ਹਲਵਾਰਾ (ਲਾਡੀ)- ਹਲਵਾਰਾ ਦੇ ਨਾਲ ਲੱਗਦੇ ਪਿੰਡ ਅੱਬੂਵਾਲ ਦੀ ਗੁਰਬਾਣੀ ਕੌਰ ਨੇ ਸ਼ਨੀਵਾਰ ਨੂੰ ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਵਿੱਚ ਹੋਈ 42ਵੀਂ ਰਾਸ਼ਟਰੀ ਸੀਨੀਅਰ ਰੋਇੰਗ ਚੈਂਪੀਅਨਸ਼ਿਪ ਵਿੱਚ ਸੋਨ ਤਗਮਾ ਜਿੱਤ ਕੇ ਪੰਜਾਬ ਦਾ ਨਾਮ ਰੌਸ਼ਨ ਕੀਤਾ। ਰੋਇੰਗ ਮਹਿਲਾ ਕੌਕਸਲੈੱਸ ਟੀਮ ਪੇਅਰ ਸਕਲ ਈਵੈਂਟ ਵਿੱਚ ਆਲ ਇੰਡੀਆ ਪੁਲਸ ਲਈ ਖੇਡਦਿਆਂ, ਗੁਰਬਾਣੀ ਕੌਰ ਨੇ ਆਪਣੀ ਸਾਥੀ ਦਿਲਜੋਤ ਕੌਰ ਨਾਲ ਮਿਲ ਕੇ 2 ਕਿਲੋਮੀਟਰ ਲੰਬੀ ਦੌੜ ਵਿੱਚ ਖਿਤਾਬ ਜਿੱਤਿਆ।
ਭੋਪਾਲ ਤੋਂ ਫ਼ੋਨ 'ਤੇ ਗੱਲ ਕਰਦੇ ਹੋਏ ਗੁਰਬਾਣੀ ਕੌਰ ਨੇ ਦੱਸਿਆ ਕਿ ਉਸਨੇ ਦੇਸ਼ ਦੀਆਂ 9 ਸਰਵੋਤਮ ਟੀਮਾਂ ਨੂੰ ਹਰਾ ਕੇ ਸੋਨ ਤਗਮਾ ਜਿੱਤਿਆ ਹੈ। ਟੀਮ ਈਵੈਂਟ ਵਿੱਚ ਕੇਰਲ ਦੀ ਵਿਨੀਜਾ ਮੋਲ ਬੀ ਅਤੇ ਅਲੀਨਾ ਐਂਟੋ ਦੀ ਜੋੜੀ ਨੇ ਚਾਂਦੀ ਦਾ ਤਗਮਾ ਜਿੱਤਿਆ ਅਤੇ ਪੰਜਾਬ ਦੀ ਜੈਸਮੀਨ ਕੌਰ ਅਤੇ ਜਸ਼ਨਪ੍ਰੀਤ ਕੌਰ ਨੇ ਕਾਂਸੀ ਦਾ ਤਗਮਾ ਜਿੱਤਿਆ। 42ਵੀਂ ਰਾਸ਼ਟਰੀ ਸੀਨੀਅਰ ਰੋਇੰਗ ਚੈਂਪੀਅਨਸ਼ਿਪ ਵਿੱਚ, ਐੱਸਐੱਸਸੀਬੀ ਟੀਮ ਨੇ ਕੁੱਲ 7 ਸੋਨ ਤਗਮੇ ਜਿੱਤ ਕੇ ਸਮੁੱਚੀ ਚੈਂਪੀਅਨਸ਼ਿਪ ਜਿੱਤੀ।
ਚੈਂਪੀਅਨਸ਼ਿਪ ਵਿੱਚ, ਗੁਰਬਾਣੀ ਕੌਰ ਦੀ ਆਲ ਇੰਡੀਆ ਪੁਲਸ ਓਵਰਆਲ ਦੂਜੇ ਸਥਾਨ 'ਤੇ ਰਹੀ ਅਤੇ ਕੇਰਲ ਦੀ ਟੀਮ ਤੀਜੇ ਸਥਾਨ 'ਤੇ ਰਹੀ। ਇਹ ਧਿਆਨ ਦੇਣ ਯੋਗ ਹੈ ਕਿ ਰੋਇੰਗ ਵਿੱਚ ਆਪਣਾ ਨਾਮ ਕਮਾਉਣ ਦੇ ਨਾਲ-ਨਾਲ, ਗੁਰਬਾਣੀ ਦੇਸ਼ ਦੀ ਸੇਵਾ ਵੀ ਕਰ ਰਹੀ ਹੈ। ਮੱਧ ਪ੍ਰਦੇਸ਼ ਦੇ ਭੋਪਾਲ ਵਿੱਚ ਆਈਟੀਬੀਪੀ ਵਿੱਚ ਤਾਇਨਾਤ ਗੁਰਬਾਣੀ ਚੰਡੀਗੜ੍ਹ ਟੈਕਨੀਕਲ ਯੂਨੀਵਰਸਿਟੀ ਤੋਂ ਐਮ.ਪੀ.ਐੱਡ ਵੀ ਕਰ ਰਹੀ ਹੈ। ਇਸ ਤੋਂ ਪਹਿਲਾਂ, ਗੁਰਬਾਣੀ ਨੇ ਆਲ ਇੰਡੀਆ ਇੰਟਰ ਯੂਨੀਵਰਸਿਟੀ ਖੇਡਾਂ 2022 ਵਿੱਚ ਸੋਨ ਤਮਗਾ, 2023 ਵਿੱਚ ਸੋਨ ਤਮਗਾ, 2023 ਵਿੱਚ ਗੋਆ ਦੀਆਂ ਰਾਸ਼ਟਰੀ ਖੇਡਾਂ ਵਿੱਚ ਚਾਂਦੀ ਅਤੇ 2024 ਵਿੱਚ ਰਾਸ਼ਟਰੀ ਚੈਂਪੀਅਨਸ਼ਿਪ ਵਿੱਚ ਸੋਨ ਤਮਗਾ ਜਿੱਤਿਆ ਹੈ।
ਚੈਂਪੀਅਨਜ਼ ਟਰਾਫੀ: ਰਚਿਨ ਰਵਿੰਦਰ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਖਿਡਾਰੀ ਬਣੇ
NEXT STORY 
