ਭੁਵਨੇਸ਼ਵਰ- ਭਾਰਤੀ ਪੁਰਸ਼ ਹਾਕੀ ਟੀਮ ਐੱਫ. ਆਈ. ਐੱਚ. ਪ੍ਰੋ ਲੀਗ ਦੇ ਦੋ ਮੈਚਾਂ ਵਾਲੇ ਮੁਕਾਬਲੇ ਦੇ ਦੂਜੇ ਮੈਚ ਵਿਚ ਐਤਵਾਰ ਨੂੰ ਇੱਥੇ ਕਲਿੰਗਾ ਸਟੇਡੀਅਮ ਵਿਚ ਸਪੇਨ ਤੋਂ 3-5 ਨਾਲ ਹਾਰ ਗਈ। ਦੁਨੀਆ ਦੀ ਚੌਥੇ ਰੈਂਕਿੰਗ ਦੀ ਟੀਮ ਭਾਰਤ ਨੇ ਸ਼ਨੀਵਾਰ ਨੂੰ ਪਹਿਲੇ ਪੜਾਅ ਦੇ ਮੈਚ ਦੇ ਆਖਰੀ ਮਿੰਟ ਵਿਚ ਗੋਲ ਕਰ ਸਪੇਨ ਨੂੰ 5-4 ਨਾਲ ਹਰਾ ਕੇ ਰੋਮਾਂਚਕ ਜਿੱਤ ਦਰਜ ਕੀਤੀ ਸੀ ਪਰ ਐਤਵਾਰ ਨੂੰ ਦੁਨੀਆ ਦੀ 9ਵੇਂ ਨੰਬਰ ਦੀ ਟੀਮ ਸਪੇਨ ਨੇ ਆਪਣੇ ਪੈਨਲਟੀ ਕਾਰਨਰ ਦੇ ਸਟੀਕ ਇਸਤੇਮਾਲ ਨਾਲ ਮੇਜ਼ਬਾਨ ਟੀਮ ਨੂੰ ਪੂਰੀ ਤਰ੍ਹਾਂ ਪਛਾੜ ਦਿੱਤਾ।
ਇਹ ਖ਼ਬਰ ਪੜ੍ਹੋ- ਰੋਹਿਤ ਬਣੇ ਸਭ ਤੋਂ ਜ਼ਿਆਦਾ ਟੀ20 ਖੇਡਣ ਵਾਲੇ ਖਿਡਾਰੀ, ਇਨ੍ਹਾਂ ਦਿੱਗਜ ਖਿਡਾਰੀਆਂ ਨੂੰ ਛੱਡਿਆ ਪਿੱਛੇ
ਟੋਕੀਓ ਓਲੰਪਿਕ ਕਾਂਸੀ ਤਮਗਾ ਜੇਤੂ ਭਾਰਤ ਨੇ ਅਭਿਸ਼ੇਕ ਦੇ ਗੋਲ ਨਾਲ ਮੈਚ ਦੇ 6ਵੇਂ ਮਿੰਟ ਵਿਚ ਬੜ੍ਹਤ ਬਣਾ ਲਈ। ਇਸ ਤੋਂ ਬਾਅਦ ਸਪੇਨ ਨੇ ਪਾਓ ਕੁਨਿਲ (14ਵੇਂ, 24ਵੇਂ) ਦੇ 2 ਪੈਨਲਟੀ ਅਤੇ ਜੋਨ ਟੈਰੇਸ (14ਵੇਂ) ਦੇ ਮੈਦਾਨ ਗੋਲ ਨਾਲ ਆਪਣੀ ਬੜ੍ਹਤ 3-1 ਕਰ ਲਈ। ਪੇਪੇ ਕੁਨਿਲ (54ਵੇਂ) ਅਤੇ ਕਪਤਾਨ ਮਾਰਕ ਮਿਰਾਲੇਸ (59ਵੇਂ) ਨੇ 2 ਅਤੇ ਪੈਨਲਟੀ ਕਾਰਨਰ ਨੂੰ ਗੋਲ ਵਿਚ ਬਦਲ ਕੇ ਮੇਜ਼ਬਾਨ ਟੀਮ ਦੀ ਜਿੱਤ ਪੱਕੀ ਕਰ ਦਿੱਤੀ। ਭਾਰਤ ਵਲੋਂ ਹਰਮਨਪ੍ਰੀਤ ਸਿੰਘ (27ਵੇਂ) ਅਤੇ ਸੁਖਜੀਤ ਸਿੰਘ (51ਵੇਂ) ਨੇ ਦੋ ਹੋਰ ਗੋਲ ਕੀਤੇ। ਐੱਫ. ਆਈ. ਐੱਚ. ਪ੍ਰੋ ਲੀਗ ਵਿਚ ਇਹ ਭਾਰਤ ਦੀ ਦੂਜੀ ਹਾਰ ਹੈ। ਟੀਮ ਨੂੰ ਇਸ ਤੋਂ ਪਹਿਲਾਂ ਦੱਖਣੀ ਅਫਰੀਕਾ ਵਿਚ ਫਰਾਂਸ ਨੇ 2-5 ਨਾਲ ਹਰਾਇਆ ਸੀ। ਲੀਗ ਵਿਚ ਆਪਣੀ ਦੂਜੀ ਹਾਰ ਦਰਜ ਕਰਨ ਦੇ ਬਾਵਜੂਦ ਭਾਰਤ ਅੰਤ ਸੂਚੀ ਵਿਚ 6 ਮੈਚਾਂ ਵਿਚੋਂ 12 ਅੰਕਾਂ ਦੇ ਨਾਲ ਦੂਜੇ ਸਥਾਨ 'ਤੇ ਹੈ। ਟੀਮ ਨੇ ਚਾਰ ਜਿੱਤ ਦਰਜ ਕੀਤੀ ਹੈ। ਭਾਰਤ ਦਾ ਅਗਲਾ ਮੁਕਾਬਲਾ ਇੱਥੇ 12 ਅਤੇ 13 ਮਾਰਚ ਨੂੰ ਜਰਮਨੀ ਨਾਲ ਹੋਵੇਗਾ।
ਇਹ ਖ਼ਬਰ ਪੜ੍ਹੋ- FIH ਪ੍ਰੋ ਲੀਗ : ਕਾਂਟੇ ਦੇ ਮੁਕਾਬਲੇ 'ਚ ਭਾਰਤ ਨੇ ਸਪੇਨ ਨੂੰ 5-4 ਨਾਲ ਹਰਾਇਆ
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
ਭਾਰਤੀ ਮਹਿਲਾ ਟੀਮ FIH ਪ੍ਰੋ ਲੀਗ 'ਚ ਸਪੇਨ ਤੋਂ 3-4 ਨਾਲ ਹਾਰੀ
NEXT STORY 
