ ਨੇਪਾਲ ਅੰਡਰ-15 ਸੈਫ ਚੈਂਪੀਅਨਸ਼ਿਪ ਦੇ ਫਾਈਨਲ ’ਚ
NEXT STORY 
